ازرار التواصل



رواية قصة عشق الجزء الأول للكاتبة سحر فرج الفصل الحادي والعشرون

عدى بصدمه يا لهوى .. هدى بتحبنى انا ومن زمان كمان .. اه يا واد يا عدى يا اللى البنات كلها بلا استثناء هاتمووووت على نظره منك .. ااااه يا روميو انت .. بس مكنتش اتوقع ابدا ان هدى بنت عمى .. قصدى بنت عمتى .. يوووه انا عارف بنت مين فيهم المهم ان هدى بتحبنى انا .. يا واد يا مووووز انت يا مجننهم
وفجأه حس بحته قفا نازل على قفاه رن حته رنه وده اللى صدمه و خلاه يلف بسرعه علشان يشوف مين اتجرأ وعمل فيه كده .

عدى بكل غيظ بيلف وبيقول اااه يا ابن ال...
الا واتفاجأه بجده الحاج صفوان وهو بيقول كمل كمل يا ابو لسان زفر كنت هاتشتم ولا ايه يا واااد انت انطق .

عدى بيدعك فى قفاه وبيقول لا ابدا يا حاج هو انا اقدر معلش اصل اتفاجات باللى نزل على قفايا ده وقولت هو القطر عدى عليه ولا ايه او افتكرت حد من العيال بيهزر برخامه شويه معايا .
الحاج صفوان باستغراب .. انت واقف كده ليه وبتكلم فى نفسك يا واد انت .. تعال ورايا نقعد وتقولى فى ايه بالضبط وايه حكايتك .
عدى بيبرطم بالكلام ويقول .. يا دى النيله السودا اقعد واقول ايه بس .

الحاج صفوان .. بتبرطم وبتقول ايه واد انت انت اتجننت النهارده ولا ايه !!!!!
عدى .. ابدا يا جدى مفيش حاجه .. اصل كنت واقف وبدور على الواد فهد وكنت بكلم نفسى وبقول .. يا ترى انت فين يا فهد يا ابن عمى .
الحاج صفوان بنصاحه بصله وقال .. ماشى يا عدى مش عاوز اضغط عليك لان مسيرى اعرف وهاتبقى وقعتك سودا منى ساعتها وروح شوف ولاد عمك فين والبنات كمان مش شايف حد فيهم خالص كده ليه .

عدى .. انا لسه شايفهم دخلوا المطبخ يا جدى بيجهزوا للفطار ومعاهم فارس كمان .. بس معرفش قصى وفهد فين ما شوفتهمش خالص .
الحاج صفوان.. طيب روح ناديلى جدتك من جوا وقولها انى جيت وعاوزها .
عدى .. حاضر يا جدى فوريرة واجبهالك

وبعد حوالى ساعتين عدى الوقت والكل كان اتجمع على سفره واحده وفطروا وبعدها انتشرو كل جزء مع بعضه .
فارس وعدى وفهد خدوا كوبيات الشاى بتاعتهم وراحوا وقعدوا فى الجنينه زى ما طلب منهم عدى وبلغهم ان فى موضوع ضرورى ولازم يقولهم عليه .

وده اللى خلى فارس بذات يستغرب من كده وراح يشوف موضوع ايه ده .
لكن فهد كان متعود على حركات عدى وماستغربش لانه توقع انها تكون حاجه هايفه من حاجاته المعروف بيها دايما .
واتجمع الشباب التلاته وقعدوا وبدا فارس بالكلام وقال .. خير يا استاذ انت فى ايه ؟

عدى بص يمين وبعدها بص شمال وكأنه بيسرق وقرب براسه ليهم وقال .. عندى ليكم خبر جامد اوى ولازم تعرفوه قربوا سويه علشان الحيطان ليها ودان .
فهد .. خير يا بتاع انت انطق مش وقت استظرافك ده .
عدى .. بس بشرط اللى هاقوله ده ما يطلعش لبرة غيرنا احنا التلاته ماشى .
فارس .. اخلص يا عدى احسن والله هاقوم واسيبكم .
عدى .. يا ابنى اصبر واقعد بس والله ما هاتندم .

فهد .. اشطى يا معلم والله انا عارف انه هايطلع موضوع اهبل زيك فى الاخر اخلص و انطق بقى واصبر يا فارس لما نشوف حكايته ايه الواد ده .
وبدا عدى بالكلام وقال من غير اى مقدمات .. ملك بتحبك يا فهد وانت يا فارس بتحب سلمى اختى وسلمى كمان الظاهر عليها بتحبك .
فارس اتصدم وقام وقف وقال .. والله انت عيل رخم مين قالك الكلام الفارغ ده .

عدى.. بقولك ايه انا شوفت كل اللى حصل بينك انت وسلمى عند السفرة وشوفت نظراتك ليها وهى كمان وكنت ملاحظ الحاجات دى من ساعه ما رجعت من السفر وكنت بكدب نفسى .. وبعدين دى اختى ولازم اطمن عليها واخد بالى منها .. واعرف فعلا انت بتحبها ولا بتتسلى بيها ولا ايه
فهد .. طيب فارس وسلمى وشوفتهم عند السفرة وشوفت نظراتهم لبعض لكن ملك انا ولا شوفتها ولا بقف معاها اصلا لوحدنا عرفت ازاى انها بتحبنى .
عدى حكاله على اللى سمعه منها هى وهدى وقالهم ان هدى كمان الظاهر عليها بتحبه وهو مش حاسس ولا عارف بكده .
المهم دلوقتى يا فارس يا ابن عمى وكلام راجل لراجل انت بتحب اختى سلمى ولا لاااا .

فارس بقى يفرك فى ايده لانه مكنش متوقع ابدا انه يقعد فى قاعده زى كده وكمان اودام عدى الاهبل ده وبصله وقال .. ايوا يا عدى انا بحب سلمى ومن زمان اوى وان شاء الله عاوز اعترف لها بكده ولو وافقت هاخطبها على طول .
عدى وانا كده استريحت علشان انت مخبتش عليا واتاكدت انك فعلا بتحب سلمى .
وانت يا استاذ فهد مفيش اى حاجه جواك مخبيها من ناحيه ملك .

فهد باستغراب .. حاجه ايه يا اخويا .. انا ولا بتاع حب ولا الكلام ده انت فاهم وبعدين وقت ما هاحب وافكر ارتبط بحد مش هاتكون ملك يعنى .
فارس باستغراب ... ليه بتقول كده يا فهد .. دى ملك جميله ومحترمه ومؤدبه وبتحبك وباين عليها ده اوى .. مش زى الاشكال اللى انت كنت تعرفها برة .
فهد .. بقولك ايه يا فارس انت وهو محدش ليه دعوة بيا خليكم فى نفسكم .. وبعدين تعال هنا يا استاذ عدى .. طيب ما انت عرفت اهو ان هدى بتحبك .. حلال عليك وحبها انت كمان وسيبك منى .

عدى .. بص يا فهد انا اه بهزر وبضحك وبكلم بنات بعدد شعر راسى بس عمرى ما هافكر انى احب او اتجوز واحدة منهم لكن وقت ما هافكر انى اتجوز هاتجوز واحده زى هدى لانها بنت محترمه ومتربيه وعارف اصلها كويس ومتاكد انها عمرها ما عرفت حد من بره والصنف اللى زى ده وقت ما بيحب بيحب من قلبه وتقدر تسيبها فى وسط ميت راجل وانت عارف انها تقدر تحافظ على نفسها كويس اوى .

فارس .. هو ده عدى ابن عمى اللى مهما يلف ويدور ويعرف بنات لكن جواه الراجل الصعيدى الشهم الجدع عاااااش يا معلم .
وحاول تبص لهدى بنظرة تانيه جايز تشوف حاجه انت مش شايفها فيها وبعدها تعجب بيها وتحبها وتبطل لف ودوران .
وفضلوا يرغوا ويرغوا كتيييير وبعدها قام عدى وفهد وخدوا مفاتيح العربيه علشان يروحوا يتسحروا بره مع صحابهم وطلبوا من فارس انه يروح معاهم بس هو مرديش وفضل انه يقعد فوق مع قصى .

وعند سليم فى الفيلا اللى كان قاعد فى اوضه المكتب وبيتكلم مع حسام على الموبيل عن اخر تطورات المشروع بتاع الغردقه اللى بقالهم فترة شغالين عليه وان خلال اربع ايام هايكون الافتتاح بتاع الفندق هناك .
سليم .. تمام يا حسام وحاول تسبق انت بعد بكرة علشان تشرف بنفسك على كل حاجه لحد ما اجيلك بعدها بيوم .
حسام .. مفيش مشكله خالص اهو بالمرة اغير جو شويه .. وانت تبقى تحصلنى انت ويارا .

سليم .. لا انا اللى هابقى اجى لوحدى وهاخلى يارا فى الشركه لان مش معقول نسافر كلنا ونسيب الشركه لوحدها يا هندسه .
وبالمرة ابقى جيب حد ينضف الشاليه بتاعى ويملى التلاجه والديب فريزر اكل وفاكهه وجهز كل حاجه فيه بنفسك .
حسام .. وايه لزومه الشاليه اومال احنا كنا بنعمل هناك فندق ليه يا عم انت .
سليم .. نفذ اللى قولتلك عليه وبطل لت وعجن كتير فاهم يا حسام .

حسام .. مش عارف ليه حاسس انك بتفكر فى شىء غير موضوع الافتتاح وشاغلك اليومين دول من ساعه ما اللى اسمها اختك دى ظهرت فى حياتك .
سليم بعصبيه رد وقال .. حسام .. اللى اسمها ايه دى اسمها هدى وتبقى اختى وماسمحلكش تتكلم عنها بالمنظر ده فاهم .
حسام .. خلاص يا عم متزعلش نفسك اوى كده حقك عليا والله ما اقصد حاجه .. يالا اسيبك بقى واروح اتسحر سلام .
سليم .. سلام .

وعند البنات اللى كانت متجمعه وقاعده فى اوضه سلمى هدى غمزت لملك وقالت .. سلمى عاوزة انا وملك نعترفلك بحاجه.
سلمى .. خير يا اختى انتى وهى فى ايه ؟
ملك .. انا اللى هاتكلم واقول استنى انتى يا هدى .. سلمى على بلاطه كده .. فارس بيحبك وانتى كمان بتحبيه اعترفى !!!!!!
سلمى وشها جاب ميت لون واتكسفت اوى لانها ما توقعتش سؤال زى كده وبخجل قالت .. مين قال ليكم ان فارس بيحبنى ؟
هدى .. كل الدلائل والأدله بتشير لكده اعترفى بقى .
ملك .. اه يا سلمى قولى بقى والنبى بتحبى فارس ولا لا .

سلمى بكل خجل بصت ليهم وقالت .. انا مش هانكر انى معجبه بيه وبالذات من ساعه ما رجع من السفر انا معترفه بكده بس مش لدرجه حب فاهمينى ما وصلتش لكده .. وبالنسبه لفارس ساعات بحس من نظراته ليه انه معجب بيا او بيحبنى مش عارفه .
ملك بفرحه .. ايوا بقى يا سلمى وقريبا ستلتقون مع عروسه المستقبل تصفييييق حااااااد
هدى .. قوللهم بقى يا ملك انتى كمان بتحبى ميييين ؟
ملك .. يا سلاام يا اختى ما اقولهم انتى بتحبى مين مش انا بحب مين .

سلمى .. ايه ده هو انتم بتحبوا من ورانا ولا ايه انا وفرح .. الحقى يا فرح العيال دى بتحب من ورانا !!!!!
فرح كانت سرحانه وفى دنيا غير الدنيا وعماله تخطط ازاى تقدر تغيظ قصى بسليم ومش واخده بالها ان سلمى بتكلمها .
سلمى .. اييييه نحن هنا .. روحتى فين يا فرح .
فرح .. بتقولى ايه بنتى انا مخدش بالى.

سلمى .. لااااا وبدات تحكى ليها على الحكايه وده اللى خلاها تستغرب ان اخوها فارس بيحب سلمى .
وان ملك وهدى كمان بيحبوا حد .

فرح بفضول .. ويا ترى يا ست هدى انتى وملك هانم بتحبوا مين ولا تحبوا اقولكم انا
البنات اتفاجؤا بكلام فرح وقالوا انتى تعرفى ولا ايه .
فرح طبعا يا بنتى ده انتم هبل اوى وبيبان عليكم .. هدى شكلها بتحب عدى وانتى يا ست ملك بتحبى فهد ومكشوفه اوى وباين عليكم .
سلمى .. وانتى يا فرح اقولك انتى بتحبى مين .. بتحبى قصى اخويا صح ولا غلط .

فرح اتصدمت من كلام سلمى وقامت وقفت وحطت ايديها فى وسطها وبان عليها الزعل وقالت .. قصى ايه ده اللى احبه يا سلمى استحاله طبعا .. اللى زيه ده مش بيحب غير المصنع والشحم بتاعه .

سلمى .. لا بتحبيه يا فرح وهو كمان بيحبك ما تكدبيش على نفسك بس انتى مستكبرة تعترفى لنفسك بالحب ده وعلى طول بتصديه وتجرحيه .. انتى مفكرانى مش واخده بالى من اللى بتعملوه فى بعض ولا ايه .. ده واضح اوى يا فرح.. وياريت تدوا لبعض فرصه علشان خاطر الحب ده يعيش .
فرح مش عاجبها الكلام بتاع سلمى وبرضه بتعاند نفسها وبصت ليهم كلهم وقالت .. ده اخر واحد فى الدنيا أفكر فيه ومحدش يفتح الموضوع ده تانى اودامى ماشى وخدت بعضها وفتحت باب الاوضه ونزلت على تحت .

جه ميعاد النوم والكل كان نايم فى سريره بيفكر فى الكلام اللى حصل بينهم كلهم .
الا قصى اللى مكنش جايله نوم خالص وعمال يفكر فى فرح واللى بتعمله دايما معاه .
وبينه وبين نفسه بيقول .. هى بتعمل معايا كده ليه .. ليه عمرها ما بتدينى فرصه انى اعترف لها بحبى واقولها انا بعشقها اد ايه .
ليه دايما بتصدنى وبتهينى وانا بحبها الحب ده كله وعمرى ما قدرت انى احب حد تانى غيرها هى .
ليه يا فرح ليييييه ؟

لحد ما مد ايده على الكوميدينوا اللى جنب السرير بتاعه وخد موبيله وشاف ان اذان الفجر فاضله حوالى تلت أربع دقايق فقام وفتح الباب ونزل على تحت يشرب من المطبخ .
وفتح باب التلاجه وخرج ازازة وشرب ولسه هايخرج من المطبخ اتفاجأه بفرح وهى داخله على المطبخ وكأن القدر حب يجمعهم فى لحظه زى كده .
وقف مكانه وهى كمان وقفت وعيونهم اتلاقت مه بعض.
نظره قصى ليها كانت كلها عتاب وحزن وحب فى نفس الوقت .
لكن هى نظرتها ليه كانت كلها تحدى وتوعد وانتظرت انه يبعد علشان هى تدخل لكن هو متحركش من مكانه .

فرح .. بعد اذنك عاوزة الحق ادخل واشرب قبل ما الفجر هايأذن .
قصى حب يستفزها وقال .. ما تعدى حد مانعك .
فرح .. اوعى يا قصى بقى ووسع علشان الحق الفجر هاياذن وانا عطشانه .
فوسع لها قصى وفضل باصص عليها لحد ما يادوبك فتحت باب التلاجه ومدت اديها تجيب ازازة الا وسمعوا المؤذن بيقول الله اكبر .
فارزعت الازازة فى التلاجه وبكل غضب بصت لقصى وقالت .. عجبك كده اهو الفجر اذن من غير ما اشرب ده انت رخم اوى ومستفز على فكره .
وسابته وطلعت جرى على اوضتها .

قصى ابتسم وقال .. مجنونه اقسم بالله .. بس بمووووت فيكى .
وطلع على اوضته ونام على سريره وفضل يفكر ويفكر فيها لحد ما طلع النهار والشمس نورت الدنيا كلها بحرارتها وضوءها ودفئها .
الحاجه انعام كانت يا دوبك مخلصه الصلى وقعدت تسبح شويه وتذكر ربنا لحد ما دخل عليها سليم بوشه البشوش واتفاجأت بيه .

سليم ... السلام عليكم .. وقرب من جدته وباسها .
الحاجه انعام .. وعليكم السلام يا حبيب جدتك اللى وحشتها اوى اوى .. تعال اقعد يا حبيبى جنبى وطمنى عليك وعلى جدتك .
سليم .. كلنا بخير والله يا حبيبتى اطمنى .. اخباركم انتم ايه وفين البت هدى وباقى البنات مش شايفهم ليه اوعوا يكونوا لسه نايمين .

الحاجه انعام .. كلنا بخير يا قلب جدتك اطمن وزمان البنات صحيت انا لسه من شويه بعتالهم فاتن مرات خالك تصحيهم .
ويادوبك مكملتش كلامها غير وهدى نازله من فوق بسرعه فرحانه اول لما سمعت صوت سليم فانزلت على طول من فوق وسلمت عليه .
هدى .. ايه المفاجاه الحلوة دى .. انا اول لما سمعت صوتك نزلت على طول .

سليم بحنيه .. طيب قولى صباح الخير الاول
وبعدين اتكلمى .. انا قولت اجى علشان افرحك بمفاجاه حلوة انتى وباقى البنات والشباب .
هدى بفرحه .. ايه ده بجد عندك مفاجاه حلوة وعمال تتكلم قول بسرعه هى ايه يا سليم .
سليم .. لاااااا مش قبل ما البنات كلها تيجى واقولكم كلكم .

هدى قامت وقفت وقالت ثانيه وتلاقيهم اودام عنيك وجريت على فوق وبصوت عالى .
ياااااااا سلمى
ياااااا فرح
ياااا ملك
تعالوا بسرعه سليم جه وعنده مفاجاه حلوة لينا يالا بسرعه .
وعلى صوتها العالى ده خرج الحاج صفوان من اوضته وقال .. فى ايه يا هدى عامله هيصه كده ليه على الصبح .

هدى بتنهج من كتر الجرى وقالت ... ابدا يا جدى اصل سليم اخويا جه تحت وعنده مفاجاه حلوة ومش عاوز يقولى عليها غير لما البنات تنزل كلها .. هاروح انده عليهم بسرعه سلام .
الحاج صفوان .. طيب على مهلك ما تجريش لا تقعى وانا هانزل اسلم على سليم اصله وحشنى اوى .
ونزل الحاج صفوان وراح ناحيه الحاجه انعام وسليم اللى اول لما شاف جده قرب منه وحضنه وباسه .

الحاج صفوان .. اذيك يا سليم يا ولدى اخبارك ايه وازى جدتك وعمك جبل .
سليم .. الحمد لله يا جدى كلهم بخير والله .
انت .........
ولسه هايكمل كلامه الا هدى والبنات كانوا نزلوا كلهم من فوق وسلموا على سليم وقعدوا .
هدى بفضول وفرحه .. جبتهم اهم يا سليم قول بقى مفاجآت ايه ؟؟؟

سليم .. يا بنتى اصبرى اكلم جدك الاول واطمن على صحته .
هدى .. يا عم جدى كويس اهو وزى الفل .. قوله يا جدى انك كويس علشان يقولنا على المفاجاه.
الحاج صفوان .. انا بخير والله يا ولدى والحمد لله اطمن وريحها بقى وقولهم على اللى عندك علشان يبطلوا زن .
سليم بحب .. دايما بخير يا جدى .. وبص لفرح وكأنه شايف امه اودامه وقال وانتى يا فرح عامله ايه؟

هدى .. ياااااا لهوى عليك يا سليم يا ابنى قول هى كويسه اودامك اهى قول بقى.
سليم .. انا عارف انك مش هاتستريحى غير لما تعرفى ..
يا ستى المفاجاه هى ؟؟؟؟؟؟؟؟؟؟؟؟؟
رواية قصة عشق الجزء الأول للكاتبة سحر فرج الفصل الثاني والعشرون

سليم .. انا عارف انك مش هاتستريحى غير لما تعرفى ..
يا ستى المفاجاه هى ؟؟؟؟؟؟؟؟؟؟؟؟؟
ان عندى افتتاح للفندق بتاعى فى الغردقه كمان كام يوم وكان نفسى انى اخدكم كلكم وتحضروا معايا الافتتاح ده وبالمرة نغير جو كلنا وتقولوا رايكم فى الفندق وتصميمه .
ايه رايك يا جدى ؟

الحاج صفوان بأستغراب بص للحاجه انعام وقال .. الف مبروك عليك مقدما يا سليم يا ولدى .. بس ايه لزومه اننا نروح معاك مشوار زى كده انت عارف صحتى انا وجدتك عامله ازاى والسفر هايتعبنا .. وكمان ازاى نسيب المصنعين لوحدهم من غير ما حد من خلانك او قصى يكونوا موجودين .

هدى .. والنبى يا جدى والنبى يا جدى وافق علشان خاطرى .. قوليلوا يا جدتى يوافق والله نفسى اروح من زمان الغردقه دى واشوفها واشوف البحر زى ما البنات اللى معايا فى الكليه ما بيروحوها مع اهاليهم وحياتى يا جدتى .
ملك .. اه والنبى يا جدتى وافقوا علشان خاطرنا كلنا نفسى اروح واقف اودام البحر واغير جو .

فرح بتبص لجدها وقالت .. ياريت يا جدو وحياتى عندك انا من ساعه ما رجعت من السفر وانا مخنوقه وزهقانه ونفسى اسافر واغير جو شويه .
الحاجه انعام .. بس يا بت منك ليها سفر ايه بس وبتاع ايه .. معلش يا سليم .. سافر انت يا ولدى وشوف شغلك واللى وراك هناك لان محدش فاضى للسفر ده خالص وكلنا مشغولين دايما زى ما انت شايف .

الحاج صفوان كان ساكت خالص وعيونه على البنات اللى كانوا فرحانين من المفاجاه دى وصعبوا عليه اوى لما هو وجدتهم رفضوا وهو بيضعف اودامهم واودام حزنهم وكمان مش عاوز يرفض اول طلب سليم يطلبه منه فقال .. خلاص يا بت منك ليها استنوا شويه .
وبص للحاجه انعام وقال معلش يا حاجه انا هاخليهم يسافروا مع سليم علشان مش هاقدر ارفض ليه اول طلب يطلبه مننا بس بالشرط البنات مش هاتكون لوحدها هايروحوا مع الشباب كلها لان ولا انتى ولا الرجاله وحريمهم هانقدر نروح مشوار زى كده ونسيب شغلنا والسرايه لوحدهم .

البنات بصوت عااااالى ... هاااااااااااااا حبيبى يا جدو حبيبى ربنا يخليك لينا وجريوا عليه كلهم وفضلوا يبوسوا فيه وسليم كان فرحان لفرحتهم دى وبمنظرهم ده وكمان حضن ولمه العيله اللى اتحرم منها سنين طويله .وكمان علشان جدو مرفضش ليه طلبه ده ووافق ان البنات والشباب يسافروا معاه . مع انه كان يتمنى ان جده وجدته وخلانه يروحوا معاهم .
الحاجه انعام بتمثل الحزن وقالت .. ما شاء الله ما شاء الله كده برضه يا بت منك ليها دى اخرتها .. البوس والاحضان والحب بقى لجدكم وبس اه يا جذمه منك ليها .

سليم قام وقف وقرب من جدته وقعد على حرف الكرسى بتاعها ولف ايده على كتفها وقال .. لا ازاى طبعا هما يقدروا برضه يزعله القمر بتاعنا ده .
البنات انتبهوا لكلام جدتهم فراحوا كلهم عندها وفضلوا يبوسوا فيها وقالت هدى .. لا طبعا يا روح قلبى البركه فيكى يا جميل وربنا ما يحرمنا منك ابدا .
ملك .. نعومتى حبيبتى مااقدرش على زعلك يا باشا واوعدك هاجبلك وانا جايه شيكولاته كبييييييييرة اد كده .
سليم عيونه على فرح اللى كانت فرحانه جدا وعيونها وكأنها بترقص من الفرحه وشاف فيهم جمال غير طبيعى يجذب اى حد يبص فيهم .

سلمى ... عاش الحاج صفوان السيوفى.
عاشت الحاجه انعاااام .
عاش عاش عاش .
الحاج صفوان .. كل ده علشان هاتسافروا يا بت منك ليها اللى يشوفكم كده يقول انكم محبوسين فى سجن ومش بتخرجوا خالص .
فرح .. انت بتقول فيها يا جدو احنا فعلا مش بنخرج زى البنات ونلف ونشوف الدنيا انا واحده من الناس اهو عايشه فى مصر وسافرت بره لكن عمرى ما روحت الغردقه دى ولا اعرف عنها حاجه والناس والسياح بيجوا من اخر الدنيا علشان يزروها .

الحاجه انعام .. خلاص يا بنات بطلوا دوشه ورغى واطلعوا فوق وسيبونا شويه انا وجدكم وسليم نقعد مع بعض شويه .
وفعلا البنات خدوا بعضهم كلهم وهما فرحانين وطلعوا على فوق زى ما جدتهم طلبوا .

الحاج صفوان .. معلش يا سليم يا ولدى .. مش هاقدر اقعد معاك اكتر من كده عندى جلسه صلح بين عيلتين واتأخرت عليها ولازم اقوم واروح ليهم دلوقتى زمانهم فى انتظارى .
سليم .. براحتك يا جدى وانا كده كده مش هاقعد كتير انا بس جيت ابلغكم بموضوع السفر ده ورايح على القاهرة اشوف اخبار الشركه ايه .
الحاج صفوان بحب .. ربنا يعينك يا ولدى ويسترها معاك . وقام وقف واستأذن بعد ما سلم على سليم وخرج من باب السرايه.

الحاجه انعام بصت لسليم بكل حنيه وقالت .. قوم معايا يا سليم يا ولدى تعال عاوزة اوريك حاجه مهمه هاتفرح بيها اوى .
سليم باستغراب .. خير يا جدتى هاتورينى ايه .
الحاجه انعام .. اصبر متستعجلش عليا يا ولدى وتعال معايا يالا وانا هاوريك وتشوف بعينك .
وفعلا قامت الحاجه انعام وقام معاها سليم وخرجوا من الباب وراحوا للجنينه .

وفى المصنع عند قصى اللى كان قاعد فى اوضته بيخلص شويه اوراق مهمه وسمع صوت فتح الباب واتفاجاه بدخول فارس وهو داخل عليه .
فارس .. السلام عليكم.
قصى .. وعليكم السلام ورحمة الله وبركاته
اهلا يا فارس ايه المفاجاه الحلوة دى تعال اتفضل اقعد .
فارس .. اهلا بيك يا قصى .. انا كنت قاعد زهقان فى السرايه وقولت اجيب بعضى واجى اقعد معاك شويه فى المصنع ووو........

قصى باستغراب رد عليه وقال .. خير يا فارس فى حاجه ولا ايه ؟؟ اقعد الاول يا ابن عمى ولو فى اى حاجه او محتاح اى شىء انا تحت امرك .
فارس بخجل .. والله يا قصى فى موضوع كده بقالى فترة بفكر فيه وخايف اعمل فيه خطوة غير لما ارجع ليك انت الاول واعرفك بيه وتقولى رايك فيه ايه .
قصى بفضول رد وقال .. موضوع ايه ده يا فارس شوقتنى اعرفه ؟

فارس .. الصراحه يا قصى الموضوع ده يخص اختك سلمى .. ومن غير لف ودوران كتير .. انا معجب جدا بسلمى ومش اعجاب وبس . الصراحه بحبها ومش عاوز اعترف لها بالحب ده غير لما اقولك انت الاول لان الاوصول بتقول كده وانا مش عاوز اخون صقتك فيا واكلم سلمى واعترف لها بحبى ده من غير ما اكون بلغتك بكده انت الاول لانك اخوها الكبير ورايك يهمنى يا ابن عمى .

قصى خد نفس كبير وابتسم وقال .. انت متاكد من حبك ده يا فارس لسلمى وواثق منه .
فارس رد وقال .. انا طبعا متاكد وبتمنى ان سلمى كمان تكون معجبه بيا .. انا بحبها اوى يا قصى وبحب ادبها واحترامها وهدؤها ورقتها ودى المواصفات اللى بيتمناها اى شاب فى شريكه حياته .

قصى .. انا طبعا عمرى ما هلاقى حد يقدر يحافظ على اختى سلمى زيك يا فارس وانت عارف كويس اوى معزتك عندى وعارف انك الراجل اللى يتمناه اى اخ لاخته .. وبضحكه قال وبعدين يا عم انت انا قولت هاتقول حاجه كبيرة ولا مشكله تخص العيله او مصيبه عملها عدى وفهد .. وبعدين يا فارس انت اخويا فاهم يعنى ايه اخويا والف مبروك مقدما يا هندسه .

فارس .. بتتكلم جد يا قصى يعنى انت معندكش مانع انى اتكلم مع سلمى واعترف لها بحبى ولو هى وافقت اتقدم لها واخطبها على طول من عمى .
قصى .. موافق والله يا عم انت وربنا يسعدكم يارب .. وقوم بقى وتعال نرجع على السرايه لانى هلكان وتعبان جدا وعاوز استريح شويه قبل الفطار .
وفعلا قام فارس وقصى ونزلوا على تحت وركبوا العربيه ورجعوا على السرايه .

الحاجه انعام خدت سليم وفضلوا يتمشوا فى الجنينه لحد ما وصلوا للاسطبل ودخلوا جوه وسليم اعجب جدا بمجموعه الاحصنه النادرة والعربيه الاصيله اللى موجوده .. لحد ما قرب من الفرسه نعمة والمهرة الصغيرة وقال ... الله يا جدتى اد ايه الفرسه دى جميله اوى وسبحان الله المهرة بتاعتها جميله زيها وشكلها والوانها تحفه وشكلها لسه مولوده قريب .

الحاجه انعام بحزن و عيون مليانه دموع بصت لسليم اللى استغرب ليها وقالت .. عارف يا سليم يا ولدى الفرسه دى بتاعه مين واسمها ايه ؟؟؟
سليم باستغراب قال .. بتاعة مين يا جدتى اوعى تكون بتاعه !!!!!!!!!!!

الحاجه انعام بدموع حركت وشها بالموافقه على توقعه وقالت .. ايوا يا ولدى الفرسه دى بتاعه امك الله يرحمها وهى اللى سمتها بنفسها وسمتها (نعمة) ولسه جايبه لينا مهرة صغيرة وسمناها فرح على اسم بنت خالك فرح .
وكأن امك كانت حاسه ان عمرها قصير ومش هاتعيش لحد ما تجيب تخلف عيال والعيال دى تكبر وتوريهم الفرسه بنفسها .. وكأنها كانت عاوزة تسيب زكرى جميله ليها فى الدنيا دى .
وانا دايما اجى للفرسه واقعد معاها بالساعات واحكى معاها واشتكلها وكأنى بتكلم مع امك الله يرحمها .. ساعات كتير كنت بحس ان روحها موجوده هنا بالذات فى المكان ده لمجرد بس ان الفرسه على اسمها .. وانها سمعانى وحاسه بيا وبالوجع والالم اللى جوايا بقاله سنييين طويله .

سليم عيونه اتملت بالدموع على كلام جدته فقرب منها وضمها لصدره وقال .. اااااه يا جدتى اااه .
كنت محتاج لها اوى تبقى معايا وفى وسطنا انا واختى .
كنت محتاج احس بحنيتها وحبها لينا .
كنت محتاج اشوف فرحتها واحنا بنكبر اودام عوينها انا وهدى .
كنت بتمنى تكون معايا وقت نجاحى وتضمنى لحضنها وتفتخر بيا وتفرح ليا زى امهات صحابى .
كنت وكنت وكنت ياااااا جدتى .
ياريت الموت مخدهاش مننا كانت الدنيا هايبقى ليها طعم تانى اوى اوووى يا جدتى .

الحاجه انعام .. اااااه يا غالى يا ابن الغاليه .
امك ماتت يا سليم لكن انا موجوده يا ولدى وحضنى ده عمره ما هايبعد عنك انت او اختك .. ربنا يخليكم ليا يا حابيبى يا نور عنيا وريحه الغاليه .
يالا بينا يا ولدى زمانهم بيدوروا عليا وبيقولوا الست دى راحت فين .. وانت كمان يا ولدى بدام مسافر بلاش تتأخر على شغلك علشان تقدر تسافر قبل ما الدنيا تليل عليك فى الطريق .. ربنا يحفظك ويسترها معاك دنيا واخرة يا ضى عينى .

سليم مسح وشه من الدموع ومد ايده ومسك ايد جدته علشان تتعكز عليه وخدوا بعضهم ووصلها لحد باب السرايه وهو ركب عربيته وخرج من السرايه .
وهو خارج بعربيته اودام السرايه قابل قصى هو وفارس بعربيتهم فانزل قصى وفارس وسلموا عليه وسألوه رايح فين وبلغهم انه مسافر على القاهرة لان وراه شغل فى الشركه ضرورى وبلغهم بمفاجاه السفر للغردقه وكمان بموافقه جده وجدته بيه .
قصى استغرب للموافقه السريعه دى وبلغ سليم انه اكيد مش هايروح لان وراه شغل كتير فى المصنع .
سليم .. لااااا يا قصى مش هاقبل اى اعتذار ومنك انت بالذات حاول على اد ما تقدر تضبط شغلك فى المصنع علشان خاطرى .

قصى .. ربنا يسهل يا سليم بس مش هاقدر اوعدك وربنا يسهل .
سليم .. ماشى يا هندسه يالا عن اذنكم علشان اتاخرت اوى على الشركه سلاااام .
ومشى سليم ودخل فارس وقصى على جوا واول لما دخلوا شافوا الحاجه انعام كانت قاعده ومعاها حريم عيالها والبنات كمان وكانوا عمالين بيتكلموا على موضوع السفر للغردقه والبنات بتخطط هايعملوا ايه ويلبسوا ايه هناك وبيفكروا كمان ازاى هايروحوا وهما هايبقوا صايمين وكده مش هايقدروا ينزلوا البحر .. الا واتفاجؤا بدخول قصى وفارس .

قصى .. سلامو عليكم وقرب من جدته وباسها وباس ايديها وقعد جنبها .
فارس قرب هو كمان وسلم عليها وقال .. خير ان شاء الله متجمعين كده ليه وبتخططوا لايه؟ ولا تحبوا اقولكم انا .. لسه سليم مقابلنا برة اودام السرايه وقالنا على موضوع الغردقه ده .

الحاجه انعام .. طب كويس ووفرتم علينا الكلام .. ولفت وشها لقصى وقالت .. ايه رايك يا قصى يا ولدى قولت ايه انكم تسافروا مع سليم و البنات وتغيروا جو شويه وبالمرة تخلوا بالكم منهم .

قصى .. يا جدتى انا مش فاضى للعب العيال ده وورايا شغل كتير فى المصنع واعتذرت لسليم انة مش هاقدر اروح معاهم .
فرح اللى كانت قاعده مستمعه وعيونها على قصى اللى كان واحشها وهى مش عارفه ايه السبب لكده واول لما قصى قال انه مش هايروح معاهم حست بوجع فى قلبها .

لان بينها وبين نفسها كانت بتتمنى انه يروح معاهم جايز يقربوا من بعض ويحس باحساسها ناحيته . ورغم كل ده واحساسها ده بصت لقصى بكل تحدى ونطقت وقالت ... احسن برضه اهو الواحد مش ناقص نكد ولا مدايقه من حد .. الواحد رايح علشان يغير جو ونتفرج على مشروع الفندق بتاع سليم وبالمرة سليم يفرجنى قصدى يفرجنا على الغردقه وجمالها وحلاوتها .

وعندك حق يا قصى .. المصنع ما يقدرش يستغنى عنك ابدا خليك فى المصنع يا باشمهندس .
الحاجه انعام طبعا كعادتها فاهمه كلام فرح كويس اوى وحاولت تحرك قصى شويه فقالت
هو سليم يا فرح يا بتى هايبقى فاضى انه يلف بيكم فى اللى اسمها غردقه دى .. هو هايكون مشغول بالمشروع الجديد بتاعه وانا اتفقت ان الشباب تروح معاكم وتخلى بالها منكم ولو قصى مش هايروح ويخرجكم هناك اهو سليم بقى يبقى يلف معاكم ويخرجكم ويفسحكم هناك والبركه فيه بقى .

قصى بكل غيظ قام وقف واستأذن وطلع وهو عيونه بطلع شرار .. والجدع ساعتها كان يقف اودامه .
الا وعدى وفهد داخلين من برة وهما بيضحكوا وبيهزروا وكعاداتهم كانوا بيلفوا فى البلد بعد ما راحوا ولفوا على ناس معينه جدهم صفوان بعتهم ليهم بشنط رمضان .

قصى وهو طالع على فوق خبط فى عدى جامد ومسك نفسه بالعافيه وسابه وطلع على فوق .
وطبعا عدى لما شاف منظره كده مقدرش ينطق ولا كلمه معاه وبص لفهد ودخل على جوا وبضحك قعد جنب جدته و قال .. اذيك يا جدتى . يا لهووووى قصى عيونه بطلع دخان مين زعله فيكم يا بلوة منك ليها .. اكيد انتى يا بلوة ياللى اسمك ملك يا بوظ الغراب انتى .

ملك اتفاجأت بكلامه و قامت وقفت وحطت اديها فى وسطها وقالت .. يرضيكى كده يا جدتى .. عجبك لسانه الزفر ده .. طيب والله لا هاقول لجدى ومش هاخليك تيجى معانا الغردقه يا معفن انت .. وقربت منه وعاوزه تمسكه الا وقام وقفت وقال ... اييييه ده اييييييه ده .
الغردقه .... الغردددددقه .. اللى فيها البحر الازرق ده .
رواية قصة عشق الجزء الأول للكاتبة سحر فرج الفصل الثالث والعشرون

ملك برخامه وبتقلده فى الكلام وقالت .. اه يا ظريف الغردقه الغردقه اللى فيها البحر الازرق ده وهانروح كلنا يا عدى ونسيبك هنا لوحدك علشان العفاريت تاكلك .
فهد .. ايه ده معقول هانروح الغردقه كلنا وانتم معانا طيب امتى وازاى ومع مين ؟

فرح .. بص يا فهد يا روح قلبى .. امتى ده بالتحديد لسه هانعرفه .
وازاى دى اكيد يا فصيح بالعربيات أو بالطيارة .
ومع مين دى بقى مع سليم ابن عمتك علشان عنده افتتاح مشروعه بتاع الفندق الجديد هناك وعاوزنا كلنا نحضره معاه ونغير جو .
وبعدين احنا اللى رايحين وهانخدكم معانا مش انتم اللى هاتخدونا معاكم فيه فرق يا حلو .
عدى بفرحه ... مش مهم مين يروح مع مين يا فرح المهم اننا رايحين الغردقه يا بشر الغردقه يعنى البحر والسماء والرمله والوجه الحسن يا شويه غفر .

البنات سمعت كده وانقضوا عليه وفضلوا يضربوا فيه والحاجه انعام كانت بتضحك جامد هى وباقى الحريم على منظر عدى وهو قاعد منكمش فى الكرسى وبيحاول يدافع عن نفسه والبنات بتعمل معاه احلا واجب .

قصى كان طلع على اوضته وبقى عامل زى الطور الهايج رايح جاى فى الاوضه بتاعته وبيفكر فى اللى بيحصل ده واستفذاذ فرح المستمر ليه وبيقول ... بقى كدة يا ست فرح بقى بتقوليلى خليك وخلى بالك من شغلك ومن المصنع علشان تخدى راحتك يا هانم وتدورى على حل شعرك هناك انتى وسى سليم ده .. بس انا مش هاسمح بكده ابدا ولا هاديكى لفرصه انك تغظينى بيه .. وفضل يفكر ويفكر لحد ما وصل لقرار وقرر انه هاينفذه ؟؟؟؟؟

وبعد هزار عدى مع البنات ما خلص امرتهم الحاجه انعام انهم يطلعوا يجهزوا نفسهم للسفر ويشوفوا لو ناقصهم حاجه ينزلوا ويشتروها بعد الفطار .
فراحوا على اوضهم كلهم وبدؤا يجهزوا فى الشنط واللبس والحاجات اللى هايخدوها معاهم والحاجات اللى كانت ناقصه قرروا ينزلوا يجبوها من المدينه .

وعند سليم فى الشركه كان يادوبك مخلص كلام مع يارا واتفق معاها على انها تفضل هى فى الشركه بداله هو وحسام وهما اللى هايروحوا للافتتاح فى الغردقه .. ومع اعتراض يارا فى الاول على قرار سليم ده لانها كانت مرتبه نفسها على السفر .. اقنعها سليم فى الاخر انها تفضل .
خرجت يارا من اوضه سليم وراحت على مكتبها بعد ما قفلت الباب عليه .... وسليم اول لما هى خرجت مسك موبيله ورن على جدته اللى كانت قاعده فى الفيلا لوحدها بعد ما هو مشى وكانت منتظرة ضحى تروح لها بعد الشغل وتقعد معاها لحد ما هو يرجع .
بس للاسف مردتش عليه وبدا قلبه يتوغوش عليها .

سليم مسك موبيله ورن على جدته تانى اكتر من مرة بس للاسف مردتش عليه برضه فقلق عليها واتصل بضحى اللى المفروض تكون راحت لها بعد ما هو مشى علشان يطمن على جدته .
وبعد تلت رنات ردت ضحى عليه .

سليم .. مساء الخير يا ضحى اخبارك ايه طمنينى؟
ضحى بخجل ... مساء النور اهلا يا سليم .. انا الحمد لله انا بخير وخلصت شغل ولسه يا دوبك راجعه من المستشفى وقاعده مع جدتى فى الفيلا اهو.
سليم .. معلش يا ضحى تعبك معايا دايما وقولت ارن عليكى واشكرك وبالمرة اطمن عليكى وعلى جدتى لانى رنيت عليها اكتر من مرة ومردتش عليا .
ضحى ... هى بخير الحمد لله بس بتصلى واكيد معرفتش ترد عليك لا الموبيل شكله فوق فى اوضتها علشان انا مسمعتهوش وهو بيرن .

سليم خد نفس بعد ما اطمن على جدته انها بخير وفجاه جت فى دماغه فكرة وقال .. اعملى حسابك انى هاطلب من عمى جبل انك تيجى معايا على الغردقه انا وهدى اختى وولاد خلانى كلهم وهانروح افتتاح الفندق اللى كنت قولتلك عليه قبل كده والسفر خلال يومين .
واكيد عمى جبل مش هايرفض ولا هيخاف عليكى بدام انا معاكى.
ضحى اتفاجات بكلام سليم ده وفرحت اوى من جواها بس ماحاولتش انها تظهر الفرحه دى وقالت .. لما تقول لعمك جبل الاول واشوف رايه هايكون ايه هابقى اقولك رأيى .

سليم .. ماشى يا ستى بس اعملى حسابك واستعدى لانى متاكد انه مش هايرفض طلبى ده .. وبلغى جدتى انى هافطر فى القاهرة لان الوقت اتاخر وكلها شويه والمغرب هاياذن .
ضحى ... ماشى يا سليم ربنا معاك وخلى بالك من نفسك يا ابن عمى وسوق بشويش وانت راجع باليل .
سليم .. تسلمى يا ضحى .. يالا سلام .
واول لما قفل سليم حط الموبيل على المكتب وسرح فى اخر كلمتين قالتهم ضحى وقال .. معقوووول . معقول تكون ضحى بت...
لا مش معقول بطل هبل دى زى اختك ومتربين مع بعضكم من صغركم وبتعتبرك اخوها .

عدى يومين وجه ميعاد السفر والكل كان مستعد وجاهز للرحله اللى بيتمنوها من زمان
وكل واحد نزل من فوق ومعاه شنطه السفر الخاصه بيه وكانوا فى منتهى السهاده .
عدى وفهد وفارس .. وفرح وهدى وملك وسلمى كمان .. لكن قصى فضل رافض موضوع السفر ده خالص ومرديش نهائى انه يروح معاهم مع كل محاولات الشباب معاه انه يجى معاهم بس هو كان رافض نهائى .

وبدات الشباب تسلم على الكل وتودعهم كلهم وبالذات الحاج صفوان اللى وصى الشباب انهم يخدوا بالهم من البنات ويحافظوا عليهم.
وكان بيتمنى ان قصى يروح معاهم لانه اعقل واحد فيهم لكنه عرف انه رفض .
والحاجه انعام كمان وصت البنات انهم يخلوا بالهم من نفسهم كويس اوى ويسمعوا كلام سليم و الشباب ويلبسوا لبس محتشم .
ويفضلوا دايما متجمعين مع بعض .

سليم كان وصل علشان يسلم عليهم قبل السفر وكمان كان معاه بنت عمه ضحى بعد ما وافق جبل انها تروح مع سليم ووصاه عليها كمان .
فادخلها معاه علشان يعرفهم عليها وبالمرة تسلم عليهم والكل رحب بيها .
هدى قربت منها وقالت .. انتى بقى الدكتورة ضحى اللى سليم وجدتى قالولى عليها .. ده انتى جميله اوى يا ضحى .
ضحى بابتسامه رقيقه قالت .. واكيد انتى هدى بنت عمى صالح الله يرحمه .. اهلا بيكى يا حبيبتى وانا فرحت اوى انى اتعرفت عليكى وعليكم يا بنات وبعدين انتى اللى اجمل طبعا با حبيبتى .
ومدت ايديها وسلمت على باقى البنات وعلى الحاجه انعام .
الحاجه انعام بزكأها المعتاد حست من نظره عيون ضحى لسليم حفيدها انها بتحبه اوى اوى كمان فاطمنت من جواها .

ولسه يا دوبك كلهم هايخرجوا لبرة علشان يحطوا الشنط ويركبوا العربيات الا وشافوا قصى نازل من فوق وماسك شنطه سفر فى ايده وكمان طالع زى القمر لاول مرة .
الكل اتفاجاه بيه وبالذات فرح اللى قلبها بدا يدق اوى اووى اوووى .
واتفاجات بتسريحه شعره والاستايل بتاعه الجديد اللى كان عامله وكمان القميص والبنطلون الجينز التحفه وماتخيلتش ابدا ان ده هو قصى ابن عمها وفرحت من جواها للتغير المفاجأ ده .
الحاجه انعام بابتسامه قالت .. ما شاء الله عليك يا ولدى ايه الحلاوة دى يا باشمهندس كنت مخبيها عننا ليه .
قصى بحب .. تسلميلى يا جدتى .

الحاج صفوان باستغراب بصله وقال .. ايه ده ده جدتك قالتى انك مش عاوز تروح ومردتش انى اضغط عليك علشان تروح معاهم وسيبتك براحتك .. بس عفارم عليك يا قصى اهو انا كده مطن بدام انت هاتكون وياهم ومش هاوصيك على اختك وبنات عمك تخلى بالك منهم يا ولدى .
وكمان الواد المهفوف اللى اسمه عدى ده خلى بالك منه ولا زعلكم فى شىء ارميه فى البحر وريحنى منه .

عدى بهزار .. بقى كده يا صفوان دى اخره حبى ليك مكنش العشم .
الحاج صفوان مقدرش يمسك نفسه من كتر الضحك اول لما سمع عدى بيقول صفوان حاف كده فقام وقف ومد ايده بالعكاز بتاعه ولسه هايقرب من عدى علشان يضربه بيه بهزار الا وجرى عدى من اودامه .
وقال .. طب والله ما هاجبلك موزة من هناك زى ما انت طلبت منى من ورا جدتى انعام .

الحاج صفوان .. اه يا ابن ال ..... انا يا واد يا عفش طلبت منك حاجه زى كده جبر يلمك .
والكل فضل يضحك عليه .
كل ده وقصى ساكت مش بيتكلم وراح ناحيه جدته اللى بصتله بكل فخر وقالت .. انا يا حاج اللى رجعت وكلمته تانى وهو مرديش يرفضلى طلب زى عاويده ووافق انه يروح علشان يبقى مع الشباب . . وكمان يخلى باله من اخته وبنات عمه .

قصى ... مسك ايد جدته وباسها وقال .. اشوف وشك على خير يا جدتى .
وراح لجده وحضنه وباسه .
فقال سليم .. وانا كمان لما عرفت انه مش عاوز يجى كلمته امبارح علشان احاول مرة تانيه لحد ما بلغنى انه موافق .
وياريت بقى نستعد ونخرج لان فعلا كده هانتاخر على ميعاد الطيارة .
قصى طلب من البنات انهم يسيبوا الشنط ويخدوا الانسه ضحى ويخرجوا على بره وهما هايطلعوها عند العربيات .

وفعلا خرجوا واتجمعوا عند عربيه سليم وقصى وركبت معاه ضحى وهدى وفهد وفرح اللى قصدت وركبت معاه هو بالتحديد .
تحت انظار قصى اللى كان متوقع تصرفها ده وعداه بمزاجه .
وفى عربيه قصى ركب معاه ملك وسلمى وفارس وعدى .
قصى بينه وبين نفسه اول لما شاف فرح ركبت مع سليم قال .. براحتك يا فرح براحتك اوى .. وركب العربيه وساقها .
وخرجوا من بوابه السرايه فى اتجاه المطار .

وبعد فترة من الوقت وصلوا للمطار والشباب كانت مسئوله عن الشنط كلها ودخلوا وبعدها بشويه راحوا وركبوا الطيارة وبعد حوالى ساعه ونصف كانت الطيارة بتهبط فى مطار الغردقه الدولى .
وكان فى عربيات فى انتظارهم بره المطار بأمر من المهندس حسام .. وفعلا وزعوا نفسهم على العربيات كلها وطلعوا بيها على الشاليه الخاص بسليم .

واول لما وصلوا اعجبوا جدا بالمكان وموقعه وبالذات شكل الشاليه من بره وجنينته الواسعه وكمان حمام السباحه الكبييير و بدأت الشباب فى تحويل الشنط كلها لجوا الشاليه .
الكل كان فرحان وسعيد.
سليم وقف فى وسطهم كلهم وقال .. المكان بتاعكم يا جماعه واوض النوم كلها فوق فيها كل شىء تحتاجوه وهاسيب ليكم عربيتين بره اودام الشاليه لو اى حد فيكم احتاج لاى شىء يطلبها من السواق فورا .

انا هاستأذن منكم شويه واروح على الفندق اشوف الدنيا ماشيه ازاى هناك .
وانتم غيروا براحتكم واستريحوا واعملوا حسابكم هانروح نفطر كلنا فى مطعم اعرفه حلو اوى على البحر .. ساعه والنصف بالكتير واجى واخدكم تكونوا استعديتم للخروج .

قصى .. ماشى يا سليم روح انت وشوف شغلك وماتقلقش على اى حد فينا .
وفعلا خرج سليم من الشاليه وساب الكل بيحولوا الشنط على فوق .

(ومن هنا بدات المشاجرات على الاوض بين الشباب )
عدى كان اول واحد وصل لفوق ودخل الاوض كلها اللى كانت عبارة عن اربع اوض للنوم .
وكان منهم أوضتين بيطلوا على البحر والاتنين التانين بيطلوا على الجنينه وحمام السباحه.
عدى دخل اوضه من اللى على البحر وحط شنتطه وشنطه فهد وقال دى اوضتى انا وفهد .
البنات كانت طلعت واحده ورا التانيه وسمعوا عدى وهو بيحجز الاوضه دى .
هدى وفرح ما صدقوا سمعوا كلام عدى وجريوا على الاوضه اللى بتطل البحر التانيه وقالوا ودى كمان اوضتنا .

ملك .. يا سلام يا سلام يا اختى انتى وهو وهى اشمعنى تاخدوا الاوض اللى بتطل على البحر وسايبين لينا الاوض اللى على الجنينه .
يا قصى يااااقصى تعال شوف عدى اخوك من اولها بيعمل ايه؟ المفروض يسيب البنات هى اللى تختار الاول اللى هما عاوزينه وبعدين هو ياخد الباقى .
ودخلت وحطت شنطه هدومها هى وسلمى فى الاوضه اللى فيها عدى وقالت واهى قاعده لا انا لا انت يا عدى .

عدى بغضب بصلها وقال .. بعينك انى اسيب الاوضه دى يا بوظ الغراب انتى ومش هاخرج من هنا واللى تعمليه بقى يا ملك .
ملك بقت تدب رجلها فى الارض زى العيال الصغيرة وده اللى خلى ضحى تقرب منها وقالت .. يا بنتى مالوش لازمه الزعل ده كله واى حته وخلاص .
سلمى .. سيبك منهم يا ضحى هما كده على طول مع بعض زى الاطفال .
فارس .. عندك حق يا سلمى مفيش فايده فيهم العيال دى .

لحد ما طلع قصى على صوتهم العالى وقال .. فى ايه من اولها مالك يا ملك مين مزعلك ؟
ملك جريت على قصى ووقفت جنبه وشاورت على عدى وقالت .. عجبك كده يا قصى شوف اخوك بيعند معايا ازاى ومش عاوز يسيب لنا الاوضه انا وسلمى وضحى ..ونايم على السرير ازاى بكل رخامه .
قصى من غير ولا كلمه بص لعدى حته بصه كانت كفيله انه يقوم يقف من السرير ومسك شنتطه فى ايده وقال .. اشبعى بالاوضه يا ست ملك انتى وسلمى .. انا مش هاعمل عقلى بعقل واحده عفشه زيك

ملك بغيظ .. عجبك كده يا قصى .
قصى بصلها وقال .. خلاص بقى يا ملك الوقت بيعدى وهاتفضلوا تتخانقوا مع بعض كده وسليم شويه وزمانه هايجى وياخدنا اخلصوا بقى وبطلوا لعب العيال بتاعكم ده .

ملك ... ماشى يا كوتش .. نصف ساعه بالكتير وتلاقينا جاهزين كلنا .. صح ياااااا بنات
البنات فى صوت واحد وهما بيضحكوا معاهم ضحى اللى بدأت تتاقلم عليهم ردوا وقالوا صح يا كووووتش .
وفعلا بدأت البنات يفتحوا الشنط بتاعتهم ويخرجوا اللبس ويحطوه فى الدواليب والشباب كذلك .

وبعد حوالى ساعه كان الكل جاهز وفى انتظار وصول سليم وراحوا قعدوا فى الجنينه اللى مليانه بالأشجار والزهور الجميله لحد ما سليم يوصل .
عدى راح لقصى وقاله انه هاياخد فهد ويتمشوا على البحر شويه ويتفرجوا على المكان .
هدى وملك طلبوا انهم يروحوا معاهم ويخدوا ضحى .. عدى رفض فى الاول وفى الاخر وافق علشان خاطر ضحى انه ياخدهم .
وقال .. تيجى يا فرح تتمشى معانا ؟

فرح .. لا يا عدى شكرا انا هاقوم اتمشى فى الجنينه هنا الاول واتفرج على الزهور الجميله اللى فى كل مكان دى .

وخرج عدى وفهد ومعاهم التلت بنات وراحوا بتمشوا ناحيه البحر .
وقامت فرح تتمشى لوحدها فى الجنينه وفضل فارس وسلمى وقصى .
ومن نظرات فارس لسلمى .. اللى حس بيها قصى وشافها .. قام وقف واستأذن انه يروح يتمشى فى الجنينه هو كمان .

فارس .. ماشى يا قصى براحتك وهو بالمرة تخلى بالك من فرح .
واول لما مشى قصى فارس قام وقف وراح قعد على الكرسى اللى جنب سلمى وقال ... يا ترى المكان عجبك يا سلمى زى ما كنتى متخيلاه .
سلمى بخجل لما حست ان المكان فضى من حواليها ومفضلش غيرها هى وفارس وبكل كسوف ردت وقالت .. اه المكان حلو اوى يا فارس واحلى كمان من ما كنت متخيلاه .

فارس فكر ان ده انسب مكان وانسب لحظه انه يعترف لها بحبه ليها وبعد تردد بصلها وقال على طول .. سلمى انا بحبك من زمان اوى .. واترددت كذا مرة انى اعترفلك بحبى ده .. بس جه الوقت اللى اقولك فيه انى بحبك اوى اوى يا سلمى .. وارجوكى تقوليلى ايه هو شعورك ناحيتى .
سلمى وشها بقى زى الطماطم من كتر كسوفها وبصت فى الارض وسكتت .
فارس .. جاوبينى يا سلمى ارجوكى .. بتحبينى زى ما انا بحبك ولا لاااا .
سلمى فضلت ساكته لحد ما رفعت وشها فى وش فارس وعيونهم اتلاقت ببعض وبكل رومانسيه ورقه وقالت .. بحبك يا فااااارس .

وبعد ما قام قصى ومشى فى نفس الاتجاه اللى راحت فيه فرح وبعد دقيقه شافها على بعد واقفه جنب حوض ورد كبير مليان زهور كتيرة الوانها جميله .
قرب قصى منها ووقف جنب فرح وعيونه على الزهور وقال .. للدرجه دى بتحبى زهور يا فرح .
فرح اتفاجات بيه وراها وقالت .. ومن امتى انت بتعرف عنى اى حاجه يا قصى .. بحب ايه .. وبكره ايه .. مش فالح غير فى استفذاذى بس دايما .
قصى .. يا سلام ده على اساس انك مش انتى اللى بتصدينى دايما وبتستفذينى بعاميلك ومش بتدينى فرصه انى اقرب منك واعترفلك بى...

فرح لفت نفسها لقصى وعيونها جت فى عيونه وقالت .. بى ايه يا قصى بى ايه انطق .

قصى بنظره حزن فى عيونه ليها خد نفس كبير و قال .. انا افضل انى افضل كده ساكت عن انى اعترف باللى جوايا ليكى يا فرح واتصدم من رد فعلك ليا .
فرح بابتسامه صغيرة بصتله وقالت .. طيب ما تحاول يمكن تكون انت مش متوقع رد فعلى هايكون ايه ويمكن يكون عكس اللى انت متخيله تماما .
قصى حس من كلام فرح بشبه امل وعيونه فى عيونها وقرب منها اكتر ولسه هايعترف لها بحبه وعشقه ليها الا وجت ملك وهى بتجرى وبتقول .. الحق يا قصى بسرعه .. الحق يا قصى ارجووووووووك...
رواية قصة عشق الجزء الأول للكاتبة سحر فرج الفصل الرابع والعشرون

قصى اتفاجأه بملك وباستغراب بصلها وقال .. فى ايه يا ملك حد حصله حاجه فيكم ولا ايه .. وفين البنات .
ملك مش عارفه تاخد نفسها و عماله تتنفس بصعوبه فاردت على قصى وقالت .. الحق يا قصى الحق عدى وفهد بسرعه هما بيتخانقوا على البحر مع شويه شباب وسيبتهم بيضربوا فى بعض جامد وجريت علشان اقولك انت وفارس تلحقوهم .
وسيبت هدى وضحى كمان بيضربوا فى واحد منهم قليل الادب .

قصى اتصدم وقالها هما فين بالضبط .
وهدى وضحى حد جه جنبهم من الشباب دى ؟
ملك .. تعال بسرعه ورايا وانا هاوريك انت وفارس مكانهم بالضبط .. واطمن احنا بنتحول رجاله فى الحاجات اللى زى كده ومحدش يجرؤ يجى جنبنا .. بس يالا بسرعه قبل ما عدى يتهور ويموت حد منهم انت عارفه .

فرح خافت عليهم وبالذات على اخوها فهد وقالت .. يا لهوى انا خايفه عليهم اوى اياك ما يحصلهمش حاجه يالا بسرعه نروح لهم يا قصى ارجوك .
وجريوا بسرعه وخدوا معاهم فارس وسلمى كمان حتى السواقين اللى كان سليم سايبهم بالعربيات اودام الشاليه جريوا معاهم لما حسوا ان فى شىء حصل معاهم .. وفضلوا يجروا ويجروا فى اتجاه البحر لحد ما شافوا على بعد ناس كتير ملمومه وشاورت لهم ملك وقالت أهم اهم الحقوهم بسرعه .

فاجرى قصى وفارس والاتنين السواقين ودخلوا فى وسط الناس كلها وبدؤا يذقوهم لحد ما شافوا الشباب بيضربوا فى بعض وعدى بيضرب فى شابين وفهد كمان بيضرب فى كذا واحد فادخل قصى وفارس وبقت خناقه كبيرة .
حتى السواقين بقوا يضربوا فى الشباب اللى بيتخانقوا مع عدى وفهد .
وقصى بكل قوته هراهم ضرب اشى بوكسات ولكمات هو وفارس وعدى و فهد .

وفضلوا يضربوا فيهم لحد ما بعض الشباب اللى كانت معاهم بدؤا يجروا من كتر خوفهم من قصى واللى معاه .
وفرح وسلمى جريوا على هدى وضحى اللى كانوا عمالين يصرخوا جامد من كتر خوفهم على اخواتهم وولاد عمهم .
لحد ما بتوع الامن جم وفضوا الخناقه دى وخدوا بعض الشباب اللى كانوا بيتخانقوا معاهم واتأسفوا لقصى وعدى وفهد عن اللى حصل معاهم .
قصى جرى على البنات علشان يطمن عليهم ومسك هدى وضحى من اديهم و بكل حب وحنيه وخوف قالهم .. انتم كويسين !!!!! حد فيكم فيه حاجه .

هدى اللى كانت ميته من العياط من خوفها على عدى وفهد جريت عليه هى وملك واترموا فى حضنه وقالوا .. اطمن يا قصى احنا كويسين بس خوفنا على عدى وفهد لانهم كانوا كتير اوى او اى حد يأذيهم بأى حاجه .. وكنا عمالين نضرب فى العيال دى احنا كمان .

فى اللحظه دى عدى حس بحب هدى ليه اد ايه .. وعرف انه حب كبير اوى اوى ونظره خوفها عليه وقت الخناقه كانت كفيله انها تسبتله الحب ده فقرب منها وعيونه جت فى عيونها وشدها من قصى وضمها لصدره وقال .. اطمنى يا هدى انا كويس اهو والله يا بت احنا عيله السيوفى محدش يقدر علينا . متخافيش وفى لحظه ومن غير اى مقدمات ومن غير ما يحس هو هايقول ايه ؟ ونسى كل اللى كانوا واقفين قال متخافيش يا حب......
متخافيش يا هدى انا كويس .
هدى حست باللى كان هايقولوا وفرحت اوى .
واول لما ضمها لحضنه حست بشىء غريب واتمنت انها تفضل جوا الحضن ده على طول .

ملك بضحك فى وسط العياط مسحت وشها من الدموع و بصتله وقالت .. كويس ايه ده انت متخرشم يا عدى ووشك بيجيب دم من كل حته زى النافورة اهو يا شجيع السيما .
الكل فضل يضحك على منظرهم ده .
فاقصى بصلهم وقال .. انا عاوز اعرف بالضبط ايه اللى حصل من العيال دى .

فهد .. تعالوا نرجع على الشاليه ونقعد ونستريح ونقولك على كل حاجه هناك .
وفعلا خدوا بعضهم كلهم ورجعوا على الشاليه .
وبظروفها كان سليم لسه واصل وبيركن عربيته واتفاجأ بالكل وهما جايين على بعد من اتجاه البحر فانزل من عربيته بسرعه وجرى عليهم وخوف وقال ... خير يا جماعه فى اى ومال وشك يا عدى انت وفهد حد فيكم حصلوا حاجه انتم كويسين .

قصى قرب منه وقاله اطمن يا سليم الكل كويس ودى كانت خناقه بسيطه مع شويه عيال سيس وربيناهم متقلقش .

سليم جرى على هدى لما شاف منظرها ومسك اديها وبصلها وقال .. انتى كويسه يا حبيبتى فيكى شىء طمنينى .
هدى بصتله بحزن وقالت .. ان كويسه الحمد لله اطمن يا سليم الشباب عملوا اللازم .

سليم بص للكل وقالهم كلكم بخير طمنونى .. هو ايه اللى حصل بالضبط حد يفهمنى .
لحد ما وصلوا الشاليه ودخلوا وقعدوا وبدأ فهد يحكى ليهم على اللى حصل كله من ساعه ما خرجوا من الشاليه .
فهد .. انت بعد ما سيبتنا وروحت على الفندق .. خدنا بعضنا انا وعدى وملك وهدى وضحى وقولنا نتمشى على البحر شويه ونتعرف على المكان .
وفعلا فضلنا ماشين لحد ما وصلنا على البحر .. واحنا ماشين كان فيه شويه شباب ماشيه ورانا حوالى اربعه او خمسه مش فاكر
المهم بدات الشباب دى تلقح بالكلام رغم اننا ماشين معاهم وبدؤا يعاكسوا فى البنات اللى معانا بمنتهى السفاله والقذارة .

وفى ثانيه انا وعدى مستحملناش ودمنا غلى ومسكنا فيهم وضربناهم وعلمناهم الادب لحد ما الناس اتلمت علينا وكان جه قصى وفارس حتى الاتنين السواقين بتوعك وبقينا نضربهم لحد ما طلعنا عنيهم والامن جه وخد شويه منهم هههههههه
كانوا مفكرنا عيال سيس زيهم وهانعديهالهم بس على مين احنا الصعايده الرجاله اللى محدش يقدر يجى علينا نفرمه على طوووول .
حتى البنات لمحتهم بيضربوا فى واحد منهم وكانوا هارينه ضرب وعض وشد شعر مش كده يا هدى انتى وضحى .

البنات ضحكت وقالت .. ما احنا قولنا انكم بتضربوا فقولنا نضرب احنا كمان .
ملك ده انا مسكت واحد منهم وفضلت اعض فيه وضحى وهدى يضربوا فيه ويشدوا فى شعره وانا اجيب رمله من على الارض واحدفها فى عيونها لحد ما اتعموا هههههه .

سليم بأطمأنان بصلهم وقال .. الحمد لله حصل خير وياريتنى كنت معاكم .. بس انا مش هاعديها ليهم على خير انا هاكلم امن القريه واعرف مين شويه العيال دى وهاعرف شغلى معاهم .

قصى .. ملوش لازمه يا سليم احنا عملنا معاهم اللازم .
سليم .. لا يا قصى هما الظاهر ما يعرفوش احنا مين كويس وانا بقى هاعرفهم احنا مين بس بطريقتى .
المهم المغرب خلاص فاضله ربع ساعه هاتقدروا نخرج ونروح نفطر فى اى مطعم ولا اتصل بيهم فى المطعم ويبعتولنا الفطار هنا .

هدى بصت لعدى وفهد وقالت .. لا يا سليم مش هانعرف نخرج بمنظرهم ده شايف عدى وفهد متخرشمين ازاى .. اتصل انت بالمطعم وخليهم يبعتولنا الفطار.
وانا هاقوم ادور على قطن وشاش وميكركروم انا وملك ونصلح وشهم اللى بقى عامل زى الشوراع ده
سليم .. ماشى يا حبيبتى عندك حق انا هاقوم اغير لبسى ده وبالمرة اتصل بالمطعم .

وسلمى وفرح قاموا وقالوا واحنا كمان هانروح نحضر شويه عصاير وفاكهه لزوم الفطار ..فاضحى قامت وقالت .. استنونى يا بنات انا هاجى معاكم .
وفعلا قامت البنات ودخلوا على المطبخ وبدؤا يجهزوا العصاير والفاكهه والاطباق وحطوهم على السفره .
وهدى وملك راحوا يدورا على الشاش والقطن لحد ما لقوه وجابوه وراحوا عند فهد وعدى اللى كانوا طلعوا لأوضتهم فوق .

هدى قربت من عدى وقعدت جنبه وفتحت كيس القطن وبدات تنضف الاول مكان الدم كل حته فى وشه وفى ايده كمان .
كل ده وعدى ماشلش عينه من عليها وكان بيتأمل فى ملامحها الرقيقه الجميله وحس وكأنه لاول مرة بيشوف هدى .
فابصلها وابتسم وقال .. هدى انتى كنتى خايفه عليا بجد .
هدى اتكسفت من سؤاله ده وقالت .. اكيد طبعا كنت خايفه عليك يا عدى .. انت ابن خالى ومتربى معايا وبعتبرك زى اخويا بالضبط .

عدى .. لا لا اخويا ايه بس استهدى بالله .. ابن خالك ماشى .. لكن اخويا دى بلاش منها احنا لسه هانقول يا هادى .
هدى ضحت وقالت .. تقصد ايه يا عدى !!!!

عدى .. اقصد انى كنت زى الاعمى ومكنتش شايف خوفك ده عليا قبل كده واوعدك من هنا ورايح انى هاخد بالى منك اوى اووى اوووى يا هدى .
هدى وشها احمر وغصب عنها وهى ماسكه القطنه وبتمسحله اتكت اوى على الجرح فاعدى اتالم و قال .. ااااه خلى بالك يا بنتى .. ومسك ايديها وقال انتى ايدك بترجف كده ليه .
هدى بخجل . ابدا مفيش حاجه .

عدى بخبس .. مفيش حاجه برضه .. طيب عينى فى عينك كده .
ولسه هايحط عينه فى عيون هدى وقرب اوى اوى منها الا ولقى حته قفى نازل على قفاه طرقع .
عدى حط ايده على قفاه وقام وقف بسرعه ولف نفسه ولقى قصى اودامه وقال .. جرى ايه يا عم انت .. مش تحاسب .
هو قفايا ده ملطشه للرايح واللى جااااى ولا ايه منك ليه .
قصى عجبك ولا مش عجبك يا عم الصايم انت . انت ناسى انك صايم ياض انت ولا ايه وايه اللى كنت بتهببه ده .
يالا يا اخويا انزل اودامى على تحت وانتى يا هدى هاتى بعضك وانزلى ساعدى البنات تحت .
وانتى يا ملك خلصتى وش فهد ولا لسه ؟

ملك .. لا لسه كنت مستنيه هدى تخلص واهى خلصت اهى وهاخد منها القطن والشاش واعمل لفهد .
قصى ماشى خلصى على طول وانزلى ساعدى البنات تحت زمان الاكل على وصول .
ملك بضحك بصتله وقالت .. حاضر يا كوتش هاديله سكينه معجون وشويه الوان وانزلك على طول زى الفوريرة .
وفعلا نزل قصى وعدى وهدى على تحت وسابوا فهد هو وملك مع بعض علشان تطهرله جروحه .

ملك مسكت القطن وبدات تمسحله الدم وبعدها تحطله الميكركروم .
ومسكت ايده ولفتها بالشاش لان كان فيها جرح بسيط .
فهد .. شكرا ليكى يا ملك تعبتك معايا يا بنت عمى .
ملك باستغراب على رقه فهد اللى اول مرة تحسها منه قالت .. لا شكر على واجب يا ابن عمى .
فهد بصلها فى عيونها الزرق وحس بجمالهم وقال .. ابن عمك بس يا ملك ولا فيه حاجه تانيه انا معرفهاش .

ملك عرفت هو بيلمح لايه فابصتله وقالت .. الحدق يفهم يا ابن عمى وقامت وجريت بسرعه من كتر كسوفها وخرجت من الاوضه ونزلت على تحت .
فهد ابتسم وقال .. فعلا الحدق يفهم يا ملك وانا اخيرا فهمت انتى بتحبينى اد ايه ..
لما شوفت خوفك عليا بعيونى .
وخد بعضه وغير التيشيرت والشورت اللى كان لابسهم ونزل للشباب .

وتحت واول لما نزلت ملك كان الاكل لسه واصل وراحت وخدت الشنط من ايد سليم وفارس وراحت حتطهم على السفره واتجمع الكل وبدؤا يساعدوا بعض وقعدوا كلهم واتجمعوا على سفره واحده فى جو عائلى مليان بالفرحه الحقيقيه اللى طالعه من قلوبهم وكمان الهزار والشد والجذب وبعض المقالب اللى متعودين عليها من عدى دايما .

وفى السرايه وساعه الفطار بالذات الحاجه انعام ولاول مرة تحس ان فيه شىء كبير ناقصها وهدوء غريب مالى المكان .
وكانت حزينه وده اللى خلى صلاح ابنها ياخد باله منها فقال .. جرى ايه يا حاجه شايفك مكلتيش كويس واكلك زى ما هو اودامك اهو .. مالك يا امى ولا العيال هما اللى كانوا بيفتحوا نفسك على الاكل .

الحاجه انعام بحزن .. اه والله يا صلاح يا ولدى .. السرايه وحشه اوى من غير العيال .. مش متعوده على الهدوء ده .. مهما كان بيعملوا حس للمكان واتعودت على صوتهم وضحكهم مع بعض واول مرة يبعدوا عننا كلهم كده مرة واحده .
الحاج صفوان .. عندك حق والله يا حاجه .. العيال سبحان الله بتدى روح وحس للسرايه اومال اما يتجوزا والبنات بالذات تروح بيوت اجوازتهم ويبعدوا عننا هانعمل ايه.
الحاجه انعام .. فال الله ولا فالك يا حاج صفوان .. مين قالك انى هاجوز البنات من ناس غريبه كلكم قاعدين اودامى اهو .. اعملوا حسابكم ان البنات مش هاتتجوز غير من ولاد عمهم .
حسين باستغراب بص لاخواته وقال .. مش فاهم يا حاجه تقصدى ايه بالكلام ده .

الحاجه انعام .. اقصد ان .
قصى هايتجوز من فرح بنتك .
فارس هايتجوز من سلمى .
عدى هايتجوز من هدى .
فهد هايتجوز من ملك .

واظن كلامى واضح للكل اهو .. انا معنديش بنات بتخرج بره عيله السيوفى .
والكلام ده انا كنت لمحت عليه لابوكم وانا بقالى فترة بخطت لكده وبراقبهم كلهم لحد ما اتاكد من احساسى نحيتهم كلهم .
بس اللى مكنتش عامله حسابه هو ظهور سليم ابن بنتى نعمة الله يرحمها .. بس انا عرفت بظروفها هو هاياخد مين .
فاعملوا حسابكم اول لما يرجعوا من السفريه دى .. نعلن عن خطوبتهم كلهم حتى سليم وبعدها على طول نبدا نجهز لاكبر فرح فى الصعيد كله .. فرح عيله السيوفى .

الحاج صفوان باستغراب بصلها وابتسم وقال .. عفارم عليكى يا حاجه والله .. انا عن نفسى موافق واتمنى ان ده كان يحصل بالضبط وشكيت من كلامك قبل كده بس قولت انتظر واشوف انتى بتخططى لايه بالضبط .
عصام .. بس يا حاجه انتى متاكده من ان العيال عايزة بعضيها ولا هانغصب عليهم الجوازة دى بالعافيه .

الحاجه انعام ردت عليه وقالت .. ومن امتى يا عصام بغصب على اى حد فيكم سواء انت ولا حريمكم او العيال اى حاجه .. وبعدين الا الجواز يا ابنى .. ده حتى يبقى حرام عليا .

الكل بان عليه الموافقه و الفرحه للقرار ده وبدؤا يهنوا بعض وقاموا من على السفره وراحوا يقعدوا عقبال ما سماح تعلمهم الشاى .

جه الليل وسليم خد الكل بعد ما استعدوا ولبسوا وراحوا يلفوا فى البلد شويه .
واتفرجوا على المحلات واشتروا ايس كريم وافتكروا الحادثه اللى كانت السبب فى معرفتهم ببعض .
ساعه ما خبطهم سليم بالعربيه وكانت هى السبب انهم يعرفوا الحقيقه اللى بقالها سنين طويله مستخبيه ومحدش عارف عنها اى شىء.
وفضلوا يتمشوا لحد ما وقفوا على البحر شويه وفى منهم اللى قعد وفى منهم اللى كمل مشى .

فارس طلب من سلمى انهم يكملوا مشى على البحر وفضلوا يتكلموا عن حياتهم وحبهم بعد ما فتحوا قلوبهم لبعض .
هدى وملك وعدى وفهد استاذنوا انهم هايروحوا يتفرجوا على حفله صغيرة كانت معموله فى كافيه قريب من البحر .
وفعلا خدوا بعضهم وراحوا بعد ما قصى طلب من الشباب انهم يخلوا بالهم من البنات .

ضحى طلبت من سليم انها ترجع على الشاليه لان موبيلها فصل وكانت عاوزة تطمن على حاله من مرضاها كانت سيباها فى الرعايه .
ضحى .. ممكن لو سمحت يا سليم ترجعنى على الشاليه علشان موبيلى فصل وكنت عاوزة اتصل بزميلتى فى المستشفى .
سليم .. طيب ما تاخدى يا بنتى موبيلى اهو وترنى عليها من عندى .
ضحى بابتسامه ردت عليه وقالت .. يا ابنى بقولك موبيلى فصل وانا مش حافظه رقمها علشان اتصل من عندك .

سليم .. ااااه سورى مخدش بالى .. طيب تعال وانا هارجعك على الشاليه علشان تشحنيه .. تحبى تيجوا يا جماعه معانا .
قصى عيونه جت على فرح وانتظر ردها هايكون ايه لسليم وبدأت دقات قلبه تزيد لحد ما عيونه جت فى عيونها وكأنها بتترجاها انها تفضل معاه فانطقت فرح وقالت .. لا يا سليم انا هافضل هنا مع قصى شويه لان الجو جميل جدا وشويه كده وهانحصلكم .

قصى خد نفس كبييير واستريح لرد فرح ده اللى مكنش متوقعه وابتسم ورد وقال ... ماشى يا سليم روح انت مع ضحى وشويه كده هاجمع الكل ونيجى على الشاليه.
وفعلا فى اللحظه دى سليم حس ان فيه شىء غريب بيجمع فرح وقصى فاحب يسيبهم براحتهم وقام وقف وخد ضحى ورجعوا على الشاليه .
واول لما هما مشيوا وسابوا قصى وفرح مع بعضهم بصلها قصى بكل رومانسيه وابتسم وقال .. تحبى نتمشى شويه على البحر .
فرح ابتسمت برقه وقالت .. مفيش مشكله يالا بينا لان فعلا الجو حلو اوى .

وقام قصى وقامت فرح وخدوا بعضهم وقربوا من البحر اكتر وفضوا ساكتين من غير ولا اى كلمه يا دوبك سامعين صوت موج البحر وبس اللى كان كفيل انه يحرك مشاعرهم تجاه بعض .
وفجاه وقف قصى وبكل حب وعشق مد ايده لأيد فرح ومسكها وعيونه جت فى عيونها وقال ..
فرح فى حاجات كتير اوى نفسى تعرفيها واعترفلك بيها من زمان .. بس للاسف كنت دايما بتردد انى اعترفلك بيها .. لانى كنت بخاف لا انتى ترفضى الاحساس اللى جوايا ليكى .
وياريت تدينى فرصه انى اعبرلك فيها عن مدى حبى ليكى يا فرح .

فرح بكل خجل وبدقات قلب سريعه ورعشه اديها وهى فى ايد قصى وكان حاسس بيها جدا ردت وقالت .. وانا سمعاك يا قصى عاوز تقول ايه ؟؟؟
قصى بكل رومانسيه قرب منها وقال .. فرح انا بحبك اوووى .
بحبك من وانتى لسه طفله صغيرة وبتكبرى اودام عيونى يوم بعد يوم .
بحبك من كلامك من ضحكتك من حزنك من خجلك .
بحبك من برأتك ورقتك وعفويتك .

بحبك من همساتك ورعشه ايدك اللى حاسس بيها دلوقتى وهى فى ايدى .
بحب روحك وابتسامتك وغضبك برضه بحبه منك .
فرح انا بعشقك .
بعشقك يا فرح وبموت فيكى يا حبيبتى .
وقرب اوى اوى اووووى منها لدرجه ان اللى كان بيفرق شفايفهم عن بعض شويه سنتيمترات بسيطه لتنهار جسور قلاعهم ويقبلها بهدوء ورومانسيه بمنتهى الرقه و الهيام .. لتستسلم فرح وتبادله قبلته وهمساته وعشقه ويغرقوا فى بحر حبهم فى قبله طوييييله عبروا فيها عن مدى حبهم وعشقهم لبعض

وللاسف كل هذا كان امام اعين ؟؟
رواية قصة عشق الجزء الأول للكاتبة سحر فرج الفصل الخامس والعشرون

وللاسف امام عيوووون وسمع سليم !!!!!
اللى اتسمر مكانه من الصدمه من اول اعتراف قصى لفرح حتى اخر كلماته وقبلته ليها .
فاتصدم سليم من المشهد الرومانسى ده اللى بيجمع قصى وفرح .. وعمره ما كان يتخيل ابدا انه يشوف بينهم حاجه زى كده .
وكمان كان معاه ضحى اللى اتكسفت جدا لما شافت قصى وفرح فى وضع زى كده وعلشان تدارى الاحراج اللى هى حست بيه هى وسليم .
نطقت وقالت .. سليم هانعمل ايه دلوقتى والمفاتيح مع قصى .. ومش معقول نرجع تانى على الشاليه مش معقول هانفضل رايحين جايين كده ده احنا رجعنا مخصوص من هناك لما وصلنا وافتكرنا ان المفتاح مع قصى .

سليم فاق من شروده ببعض الحزن وقال .. بتقولى حاجه يا ضحى .
ضحى .. انت مسمعتنيش ولا ايه يا سليم سرحان فى ايه .. بقولك احنا جينا تانى علشان المفتاح مع قصى .. تعال نقرب منه هو وفرح وناخده منه مع انى محرجه جدا اننا نقتحم عليهم وقفتهم دى مع بعض . .

سليم .. ماشى اللى تشوفيه يا ضحى تعالى يالا .. ومفيش احراج ولا حاجه .
وقربوا من قصى وفرح اللى كانوا مش حاسين باى شىء حواليهم غير نسمات بارده و صوت امواج البحر ودقات قلوبهم .
ومش واخدين بالهم خالص من سليم وضحى وهما واقفين قريب منهم وكمان بيقربوا ليهم لحد ما وصل سليم ليهم هو وضحى وقال ..
احم احم .

فاتفاجأ قصى وفرح بيهم رغم الاحساس اللى كان مسيطر عليهم وكانوا حاسينه فى اللحظه دى .. فاتكسفت فرح جدا واتمنت ان الارض تتشق وتبلعها علشان الخجل اللى حسته لما شافت سليم وضحى .
قصى بتوتر انتبه لسليم وقال .. ايه ده انتم رجعتم تانى ولا ايه ؟؟ حصل حاجه ولا إيه يا سليم .

سليم بنبرة حزن بصله وقال .. انا اسف انى قطعت عليكم كلامكم بس فعلا نسينا ناخد مفتاح الشاليه منك يا قصى لانك انت اخر واحد خرجت منه وقفلت وكان لازم نرجع وناخده بدل ما نقف فى الشارع .
قصى باستغراب افتكر فعلا انه اخر واحد خرج من الشاليه وخد المفتاح فامد ايده فى جيبه وطلع المفتاح وفى اللحظه دى كان وصل فارس وسلمى بعد ما اتمشوا على البحر لوحدهم وعلى وشوشهم ابتسامه رقيقه وفرحه كبيرة لمجرد اعترافهم لبعض بحبهم .

فارس بابتسامه قرب من قصى وقال .. ايه ده اومال فين باقى الشباب رجعوا على الشاليه ولا ايه يا قصى .
قصى عيونه كانت على نظره الحزن اللى حس بيها فى نظرات سليم لما جه مع ضحى واتاكد انه سافه هو وفرح فحاول يلم الموضوع ورد على فارس وقال .. لا ابدا ده عدى وفهد خدوا ملك وهدى وراحوا الحفله اللى فى الكافيه اللى هناك دى .
تعالوا نروح ناخدهم ونرجع كلنا على الشاليه وكفايه اوى علينا النهارده كده لاننا فعلا تعبنا وما استريحناش من ساعه ما جينا من السفر .

سليم .. عندك حق يا قصى يالا بينا علشان منسبهمش يرجعوا لوحدهم فى وقت متاخر زى ده وكفايه الخناقه بتاعه الصبح .
ولانى هاصحى من بدرى وهاروح على الفندق علشان حفله الافتتاح بكرة باذن الله وهابقى مشغول جدا هناك .
قصى .. انا والشباب موجودين يا سليم لو احتجت اى شىء مننا احنا تحت امرك فى اى شىء .

سليم .. عارف والله يا قصى ما اتحرمش منكم ابدا .
ضحى كانت حاسه بنبرة الحزن اللى كانت فى صوت وعيون سليم من ساعه ما شاف قصى وفرح فى وضع زى كده وحست انه ممكن يكون كان معجب بفرح وزعل لما شافها مع قصى بالمنظر ده ... اسئله كتير دارت جواها وكانت عاوزة اجابه عليها فافضلت السكوت فى الوقت الحالى .
وفعلا مشى الكل فى اتجاه الكافيه وشافوا الشباب وخدوهم ورجعوا كلهم على الشاليه .
والكل طلع على اوضته علشان يغيروا لبسهم من تعب يوم طويل .

وفيهم اللى نام من التعب وفيهم اللى سهروا شويه .
وسليم بعد ما غير لبسه نزل ونام على كنبه الانتريه وفضل انه يسيب الاوض للشباب الاربعه والبنات فى باقى الاوض.
وبالنسبه لضحى كانت غيرت لبسها ونزلت قعدت فى جنينه الشاليه عند حمام السباحه
وكانت بتتكلم مع مامتها وبتطمنها على نفسها وهى كمان كانت عاوزة تتطمن عليهم .
وعلى جده سليم لانها كانت قاعده معاها لحد ما يرجع سليم من السفر .
وفضلت ترغى ضحى مع مامتها شويه وبعدها سلمت عليها وقفلت الموبيل .

وسرحت ضحى وبدات تفكر فى اللى حصل بين قصى وفرح وحزن سليم اللى حست بيه فى نبرته ونظراته ليهم .
وفى وسط سرحانها ده انتبهت على صوت سليم وهو بيقول .. انتى قاعده لوحدك ليه و لسه صاحيه لحد دلوقتى يا ضحى؟؟

ضحى فاقت من شرودها وانتبهت لسليم وقالت.. طيب انا وكنت بكلم ماما وبطمن عليها هى وجدتى وانت ايه بقى اللى مخليك صاحى لحد دلوقتى ومش جايلك نوم .
سليم بص للسماء وخد نفس وقال .. ابدا مفيش حاجه شكلى من ارهاق السفر مش جايلى نوم .. لانى عكس الناس المفروض لما اتعب انام لكن انا لما اكون تعبان ومرهق مش بيجيلى نوم .

ضحى ... متاكد ان مفيش حاجه مزعلاك يا سليم .
سليم .. لا ابدا مفيش هايكون فى ايه يعنى يزعلنى .. كبرى دماغك .
ضحى بتحدى عدلت نفسها على الكرسى وبصتله فى عيونه لاول مرة وقالت .. لا فيه يا سليم واوى اوى كمان .. تحب اقولك انا فيك ايه وليه نبره الحزن اللى فى صوتك دى وايه سببها .
سليم باستغراب لكلامها وقال .. قولى يا ضحى .

ضحى حاول تجمع شجاعتها وقالت .. انت شكلك اتغير من ساعه ما شوفت قصى وفرح مع بعض ... وظهر فى عيونك الحزن واكيد انت جواك حاجه ناحيه فرح يا سليم ولكده انت زعلت ؟؟؟
سليم اتفاجاه بكلام ضحى وده اخر شىء كان يتوقعه انها تحس باللى جواه وكمان تقرى اللى فى عيونه بالمنظر ده وتحلل حالته كده فارد باستغراب وقال .. الصراحه كلامك مضبوط يا ضحى .. بس مش زى ما انتى متخيله كده .. انا اول مرة شوفت فيها فرح فرحت اوى اوى واستغربت الشبه الرهيب اللى بينها وبين امى الله يرحمها.

واتهيالى ساعتها انى شوفت امى فى صورتها هى .. نفس العيون ونفس الابتسامه ونفس الشعر ونبرة الصوت حتى .. وحسيت باحساس غريب اوى مش اعجاب او حب لاااا .. ممكن اقول انى لقيت امى اللى اتحرمت منها لسنيييين طويله فتلكده فرحت ومتخيلتش ابدا ان يكون فى حاجه بينها وبين قصى .
ضحى بحزن بصتله وقالت .. افهم من كده انك بتحبها هى وكنت عاوز تعترف لها بحبك او اقول اعجابك ده..ولا بتحب صورة مامتك اللى شايفها فيها يا سليم .

سليم .. يبقى مقدرتيش تفهمى كلامى يا ضحى .. نظرتى واعجابى بفرح هو بس علشان الشبه الكبير اللى بينها وبين امى وعمرى ما فكرت انها تكون حبيبه او زوجه ليه .. بس فى نفس الوقت لما شوفتها مع قصى بالمنظر ده حسيت احساس غريب او غيرة عليها لمجرد بس انها زى اختى او بنت خالى .
مش الاخ دايما بيغير على اخته من خطيبها او حتى جوزها اهو انا حسيت بالاحساس ده بالضبط .
ضحى فرحت من جواها بكلام سليم ده وحست ان لسه فيه امل انه يحس بحبها ليه فى يوم من الايام .

سليم بابتسامه قام وقف ومد ايده ليها وقال .. اظن جاوبتك على اسئلتك مش يالا بينا بقى ندخل ننام علشان اليوم عندنا كلنا هايكون طويل ومرهق .
ضحى ابتسمت برقه وقامت وقفت ورجعوا على الشاليه وطلعت نامت مع البنات فى اوصتهم .
وسليم رجع ونام على الكنبه بس المرة دى ناااام على طول من غير اى تفكير او حيرة.

الشمس طلعت ونورت كل المكان والكل بدا يصحى ما عدا الشباب اللى كانوا لسه نايمين زى الفسيخه من كتر التعب .
قصى كان قام من بدرى زى ما هو متعود ودخل خد شور وبدا يصحى فارس اللى كان نايم معاه فى نفس الاوضه .
وفعلا على طول فارس كان صحى .
فارس .. صباح الفل يا قصى .. انت صاح من بدرى ولا ايه .
قصى .. لا ابدا ده لسه يا دوبك من نصف ساعه صحيت على صوت البنات وهيستهم فقمت وخت دوش وقولت اصحيك .

فارس .. فعلا انا صحيت من شويه على صوت الاغانى اللى كانوا مشغلنها ورجعت نمت تانى على طول .
قصى بص لفارس وقال .. طيب ادخل خد دوش واطلع علشان عاوز اقولك على حاجه مهمه .
فارس باستغراب بصله وقال .. قول يا عم ما احنا قاعدين اهو .
قصى بتوتر بصله وقال .. بص يا فارس من غير لف ودوران انا بحب فرح واعترفت ليها امبارح بكده وزى ما انت عارف مقدرش اخبى عنك حاجه وان شاء الله اول لما نرجع على السرايه هاقول لجدى واخطبها .. قولت ايه .

فارس عمل نفسه زعلان وبصله بعصبيه وقال .. وانا مش موافق .
قصى اتصدم من رد فعل فارس ده وبدا يتوتر اكتر وقال .. طب ليه يا فارس بتقول كده .. انا بحبها من زمان اوى واكيد انت عارف او حسيت بحبى ده .
فارس قام وقف وابتسم وبصله وقال .. يا ابنى انا قلبى عليك البت دى مخها فظيع وطول عمرك انت وهى ما بتريحوا مع بعض وعاملين زى القط والفار .. بس اقولك حلال عليك هههههه والف مليون مبروك يا ابن عمى .. وانا كمان غول لما ننزل هاكلم جدى على طول وبدل الفرحه بتاعتك انت وفرح يبقوا فرحتين انا وسلمى .
قصى اخيرا قدر يتنفس وضحك وقال .. الله يبارك فيك يا حبيبى والله خوفتنى .. وان شاء الله نرجع بالسلامه ونفرحهم كلهم .

فارس .. يالا اقوم بقى ادخل الحمام وننزل للعيال دى نشوفهم بيعملوا ايه ونفرحهم بالخبر الحلو ده .
قصى .. اشطا يا هندسه وانا هاسبقك على تحت ما تتاخرش .
ونزل قصى على تحت وشاف البنات كلهم قاعدين ومشغلين اغانى وفرحانين .
فاصبح عليهم كلهم وقرب من فرح اللى كانت الضحكه على وشها وقال .. صباح الخير يا فرح .

فرح بخجل .. صباح الخير يا قصى .
ملك وهدى وسلمى بصوا لبعض باستغراب لانهم اول مرة يشوفوا قصى وفرح كده من غير خناق فابصتله ملك اوى وقالت ..الله اما اجعله خير .. فى ايه وفين الشخط والضرب والخناق اللى متعودين عليه منكم يا اساتذه .
قصى .. من هنا ورايح مفيش ولا شخط ولا خناق ولا اى شىء من ده كله .. من هنا ورايح فيه ....... ولسه هاينطق الا وفرح قامت وقفت وحطت ايديها على شفايفه وقالت .. قصى .

البنات استغربت من تصرف فرح مع قصى وبصوا لبعض بابتسامه وقالوا !!!!!!
هو فيه بالضبط .
سلمى .. فى ايه يا قصى انطق وسيبك منها .
فرح من كتر كسوفها من البنات بصتله بترجى انه ما يقولش .
قصى طمنها بنظرة عنيه وقال .. مفيش اصبروا شويه وفارس هاينزل دلوقتى ونقولكم انا وهو على حاجه مهمه .
ضحى فهمت قصى بيرمى لايه فابتسمت بارتياح وقالت .. خير ان شاء الله يا بنات اصبروا شويه وزمان فارس نازل من فوق ويقوللكم هما الاتنين مع بعض .

قصى بابتسامه .. قوللهم والنبى يا ضحى .. اومال فين سليم مش شايفه يعنى .. هو راح للشركه زى ما كان بيقول امبارح ولا ايه .
ضحى ردت وقالت .. اه فعلا انا صحيت من بدرى ونزلت اشوفه لقيته مشى .
الا وفارس نازل من فوق وصبح عليهم كلهم وراح وقف جنب سلمى اللى الابتسامه كانت ملت وشها اول لما شافته وقالت صباح النور يا فارس .
قصى حب يقلدها فاضحك وقال .. صباح النور يا فارس .

البنات فضلت تضحك عليه وهو بيقلد سلمى فاهدى بفضول قالت ... قول بقى يا قصى فارس نزل اهو عاوزة اعرف مخبين علينا ايه بالضبط انت وهو وهى شكلكم مش مريحنى .
قصى بص لفرح بابتسامه رومانسيه وبعدها لفارس وقال ... انا وقصى اتفقنا اننا اول لما نرجع السرايه هانطلب ايد فرح وسلمى اختى ونخطبهم .. ايه رايكم فى المفاجاه دى .

البنات فرحت اوى اوى وجريوا على سلمى وفرح اللى كانوا مكسوفين اوى وفضلوا يحضنوهم ويبسوهم وباركوا لقصى وفارس كمان .
وسلمى اتفاجات ان قصى عارف بموضوعها هى وفارس واتفاقهم مع بعض كمان وكانت مكسوفه اوى .
فقرب منها فارس وبارك لها وقصى قرب من فرح الاول وبارك لها وبعدين راح لسلمى اخته وخدها فى حضنه وقالها الف مبروك يا حبيبتى .
وبعدها قصى قرر انه ياخد فارس ويروحوا لسليم الفندق يمكن يقدروا يساعدوه فى اى شىء وخرجوا لسواق من اللى واقفين بره وقاللهم انهم عاوزين يروحوا الفندق.

كل ده وعدى وفهد نايمين فوق زى الفسيخه ومش حاسيين بكل اللى بيحصل تحت .
فقررت ملك وهدى وباقى البنات انهم يطلعوا لفوق عندهم فى اوضتهم ويصحوهم باى طريقه .
وكانت الطريقه الوحيده اللى ممكن تصحيهم هى ازايز المايه الصاقعه من التلاجه .
بس قبل ما هايحطوها عليهم فضلوا يدوروا ويدورا فى الادراج اللى فى الشاليه كلها لحد ما لقوا اكياس الوان بودرة فافرحوا اوى اوى وراحوا كلهم على اوضه عدى وفهد .

واول لما دخلوا شافوا كل واحد على سرير ونايمين بشورت ومن فوق صدرهم مكشوف .. فاتكسفوا فى الاول لحد ما سلمى مسكت كيس من بتوع الألوان وقربت من عدى اخوها وغرقته بالوان مختلفه فى كل حته فى جسمه وشعره ورجله .
وفرح قربت من فهد وبهدلته بالاوان فى جسمه كله هى كمان وكانوا نسكين نفسهم من كتر الضحك ..وفجاه كل واحده مسكت ازازة مايه وفتحوها وقربوا منهم وهما نايمين وبدؤا يدلقوا عليهم ازايز المايه الصاقعه .

وده اللى خلى عدى وفهد يقوموا مسروعين من النوم من كتر الخضه وشكلهم كان زى العفاريت بالاوان والمايه اللى بهدلتهم وكانت فى كل حته عليهم وعلى السراير واول لما شافوا بعض بدؤا يصرخوا .
والبنات كانت واقفه ميته على نفسها من كتر الضحك فى ركن الاوضه .
عدى نزل من على السرير وفهد كمان ووقفوا قصاد بعض واستغربوا لاشكالهم هما الاتنين فاعدى بصله باستغراب و قال .. انت مين ياد !!!
فهد باستغراب هو كمان رد وقال .. انت اللى مين ياد !!!!

عدى .. ايه ده الصوت ده انا عارفه هو انت فهد !!

فهد .. اه انا فهد هو انت عدى ومين عمل فينا كده ولفوا نفسهم هما الاتنين وشافوا البنات واقفه وميته على منظرهم هما الاتنين من كتر الضحك .
وفى ثوانى كانوا واخديين بعضهم بسرعه وجروا من الاوضه ونزلوا على تحت .
والشباب نزلت وراهم جرى واستحلفوا ليهم هما الاتنين وقالوا .. ليليتكم سودا باذن الله .

وكل لما يحاولوا يجروا يقعوا ويتزحلقوا من المايه اللى كانت مغرقه الارض يقوموا ويقعوا يقوموا ويقعوا لحد ما مسكوا ايد بعضهم وخرجوا من الاوضه ونزلوا بسرعه يدوروا على البنات فى كل حته .
والبنات للاسف كل واحده فيهم استخبت فى حته شكل .
وفجاه سمع عدى وفهد صوت صريخ هدى اللى كانت جاى عليهم جرى من الجنينه وبتعيط وبتقول .......... الحقووو الحقووووا بسرعه
رواية قصة عشق الجزء الأول للكاتبة سحر فرج الفصل السادس والعشرون

عدى جرى عليها ومسكها وقال .. لا والله هاتستهبلى يا اختى وعامله نفسك بتعيطى بس على مين وحيات امى ما هاسيبكم النهارده .. انطقى بقيت العصابه بتاعتكم فين .
هدى بعياط وصريخ .. مش وقته يا عدى الحقوا ملك وقعت فى البسين بسرعه ومش بتعرف تعوم ارجوكم الحقوها قبل ما تغرق .
فهد بتقولى ايه ملك ... ومن غير اى رد من هدى كان جرى فهد بسرعه وحصله عدى وهدى وراحوا ناحيه البسين وشافوا ملك وهى عماله تطلع وتنزل وتطلع براسها فى المايه وبتشاور بايدها وفى ثانيه نط فهد فى قلب حمام السباحه وجرى عليها ومسكها ورفع راسها لفوق وعدى كمان نط وجرى عليهم وشدوها من ايديها وطلعوها على حرف البسين .

فى اللحظه دى كانت جت البنات ضحى وسلمى وفرح على صوت الصريخ وشافوا منظر ملك وهما شايلانها من حمام السباحه وبيطلعوها لفوق فاتصدموا لمنظرها وجريوا عليها وقالوا .. ملك ملك حصل ايه يا هدى ملك فوقى يا حبيبتى .
هدى بعياط كنا بنجرى زيكم علشان نستخبى من عدى وفهد وفضلنا نجرى انا وهى لحد ما جينا هنا وفجأه اختل توزانها واتفاجات بيها وهى بتقع فى المايه وفضلت اصرخ واصرخ وروحت ندهت عدى وفهد بسرعه وطلعوها .

ضحى جريت عليها بما انها دكتورة ونزلت على الارض جنبها وحاولت تفوقها .
سلمى بعياط هى وفرح بصوا لضحى و قالوا .. طمنينا يا ضحى ارجوك .. فوقى يا ملك
انا هاروح اتصل على قصى يجى بسرعه .
ضحى .. استنوا يا بنات هى بدأت تفوق اهى الحمد لله وملوش لازمه نقلقهم على الفاضى .
بس حد فيكم يجبلى اى بشكير من فوق بسرعه .

فاجرى عدى على فوق وجاب بشكير ونزل تانى جرى واداه لضحى وغطوا بيه ملك علشان جسمها كان بيرجف جامد .. وبدات بشويش تفتح فى عيونها .
واول لما فتحت عنيها وبصت لهم الكل فرح اوى وحمدوا ربنا انها كويسه وبخير وبالذات فهد اللى الكل كان مستغربه من كتر الخوف اللى كان خايفه على ملك .
واول لما فتحت عنيها قرب منها وابتسم لها وقال ... ملك انتى كويسه طمنينى عليكى ولا تحبى اوديكى المستشفى .
ملك بتعب .. ابتسمت لما شافت خوف فهد عليها وقالت .. لا انا كويسه متقلقوش وحاولت ترفع نفسها وتقعد والبنات سندوها .

وفعلا قعدت وشويه صغيرين وقامت ووقفت وهدى وضحى سندوها لحد ما دخلت لجوا .
واول لما قعدوا وسندوا ملك لحد الكرسى .
عدى بهزار بصلهم وقال .. احمدوا ربنا على اللى حصل لملك .. علشان اقسم بالله ما هاعدلكم اللى انتم هببتوه فينا ده واحنا نايمين بس اصبروا عليا
اما طلعته على جدتتكم انتى وهى وهى وهى .

ملك بضحك رجعت لطبيعتها الاصليه اللى كلنا عارفينها عنها وبصتله بقرف وقالت .. اجرى اجرى يا اللى كنت شبه ام اربعه واربعين وشكلك يفطس من الضحك انت وهو ولا اقولك شبه السلعوه بتاعه الحاجه انعام اللى كانت بتخوفنا بيها واحنا صغيرين علشان ننام فاكرين ولا افكركم
عدى قام وقف وحاول يمسكها من شعرها بهزار بس فهد زق ايده وقاله بس ياض انت وسيب ملك فى حالها وروح كده وانت فعلا شبه السلعوة
عدى ...

الكل فضلوا يضحكوا عليهم وعلى هزارهم مع بعض فاعدى بصله وقال .. بقى كده يا صاحبى انا زى السلعوة يا فهد دى اخرتها .
تقف فى صف الغجر دول على عدى حبيبك .. تشكر يا ابن عمى وبصله اووووى وقال...
انا شاكك فيك ياض هى العيال دى رشتك بكام علشان تبقى فى صفهم كده وبتدافع على ست ملك بالمنظر ده ؟؟
فهد ... رشتنى هههههه تصدق ضحكتنى .

طب قوم قوم خلينا نطلع على فوق ناخد شاور علشان منظرنا العار ده وانتم يا بنات ابدؤا جهزوا لبسكم علشان حفله بالليل بتاعه الافتتاح .
عدى .. ماشى يا صاحبى هاعديهالك المرة دى .. بس المرة الجايه لاااا يمكن ابددددا يالا بينا علشان انا فعلا قرفان من منظرك ومنظرى اللى بالالوان ده
وطلعوا على فوق وسابوا البنات قاعدين مع بعض شويه عقبال ما ملك تشد حيلها حبتين وتقدر تطلع على فوق .
وافتكروا اللى عملوه فى عدى وفهد وحمدوا ربنا ان قصى مش موجود كان طلع عينهم .

وفى الفندق كان المكان كله عبارة عن خليه نحل كل واحد بينفذ المطلوب منه على اكمل وجه زى ما امر البشمهندس سليم بالضبط .
قصى وفارس كانوا قاعدين مع سليم فى مكتبه اللى كان يدوبك لسه مخلص كل حاجه ويادوبك ياخدهم ويرجعوا على الشاليه علشان مفيش وقت على المغرب وبعد ما يفطروا على طول يجهزوا نفسهم وياخدهم ويجبهم على الفندق .

لان الحفله هاتبدا الساعه تسعه بالضبط وهو المفروض يكون هناك قبلها بحوالى ساعه على الاقل علشان يكون فى استقبال الضيوف هو وحسام زميله .
وفعلا الشباب التلاته خدوا بعضهم ونزلوا من الفندق وسليم ركب عربيته ومعاه قصى وفارس وراحوا على المطعم الاول يجيبوا الفطار وبعدها يروحوا بيه على الشاليه .

وبعد حوالى نصف ساعه كانوا وصلوا الشاليه وشافوا الكل متجمع فى الجنينه .
هدى اول لنا شافتهم قامت وجريت على سليم اخوها وسلمت عليه وقصى سلم على الكل وبعيونه غمز لفرح
وكذلك فارس اللى قرب من الكرسى اللى قاعده عليه سلمى ومد ايده ليها وسلم بكل رقه وقال .. عامله ايه يا سلمى .
سلمى بابتسامه رقيقه بصتله وقالت .. بخير الحمد لله .

وبعدها شدوا كراسى وقعدوا الشباب كلهم مع بعض بعد ما البنات دخلت تجهز السفره لزوم الفطار وبدأ عدى وفهد يحكوا ليهم على اللى حصل مع ملك ووقوعها فى البيسين .
وده اللى صدم سليم وقصى وكمان فارس وحمدوا ربنا انها خرجت بالسلامه .
قصى بغضب بص لعدى وقال .. انا مش عارف انتم الاتنين بالذات هاتعقلوا امتى .. كل واحد فيكم بيعمل كل نصيبه ونصيبه لحد ما فى يوم من الايام حد هايحصله حاجه بسببكم انتم الجوز .

احمدوا ربنا انها عدت على خير وخرجت من المايه بالسلامه .
عدى بصله وقال .. وانا مالى انا ما هما اللى جروا شكلنا واحنا نايمين فى امان الله ومعملناش ليهم حاجه.
يبقى كده مين اللى غلطان فينا يا عم قصى .
قول انت يا سليم بزمتك مين اللى غلط المرة دى .
سليم .. حصل خير يا عدى بس زى ما قصى بيقول حاولوا تخفوا الهزار الجامد ده ويكون فيه شويه عقل شويه ... افرض انتم مكنتوش لحقتوها كان حصل ايه لا قدر الله .

او وهى بتقع فى البسين دماغها اتخبطت واتفتحت او افرض ان هدى مكنتش معاها وشافتها وهى بتقع وندهت عليكم .
يالا حصل خير .. تعالوا قوموا يالا المغرب فاضل عليه دقيقتين اهو علشان نلحق نفطر ونجهز نفسنا لحفله الافتتاح ادعولى تعدى على خير .
وفعلا قاموا الشباب كلهم وراحوا على السفره واتجمعوا على تربيزة واحده فى لمه عائليه جميله كلها حب ودفء وصله رحم .

وفى السرايه وبالتحديد فى المطبخ بعد ما الكل فطر وشرب الشاى كمان والرجاله راحت لصلاه التروايح .
دخلت الحاجه انعام للمطبخ وكان معاها فاتن مرات صلاح وسماح مرات عصام .
الحاجه انعام بصت ليهم وقالت .. اعملوا حسابكم كلها يومين ونبدا نجهز كعك العيد كل سنه وانتم طيبين وان شاء الله العيد السنه الجايه يكونوا العيال كلهم اتجوزا وفرحنا بيهم .

فابقى شوفى كدة يا فاتن انت و احلام سلفتك ايه اللى هانحتاجه لزوم الكعك ومتنسيش توصى على العجوة لزوم القراقيش انتى عارفه ان العيال كلهم بيحبوها .. وعاوزين السنه دى نزود الكميه شويه علشان نفرق على كل حبايبنا فهمانى يا فاتن ؟
فاتن بحب بصت لها وقالت .. فهماكى يا حاجه وكل سنه وانتى طيبه اطمنى انا من بكرة الصبح ان شاء الله هابعت البت هنيه تجيب كل حاجه من السوق .
الحاجه انعام .. واعملوا حسابكم العيال هايرجعوا من السفر بكره بعد الفطار .. جهزوا اوضهم ونضفوها كويس .

واعملى حسابك بكره الضهر كده هاروح انا وانتى نزور جده سليم ونطمن عليها فاجهزى زيارة كبيرة كده ناخدها معانا ماشى يا فاتن با بنتى .
فاتن ردت وقالت .. اللى تؤمرى بيه يا حاجه .
ربنا يديكى الصحه وطوله العمر ويخليكى لينا يااارب.
الحاجه انعام .. اسيبكم انا بقى واروح اصلى التراويح ولو عزتى اى حاجه انتى ولا هى اطلعيلى على اوضتى .
فاتن .. ماشى وربنا يتقبل منك يا حاجه باذن الله .

وفى الغردقه وبالتحديد فى الشاليه البنات كانت فى اوضهم ولبسوا فساتين جميله جدا جدا وكانوا طالعين زى القمر هما الخمسه .. كانوا احلى من بعض كلهم .
والشباب كذلك كانوا خلصوا لبسهم وكانوا حلوين اوى اوى هما كمان ومش اقل حلاوة منهم .. ولما خلصوا نزلوا على تحت فى انتظار البنات .
سليم طلب من السواقين اللى بره انهم يستعدوا فى اى لحظه لخروجهم .

عدى وفهد كانوا قاعدين وبيهزورا مع بعض زى عاويدهم .. وقصى واقف هو وفارس وعيونهم على السلم فى انتظار نزول فرح وسلمى وباقى البنات .
وسليم ماسك موبيله وبيتكلم مع حسام على اخر التجهيزات الأخيرة للحفله.
وفجاه حسوا بخطوات كعب عالى نازله على السلم والكل التفت لمصدر الصوت واول واحده ظهرت ونزلت كانت ملك وبعدها هدى ومنظرهم كان روعه .. واتفاجأ الكل بحلاوتهم وجمالهم ومتخيلوش انهم يكونوا بكل الحلاوة دى وبالذات الواد عدى والواد فهد اللى اول لما شافوهم بالمنظر ده قاموا ووقفوا و تنحوا من كتر جمالهم .

هدى ابتسمت وجريت على سليم ولفت نفسها بفستنها الجميل وقالت .. ايه رايك يا سليم فى الفستان الجميل ده .
سليم ابتسم ليها وقفل الخط مع حسام وقال .. ايه يا حبيبتى الحلاوة دى طالعه زى القمر .
وانتى كمان يا ملك جميله اوى .
عدى قرب من هدى وقال .. تصدقى معرفتكوش خالص يا غفر .... فضربته هدى فى كتفه وقال قصدى يا بنات بس ايه الحلاوة دى ... ومد ايده ناحيه هدى وقال .. ممكن اتعرف عليك يا قمر انت
معاكى عدى السيوفى
هدى ابتسمت ليه بخجل وبصت لاخوها .

سليم وبعدييين معاك يا ابنى انت اعمل حسابى يا استاذ عدى .. انت ناسى انها اختى ولا ايه .
فاجرى عليه عدى بحركات طفوليه وقاله .. انا طالب القرب منك يا سليم فى اختك هدى قولت ايه .
ولسه سليم هايرد الا وكانت ضحى نازله من فوق بس كانت ايه صارووووخ قصدى زى القمر بفستان طويل لونه نبيتى وده اللى اتفاجأ بيه سليم وهخلاه ما يقدرش يرد على عدى واستكفى انه يفضل باصص ليها هى وبس .

عدى بصله وقال ... انت يا عم .. انت يا سيدى .. بقولك عاوز اخطب اختك .
هو متنح كده ليه يا جدعان .
سليم انتبه لصوت عدى وقال .. عاوز ايه يا عدى ؟
عدى ... لا اله الا الله حصلك ايه يا ابنى انت كل ده علشان ضحى طالعه زى القمر وموووزة وحلوة بالشكل ده .
سليم مد ايده ورزعه حته قفى وقاله .. لم نفسك شويه ولم لسانك بدل ما اقطعهولك يا بلوة .
قصى بضحك .. والله تستاهل وحلال فيك .

الكل فضل يضحك وعدى بيدعك فى قفاه اللى مهرى منهم كلهم كل شويه ضرب وقال .. يا دى النيله .. هو قفايا مغرى للدرجه دى كل اللى رايح واللى جاى يلطش فيه حرام عليكم حرااااام هاتروحوا من ربنا فين يا بشر .
وقبل ما يكمل كلامه تنح للى نازلين على السلم وقال .. ياااا حلاااااوة
وعيونه على سلمى وفرح اللى كانوا نازلين من فوق وكانوا حلويييييين اوى اوى.
فرح بفستان اسود رقيق جدا .

وسلمى بفستان بينك روعه .
قصى من كتر حلاوتها تنح هو كمان ومكنش متخيل انها هاتطلع بالجمال والمنظر ده .
وفارس كذلك مكنش متخيل سلمى وحلاوتها الزياده دى .
فهد بضحك بصلهم كلهم وقال .. فى ايه يا جدعان اخلصوا هانتاخر على الحفله يا سليم بيه انت نسيت ولا ايه وسيبوا نظرات الاعجاب والحب دى لبعدين .
خدوا بعضهم كلهم وخرجوا من الشاليه واقسموا نفسهم على تلت عربيات وبعد حوالى نصف ساعه وقفت العربيات اودام باب الفندق .

وسليم دخلهم كلهم وقعدهم فى التربيزه اللى اتحجزت ليهم مخصوص .
واستأذن منهم وراح يقف عند الباب لاستقبال الضيوف .
عيونه كانت بدور على حسام فى كل مكان لحد ما لمحه على بعد واقف مع بعض المهندسين فاشاورله و اول لما جاله خده علشان يعرفه عليهم كلهم عند التربيزة بتاعتهم .
سليم بابتسامه.. يا جماعه احب اعرفكم على البشمهندس حسام صديقى من سنين وهو اللى كان بيشرف على إنشاء الفندق ده بنفسه.

الكل رحب بيه ومد ايده وسلم عليهم كلهم وسليم عرفه بيهم واحد واحد بالاسم وجه لحد ملك ومد ايده ليها وعيونه مانزلتش من عليها و على جمالها ورقتها .
ملك اتكسفت اوى وسحبت ايديها بسرعه من ايده وسليم خد باله .
سليم .. عن اذنكم هاروح انا وحسام عند الباب الرئيسى علشان نبقى فى استقبال الضيوف وزق حسام فى كتفه علشان يفوق لكلامه لانه كان لسه سرحان فى رقه وحلاوة ملك .
فهد كان قاعد عيونه بتطلع شرار وحس بغيرة لمجرد نظرات حسام لملك .

حسام انتبه لكلام سليم وببتسامه بصلهم وقال ... عندك حق عن اذنكم يا جماعه لازم اروح انا وسليم دلوقتى .
سليم ما صدق انه يمشى هو حسام من عند التربيزة وبدا يبهدله على اللى هو عمله ده .
سليم بغضب بصله قال .. انت ايه اللى هببته ده يا زفت .. انت بتستهبل وكسفتها معاك .
حسام .. عملت ايه يعنى دى مجرد نظرة بس طويله شويه .. املى عينى من جمالها ورقتها وبرائتها .. ولا عيونها يا لهوى على حلاوتهم .

سليم اشتد غضبه ووقف اودامه وقال .. لااا انت اكيد مجنون . اللى بتتكلم عليها دى يا حيوان تبقى بنت خالى و ما اسمحلكش انك تتكلم عليها كده اودامى او من ورايا حتى انت فاهم ولا لااااا ولا تحب اطلع عليك الصعيدى اللى جوايا واخلص منك .
انا عامل حساب السنين الطويله اللى بينا .
حسام ... لااا يا سليم اوعى ورحمة ابوك ادينى سكت اهو .. حقك عليا .. ويالا بينا نروح نقف لان الناس بدات تيجى اهى .
سليم بغضب .. اودامى يا زفت .

لكن عند تربيزة الشباب .. هدى قربت براسها من ملك وبصوت واطى وقالت .. اشطى عليكى يا ست ملك اللى اسمه حسام ده تنح عليكى كده ليه من اول نظرة .. حتى فهد حسيت من نظرته ليه انه عاوز يقوم ويطبق فى زومارة رقبته وكان غيران عليكى الظاهر .
ملك بفرحه .. بتتكلمى بجد يا هدى .. فهد كان غيران عليا .. يعنى هو بيحبنى زى انا ما بموووت فيه .
هدى .. الظاهر كده يا بت يا ملك .

عدى كان واخد باله من كلامهم اللى بهدوء ده فابصلهم وقال .. بتنموا على مين انتى وهى ارحموا نفسكم شويه .
هدى .. وانت مالك ما تخليك فى حالك يا ابنى انت .
فهد بغيظ واضح عليه وجه كلامه لعدى وقال ... قوم يا عدى نتمشى شويه ونشوف الناس اللى هنا لانى هاطق .
هدى بصت لملك وابتسمت ليها علشان تاكد لها الكلام اللى قالته ليها وقالت .. خدونا معاكم يا فهد انت وهو واحنا كمان عاوزين نتمشى ونشوف الفندق وبالذات من بره عند البحر المنظر شكله روعه .

عدى بابتسامه بص ليهم وقال .. وماله مفيش مشكله قوموا وتعالوا معانا يالا .. حد فيكم يا بنات عاوز يجى معانا .
فرح بصت لسلمى وضحى وقالت .. ايه رايكم تيجى نروح معاهم ؟
سلمى .. لا روحوا انتى يا فرح لو حابه اصل الجذمه عاليه اوى وديقه ومش قادرة احرك رجلى .
فرح وانتى يا ضحى قومى يالا وتعالى نتمشى معاهم .
ضحى .. ماشى مفيش مشكله .
قصى ... استنوا انا جاى معاكم علشان البلاوى دى مش بتروح فى اى حته غير لما تعمل نصيبه .

عدى .. والله انتم ظالمنا دايما انا وفهد ده احنا زى النسمه وبص لهدى وملك وقال .. قومى يا اختى انتى وهى جبتولى الكلام من البووووس الكبييير .
وقام الكل فعلا وسابوا فارس هو وسلمى لوحدهم على التربيزة .
وخرجوا من الباب الرئيسى وبلغوا سليم انهم هايتمشوا شويه فى جنينه الفندق علشان يتفرجوا على المكان وبالذات منظر البحر.
عيون حسام منزلتش برضه من على ملك وده اللى غاظ فهد جدا ولسه هايتهور ويقرب من حسام الا وايد قصى كانت اسرع منه وبصوت هادى قاله .. اعقل يا فهد .. علشان خاطر سليم .. وانا بعدين هاعرف شغلى معاه الظاهر هو مش عارف احنا عيله مين بالضبط .. يالا اودامى انت وهما علشان ما يحصلش مشكله لابن عمتك فى يوم زى ده .

سليم خد باله منهم وحاول يكون هادى علشان الناس اللى جاياله .. فابتسم لضحى وطلب منها انها تفضل واقفه معاه ..فارحبت ضحى بطلبه وفضلت واقفه جنبه .
والشباب خدوا بعضهم فعلا و خرجوا من الباب وراحوا يتمشوا فى الجنينه الجميله بتاعه الفندق .
فهد كان الدم بيغلى فى عروقه وبصوت عالى بص لقصى وقال .. كنتى سيبنى على اللى اسمه حسام ده وانا كنت هاعرفه شغله كويس اوى .. ده مشلش عينه من على الهانم دى خالص.

قصى حب يستفذه اكتر علشان يطلع الاحساس اللى جواه وقال .. هو فعلا زودها حبتين بس انت ايه اللى مزعلك اوى كده يا فهد .. اوعى تكون ب...
وقبل ما قصى يكمل كلامه نطق فهد من غير تفكير وقال .. ااااه بحبها يا قصى وبغير عليها .
ولف وشه ووقف اودام ملك وقال .. اه بحبك يا ملك بحبك .. تقبلى تتجوزينى .
رواية قصة عشق الجزء الأول للكاتبة سحر فرج الفصل السابع والعشرون

ملك من كتر خجلها احمر وشها واتكسفت جدا واتفاجأت بكلام فهد اللى عمرها ما تخيلت انه هايقوله ليها ابدا وبالسهوله دى وكمان يعترف بحبه ده اودام الشباب كلها وكمان يطلب منها الجواز فاحبت تغيظه اكتر وردت عليه بعد ما
فكرت لثوانى وشغلت عقلها وقالت بينها وبين نفسها ان مش بالسهوله دى هاتوافق ولازم اطلع عينه شويه زى ما هو طلع عينى طول الفترة دى كلها .
فهد باستغراب لسكوتها بصلها وقال .. سكتى ياعنى يا ملك .. تقبلى تتجوزينى .

ملك ردت وقالت لا يا فهد انا مش موافقه .
الكل اتصدم من رد ملك السريع ده فابصتلها هدى باستفهام وكان بتقولها ازى تقولى كده .
ده انتى بتحبيه لوى .
ملك فهمت نظرة هدى ليها وغمزت لها بعيونها وقالت .. انا اسفه يا فهد بس انا عمرى ما فكرت فيك كازوج وياريت تنسى الحكايه دى .

قصى فهم نظرات هدى وملك لبعض وفرح من جواه جدا من اللى عملته ملك وقال .. خلاص يا فهد ملك قالتلك رايها وياريت ما تضغطش عليها وتنسى الموضوع ده وماتفتحوش تانى معاها .
عدى كان واقف وهاينفجر من كتر الضحك وبص لفهد وقال ... معلش يا ابن عمى تعيش وتاخد غيرها هههههههه .
سلمى بصت لاخوها وقالت .. ممكن اعرف انت بتضحك عليه دلوقتى .. مش وقتك يا

فهد من صدمته من رفض ملك ليه اودام الكل وتريقه وشماتة عدى كمان فيه رد وقال .. ماشى . ماشى يا ملك عن اذنكم وخد بعضه وراح ناحيه البحر .
عدى بصله و رد وقال .. استنى يا فهد .. استنى خدنى معاك .. استنى يا اهبل انا كنت بهزر والله .. وجرى وراح وراه فى اتجاه البحر .
وقصى خدهم واتمشوا شويه .. وبعد فترة وهما ماشين بص لملك وشاف الحزن فى عيونها وقال .. ملك .. هو انتى فعلا مش موافقه على فهد .

ملك بنبرة حزن ردت وقالت .. الصراحه يا قصى .. انا حبيت اديله درس واياك يتعلمه فعلا .. حبيت افهمه انى غير البنات اللى عرفها كلها وكانت بتترمى عليه وده اللى خلى منه انسان مغرور ومتكبر فحبيت اكسره شويه ويعرف ان من حقى انى ارفضه .

قصى .. عندك حق يا ملك عدى وفهد مشكلتهم انهم عايشين بالطول والعرض .. مفيش حاجه عندهم اسمها لااا او حد يرفضهم .. مفكرين ان البنات كلها زى بعضها وبيترموا تحت رجليهم .. ميعرفوش ان فى بنت محترمه وبنت عيله وهى دى اللى المفروض يفكر فيها اى شاب وقت ما يختار زوجه وام لاولاده .
وفهد بالذات هو اللى كان قالقنى من ساعه ما رجع لانه عاش سنين طويله بره واتعلم عادات غير عاداتنا وتقاليدنا عكس عدى .. لانى كنت متاكد انه وقت ما هايحب ويتجوز هايختار صح . وهايختار بنت تقدر تحافظ على اسمه وعلى عيلته .

فرح ... عندك حق فى كل كلمه قلتها يا قصى عن فهد وده كان سبب من الاسباب اللى خلت بابا يرجع بينا البلد تانى علشان نعيش فى وسطكم ونتعلم العادات والتقاليد اللى عاش هو واتربى عليها واحنا اتحرمنا منها .
فارس .. كويس انك عملتى كده يا ملك واكيد لو فهد فعلا بيحبك وعاوز يتجوزك هايرجع ويطلب منك الطلب ده وباذن الله انا عارف اخويا كويس اوى وحسيت بكلامه معاكى انه صادق وهايرجع ويطلب منك الجواز .

ملك .. مع انى اتوجعت اوى وانا برفض طلبه ده وحسيت ان قلبى هايطلع منى اول لما مشى وسابنا .. بس فى نفس الوقت كنت عاوزة أحسسه انى حاجه غاليه المنال واتاكد من حبه ده الاول .. ومش من اول مايقولى بحبك او اتجوزك اجرى عليه واقوله انا موافقه .
هدى حصل خير وربنا يفرح قلبك يا حبيبتى .. يالا بينا يا جماعه نرجع ونشوف سليم وضحى .. واكيد عدى وفهد هايلفوا شويه ويرجعوا لينا .

وفعلا مشى الشباب والبنات لحد ما وصلوا للباب والدنيا كانت بدأت تتزحم عن الاول ودخلوا وكان فى ناس كتير والكل مبهور بالفندق بالكامل.. وعيونهم كانت بتدور على سليم وضحى لحد ما شافوهم على بعد وراحوا قعدوا معاهم على التربيزة .
سليم ابتسم لهم وقال .. اخيرا جيتم كنتم فين ده كله قلقتونى عليكم وفين عدى وفهد يا قصى .
قصى بصله وقال وهو بيقعد .. ابدا اتمشينا فى جنينه الفندق شويه لحد ما وصلنا للبحر وعدى وفهد سيبناهم بيتمشوا لوحدهم شويه .

سليم .. ايه رايكم فى المكان وفى الفندق كمان وبالذات قربه من البحر .
فارس بابتسامه رد عليه وقال .. ما شاء الله عليه يا سليم الموقع والمكان كله اللى حواليه تحفه والتصميم الهندسى للفندق روعه .
سلمى ابتسمت برقه وقالت .. فعلا يا سليم الفندق حلو اوى واحلى حاجه انه على البحر وان شاء الله هايعجب الكل وهايبقى اجمل واحلى فندق على مستوى الغردقه كلها .

سليم بفرحه .. يارب يا سلمى وانا فرحان جدا انكم معايا وفى ضهرى وبرايكم ده كمان وانه عجبكم . وكان نفسى من زمان انى يكون ليا اهل و اخوات زيكم .. يارب ما اتحرمش منكم ابدا .
ضحى برقه .. انت تستاهل كل خير يا سليم لانك بتحب شغلك جدا وطموح وتستاهل كمان ان يكون ليك اهل زيهم .. وربنا عوضك كل السنين اللى انت اتحرمت فيها من ان يكون ليك اهل من والدتك .

هدى بعيون كلها دموع .. وانا كمان بحمد ربنا انك ظهرت فى حياتى لان كنت بتمنى طول عمرى ان يكون ليا اخ اتسند عليه لما اكبر وربنا استجاب لحلمى ده وجيت انت وبقيت اخويا وحبيبى وسندى وضهرى اللى افتخر بيه اودام الكل وكل شىء ليا يا سليم .
سليم قام وقف وقرب من هدى ومد ايده ومسح دموعها اللى نزلت دى وقال .. من هنا ورايح مش عاوز اشوف الدموع دى خالص فى عيونك واوعدك انى هافضل جنبك وجنبكم كلكم ماشى يا حبيبتى .

هدى مسحت دموعها و شاورت بوشها على الموافقه وردت وقالت .. ماشى يا اخويا .
الا وجه عدى وفهد وزى عاويده بصوته العالى وهزاره وضحكه واول لما شاف هدى وسليم فى الحاله دى بصلهم وقال .. ايه ده !!!!! مالك يا هدى .. انتى كويسه ؟ مالها يا سليم حصلها ايه وايه سبب الدموع دى ؟
ملك حبت تلطف الجو وتظهر انها قويه ومش متأثرة بالكلام الى قالته لفهد فاردت على عدى وقالت . .. ابدا يا عدى مفيش حاجه اخ واخته وبيتكلمه انت مالك .

سليم بابتسامه رد على عدى وقال .. ابدا يا عدى اطمن مفيش حاجه .. دى هدى كانت عاوزة تعرف غلاوتها عندى اد ايه وانا قولتلها وقبل ما يكمل كلامه ..
جه شخص من الموظفين اللى فى الفندق وبلغ سليم حاجه مهمه فاستأذن سليم منهم وسابهم وراح يشوف فيه ايه !!!
كل ده وفهد واقف وعيونه كلها غيظ من استفذاذ ملك ليه واللا مبلاه اللى هى فيها وحب يدايقها فاشد كرسى وقعد وعيونه بقت على الضيوف اللى موجودين وبالذات البنات .
لحد ما عيونه ركزت على بنتين قاعدين على تربيزه وحاول يلفت نظر ملك اكتر فانده على عدى وبص للبنتين وقال .. عدى تعال اقولك .
عدى فهم النظرة دى وراها ايه فراح وقرب منه وقاله ايه يا عم فيه ايه .

ملك استغربت نظراته اللى بجنب وشه دى وبصت على نفس الاتجاه اللى بيبص عليه وشافت البنتين دول
وقالت ... كلم يا استاذ عدى الظاهر عليه لقى صيده حلوة هنا كمان اصله مش بيعتق خالص البيه .
فهد حب يغظها اكتر واكتر وبكل برود بصلها وقال .. خليكى فى حالك انتى ايه اللى مزعلك يا هانم .

ملك بغيظ ... ومين قالك انى زعلانه انا بس بلفت نظرك انى فهماك وعارفه انت بترمى لايه بالضبط وبتفكر فى ايه .
قصى نفخ بصوت عالى وقال .. خلصنا بقى منك ليها من الشد والجذب اللى احنا بقينا فيه ده كلنا زهقتونى .. انا هاخرج اشم هوا بره شويه .
فرح ماصدقت وقالت .. وانا كمان خدنى معاك يا قصى لو سمحت اصلى زهقت اوى من القاعده دى .
وفعلا خرج قصى هو وفرح وسابوا الكل على التربيزة بيناقروا فى بعض زى الديوك .. والكل بيضحك عليهم.

الموسيقى اشتغلت والكل كان فرحان وبدات البنات والشباب يرقصوا الا التربيزة اللى كان عليها عيله السيوفى .
فارس عيونه مكنتش بتنزل من على سلمى
وده اللى خلاها تتكسف ووشها يحمر .

عدى قرب من الكرسى بتاع هدى وقعد جنبها وهمس ليها باسلوبه الكوميدى وقال .. مكنتش اعرف انك جميله اوى كده على فكرة .
هدى بجد انا بحبك .. وعلشان اكون صادق معاكى ومش كذاب .. انا بدأت احبك فعلا .. انا باين عليا كنت اعمى الظاهر .. ومخدش بالى انك موزة جامده كده .. ورقيقه وجميله ... وبهزار .. طيب كنتى ادينى اى اشارة علشان اخد بالى بدل ما انا كنت حمار كده .
هدى بضحك .. اديك قولت كنت حمااار يا حمار .
عدى ما اسمحلكيش تقولى عنى حمار يا حمارة انتى .. ده انا حتى لسه كنت بقول عليكى رقيقه وجميله وظريفه تقومى تقوليلى حمار حته واحده .
كل ده وضحى سامعه كلام عدى لهدى واتمنت اليوم اللى سليم يقولها نفس الكلام ويحس بحبها ليه وكمان يعترف لها بحبه .

فهد كانت لسه عيونه على البنات وشاف واحده منهم قامت ترقص مع شاب والبت التانيه فضلت لوحدها فاتجرأ وقام وقف وراح ناحيتها وقال .. مساء الخير .. انا فهد السيوفى .. تسمحيلى برقصه دى ؟؟ وكل ده وعيون ملك ما نزلتش من عليه .

البنت ابتسمت و رحبت بيه وقامت ووقفت وفهد مد ايده ليها وراحوا على المكان اللى الشباب بيرقصوا فيه.. وكانت لابسه فستان قصير اوى وشفاف ظاهر كل مفاتن جسمها .

ملك بكل غيظ وعصبيه بصت للكل وقالت .. مش قلتلكم .. اهو راح للبت المسهوكه دى اللى حاطه كيلو بويه على وشها وطلب منها انها ترقص معاه وراحوا يرقصوا اهو عجبكم كده .. قوم يا عدى وروح هاته احسن والله لا اشوف اى حد واروح ارقص انا كمان معاه .

فارس .. اهدى يا ملك ده راجل ويعمل اللى يعمله .. هو ده التقل اللى كنتى بتقولى عليه .. هو ده اللى انتى هاتعلميه ليه ... كبرى دماغك لانه عامل كده مخصوص علشان يغيظك ويستفذك فانتى اعملى عكس ما هو متوقع واضحكى وهزرى عادى خالص ولا كأنك شيفاه .
ملك .. مش قادرة يا فارس .. انا كنت مفكرة انى اقوى من كده .. بس والله لا اوريك يا فهد بس اصبر عليا .
وفجاه جه حسام وكأنه كان سامع الحوار بتاعهم وبأبتسامه قرب منهم وعيونه على ملك وقال .. شرفتونا والله وفرصه سعيده انى اتعرفت عليكم اومال فين سليم ده انا مفكر انه معاكم وبقالى فترة بدور عليه .

ملك بصتله بابتسامه وقالت .. سليم كان هنا من شويه وحد جه نده عليه اتفضل اقعد يا باشمهندس حسام .
فارس وسلمى بصوا لبعض وفهموا ملك بتفكر فى ايه وناويه على ايه .
حسام ابتسم اوى وبعدها مد ايده ليها وقال .. تسمحيلى بالرقصه دى يا انسه ملك .
ملك اتصدمت من الطلب اللى حسام طلبه منها ووشها احمر جدا وبصت لفارس ولسلمى ومعرفتش ترد عليه وقالت .. معلش انا اسفه مش بعرف ارقص .

حسام ابتسم وعيونه جت فى عيونها وقال يا ستى ما انا برضه مش بعرف ارقص ومد ايده تانى وقال .. تعالى نعمل زى ما الشباب بيعملوا وخلاص او حتى زى ما فهد والبنت اللى معاه هناك دى ما بيعملوا .
ملك بصت على فهد وشافته عمال بيضحك هو والبنت اللى معاه فتغاظت وحبت تغيظه هو كمان وقامت وقفت ومدت اديها لايد حسام رغم كل نظرات الرفض من فارس وسلمى حتى ضحى بس هى ما سمحتش لاى حد انه يأثر عليها وعلى قرارها ده وراحت مع حسام .
فارس قام وقف علشان يحاول يمنعها لانه عارف ان فهد مش هايعدى الموضوع ده على خير وهايحصل كارثه من وراه .
لكن هى صممت على قرارها ده وراحت ترقص مع حسام .
رواية قصة عشق الجزء الأول للكاتبة سحر فرج الفصل الثامن والعشرون

فارس وجه كلامه لسلمى وقال ... ايه اللى ملك بتعمله ده ومن امتى حد فيكم بيروح مع حد منعرفهوش وكمان ترقص معاه دى اكيد حبها وغيرتها على فهد جننتها.. وربنا يستر بقى لما فهد يشوفها مع المهندس حسام .
سلمى بكل توتر ردت وقالت .. هى فعلا اتجننت رسمى وربنا يعديها على خير روح يا فارس لو سمحت وشوف قصى بره هو وفرح وانده ليه بسرعه .
ضحى ... عندك حق يا سلمى واياك قصى يجى بسرعه قبل ما فهد يشوفها مع اللى اسمه حسام انا حاسه ان فيه كارثه هاتحصل .
فارس قام وقف وخد بعضه وخرج من باب الفندق وراح يدور على قصى وفرح .

وعلى البحر بالتحديد كان واقف قصى هو وفرح وبيتكلمه مع بعض بمنتهى الرومانسيه .
قصى عيونه فى عيون فرح وابتسم وقال ... انا مكنتش اعرف انك جميله اوى كده يا فرح .. وعيونك بالجمال ده كله .
لانك كنتى دايما بتهربى منى وعمرك ما حسيتى بمدى حبى ليكى .
كنتى دايما بتصدينى وتهجمينى وكأنك خايفه تعترفى لنفسك انك بتحبينى .

فرح بمنتهى الرقه ابتسمت وقالت .. عارف يا قصى احنا من صغرنا واحنا عاملين زى القط والفأر وساعات كتير كنت بحس بأهتمامك الزايد ده وخوفك عليا .. بس عمرى ما كنت اتوقع انك بتحبنى الحب ده كله .
قصى ابتسم وقال .. ويا ترى بتحبينى زى ما بحبك اوى كده يا فرح ؟
فرح .. انا مش هانكر انى طول السنين اللى عدت من عمرى دى كنت بعتبرك زى فارس وفهد بالنسبه ليا .. لحد ما وسكتت ولفت بوشها الناحيه التانيه .
قصى مد ايده ولف وشها ليه وابتسم وقال .. كملى يا فرح وقولى كل اللى جواكى وحاسه بيه .

فرح وشها احمر اوى وردت وقالت.. لحد ما انت بوستنى لما كنا بنتخانق مع بعض عند اوضنا.. حسيت ساعتها باحساس غريب اوى.. حسيت انى فى دنيا غير الدنيا وانى طايرة لفوووووق اوى لمجرد ان شفايفك لمست شفايفى حتى ولو كان ساعتها غصب عنى .. واتمنيت ساعتها انى افضل طايرة طايره لفوق وانت معايا .
قصى ابتسم ورد وقال .. عارفه يا فرح انى فى اليوم ده مقدرتش انام خالص من كتر التفكير فى اللى حصل بينا .. وفضلت أئنب نفسى انى اتصرفت معاكى بالاسلوب ده كده بس انا ساعتها مقدرتش اقاوم جمال وحلاوة شفايفك .. كنت بتمنى دايما طول عمرى انى احس الاحساس اللى حسيته ساعتها ده معاكى رغم رفضك ليا ساعتها .

بس زى ما انتى بتقولى كده .. حسيت انى فى الجنه اول لما لمستهم .. انا بحبك اوى اووى اوووى يا فرح .. وان شاء الله اول لما نرجع السرايه هاطلب ايدك من عمى حسين .
فرح ردت وقالت .. بالسرعه دى يا قصى ؟
قصى .. بالسرعه دى يا حبيبه قلب قصى .. انا بتمنى اليوم اللى هاتكونى فيه على زمتى ساعتها ويتقفل علينا باب واحد .

وقرب اوى اوى من وشها وهى حست بحرارة قرب وشه ليها بس مدت ايديها على صدره وقالت .. خلى اللحظات الحلوة دى لما يتقفل علينا باب لوحدنا واكون مراتك .. هايكون ليها طعم احلاااا بكتير يا حبيبى .
وفجاه سمعوا فارس على بعد بينده ويقول .. قصى .. قصى .. تعال بسرعه فى مصيبه .
قصى وفرح استغربوا لكلام فارس وباندهاش قصى بص لفارس وقال .. خير يا فارس حصل ايه .. انتم كويسين .
فارس .. فى مصيبه هاتحصل يا قصى ولو ملحقتش توقفها هايحصل بلاوى كتير .
قصى بصدمه رد وقال .. مصيبه !!!!! انطق
يا فارس فى ايه ؟؟؟
فارس .. تعال معايا بسرعه وشوف بنفسك .

وعند ملك وحسام اللى كانوا بدؤا يرقصوا مع بعض وكان لسه فهد مش واخد باله منهم فاحبت ملك انها تلفت نظره وضحكت بصوت عالى وهى مع حسام .
فهد اتفاجاه بصوت ملك وضحكها ده اول لما سمعه فالف نفسه لمصدر الصوت واتصدم اول لما شاف ملك بترقص مع حسام وعمالين يتضحكوا واتصدم اكتر لانه عمره ما تخيل انه يشوفها فى منظر زى ده .

وبعيون بطلع نار شال ايد البنت اللى كانت على صدره وهما بيرقصوا وقرب من ملك وحسام وبكل عصبيه بصلها وقال .. ممكن تفهمينى ايه اللى انتى بتهبيبه ده يا هانم .
ملك عملت نفسها مش واخده بقالها من كلامه وكملت ضحك ورقص مع حسام وده اللى استفذ فهد اكتر واكتر .. وفجاه .
مد ايده وشد اديها من على صدر حسام وقال بعصبيه .. لما اكلمك تردى انتى فاهمه .
ملك اتفاجأت باسلوبه ده معاها وبصتله بقرف وقالت .. نعم فى حاجه حضرتك ؟؟

فهد .. ما تستفذنيش يا ملك اكتر من كده .. انتى هنا بتهببى ايه مع البيه ده .
ملك بكل برود ردت وقالت .. برقص زى ما حضرتك بترقص يا استاذ مع المسهوكه اللى مش لابسه هدوم هناك دى .. ولا حلال ليك وحرام عليا .
فهد بعصبيه وصوت عالى شدها من اديها وقال تعالى معايا وكان عاوز يخرج بيها لبرة علشان الناس اللى بدأت تبص عليهم فاملك شدت اديها من ايده وقالت .. انا مش رايحه معاك فى حته وروح كمل رقص مع الهانم اللى معاك يا فهد وسيبنى اكمل رقص مع البشمهندس حسام .

كل ده وحسام بيتابع اللى بيحصل بكل هدوء فاحب يلطف الجو شويه وبكل برود بص لفهد وقال .. متخافش عليها يا فهد انا مش هاكلها يعنى .
فهد بعيون حمرا من كتر العصبيه لف نفسه لحسام وبعزم ما فيه كور ايده وايداله حته بوكس فى وشه جامد اوى لدرجه انه كان هايوقعه على الارض .
وفى اللحظه دى قصى كان جه على بعد وبصوت عالى قااال .. فهد .

فهد لسه هايقرب من حسام ويضربه تانى فاتفاجاه بايد سليم بتمنعه وقال .. حصل ايه يا فهد .
قصى كان جه ومسك ايد فهد وشده وقال تعال معايا لبرة وكفايه لحد كده فضايح وانت يا فارس هات الكل وحصلونى على بره .
سليم مكنش عارف بالضبط ايه اللى بيحصل حواليه وبص لحسام اللى كان حاطت ايده على وشه مكان البوكس اللى خده وبصله وقال .. فى ايه يا حسام ايه اللى بيحصل هنا ده .

حسام رد عليه وقال .. كل ده علشان شافنى وانا برقص مع الانسه ملك .
سليم الراجل الصعيدى اللى جواه خرج وفى لحظه كور ايده هو كمان واداله حته بوكس فى وشه وقال .. ما اشفش وشك هنا ابدا تانى ولا حتى فى الشركه انت مرفوض يا بيه .
الكل اتصدم برد فعل سليم ده ناحيه صديق عمره وفى لحظه قصى كان شد فهد لبرة وفارس كان جمع البنات كلها وخرج على بره .
الا عدى وهدى كانوا لسه بيتمشوا على البحر .

سليم راح وراهم وحاول انه يعتذر لقصى على اللى حصل من حسام ده وقال ... انا اسف يا قصى على اللى حصل من حسام ده .
قصى .. حصل خير يا سليم واحنا اللى اسفين على اللى حصل جوه فى الحفله ده بس ضالغلط مش على حسام .
الغلط على الهانم اللى سمحتله انه يرقص معاها بالشكل ده اودام الناس دى كلها .
ووجه كلامه لملك وبصلها بغيظ وقال .. انتى علشان تغيظى فهد تتهورى وتعملى حاجه زى كده يا بنت عيله السيوفى .

انتى غلطى يا ملك والمفروض مكنتيش توصلى الموضوع لكده ابدا .. عيب اوى اللى حصل ده .. وكويس ان الموضوع انتهى على كده .
وفجاه سمعوا عدى جاى من على بعد وصوته عالى اوى وعمال بيضحك هو وهدى وقرب منهم وببتسامه عريضه بص للكل وقال ..
ايه ده هى الحفله خلصت ولا ايه يا جودعان .
الكل بصله باستحقار وبالذات قصى اللى رد عليه وقال .. تصدق انت معندكش دم ابدا .. جاى وبتضحك وصوتك عالى ومش حاسس المصيبه اللى احنا فيها .
عدى باستغراب ايه ده هو فيه ايه ؟

والله العظيم ما عملت حاجه انتم دايما ظالمنى كده .
قصى تسمح تتكتم حسابك معايا بعدين يا زفت وبعد اذنك يا سليم انا هاخد الكل وارجع على الشاليه كفايه اوى لحد كده وانت تعال براحتك وقت ما تخلص الحفله .
عدى عيونه جت على فهد اللى كان فى قمه الغضب وكمان على ملك اللى كانت عماله تعيط فاستغرب جدا وقرب من سلمى اخته وبصوت هادى اوى قال .. ممكن تفهمينى فى ايه بالضبط لانى حاسس انى زى الاطرش فى الزفه
سلمى .. بعدين يا عدى بعدين هاتفهم كل حاجه مش نقصاك انت كمان .

عدى .. ايه العيله دى
قصى بصلهم وقال .. يالا بينا العربيات جت اهى .. قسموا نفسكم عليها وياريت نعقل شويه ونسيبنا من لعب العيال ده .. ومش عاوز اكرر كلام تانى انتم فاهمين كلكم .
خدوا بعضهم وركبوا العربيات وخلال نصف ساعه كانوا وصلوا اودام الشاليه ودخلوا على جوه .
ملك اول لما دخلت طلعت جرى على فوق.
فهد السيوفى اخيرا نطق و شافها بتجرى على فوق فابصوت عالى بصلها و قالها .. خدى هنا يا هانم .. انتى مفكرة انى هاعديهالك على خير .

انا هاربيكى يا ملك من اول وجديد علشان الظاهر محدش عرف يربيكى كويس .. وهاعرف شغلى معاكى .
ملك اتصدمت من كلام وطريقه فهد معاها فانهارت بالعياط اكتر وجريت على فوق والكل كمان اتصدم .
قصى بصوت اعلى منه بصله وقال .. فهد ايه الكلام اللى انت بتقوله ده .. كل بنات عيله السيوفى متربين كويس اوى .. ومش معنى ان ملك غلطت بسببك .. تبقى مش متربيه .
انت اللى وصلتها لكده بسبب غرورك وطيشك وصرمحتك مع البنات .

ملك بتحبك وعمرك ما حسيت ولا قدرت الحب ده وعلى طول بتقلل منها او بالاصح منهم كلهم .
عيب اوى يا فهد .. انت غلطت كده فى حق عيله السيوفى كلها وعلشان تصحح غلطك ده اقل حاجه تعملها تطلع تعتذر لملك .. وتحاول تدى لنفسك فرصه وتقرب منها .. لانك عمرك ما هتلاقى حد بيحبك زيها .

عدى رغم طيشه وصرمحته قال .. وقت ما هافكر اتجوز .. عمرى ما هاتجوز واحده من اللى مشيت معاهم لانها كده رخصت نفسها وبقت لبانه فى بوق اللى رايح واللى جاى .. وقت ما هافكر اتجوز اخد واحده انا عارفها كويس اوى وعارف انها متربيه وبنت ناس محترمه عارف ليه !!!! علشان هايبقى مأمن على نفسه وعلى بيته وعياله وهى معاه ومتاكد انه معاه واحده هاتقدر تحافظ على سمعته كويس اوى .

فهد انت ابن عمى ومش ابن عمى وبس انت اخويا ونفسى تعقل وتشوف الدنيا بنظرة تانيه وتفكر فى حياتك ومستقبلك.
فهد كل ده كان مستمع لقصى كويس اوى وحس ان فعلا كلام قصى مضبوط وعنده حق فيه وانه لازم يتغير للاحسن ويشوف الدنيا بنظرة جديده .
فابص لقصى وقال .. عندك حق يا قصى وانا فعلا بدات احب ملك وحاولت انى افهمها كده بس هى رفضتنى وكان اودامكم كلكم .
فارس بص لفهد وقال .. فهد ... اطلع لملك وابدؤا صفحه جديده مع بعضكم ملك فعلا بتحبك وعملت كل ده لمجرد انها تغيظك .. هى اه غلطت .. بس الحب يعمل اكتر من كده حبها ليك عماها .

فهد خد نفس كبييير وابتسم وقال .. انا هاطلع ليها واعتذر لها واوعدك يا قصى اودامهم كلهم اهو انى هاتغير وهاكون انسان جديد خالص وبكرة تشوف .
وخد بعضه وجرى على فوق وراح عند الاوضه اللى فيها ملك وخبط وهى ماردتش فارجع وخبط تانى وقال .. افتحى يا ملك ارجوكى .
افتحى يا حبيبتى .. انا اسف على الكلام اللى قولته ليكى من شويه .. انا بحبك والله يا ملك ومقدرتش اشوفك واقفه مع اللى اسمه حسام ده وبترقصوا وقريب منك بالشكل ده .. ومن هنا ورايح هاتشوفى فهد بصورة جديده خالص غير اللى انتى تعرفيها عنه .. واول لما نرجع على السرايه هاطلب ايدك من جدى الحاج صفوان ..

وهانتجوز .. وهاتعرفى ساعتها ان كلامى مضبوط وهاتحسى بحبى ليكى اد ايه .. انا كنت اعمى ومقدرتش النعمه اللى ربنا بعتهالى ارجوكى تسامحينى .
ورجع خبط تانى وقال .. ملك .. ملك .. افتحى ارجوكى .. ملك وبدأ يرزع على باب الاوضه جامد لدرجه ان اللى تحت سمعوه وطلعوا جرى علشان يعرفوا فى ايه بالضبط .
طلع الكل وجريوا على فهد وبخوف قصى قال .. فى ايه يا فهد وملك فين ؟؟؟
فهد .. ملك اكيد حصلها حاجه عمال اخبط عليها وهى مش بترد .. انا هاكسر الباب .

هدى وسلمى بدؤا يعيطوا من كتر خوفهم على ملك وفارس قرب منهم وحاول يهديهم .. وفى لحظه فهد زق الباب جامد وكسره واول لما دخلوا اتصدموا لما شافوا ملك مرميه على الارض ومغمى عليها .
جرى عليها فهد وقصى وحاولوا يفوقوها .. بس للاسف كانت فاقده الوعى خالص .
فهد بحزن .. ملك .. ملك .. ارجوكى فوقى ارجوكى يا ملك ماتسبنيش .. انا بحبك والله فوقى يا حبيبتى .
قصى زق فهد وقال .. مش وقته الكلام ده ابعد بعيد .. وقرب من ملك ورفعها بايده من على الارض وشالها وحطها على السرير وغطاها وبص لضحى وقال .. تعالى بسرعه يا ضحى فوقيها .

ضحى جريت عليها وبما انها دكتورة طلبت من قصى ازازة برفان بسرعه .. قصى عيونه جت على التسريحه وشاف اكتر من ازازة برفان فاجرى ومسك واحده منهم وقرب من ضحى وادهلها .
ضحى رشت رشه خفيفه على اديها وقربت من ملك وحاولت تفوقها لحد ما فعلا ملك بدات تفتح عيونها بشويش وبصت للكل لحد ما عيونها ركزت على فهد وبنظره عتاب دمعه نزلت من عيونها ولفت وشها للناحيه التانيه .
فهد قرب منها وقعد جنبها وبكل حب قال .. سامحينى يا ملك .. والله ما كنت اقصد اى كلمه من الكلام اللى قولته ليكى تحت .. انا بحبك اقسم بالله .
كل ده وملك دموعها مغرقه وشها ومش قادرة تبص ناحيته .

فهد بحزن عليها مسك اديها وقال .. والله بحبك يا بنتى .. واوعدك من هنا ورايح انى هاتغير ومش هاشوف اى بنت تانى .. سامحينى بقى يا بنت عمى .
ملك فى وسط دموعها دى كلها ابتسمت ولفت وشها لفهد وقالت .. وانا مش عارفه انا عملت كده ازاى انت السبب وانت اللى وصلتنى لكده .
قصى .. حصل خير يا جماعه .. وياريت ننسى كل اللى حصل ده ونفتح صفحه جديده .. وقبل ما يكمل قصى كلامه كان وصل سليم وعلى وشه القلق لما وصل ودخل الشاليه ومشفش حد منهم وطلع على فوق .

سليم عيونه على ملك اللى نايمه على السرير فاستغرب بخوف وقال .. فى ايه يا جماعه حصل ايه ومالها ملك ؟؟
هدى جريت على اخوها واترمت فى حضنه وبدموع قالت .. ملك اغمى عليها وخوفت اوى اوى اول لما شوفتها مريمه على الارض .
سليم بكل حنيه ضم اخته هدى لصدره وحاول يهديها ويطمنها وقال ... متخافيش يا حبيبتى .. هى فاقت اهى وهاتبقى كويسه .

هدى .. انا كنت مرعوبه عليها يا سليم .. دى اختى وحبيبتى وصاحبتى .. اللى طلعت بيها من الدنيا دى لحد ما انت جيت وعرفت ساعتها ان ليا اخت واخ .
سليم بحب .. ربنا ما يحرمنى منك ولا منكم كلكم يا حبيبتى .. ويالا كده روحى اقعدى جنب ملك وقوميها علشان ننزل نتسحر كلنا وننام علشان فعلا تعبنا كلنا النهارده وكان يوم طويل وبكره من بدرى هاروح واحجز تذاكر الطيارة.
وفعلا هدى سمعت كلام اخوها وراحت قعدت جنب ملك وحضنتها وباستها .. ومدت ايديها ليها وقالت .. قومى يا حبيبتى .. علشان نغير لبسنا وننزل نتسحر كلنا مع بعض .

وفعلا قامت ملك وقعدت على حرف السرير .
والشباب خدوا بعضهم وراحوا بغيروا لبسهم فى اوضهم .
وبعد شويه نزل الكل واتجمعوا على سفره واحده واتسحروا فى جو عائلى مليان سعاده وفرح .. وكمان هزار عدى اللى اتعودوا عليه منه دايما .
وبعد شويه طلع الكل لاوضهم وكل واحد راح لسريره ونام الا سليم اللى خد خداديه ونام على الكنبه اللى فى الريسبشن .
لكن ضحى مكنش جايلها نوم وفضلت تتقلب كتير فى السرير وقامت وقررت انها تاخد اى كابرته وتنزل لسليم وتغطيه لان اليوم ده كان برد شويه عن الايام اللى فاتت .

وفعلا خدت ضحى الغطا ونزلت لتحت وقربت من سليم اللى كان مغمض عيونه وهى افتكرته نايم وغطته وفضلت تتأمل في ملامحه شويه .
ولسه هاتلف نفسها وتطلع على فوق .. كان سليم اسرع منها وفتح عيونه ومسك اديها وقال بكل حب .. شكرا يا ضحى .
ضحى اتفاجات بسليم وبمسكه ايده واتكسف جدا وقالت .. العفو يا سليم .
سليم زق الغطاء وقام وقف اودامها وعيونه جت فى عيونها وقال .. ضحى انا عارف ان مش وقته خالص الكلام اللى هاقوله ده .. بس عاوز اقوله ليكى وتعرفيه علشان تخدى قرارك فيه وتردى عليا اول لما نرجع على البلد .

ضحى انا بحبك وعاوز اتجوزك .. وعمرى ما هاقدر الاقى واحده زيك ابدا فى ادبك وتربيتك وحلاوتك .
انتى بجد انسانه جميله اوى وقلبك ابيض ومهما اقولك مش هاقدر اديكى حقك .
وانا مش مستعجل على ردك .. بس اول لما نرجع احب اعرفه .
ضحى بكل خجل ابتسمت وقالت .. تصبح على خير يا سليم .
سليم ابتسم وقال .. وانتى من اهله يا ضحى .
وطلعت ضحى على فوق وراحت لسريها وابتسمت اول لما افتكرت كلام سليم ليها و رقته معاها واعترافه بحبه ليها .
وفضلت على كده لحد ما راحت فى النوم .

طلع النهار والشمس اشرقت بنورها وحرارتها وبالتحديد فى السرايه.. الكل كان صحى من بدرى كالعاده .
الحاج صفوان كان نازل من فوق بعكازه وقرب من مكان الحاجه انعام اللى متعوده تقعد فيه وصبح عليها وقال .. صباح الخير يا حاجه.
الحاجه انعام ردت بحب وقالت .. يسعد صباحك يا حاج صفوان .. صاحى بدرى يعنى النهارده مش عاويدك .
الحاج صفوان .. اه والله يا حاجه ورايا كام مشوار كده ناوى اعملهم وكمان فرحان ان العيال هايجوا النهارده ويرجعوا ويملوا السرايه تانى من جديد .. اد ايه المكان مالوش طعم من غيرهم ووحشونى كلهم اوى اووووى .. وحاسس بفراغ كبير من غيرهم .

الحاجه انعام ابتسمت وقالت .. اه والله يا حاج وانا كمان وحشونى اوى ونفسى اغمض عينى الاقيهم جم ونوروا السرايه .. والنبى يا حاج طلع موبيلك ورن عليهم علشان اسمع صوتهم وكمان بالمرة اشوفهم هايرجعوا على كام بالضبط فى المطار علشان اخلى صلاح وحسين يروحوا يجبوهم بالعربيات .
الحاج صفوان فعلا طلع موبيله من جيبه ورن على قصى .. اللى كان يادوبك لسه صاحى من النوم وسمع موبيله بيرن .
قصى ابتسم اول لما مسك الموبيل وشاف اسم جده عليه فارد على طول وقال .. اهلا بالحاج صفوان بذات نفسه .
الحاج صفوان بحب رد وقال ...اذيك يا قصى يا ولدى .. انا قولت اطمن عليكم كلكم يارب تكونوا بخير والبنات كويسه .

وكمان جدتك الحاجه انعام عاوزه تسمع صوتكم .. وتعرف ميعاد طيارتكم هاتوصل امتى .
قصى بحب رد وقال .. اطمن يا جدى كلنا بخير .. وراجعين فى طياره باليل بعد الفطار على طول .. ادينى جدتى اطمن عليها .
وفعلا الحاج صفوان ادى للحاجه انعام الموبيل وسمعت صوت قصى واطمنت عليه وكمان بلغها بميعاد وصول الطيارة بتاعتهم وقفل الخط معاها بعد ما قالته يسلم على كل اللى عنده .

وشويه الوقت كان عدى والكل صحى من النوم وبدؤا يجهزوا شنطهم ويستعدوا للسفر .
عدى كذا ساعه وميعاد الفطار كان جه وفطروا على طول بسرعه علشان يلحقوا ميعاد الطيارة وما يتاخروش عليه .
وفعلا الكل كان جاهز للسفر والشباب طلعوا الشنط فى العربيات بعد تأخير البنات فى اللبس كالمعتاد وركبوا العربيات وطلعوا بيها على المطار .
وفى السرايه الكل كان خلص الفطار وبعدها راح حسين وصلاح بعربياتهم على المطار علشان يجيبوا الشباب كلهم .
والحاج صفوان وعصام رتحوا الجامع لصلاه التراويح .

وبعد حوالى ساعتين كان وصلوا من الجامع وراحوا قعدوا مع الحاجه انعام والحريم كلهم علشان كانوا بيتفرجوا على مسلسل من مسلسلات رمضان.
وفجاه اتقطع المسلسل وجه خبر عاااااجل.
الحاج صفوان .. استرها ياربيا ترة حصل ايه .
والمذيع بدا يتكلم بنبره حزن وقال ..
جائنا خبر عاجل منذ قليل وناسف اننا نبلغكم ان طيارة مصر للطيران القادمه من مدينه الغردقه؟
رواية قصة عشق الجزء الأول للكاتبة سحر فرج الفصل التاسع والعشرون

جائنا خبر عاجل منذ قليل وناسف اننا نبلغكم ان طيارة مصر للطيران القادمه من مدينه الغردقه؟
تعرضت لعمل ارهابى مما ادى اللى تفجيراها فوق مياه البحر الاحمر وتوفى كل ركابها .
وتعمل الحكومه على معرفه سبب هذا العمل الغاشم .. وتقوم سلطات المطار بالبحث عن هيكل الطيارة المنفجرة فى قاع البحر والبحث عن الصندوق الاسود لها مكان سقوطها بسبب الانفجار .

الكل اتصدم من الخبر الفظييييع ده وبالذات الحاجه انعام اللى بكل حزن وصدمه قالت .. لااااااااا لااااا متقولش كده . وبصرييييييخ ووجع بيقطع فى قلبها قالت...
يا حابيبى يا ضىء عيونى من جوه ليه يارب كده لييييه يارب كده .. كنت خدنى انا وسيبهم هما .. دول لسه فى اول حياتهم ومفرحناش بحد فيهم وكنا بنجهز لفرحهم .. اااااااااه يا ولادى .. اااااااه يا حابيبى .. ياااا لهووووى .. يا لهووووى .
والحريم كلها بدات تصرخ جامد من شده الصدمه اللى عرفوها دى ومحدش منهم كان متخيل اللى حصل ده وانهم يفقدوا عيالهم كلهم فى لمح البصر كده .. وفى موته بشعه زى كده .

الحاج صفوان بصوت عالى شخط فى الكل وقال .. اهدى يا حاجه اهدى يا مرة منك ليها .. قلبى بيقولى انهم بخير ومحدش فيهم حصله حاجه .. وبدموع الحزن و بقلب اتكسر قال .. وانا قلبى عمره ما خيب ظنى ابدا ابدا .. انا حاسس انهم بخير صدقونى .
الا وموبيل الحاج صفوان بيرن ومسكه بسرعه اول لما شاف اسم صلاح عليه وبكل حزن رد وقال .. ايوا يا صلاح يا ولدى .. قول ان الخبر اللى انا سمعته ده غلط .. وان الطيارة ماوقعتش بالعيال كلهم ..انطق يا صلاح انطق يا ولدى وريح قلب ابوك .

صلاح بكل حزن وبصوت مهزوز من كتر العياط رد على الحاج صفوان وقال .. الخبر صح يا ابوى .. انا فى المطار دلوقتى والدنيا مقلوبه وبيأكدوا ان الطيارة انفجرت بالعيال كلها يااااا بوووى .
اااااه يا حبايبى .. اااااه يا حرقه قلبى عليهم .
الحاج صفوان من شده صدمته الموبيل وقع من ايده وعكازه كمان وقع ورمى نفسه على الكرسى وقال ... لا حول ولا قوة إلا بالله العلى العظيم .. ياااارب يااااارب . اللهم اما لا اسالك رد القضاء ولكنى اسالك اللطف فيه .

وده اللى خلى الحريم تزيد من صريخها جامد لما شافوا انهيار الحاج صفوان بالمنظر ده . لدرجه ان اهل البلد كلهم اتلموا عليهم فى السرايه علشان يعرفوا سبب الصريخ ده ايه بالضبط .
وفجاه موبيل الحاج صفوان رن تانى وهو من كتر الحزن اللى كان حاسس بيه وحالته اللى توجع القلب مقدرش يمد ايده ويجيبه من على الارض .. وفجاه لمح اسم قصى على شاشه الموبيل وقال .. يارب ياااارب .
ومسك الموبيل بسرعه وجابه من على الارض وقال .. قصى حبيبى انتم بخير يا ولدى طمنى عليكم .

قصى .. اهدى يا جدى علشان خاطرى .. كلنا بخير وكويسين .. احنا سمعنا بموضوع الطيارة ده دلوقتى .. وقلقنا عليكم من الصدمه .. متخافش يا جدى .. احنا بخير وراجعين فى الطريق اهو بالعربيات .. لان الطياره اتأخرنا عليها وملحقنهاش . طمن كل اللى عندك يا جدى وقولهم اننا بخير وبالذات جدتى انعام الله يرضى عليك .
الحاج صفوان من شده فرحته قام وقف وقال الف حمد وشكر ليك يارب .. الف حمد وشكر ليك يارب .
العيال كلهم بخير يا حاجه .. العيال محصلهمش حاجه وراجعين فى الطريق .
زغرطى يا فاتن زغرطى يا احلام .. احفادى كلهم بخير .

الحاجه انعام من شده فرحتها عيطت بدموع الفرح وقالت .. الحمد لله الحمد لله اد ايه انت حنين وكبير يارب وهاترجعلى احفادى كلهم بخير.
الحريم كلها فرحت جدا وفضلوا يزغرطوا لحد ما ملوا السرايه كلها زغاريط الفرح .
الحاج صفوان مسك الموبيل واتصل على ابنه صلاح واول لما صلاح رد بفرحه قال .. اطمن يا صلاح يا ولدى العيال بخير قصى لسه مكلمنى وقالى انهم كلهم كويسين وراجعين فى الطريق .. الطيارة فاتتهم واتأخروا عليها ورجعوا بالعربيات .. اطمن يا ولدى وطمن حسين اخوك .
صلاح بفرحه .. بتتكلم بجد يا ابوى العيال كلهم بخير .. الف حمد وشكر ليك يارب .. الحمد لله على فضلك وكرمك لينا .

الحاج صفوان رد وقال .. يالا يا صلاح يا ولدى هات اخوك وارجع على السرايه علشان تبقوا فى استقبال العيال.
صلاح بفرحه رد وقال .. اللى تؤمر بيه يا ابوى .. مسافه السكه ونكون عندك .
وقفل الحاج صفوان مع صلاح وحط الموبيل فى جيبه وبصوت عالى نده وقال .. يا رفاعى .. يا وااد يا رفااااااعى .
رفاعى جه بسرعه للحاج صفوان وقال .. نعم يا حاج اؤمرنى .
الحاج صفوان بفرحه رد وقال .. من بدرى خلى الجزار يجى ويجيب عجلين كبار ويدبحهم ويفرقهم على اهل البلد كلهم .
ماشى يا رفاعى .

رفاعى .. ماشى يا حاج .
الحاجه انعام .. يااااااه على الخضه .. ده انا كنت هاموت فيها والحمد لله ربنا اكرمنى وفرحنى بسلامتهم .
فاتن بفرحه ردت وقالت .. اه والله يا حاجه .. الواحد كان حاسس ان قلبه هايطلع من جوه من الخضه دى .. ربنا ما يورينا فيهم حاجه عفشه ابدا ونفرح بيهم كلهم .
الحاجه انعام .. يارب يا بتى يارب .. المهم دلوقتى تخدوا بعضكم وتروحوا على المطبخ وجهزوا الاكل واعملوا كمان حلويات كتير من اللى العيال بيحبوها .
فاتن بحب .. عيونى يا حاجه ده انا هعمل احلى اكل وحلويات فى الدنيا للغالين كلهم .
سماح ردت وقالت .. خدونى معاكم يا فاتن وقوموا يالا علشان نلحق نعمل الحلويات كلها .
وفعلا دخلت الحريم كلها للمطبخ وبدؤا فى تجهيز الاكل وعمل الحلويات بكل حب و فرحه طالعه من القلب .

وبعد كام ساعه عربيات الشباب كانت وصلت للبلد وقربوا من السرايه واتفاجؤا بكميه الناس اللى كانت واقفه اودامها .
لحد ما وصلوا للسرايه و بدؤا يركنوا العربيات ونزلوا منها واول لما نزلوا سمعوا المزمار البلدى الصعيدى اشتغل والكل جرى عليهم بكل فرحه .
الحاج صفوان بفرحه قرب منهم ومد ايده لقصى وضمه فى حضنه بكل حب وقال .. حمد الله على سلامتكم يا ولدى حمد الله على السلامه .
وبعدها خد فارس وسليم وباقى الشباب كلهم وكمان البنات .

صلاح جرى على هدى وملك وفتح ايده ليهم هما الاتنين وقال .. بناتى حبايبى حمد الله على سلامتكم يا روح قلب ابوكم من جوه .
هدى وملك اترموا فى حضنه وبدؤا يعيطوا لما شافوا كميه الحزن والفرح اللى فى عيون صلاح وخوفه عليهم .
حسين ضم فى صدره فارس وفهد وفرح وفضل يبوس فيهم .
وعصام كذلك خد قصى وعدى وسلمى فى حضنه .

الا سليم الوحيد اللى كان واقف بيتفرج على كميه المشاعر دى من خلانه لعيالهم واتمنى فى اللحظه دى ان ابوه يكون موجود ويضمه لصدره زيهم بالضبط .
صلاح فى وسط فرحته بسلامه هدى وملك خد باله من نظرات سليم الحزينه وقرب منه ومد ايده ليه وشده لحضنه اوى اوى وكانه بيقوله انا اهو موجود يا سليم وبدل ابوك الله يرحمه .. يا غالى يا ابن الغاليه .
سليم حس بحنيه خاله صلاح تجاهه وضمه اكتر وقال .. ربنا يخليك ليا يا خالى وما اتحرمش منكم ابدا ولا من لمتكم دى .
صلاح بكل حنيه طبطب على كتفه وقال .. ولا منك يا ولدى وحمد الله على سلامتكم كلكم .. يالا بينا ندخل علشان جدتكم زمانها هاتموت وتشوفكم وتضمكم فى صدرها .

وفعلا دخل الكل لجوا والحريم والحاجه انعام كانوا فى انتظارهم على نار .
وسلموا عليهم كلهم واحده واحده .
وكانت الحاجه انعام اول واحده تفتح دراعتها لسليم ابن نعمه بنتها لتحضنه بكل حب وحنيه وعطف وكأن ربنا بيعوضه حنيه وعطف امه بجدته انعام.
وهو ما صدق الحضن الدافىء ده واترمى جواه علشان يمسح بيه كل الالم والحزن والحرمان اللى هو اتحرم منه من ساعه موت امه وابوه .
فاتن جريت على هدى وملك وخدتهم فى حضنها.. واحلام كذلك خدت قصى وسلمى فى حضنها اول ما عنيها جت عليهم وسماح خدت فرح وفارس فى حضنها وبدات تعيط جامد بس مش عياط حزن ووجع لفقد الضنى.. عياط فرح .. عياط كرم ربنا عليها انه حفظ ليها اولادها .

طبعا فى موقف زى ده عدى استحاله يعديه كده .. هو ما صدق كل واحده منهم واخده حد فى حضنها الا هو وفهد محدش عبرهم خالص ولا جه جنبهم من الحريم.
وبصوت عالى اوى اوى خلى الكل ينتبه ليه وقال .. ايه الناس دى .. على فكرة انا وفهد كنا معاهم يا بشر .. احنا للدرجه دى مش فارفين معاكم .. يرضيك كده يا فهد باشا .

يرضيك كده يا حاج صفوان يا كبير عيله السيوفى
لا انا زعلان .. بجد زعلان اوى للدرجه دى انا هونت عليكم انا والواد فهد ومحدش عبرنا وحضنا وباسنا زى البلاوى دول .
الكل فضل يضحك على عدى وكلامه وبالذات جدته انعام فاقربت منه وفتحت دراعتها ليه وقالت .. تعال تعال يا ابو لسان طويل انت والله وحشتنى ووحشنى هزارك والسرايه كانت مضلمه من غيرك .. وبعدين مش تصبر يا واد انت لما دورك يجى فى الاحضان والترحيب .. دايما كده مستعجل .
عدى ابتسم ابتسامه كبيرة وجرى فى حضن جدته انعام وفضل يبوس فيها وحس اد ايه فعلا جدته حنينه اوى عليهم كلهم من صغرهم .

كملوا سلامات وترحيب بيهم وبدات الحريم تجهز لهم الاكل على السفره والشباب استاذنوا انهم يطلعوا الشنط ويغيروا لبسهم .
اما سليم مقدرش يقعد معاهم اكتر من كده وفضل انه يروح لجدته لانها وحشته جدا وبالمرة يوصل ضحى لبيتها .
الحاج صفوان طلب منه انه يبلغ جدته سلامه وسلام الحاجه انعام وطلب من سليم انه يجيب جدته بكرة من بدرى ويفطروا كلهم مع بعض وهو بنفسه هايتصل بعمه جبل ويبلغه بالفطار ده هو واسرته لانها ليله القدر وكمان يتلم الكل مع بعضهم ويحتفلوا برجوع الشباب للسرايه بالسلامه . وكمان فى حاجه مهمه هايخبروا بيها الكل ولازم الكل يكون موجود.

سليم .. باذن الله يا جدى وهاحاول على اد ما اقدر انى اقنع جدتى بكده لانك عارف صحتها مش اد الخروج وبتتعب منه .
الحاجه انعام رضت وقالت .. باذن الله هاتوافق يا ولدى وبعدين ده يا دوبك مسافه الطريق بالعربيه ومفهوش تعب ولا حاجه .
سليم رد على جدته وقال .. حاضر يا جدتى اللى تؤمرى بيه يا ست الكل وربنا ما يحرمنى منك ولا منها ابدا وكمان جدى الحاج صفوان اللى ربنا عوضنى بيه مكان جدى على الجبلاوى نفس الطيبه والحنيه اللى فى قلبه بالضبط .
الحاج صفوان بفخر .. تعيش يا ولدى وربنا يخليكم ليا كلكم .

وقام سليم وسلم على كل الموجودين وخد بعضه هو وضحى وخرجوا من السرايه وركبوا عربيته فى طريقهم على الفيلا.
سليم برومانسيه قال لضحى .. مش ناويه تقوليلى رايك فى الموضوع اللى انا قولته ليكى يا ضحى.
ضحى بخجل ابتسمت ليه ومقدرتشتتكلم .
سليم .. افهم من كده انك موافقه .
ضحى .. اه موافقه يا سليم .

وبعد حوالى نصف ساعه الشباب كانت غيرت كلها لبسها وبدؤا ينزلوا على تحت ورا بعضهم .
الا قصى اللى كان لسه فى اوضته ويا دوبك كان خارج من الحمام بعد ما فارس خلص الدوش اللى كان بيخده ونزل على تحت ودخل بعديه قصى وخرج .
ويادوبك لبس لبسه وبيفتح فى الباب الا وفرح كمان كانت يادوبك خارجه من اوضتها وكأن القدر كان جامعهم فى نفس اللحظه دى علشان يشوفوا بعض .
قصى بابتسامه كلها عشق وحب بص لفرح وقرب منها وقال .. حمد على السلامه يا حبيبتى.

فرح بابتسامه رقيقه تجذب اللى اودمها ليها ابتسمت وقالت .. الله يسلمك يا قصى .
قصى بصلها وكأنه معترض على كلامها وقال قصى كده حاف وقرب اكتر واكتر لحد ما وشه بقى فى وشها اوى اووى ومفيش غير بضع سنتيمترات ما بينهم وقال .. سمعينى كده بتقولى الله يسلمك يا ايه؟

فرح بدات تتوتر من قرب قصى ليها اوى كده بالمنظر ده وبدات تحس ان في رعشه صغيرة بدات تسرى فى جسمها وبكل رقه قالت .. الله يسلمك يا ق...
وقبل ما تكمل اسمه قصى فى لحظه كان اسرع منها ومد ايده على شفايفها وقال .. قولى حمد الله على السلامه ياااا حبيبى
فرح اتوترت اكتر وعيونهم جت فى عيون بعض وبمنتهى الرومانسيه قالت .. حمد الله على السلامه يا حبيبى .

وقبل ما يرد او حتى يبتسم ليها قصى كان جه مفرق الجماعات وفاسد اللذات عدى اللى كان خارج من اوضته هو كمان وتنح ليهم اول ما شافهم بالمنظر ده وضحك وقال:
بتعملوا ايه يا اشقيه قفشتكم وبعدين ارحموا نفسكم شويه واعملوا حساب الناس اللى معاكم علشان بتكسف اوى اووى اوووى من الحاجات دى .
فرح زقت قصى بسرعه واتكسفت جدا وحطت ايديها على وشها.
قصى بكل غيظ بصله وقال .. لم نفسك يا رخم انت ومش عاوز طوله لسان .
عدى غمزله بعينه ورد عليه وقال ... ولو ما اتلمتش يا هندسه هاتعملى ايه .

قصى بغيظ رد و قال .. هاوريك هاعمل فيك ايه يا عدى و فى ثانيه جرى عليه وكان عاوز يمسكه بس عدى شاف كده وخد بعضه ونزل جرى على السلم قبل ما قصى يلحقه ويمسكه ويطلعه على جتته وقصى جرى وراه علشان يحاول يمسكه باى طريقه بس عدى كان اسرع منه وفضل يجرى ويجرى لحد ما اتفاجأ بوجود الكل فى انتظار نزولهم .

فاعدى جرى وراح ناحيه الحاج صفوان وقعد جنبه على حرف الكرسى اللى هو قاعد عليه وفضل ينهج اوى اوى وده اللى الكل استغربله .. وثوانى وشافوا قصى هو كمان بينهج جامد وكانهم بيجروا ورا بعض وعينه ركزت على عدى بالكل غيظ وبصله بصت توعد وقال ... ماشى يا عدى ماشى هاتروح منى فين يعنى .. مسيرى امسكك واطلع عينك اصبر عليا بس اما وريتك العين الحمرا علشان تطول لسانك تانى معايا .
الحاج صفوان سمع كلام قصى لعدى ورد وقال .. الواد ده عملك ايه يا قصى يا ولدى وبص لعدى وقال مش هاتبطل هبل يا واد انت يا ابوا لسان طويل عملت لاخوك ايه انطق ؟؟؟

عدى استغل كلام جده ده وبكل رخامه بص لقصى وابتسم وقال .. تحب اقول للحاج صفوان انا طولت لسانى معاك فى ايه يا هندسه .. ولا اكتم خالص واكفى على الخبر ماجور بقى واسكت ومالكش دعوة بيا
قصى مقدرش يرد عليه واكتفى انه ينفخ جامد وبعدها بصله وقال .. ماشى يا عدى ماشى مسيرك تيجى تحت ايدى
الكل فضل يضحك على الشد والجذب اللى بين الاخوات ده وكمان لمه العيله الجميله الى كانت وحشاهم لانها دايما جامعه الكل الصغير والكبير .
(او بالبلدى كده طبليه واحده وبتلمهم كلهم فى الحزن وفى الفرح وهى دى لمه العيله بحلوها ومرها اللى بيتمناها اى شخص فى الدنيا لانهم عزوته وسنده وضهره)

شويه وفرح نزلت من فوق وهى مكسوفه وبالتحديد من قصى وعدى اللى طبعا مسبهاش فى حالها طول القاعده وكل شويه يضحك لها ويغمزلها بعينه وكأنه بيقول لها ماشيه معاك يا باشا .
حتى على السفره مكنش عاتقها وعمال يجر شكله مع قصى وما صدق يمسك عليه حاجه ونوى انه يطلعه على جتته ويخلص منه القديم والجديد زى ما هو بيعمل معاه .

وفضلوا على الحال ده طول ما هما قاعدين لحد ما بدؤا ينسحبوا واحد ورا التانى علشان خلاص عاوزين يناموا وتعبوا من المشوار الكبير اللى عملوا بين الغرقه والصعيد .
وكل واحد راح على اوضته ونام فى سريره وراحوا فى سابع نومه.

طلع النهار والشمس ملت الدنيا كلها بنورها وحرارتها ودفئها لتعلن عن بدايه احلى واجمل ايام السنه وهى ليله القدر .
الجزار كان جه من بدرى ودبح العجلين فى وجود الشباب كلهم اللى كانوا صحيوا من بدرى علشان يقفوا مع جدهم وعمامهم .
وبعد الدبح راحوا وفرقوا اللحمه بنفسهم على كل اهل البلد كبير وصغير .
وبعد كام ساعه كان سليم وصل بعربيته علشان يحضر اليوم من اوله فى وسط اهله ومعاه كمان جدته وكمان عمه جبل ومراته وبنته ضحى بعد ما كلمهم الحاج صفوان بنفسه وعزمهم على الفطار .

سليم خد الكل لجوا السرايه والحاج صفوان كان فى استقبالهم هو والحاجه انعام ورحبوا بيهم كلهم ودخولهم على الصالون .
اما البنات بعد ما سلموا عليهم خدوا ضحى وطلعوا على فوق .
والشباب كانت لسه بتفرق فى اللحمه وبعدها بحوالى ساعه كانوا خلصوا التفريق ودخلوا وسلموا على جبل وسليم وكمان جدته .
عدى الوقت على طول وجه ميعاد الفطار وبدأت الحريم والبنات ومعاهم ضحى فى تجهيز السفره من اطباق وعصاير وبلح .. والكل اتجمع على السفره والآذان اذن وفطروا احلى واجمل اكل فى الدنيا مع هزار عدى المستمر ومناغشاته اللى بتدى للقاعده روح حلوة .

وبعد شويه خلصوا الفطار وكمان شربوا الشاى . وطلب الحاج صفوان من الكل انه يفضل قاعد علشان فى موضوع مهم عاوز يتكلم فيه اودام الكل .
جبل .. خير يا حاج صفوان فى ايه .
الحاج صفوان .. خير ان شاء الله يا جبل يا ولدى .. مع ان الموضوع ده كان المفروض يكون فى بيتك زى ما الاصول بتقول بس انا قلت اخد رايك الاول فيه ولو كده هانيجى لحد بيتك ونتفق وبعدين احنا عيله واحده والموضوع وما فيه انى طالب القرب منك فى بنتك ضحى لسليم ابن بنتى قولت ايه يا جبل .
ضحى كانت قاعده فى وسط البنات واتكسفت اوى اوى والبنات اتفاجات بكلام جدهم ده وفى نفس الوقت فرحوا بيه .

جبل فكر لثوانى ورد وقال .. سليم ابنكم وضحى بنتكم وانت كبيرنا يا حاج صفوان واللى تقول عليه انا موافق بيه .
الحاج صفوان ابتسم وقال .. اعتبر ان كلامك ده انك موافق يا ولدى .
جبل .. طبعا موافق يا حاج صفوان وعمرى ما هلاقى عريس لبنتى احسن من سليم اللى مربيه على ايدى .
الحاج صفوان .. على خيرة الله . ومش هايكون سليم لوحده .. وبما ان الكل موجود اهو احب اقولكم اننا قررنا ان
قصى هايتجوز فرح بنت عمه .

وفارس هاياخد سلمى بنت عمه .
وفهد هاياخد ملك بنت عمه .
عدى قاعد منشكح ومستنى اسمه يتقال هو كمان بس محصلش وجده سكت على كده .
عدى باستغراب قال .. وانا ابن البطه السودا يعنى فين اسمى يا جدى مسمعتوش يعنى
فى وسط اللى هايتجوزا دول كلهم .
ردت الحاجه انعام وقالت .. انت بالذات لا يا عدى علشان انت...
رواية قصة عشق الجزء الأول للكاتبة سحر فرج الفصل الثلاثون والأخير

ردت الحاجه انعام وقالت .. انت بالذات لا يا عدى علشان انت...
وقبل ما الحاجه انعام ما تكمل كلامها وزى عاويده دايما رد عدى وقال .. نعم نعم نعم .. انا بالذات لاااا ليه ان شاء الله واقع من قعر القفه .. ولا مش اد المقام ولا مش راجل يا جدتى .. والله ده ظلم والله ده حراااام والله ما هاسكت .

الا والحاج صفوان قام وقف من مكانه ورفع عكازه على عدى وضربه بيه وقااال .. وانا والله ماهجوزك يا عدى غير لما تعقل وتبطل الهطل اللى انت فيه ده ولعب العيال .. مش تسمع جدتك الاول هاتقولك ايه يا بأف انت .. ولا كرارة واتفتحت فى الكلام .. يا اهبل يا عبيط انت كك خابط .

عدى عمل نفسه زعلان والكل فطسان على نفسه من كتر الضحك عليه وعلى تهزيق جده صفوان ليه فارد وقال .. يا جدى ما انا كمان عاوز اتجوز زيهم وبحب هدى اوى وزعلت لما انت ما قلتش اسمى معاهم فى ( جدول الجواز ) قصدى فى خبر الجواز ومن الصدمه قولت اى كلام وخلاص .. بس اوعدك انى من الدقيقه دى هابطل هطل وهبل ولعب العيال ده خالص بس جوزونى هدى والنبى يا جدى وحيات الحاجه انعام عندك لتجوزوهالى .

الحاج صفوان من كلام عدى مقدرش يمسك نفسه من الضحك هو كمام وضحك وقال .. اه يا هبل انت والله ما هاتعقل ابدا .. جدتك الحاجه انعام كانت هاتقولك ان الاصول والتقاليد بتقول انك بدام عاوز تتجوز هدى بنت عمتك نعمه .. تبقى تطلب ايديها من عمها جبل واخوها سليم .. هما دول كبراتها والراى رأيهم هما وبرضه هما اللى يقرروا انت راجل يعتمد عليه وتستاهل انك تاخد بنتهم وهاتقدر تحافظ عليها ولا لا .. فاهم يا حمار انت ولا لااا .

عدى من كتر فرحته بكلام جده قام وقف وجرى على الحاج صفوان وفضل يحضن فيه و يبوس فيه ومكنش مصدق نفسه وقال ... ربنا يخليك يا جدى ربنا يخليك يا جدى هاتجوز هدى هههههههههههه هاتجوز هدى .
الحاج صفوان زهق من كتر احضانه وبوسه وزقه وقال.. الله اما صبرك يا روح .. يا اهبل انت اصبر مش لما تبقى تطلبها الاول من عمها واخوها تبقى تقول هاتجوزها .. دقنى اهى لو عقلت يا عدى .

الحاجه انعام وهى بتضحك .. كفايه عليه كده يا حاج صفوان احنا كده ربيناه من الاول وجديد وطلعنا كل اللى عملوا فينا طول السنين دى كلها على جتته .. الواد زمانه قلبه هايقف من كتر الخوف يا حاج صفوان .. وشاورت لعدى وقالت ... تعال يا عدى تعال يا حبيبى اقعد جنبى كده الله يهديك واركز كده وجمع كلمتين على بعض علشان تقولهم .. وعمك جبل قاعد اهو هو وسليم وشوف رايهم ايه فى طلبك ده .
هدى اخيرا ضحكت والكل فرح ليها وفى لحظه هدووووء من الكل !!!!!!

عدى قعد جنب جدته انعام زى ما هى طلبت وحاول يجمع اعصابه وبكل رجوله بص لجبل وسليم وقال .. عم جبل .. وانت كمان يا سليم .. انا يسعدنى ويشرفنى .. انى اطلب منكم ايد هدى بنت عمتى نعمه وقبل ما اسمع رايكم احب اقولكم .. انى هاحطها جوا عيونى .. وهاكون سندها وضهرها من بعدكم اطمنوا عليها وهى معايا ومتخفوش عليها .

جبل بص لسليم وقال .. رايك ايه يا سليم يا ولدى .. هدى اختك والراى يرجع ليك انت .
سليم بكل حب بص للحاج صفوان وقال .. بعد اذنك يا عم جبل .. جدى صفوان هو كبيرنا وعزوتنا كلنا والكلمه كلمته هو والراى رايه هو وانا مقدرش اقول اى حاجه فى وجوده ووجود جدتى ام ابويا وجدتى الحاجه انعام .
جبل فرح من كلام سليم جدا ورد وقال .. اصيل من يومك يا سليم وتعرف فى الاصول كويس اوى وعندك حق يا ولدى .. ربنا يخللنا الحاج صفوان ويديله الصحه والعافيه وطوله العمر ويفرح باحفاده كلهم .

الحاج صفوان بفرحه رد وقال .. تعيش يا جبل يا ولدى تعيش يا سليم ... وبما انى كبير الكل وعاوزين تعرفوا رأيى احب اقولكم انا موافق وعلى خير الله لانى متأكد ان عدى راجل من ضهر راجل وانا عارف ومتاكد كمان انه هايقدر يحافظ على هدى بنت بنتى ويشيلها جوا عنيه .
مبروك عليكم كلكم يا حبايبى ويالا نقرا الفاتحه
وفعلا قروا الفاتحه كلهم وعيون كل حبيب فى عيون حبيبته .

والحاج صفوان قام وقف وقال .. زغرطى يا مرة منك ليها واملوا السرايه كلها بزعاريط الفرح خلى حياتنا كلها فرح فى فرح وربنا يتملهم كلهم على خير وباذن الله الفرح هايكون بعد اسبوع من دلوقتى جهزوا نفسكم كلكم و ربنا يسعدكم .
الكل فرح جدا جدا وقاموا وقفوا وبدؤا يهنوا بعضهم كلهم بكل حب وسعاده .. والحريم ملت السرايه كلها بالزغاريط.
الرجاله خدت بعضها كلها وراحت تقعد فى المندرة بتاعه السرايه .

والحريم كلهم راحوا وقعدوا فى مكان تانى علشان يفضوا المكان شويه للعرسان
وبعد ما الكل مشى والمكان فضى على الشباب والبنات بس .
قصى قام وقف و قرب من فرح بكل هدوء ومد ايده ليها وقال .. الف مبروك يا حبيبتى
فرح بابتسامه رقيقه مدت ايديها ليه وقالت .. الله يبارك فيك يا قصى
قصى رد بكل عشق وقال قلب وعقل وروح وعيون قصى يا فرح .

فرح وشها احمر جدا واتكسفت وعيونها بصت فى الارض وقالت .. وبعدين معاك الكل قاعد هايقولوا عننا ايه بس .
قصى بحب رد وقال .. بصى على كل واحد فيهم هتلاقيه فى دنيا غير الدنيا هو وحبيبته
حتى شوفى فارس .
فارس هو كمان راح قعد جنب سلمى و مد ايده ليها وقال .. الف مبروك عليكى يا روح قلبى .
سلمى بكسوف ردت وقالت الله يبارك فيك يا ابن عمى .
فارس بتقولى مبروك يا ايه!

سلمى بكسوف ردت وقالت .. مبروك يا فارس .
فارس قرب اكتر منها وبصوت هادى قال ..
تؤ تؤ ولا دى كمان .. قولى مبرووووك يا حبيبى .
سلمى بكسوووف .. فارس وبعدين معاك اخواتى قاعدين جنبنا وممكن يسمعونا وبعدين يقولوا ايه بس .
فارس .. يقولوا انى بقيت خطيبك مش لسه قارين الفاتحه .. بس مقبوله منك دلوقتى و سماح المرة دى .

وعند فهد اللى كان متوتر و مكنش عارف يقول ايه فى موقف زى كده وقرر فى الاخر انه يروح ويقعد جنبها زى ما الشباب التانين عملوا .. وفعلا قام وراح قعد جنب ملك وابتسم لها وقال .. مبروك يا حبيبتى .
ملك بالرومانسيه جميله ابتسمت و ردت وقالت: الله يبارك فيك انا حاسه انى بحلم حلم جميييل اوى يا فهد .. مش متخيله انى اتخطبت ليك بالسرعه دي.. وكمان بتقولى يا حبيبتى .

فهد بنظرة كلها حب بصلها فى عيونها وقال .. ملك انتى صاحيه مش بتحلمى .. وكلها كام يوم وهاتبقى مراتى يا حبيبتى
ملك بفرحه اول لما قالها حبيبتى تانى ردت وقالت .. بجد يا فهد بتحبنى .
فهد بحب رد وقال .. بجد يا قلب فهد بحبك.
وعدى فين وفين لما خد باله انه المفروض يقوم ويبارك لهدى هى كمان اللى كانت قاعده منتظراه يقوم ويبارك ليها زى الكل .
فبص حاوليه يمين وشمال وشاف كل واحد من الشباب قاعد جنب خطيبته الا هدى اللى كانت قاعده لوحدها وباين على وشها الحزن .
فقرب منها وقال .. هدى ايه ده هى العيال دى بتعمل ايه مع بعض .

هدى بغيظ ردت وقالت .. بيحكوا حواديت لبعض يا ظريف
عدى فهم هى مديقه ليه وحب يستفذها اكتر فاقعد جنبها وقال.. ايه ده بجد وانا كمان عاوز حد يحكيلى حدوته .
هدى بغيظ اكتر قامت وقفت وقالت .. تصدق فعلا انى هاقوم دلوقتى وهاروح لجدى واقوله انا مش عاوزة الجوازة دى يا عدى .
عدى شدها من ايدها وقال ... اقعدى يا مجنونه انتى انا بهزر معاكى وقولت اغيظك شويه واتنحنح وقال احم احم .. مبروك عليكى عدى يا روح قلبى .
هدى بابتسامه جميله ردت وقالت .. يا بارد انت زعلتنى .. وقولت عليك مش رومانسى زى العيال دى .

عدى قرب اوى اوى منها وبشويش رد وقال .. فشر ده انا رومانسى اوى واعجبك وبكرة تقولى عدى قال وبحب احكى حواديت كتير هابقى احكيهالك بعدين مش دلوقتى لما نتجوز الاول علشان الحواديت الى عندى متنفعش دلوقتى خالص .
هدى بكسوف فهمت هو يقصد ايه وبدات تضربه بايديها على صدره وقالت انت تقصد ايه يا قليل الادب انت .
عدى .. اهدى يا مجنونه انتى هاكون بقصد ايه يعنى انتى اللى تفكيرك وحش كل وما فيها هاقولك حواديت زى الشاطر حسن .. او شهريار .. او الاقذام السبعه .

شوفى انتى اللى دماغك راحت لفين يا قليله الادب ياللى بتجرجرينى للرزيله
ده ناقص تشربينى حاجه اصفره يوم الدخله يا قليله الادب انتى .
هدى زودت ضرب فيه وقالت .. انا برضه انااااا قليله الادب يا عدى وهو ميت على نفسه من كتر الضحك .
كل اللى كانوا قاعدين من الشباب والبنات خدوا بالهم من اللى بيحصل مع هدى وعدى وفضلوا يضحكوا واتاكدوا ان عمر ما عدى هايبطل لعب العيال اللى بيعمله وهزاره ومقالبه دى خالص وربنا يستر فى الايام الجايه قبل الجواز .

العيد
الله أكبر، الله أكبر، الله أكبر، لا إله إلا الله، الله أكبر، الله أكبر، ولله الحمد، الله أكبر كبيرًا، والحمد لله كثيرًا، وسبحان الله بكرة وأصيلا، لا إله إلا الله وحده، صدق وعده، ونصر عبده، وأعز جنده، وهزم الأحزاب وحده، لا إله إلا الله، ولا نعبد إلا إيَّاهُ، مُخْلِصِين له الدين ولو كره الكافرون، اللهم صل على سيدنا محمد، وعلى آل سيدنا محمد، وعلى أصحاب سيدنا محمد، وعلى أنصار سيدنا محمد، وعلى أزواج سيدنا محمد، وعلى ذرية سيدنا محمد وسلم تسليمًا كثيرًا"

عدى كام يوم على قرايه الفاتحه وجه يوم العيد والكل كان صحى من بدرى علشان يحضروا صلاه العيد فى الساحات الكبيرة اللى فى البلد .
الحاج صفوان خرج من اوضته وهو لابس جلابيته الجديده والعبايه والعكاز والابتسامه على وشه هو الحاجه انعام ونزلوا على تحت .
صلاح وحسين وعصام وكمان كان معاهم الشباب كلها قاعدين ومنتظرين نزول الحاج صفوان علشان يروحوا كلهم مع بعض لحضور صلاه العيد .
الحريم والبنات كلها كانت فى المطبخ بتجهز للفطار وخرجوا اول لما سمعوا صوت الحاج صفوان والحاجه انعام بره .
ويا دوبك كان سليم لسه واصل علشان يحضر معاهم صلاه العيد لاول مرة فى حياته هو وجدته .
والكل رحب بيهم وسلموا عليهم .

الحاج صفوان بكل حب وحنيه بصلهم كلهم وقال .. كل سنه وانتم طيبين جميعا .. وعيد فطر سعيد عليكم .. وربنا يديم لمتنا دى على طول وما يفرقنا ابدا عن بعضينا وتفضلوا ايد واحده كده على طول ويخليكم لبعضكم .
الكل بدأ يسلم عليه ويبوس ايده هو والحاجه انعام وكمان الشباب باسوا اباهتهم وامهاتهم وعيدوا عليهم .. فى روح عائليه جميله من الجدود لحد الاحفاد .
وفى الاخر كل واحد راح جنب خطيبته وعيد عليها بكل حنيه ورقه وبعدها خرجت الرجاله مع الحاج صفوان وكمان الشباب كلهم لصلاه العيد .
اما البنات طلعت غيرت لبسها بعد تجهيز الفطار ولبسوا لبس جديد وحطوا مكياج خفيف وبقوا كلهم زى القمر .

وبعد حوالى ساعه كان الكل جه من صلاه العيد والسفره كانت فى انتظارهم والفطار كان شاى باللبن وكعك وبسكويت وقرص طريه وكمان القراقيش اللى بالعجوة اللى الكل بيحبها والفايش كمان .
اتجمع الكل فى مكان واحد وعلى سفره واحده يرأسها الحاج صفوان والحاجه انعام بكل فرح وحب وطيبه وحنيه وفرحه عيد الفطر .
وبعد الفطار قام الحاج صفوان كبير الكل وبدا يوزع العيديه على جمييييع احفاده وكمان عياله وحريم عياله .. وفى وسط دول كلهم ميقدرش ينسى ابدا شريكه عمره الحاجه انعام .

كل واحد قرب منه وخد عديته وهو فرحان وسعيد ومش مهم العديه صغيرة كانت او كبيرة .. ده رمز لفرحه العيد وخصوصا عند الاطفال والكل بيفرح بيها وبالذات لما تكون من الجد او الجده بيكون ليها طعم تانى خالص ومختلف .
الكل خد عديته وفرح بيها الا المنيل على عينه عدى اللى ميقدرش يعدى اى موقف غير لما نشوف منه اى حاجه تضحكنا .
عدى مسك عديته وبص فيها وقال .. ايه يا جدى دى نفس عديه السنه اللى فاتت ما تشخلل جيبك شويه كمان انت ناسى انى خاطب هدى وورايا حاجات كتير لزوم الفرح ولا ايه يا حاج .
الكل ضحك عليه وكعادته اللى مش هايبطلها ابدا هزاره وضحكه وخفه دمه .

الحاج صفوان بصله اوى وضحك وقال .. اول مرة فى حياتك يا واد انت تقول كلمه صح .. تعال خد بزياده اهو علشان تدى خطيبتك عديتها وتشوف الحاجات اللى انت عاوزها .
وقام مطلع فلوس كتير وقال .. وانت يا قصى خد وادى خطيبتك وانت يا فهد وانت يا فارس خدوا وادوهم وفرحوهم .
واعملوا حسابكم الفرح فاضل عليه اربع ايام وانا دعيت الناس كلها اللى فى البلد والبلاد اللى جنبنا .. الفرح هايبقى كبيييير اوى .. وباذن الله هايكون اكبر فرح فى الصعيد كله علشان فرح احفاد عيله السيوفى كلهم وكمان عيله على الجبلاوى .
ربنا يفرحكم ويسعدكم ويتمها على خير .

عدى الاربع ايام بسرعه وجه يوم الفرح والسرايه كانت زى خليه النحل بالضبط.
كل واحد مسؤول عن حاجه بيعملها من الكبير للصغير .
الرجاله فى استقبال الضيوف اللى بدؤا يجوا من بدرى وكان فى استقبالهم الحاج صفوان وجبل وصلاح .
وعصام وحسين بيشرفوا على الجزارين والطباخين اللى بيجهزوا الاكل من قبلها بيوم .
والشباب كلها كانوا مسؤلين عن الساحه الكبيرة اللى اودام السرايه وهايتعمل فيها الفرح .

وكانوا بيشرفوا عن كل شىء فيها من كهرباء وزينه وانوار وفراشه وكراسى ومسرح كبييير وميكرفونات وتربيزات ودى جى .
عدى الوقت بسرعه والبنات كان معاهم كذا ميكب ارتس علشان يقدروا يجهزوا الخمس بنات من غير تاخير .
الحاجه انعام كانت فى استقبال الضيوف اللى كانت بتيجى تبارك وتهنى هى والحريم وجده سليم .
الشباب كانوا خلصوا كل شىء واطمنوا على كل حاجه انها مضبوطه وزى ما هما عاوزين .
وبعدها طلعوا على اوضهم علشان يستعدوا للفرح ويخدوا شور ويلبسوا بدلهم .

وفى لمح البصر الوقت كان ازف والكل خلص لبسه منهم وكل واحد كان مختلف عن التانى فى تسريحته واستايله وبدلته ولونها بس فى الاخر كلهم كانوا زى القمر .
وفى اوضه البنات كان الوضع مختلف خالص
ملك وهدى فى اوضه مع بعضهم وكانوا خلصوا مكياجهم ولبسوا فساتنهم البيضه وكانوا زى القمر وحلوين جدا جدا .
وفى الاوضه الكبيرة كانت ضحى وسلمى وفرح خلصوا هما كمان كل حاجه وكانوا زى الاميرات بالضبط من كتر حلاوتهم .
الباب خبط ودخلت الحاجه انعام علشان تشوفهم واول ما دخلت وشافتهم زغرطت بفرحه وقالت .. الله اكبر ما شاء الله زى القمر يا حابيبى .. وحضنتهم وباستهم وقالت ادخل يا عريس منك ليه كل واحد يجى ياخد ايد عروسته .

وفعلا دخل قصى وسليم وفارس بابتسامه جميله و اتفاجؤا بجمال وحلاوة البنات وكل واحد مد ايده لعروسته وباسها وخرج من الاوضه .
الحاجه انعام .. استنونى هنا يا عرسان لما اشوف هدى وملك خلصوا ولا لسه .
ودخلت اوضه البنات وفرحت بيهم هما كمان وبحلاوتهم وقالت ما شاء الله عليكم وباستهم وحضنتهم وقالت ادخلوا يا عرسان .
ودخل فهد وعدى اللى كانوا حلوين اوى هما كمان وفرحوا جدا لما شافوا ملك وهدى بحلاوتهم وجمالهم ده ومدوا اديهم وباسوها وخرجوا من الاوضه ونزلوا على تحت كلهم فى منظر روعه وجميل جدا وكان الكل فى انتظارهم تحت .

الحاج صفوان فرح جدا اول لما شافهم وباسهم وحضنهم كلهم وقال .. الف مبروووك ليكم وربنا يسعدكم ويهنيكم يا حبايب قلب جدكم من جوه .
وبعدها راحوا كلهم على مكان الفرح والاغانى اشتغلت والكل كان فرحان وسعيد بفرح احفاد عيله السيوفى كلهم .
وكانت اول اغنيه تشتغل زى ما الشباب طلبت كانت احنا الصاعيده .

في الصعيد علمونا
ان الرجولة مش كلام
فهمونا معنى كلمة إحترام
فسرولنا يعني ايه راجل تمام
إحنا الصعايدة وصيتنا سابق قبلنا
إحنا الأصول وإحنا الكرم والجدعنة
اللي يشترينا بروحنا نشتريه
واللي بيعادينا مابنغلبش فيه
ده اللَيّ يَشْتَرِينا بِرَوْحنا نَشْتَرِيهُ
وَاللَيّ بيعادينا مابنغلبش فِيهِ
لينا كلمة ولينا هيبة وفي بلدنا الكدب خيبة
لينا كلمة ولينا هيبة وفي بلدنا الكدب خيبة
ع الرجولة شب عودنا عمرنا ما نبدأ بعيبة
سلو بلدنا الرجولة والغدر منعرفوش
ده اللَيّ يَشْتَرِينا بِرَوْحنا نَشْتَرِيهُ
وَاللَيّ بيعادينا مابنغلبش فِيهِ
حدانا بالصعيد بنكبر الكبير
وبنسند الضعيف وبنكرم الفقير
حَدانا بِالصَعِيد بنكبر الكَبِير
وبنسند الضَعِيف وبنكرم الفَقِير
دمنا حر وعرقنا حامي
ع الحق ندافع ونحامي
مانخافش إلا من اللي خالقنا
وماتفرقش معانا أسامي
دِمَناً حَرَّ وَعَرَقنا حامُيَ
ع الحَقّ نُدافِع وَنُحامِي
مانخافش إِلّا مَن اللَيّ خالِقنا
وماتفرقش مِعانا أُسامِي
لَيّنا كَلَمَّة وَلَيَّنا هَيْبَة وَفِي بَلَدنا الكدب خَيْبَة
ع الرُجُولَة شَبّ عَوَّدَنا عُمْرنا ما نَبْدَأ بِعَيْبَة.

كل الشباب كانت بترقص وهى فرحانه والكل فرحان ليهم وبيهم .. وكمان الحاج صفوان رغم سنه الكبير وصحته الا انه قام ووقف فى وسطهم بعكازه ورقص معاهم من فرحته بيهم .
حتى كل الموجودين كانوا بيرقصوا على أنغام اغنيه احنا الصاعيده وفضلوا يرقصوا ويرقصوا بكل فرحه وحب لاحفاد كبيرهم وعدى الوقت على طول وخلص الفرح والعرسان كل واحده خد عروسته على اوضته .

حتى سليم جهزوا ليه اوضه علشان يحضر اول اسبوع ليه فى جوازه معاهم زى ما الحاجه انعام طلبت منه وهو مقدرش يرفض لها طلبها ووافق على طول .
الكل دخل اوضته وقفل بابه عليه وبدأت البنات كلها تحس بالخجل والخوف لمجرد ان الباب اتقفل عليها هى وعريسها .
عدى دخل هو و هدى وقفل الباب وحس بخجل هدى جدا وشافها وقفت فى وسط الاوضه وعماله تفرك بايديها جامد .
فقلع جاكيت البدله بتاعته ورماه على السرير وقرب منها ومسك اديها وقالها .. مش هانحكى الحواديت بقى هدى وشها احمر اوى .. عدى بصوت عالى ضحك وقال ليلتك يا عدى يا سيوفى .

هدى بخجل .. وطى صوتك يا عدى مش كده ممكن حد يسمعنا .
عدى قرب منها اوى ومن وشها وفجاه قال .. دقيقه واحده نسيت حاجه تحت وهارجعلك على طول يا عروسه خليكى زى ما انتى وفتح الباب وخرج .
هدى باستغراب .. المجنون ده خرج وراح فين فى وقت زى ده .
فهد كان فى اوضته وكان واقف وعيونه على ملك وكان شايفها جميله اوى اوى .
فقرب منها ومد ايده ليها ومسك اديها وقال ..
وقبل ما يقول اى حاجه ....

الباب خبط فراح يشوف مين وفتح الباب وشاف عدى اودامه وقال .. عاوز ايه يا ابنى انت دلوقتى وايه اللى خرجك من اوضتك .
عدى بص يمين وشمال وبصوت واطى اوى قرب من وش فهد وقاله حاجه فى ودنه .. وده اللى خلى فهد يدخل لملك ويستاذن انه هايروح يجيب حاجه نسيها تحت هو وعدى .
وقالها خليكى زى ما انتى اوعى تتحركى من مكانك وخرج من الاوضه وقفل الباب وراه .
نزل فهد وعدى على تحت وخرجوا من السرايه للجنينه وراحوا لحد اوضه رفاعى .
وخبطوا عليه بشويش لحد ما فتح لهم .

وفى اوضه فارس وسلمى .. الوضع كان مختلف جدا واول حاجه عملوها لبدايه حياتهم مع بعض انهم اتوضوا وصلوا ركعتين ودعوا ربنا انه يسعدهم ويتملهم على خير .
وبعد ما خلصوا .. فارس قرب منها وقال .. مبروك يا حبيبتى انا اسعد واحد النهارده فى الكون كله .
سلمى بمنتهى الرقه ابتسمت وقالت .. وانا كمان سعيده وفرحانه يا فارس .
فارس .. بتقولى ايه .. فارس بس !!
وقرب منها جدا جدا وعيونه بقت فى عيونها وقال .. احلى واجمل واطعم فارس سمعتها فى حياتى وفى لحظه قرب من شفايفها و...

اما بقى فى الاوضه اللى جنبهم واللى كان فيها سليم وضحى كان فيه اختلاف شاسع عن باقى الاوض .
ضحى كانت استاذنت من سليم و دخلت الحمام وغيرت فستانها الابيض ولبست حاجه رقيقه اوى وخرجت وهى مكسوفه .
سليم كان قلع بدلته ولبس شورت وفانله واول لما شاف ضحى خرجت من الحمام راح ليها ومسك اديها وقال .. مكنتش اعرف انى بحبك اوى كده يا ضحى .. انا كأنى اول مرة اشوفك واعرف انك جميله اوى اوى كده .

ضحى وشها احمر اوى اوى و بخجل ردت وقالت .. ربنا يقدرنى انى اسعدك و... بوسه سليم ليها كانت كفيله انها تروح فى دنيا تانيه اسمها العشق
وفى اوضه قصى وفرح الجو كان رومانسى وهادى وجميل زى ما استعد ليه قصى بالضبط فاولع كذا شامعه مع الاضاءة الخفيفه والموسيقى الرومانسيه وانتظر خروج فرح من الحمام .

فرح من كتر توترها وخوفها استأذنت ودخلت الحمام وقفلت على نفسها وفضلت جوه لاكتر من نصف ساعه وده اللى خلى قصى يقلق عليها فقرب من الباب وخبط عليها وقال .. فرح انتى كويسه .. كل ده بتغيرى الفستان يا حبيبتى .
فرح بخوف وتوتر ردت وقالت..... انا لسه مقلعتهوش اصلا مش عارفه افتح السوسته وده اللى مخرجنيش لحد دلوقتى .
قصى بضحك رد وقال .. طيب افتحى يا حبيبتى وانا افتحالك متخافيش .. مش معقول هاتفضلى قاعده جوه كده .

فرح بتوتر راحت فتحت الباب وبصت لقصى وشافته غير لبسه فامشيت بسرعه من جنبه وقلبها بدا يدق جامد جدا ووقفت فى اخر الاوضه .
قصى بخباسه ابتسم وراح جنبها وقال .. تسمحى افتحها انا يا حبيبتى .
فرح ردت بالعافيه وقالت .. ماشى .
قصى ما صدق وراح ناحيه السوسته ومد ايده عليها وبدا يفتحها بشويش اوى اوى .. وده اللى خلى فرح دقات قلبها تزيد جدا وبدأ جسمها يرجف من مجرد انها حست بايده على ضهرها لحد ما فتحها كلها .

وحست بحراره أنفاسه على جسمها وبقبلات رقيقه بدا يوزعها قصى حست بانهيار كامل لاعصابها و..
عيب بقى سيبوهم فى حالهم بطلوا رخامه وتعالوا نشوف عدى وفهد بيهببوا ايه مع بعض من ساعه ما راحوا لرفاعى .
رفاعى بعد ما خبطوا عليه فتح لهم الباب واداهم شنطه سودا وقال .. اوعى الحاج صفوان يعرف ان انا اللى جبتهم يا عدى بيه .. بدل ما يقتلنى وحيات ابوك .
عدى خد الشنطه بسرعه من ايده وقال .. متخافش يا رفاعى هو انا اهبل ادخل واقفل الباب بسرعه بدل ما حد يشوفنا .

وبسرعه قفل رفاعى عليه الباب ومشى عدى وفهد ودخلوا السرايه وراحوا على المطبخ وجابوا كوبيتين وراحوا قعدوا بره بشويش علشان محدش يحس بيهم
فهد بص لعد وقال .. انا هاشرب يا دوبك كاسين اتنين مش اكتر علشان الحق اطلع للعروسه زمانها منتظرانى .
عدى بصله ورد وقال .. ده على اساس انى مش سايب عروستى انا كمان .. انا هاشرب برضه كاسين ونطلع سوا على طول مع بعض
علشان ورايا حواديت عاوز احكيها لهدى
فهد ضحك واداله كوبايه وقال .. طيب صب يا اخويا صب.

النور شقشق وطلع النهار على العرسان بعد ما قضوا ليله جميله والحاج صفوان والحاجه انعام زى عاويدهم كانوا صحيوا من بدرى وخدوا بعضهم وخرجوا من اوضتهم ونزلوا على تحت واول لما نزلوا اتصدموا لما شافوا عدى وفهد كل واحد فيهم نايم على كنبه والأنيل انهم لسه بالبدل بتاعه فرحهم .
الحاج صفوان بص للحاجه انعام وقال .. البلاوى دى بتعمل ايه هنا فى وقت زى ده وايه القرف اللى حواليهم فى كل حته ده وكمان باللبس الفرح .
الحاجه انعام بصدمه ردت وقالت .. العلم علمك يا حاج .. وقربت من الشباب وبدات تصحيهم بس ما قدرتش تصحيهم من كتر التعب اللى كانوا فيه من الشرب .
الحاج صفوان قرب هو منهم وبعكازه بدا ينغز فيهم لحد لما صحيوا وفتحوا عيونهم بالعافيه وبصوا لبعض .

عدى باستغراب هرش فى راسه و بص لفهد وقال
انت مين ياض.
فهد بصله هو كمان باستغراب اكتر وقال انت اللى مين يااااض .
وكل ده والحاجه انعام واقفه بتتفرج عليهم هما الاتنين .
والحاج صفوان بكل غضب رفع عكازة عليهم وقال .. انتم كمان لسه هاتتعرفوا على بعض اودااااامى ليله صباحيتكم يا بهايم والله لا اموتكم .
ولسه هايقرب منهم الا جرى عدى ووراه فهد على طول زى الصاروووووووخ .
الحاج صفوان .. خد ياض خد ياااااض منك لييييييييييه .

رواية قصة عشق الجزء الأول الفصول 21-30 والأخير للكاتبة سحر فرج



رواية قصة عشق الجزء الأول للكاتبة سحر فرج الفصل الحادي والعشرون

عدى بصدمه يا لهوى .. هدى بتحبنى انا ومن زمان كمان .. اه يا واد يا عدى يا اللى البنات كلها بلا استثناء هاتمووووت على نظره منك .. ااااه يا روميو انت .. بس مكنتش اتوقع ابدا ان هدى بنت عمى .. قصدى بنت عمتى .. يوووه انا عارف بنت مين فيهم المهم ان هدى بتحبنى انا .. يا واد يا مووووز انت يا مجننهم
وفجأه حس بحته قفا نازل على قفاه رن حته رنه وده اللى صدمه و خلاه يلف بسرعه علشان يشوف مين اتجرأ وعمل فيه كده .

عدى بكل غيظ بيلف وبيقول اااه يا ابن ال...
الا واتفاجأه بجده الحاج صفوان وهو بيقول كمل كمل يا ابو لسان زفر كنت هاتشتم ولا ايه يا واااد انت انطق .

عدى بيدعك فى قفاه وبيقول لا ابدا يا حاج هو انا اقدر معلش اصل اتفاجات باللى نزل على قفايا ده وقولت هو القطر عدى عليه ولا ايه او افتكرت حد من العيال بيهزر برخامه شويه معايا .
الحاج صفوان باستغراب .. انت واقف كده ليه وبتكلم فى نفسك يا واد انت .. تعال ورايا نقعد وتقولى فى ايه بالضبط وايه حكايتك .
عدى بيبرطم بالكلام ويقول .. يا دى النيله السودا اقعد واقول ايه بس .

الحاج صفوان .. بتبرطم وبتقول ايه واد انت انت اتجننت النهارده ولا ايه !!!!!
عدى .. ابدا يا جدى مفيش حاجه .. اصل كنت واقف وبدور على الواد فهد وكنت بكلم نفسى وبقول .. يا ترى انت فين يا فهد يا ابن عمى .
الحاج صفوان بنصاحه بصله وقال .. ماشى يا عدى مش عاوز اضغط عليك لان مسيرى اعرف وهاتبقى وقعتك سودا منى ساعتها وروح شوف ولاد عمك فين والبنات كمان مش شايف حد فيهم خالص كده ليه .

عدى .. انا لسه شايفهم دخلوا المطبخ يا جدى بيجهزوا للفطار ومعاهم فارس كمان .. بس معرفش قصى وفهد فين ما شوفتهمش خالص .
الحاج صفوان.. طيب روح ناديلى جدتك من جوا وقولها انى جيت وعاوزها .
عدى .. حاضر يا جدى فوريرة واجبهالك

وبعد حوالى ساعتين عدى الوقت والكل كان اتجمع على سفره واحده وفطروا وبعدها انتشرو كل جزء مع بعضه .
فارس وعدى وفهد خدوا كوبيات الشاى بتاعتهم وراحوا وقعدوا فى الجنينه زى ما طلب منهم عدى وبلغهم ان فى موضوع ضرورى ولازم يقولهم عليه .

وده اللى خلى فارس بذات يستغرب من كده وراح يشوف موضوع ايه ده .
لكن فهد كان متعود على حركات عدى وماستغربش لانه توقع انها تكون حاجه هايفه من حاجاته المعروف بيها دايما .
واتجمع الشباب التلاته وقعدوا وبدا فارس بالكلام وقال .. خير يا استاذ انت فى ايه ؟

عدى بص يمين وبعدها بص شمال وكأنه بيسرق وقرب براسه ليهم وقال .. عندى ليكم خبر جامد اوى ولازم تعرفوه قربوا سويه علشان الحيطان ليها ودان .
فهد .. خير يا بتاع انت انطق مش وقت استظرافك ده .
عدى .. بس بشرط اللى هاقوله ده ما يطلعش لبرة غيرنا احنا التلاته ماشى .
فارس .. اخلص يا عدى احسن والله هاقوم واسيبكم .
عدى .. يا ابنى اصبر واقعد بس والله ما هاتندم .

فهد .. اشطى يا معلم والله انا عارف انه هايطلع موضوع اهبل زيك فى الاخر اخلص و انطق بقى واصبر يا فارس لما نشوف حكايته ايه الواد ده .
وبدا عدى بالكلام وقال من غير اى مقدمات .. ملك بتحبك يا فهد وانت يا فارس بتحب سلمى اختى وسلمى كمان الظاهر عليها بتحبك .
فارس اتصدم وقام وقف وقال .. والله انت عيل رخم مين قالك الكلام الفارغ ده .

عدى.. بقولك ايه انا شوفت كل اللى حصل بينك انت وسلمى عند السفرة وشوفت نظراتك ليها وهى كمان وكنت ملاحظ الحاجات دى من ساعه ما رجعت من السفر وكنت بكدب نفسى .. وبعدين دى اختى ولازم اطمن عليها واخد بالى منها .. واعرف فعلا انت بتحبها ولا بتتسلى بيها ولا ايه
فهد .. طيب فارس وسلمى وشوفتهم عند السفرة وشوفت نظراتهم لبعض لكن ملك انا ولا شوفتها ولا بقف معاها اصلا لوحدنا عرفت ازاى انها بتحبنى .
عدى حكاله على اللى سمعه منها هى وهدى وقالهم ان هدى كمان الظاهر عليها بتحبه وهو مش حاسس ولا عارف بكده .
المهم دلوقتى يا فارس يا ابن عمى وكلام راجل لراجل انت بتحب اختى سلمى ولا لاااا .

فارس بقى يفرك فى ايده لانه مكنش متوقع ابدا انه يقعد فى قاعده زى كده وكمان اودام عدى الاهبل ده وبصله وقال .. ايوا يا عدى انا بحب سلمى ومن زمان اوى وان شاء الله عاوز اعترف لها بكده ولو وافقت هاخطبها على طول .
عدى وانا كده استريحت علشان انت مخبتش عليا واتاكدت انك فعلا بتحب سلمى .
وانت يا استاذ فهد مفيش اى حاجه جواك مخبيها من ناحيه ملك .

فهد باستغراب .. حاجه ايه يا اخويا .. انا ولا بتاع حب ولا الكلام ده انت فاهم وبعدين وقت ما هاحب وافكر ارتبط بحد مش هاتكون ملك يعنى .
فارس باستغراب ... ليه بتقول كده يا فهد .. دى ملك جميله ومحترمه ومؤدبه وبتحبك وباين عليها ده اوى .. مش زى الاشكال اللى انت كنت تعرفها برة .
فهد .. بقولك ايه يا فارس انت وهو محدش ليه دعوة بيا خليكم فى نفسكم .. وبعدين تعال هنا يا استاذ عدى .. طيب ما انت عرفت اهو ان هدى بتحبك .. حلال عليك وحبها انت كمان وسيبك منى .

عدى .. بص يا فهد انا اه بهزر وبضحك وبكلم بنات بعدد شعر راسى بس عمرى ما هافكر انى احب او اتجوز واحدة منهم لكن وقت ما هافكر انى اتجوز هاتجوز واحده زى هدى لانها بنت محترمه ومتربيه وعارف اصلها كويس ومتاكد انها عمرها ما عرفت حد من بره والصنف اللى زى ده وقت ما بيحب بيحب من قلبه وتقدر تسيبها فى وسط ميت راجل وانت عارف انها تقدر تحافظ على نفسها كويس اوى .

فارس .. هو ده عدى ابن عمى اللى مهما يلف ويدور ويعرف بنات لكن جواه الراجل الصعيدى الشهم الجدع عاااااش يا معلم .
وحاول تبص لهدى بنظرة تانيه جايز تشوف حاجه انت مش شايفها فيها وبعدها تعجب بيها وتحبها وتبطل لف ودوران .
وفضلوا يرغوا ويرغوا كتيييير وبعدها قام عدى وفهد وخدوا مفاتيح العربيه علشان يروحوا يتسحروا بره مع صحابهم وطلبوا من فارس انه يروح معاهم بس هو مرديش وفضل انه يقعد فوق مع قصى .

وعند سليم فى الفيلا اللى كان قاعد فى اوضه المكتب وبيتكلم مع حسام على الموبيل عن اخر تطورات المشروع بتاع الغردقه اللى بقالهم فترة شغالين عليه وان خلال اربع ايام هايكون الافتتاح بتاع الفندق هناك .
سليم .. تمام يا حسام وحاول تسبق انت بعد بكرة علشان تشرف بنفسك على كل حاجه لحد ما اجيلك بعدها بيوم .
حسام .. مفيش مشكله خالص اهو بالمرة اغير جو شويه .. وانت تبقى تحصلنى انت ويارا .

سليم .. لا انا اللى هابقى اجى لوحدى وهاخلى يارا فى الشركه لان مش معقول نسافر كلنا ونسيب الشركه لوحدها يا هندسه .
وبالمرة ابقى جيب حد ينضف الشاليه بتاعى ويملى التلاجه والديب فريزر اكل وفاكهه وجهز كل حاجه فيه بنفسك .
حسام .. وايه لزومه الشاليه اومال احنا كنا بنعمل هناك فندق ليه يا عم انت .
سليم .. نفذ اللى قولتلك عليه وبطل لت وعجن كتير فاهم يا حسام .

حسام .. مش عارف ليه حاسس انك بتفكر فى شىء غير موضوع الافتتاح وشاغلك اليومين دول من ساعه ما اللى اسمها اختك دى ظهرت فى حياتك .
سليم بعصبيه رد وقال .. حسام .. اللى اسمها ايه دى اسمها هدى وتبقى اختى وماسمحلكش تتكلم عنها بالمنظر ده فاهم .
حسام .. خلاص يا عم متزعلش نفسك اوى كده حقك عليا والله ما اقصد حاجه .. يالا اسيبك بقى واروح اتسحر سلام .
سليم .. سلام .

وعند البنات اللى كانت متجمعه وقاعده فى اوضه سلمى هدى غمزت لملك وقالت .. سلمى عاوزة انا وملك نعترفلك بحاجه.
سلمى .. خير يا اختى انتى وهى فى ايه ؟
ملك .. انا اللى هاتكلم واقول استنى انتى يا هدى .. سلمى على بلاطه كده .. فارس بيحبك وانتى كمان بتحبيه اعترفى !!!!!!
سلمى وشها جاب ميت لون واتكسفت اوى لانها ما توقعتش سؤال زى كده وبخجل قالت .. مين قال ليكم ان فارس بيحبنى ؟
هدى .. كل الدلائل والأدله بتشير لكده اعترفى بقى .
ملك .. اه يا سلمى قولى بقى والنبى بتحبى فارس ولا لا .

سلمى بكل خجل بصت ليهم وقالت .. انا مش هانكر انى معجبه بيه وبالذات من ساعه ما رجع من السفر انا معترفه بكده بس مش لدرجه حب فاهمينى ما وصلتش لكده .. وبالنسبه لفارس ساعات بحس من نظراته ليه انه معجب بيا او بيحبنى مش عارفه .
ملك بفرحه .. ايوا بقى يا سلمى وقريبا ستلتقون مع عروسه المستقبل تصفييييق حااااااد
هدى .. قوللهم بقى يا ملك انتى كمان بتحبى ميييين ؟
ملك .. يا سلاام يا اختى ما اقولهم انتى بتحبى مين مش انا بحب مين .

سلمى .. ايه ده هو انتم بتحبوا من ورانا ولا ايه انا وفرح .. الحقى يا فرح العيال دى بتحب من ورانا !!!!!
فرح كانت سرحانه وفى دنيا غير الدنيا وعماله تخطط ازاى تقدر تغيظ قصى بسليم ومش واخده بالها ان سلمى بتكلمها .
سلمى .. اييييه نحن هنا .. روحتى فين يا فرح .
فرح .. بتقولى ايه بنتى انا مخدش بالى.

سلمى .. لااااا وبدات تحكى ليها على الحكايه وده اللى خلاها تستغرب ان اخوها فارس بيحب سلمى .
وان ملك وهدى كمان بيحبوا حد .

فرح بفضول .. ويا ترى يا ست هدى انتى وملك هانم بتحبوا مين ولا تحبوا اقولكم انا
البنات اتفاجؤا بكلام فرح وقالوا انتى تعرفى ولا ايه .
فرح طبعا يا بنتى ده انتم هبل اوى وبيبان عليكم .. هدى شكلها بتحب عدى وانتى يا ست ملك بتحبى فهد ومكشوفه اوى وباين عليكم .
سلمى .. وانتى يا فرح اقولك انتى بتحبى مين .. بتحبى قصى اخويا صح ولا غلط .

فرح اتصدمت من كلام سلمى وقامت وقفت وحطت ايديها فى وسطها وبان عليها الزعل وقالت .. قصى ايه ده اللى احبه يا سلمى استحاله طبعا .. اللى زيه ده مش بيحب غير المصنع والشحم بتاعه .

سلمى .. لا بتحبيه يا فرح وهو كمان بيحبك ما تكدبيش على نفسك بس انتى مستكبرة تعترفى لنفسك بالحب ده وعلى طول بتصديه وتجرحيه .. انتى مفكرانى مش واخده بالى من اللى بتعملوه فى بعض ولا ايه .. ده واضح اوى يا فرح.. وياريت تدوا لبعض فرصه علشان خاطر الحب ده يعيش .
فرح مش عاجبها الكلام بتاع سلمى وبرضه بتعاند نفسها وبصت ليهم كلهم وقالت .. ده اخر واحد فى الدنيا أفكر فيه ومحدش يفتح الموضوع ده تانى اودامى ماشى وخدت بعضها وفتحت باب الاوضه ونزلت على تحت .

جه ميعاد النوم والكل كان نايم فى سريره بيفكر فى الكلام اللى حصل بينهم كلهم .
الا قصى اللى مكنش جايله نوم خالص وعمال يفكر فى فرح واللى بتعمله دايما معاه .
وبينه وبين نفسه بيقول .. هى بتعمل معايا كده ليه .. ليه عمرها ما بتدينى فرصه انى اعترف لها بحبى واقولها انا بعشقها اد ايه .
ليه دايما بتصدنى وبتهينى وانا بحبها الحب ده كله وعمرى ما قدرت انى احب حد تانى غيرها هى .
ليه يا فرح ليييييه ؟

لحد ما مد ايده على الكوميدينوا اللى جنب السرير بتاعه وخد موبيله وشاف ان اذان الفجر فاضله حوالى تلت أربع دقايق فقام وفتح الباب ونزل على تحت يشرب من المطبخ .
وفتح باب التلاجه وخرج ازازة وشرب ولسه هايخرج من المطبخ اتفاجأه بفرح وهى داخله على المطبخ وكأن القدر حب يجمعهم فى لحظه زى كده .
وقف مكانه وهى كمان وقفت وعيونهم اتلاقت مه بعض.
نظره قصى ليها كانت كلها عتاب وحزن وحب فى نفس الوقت .
لكن هى نظرتها ليه كانت كلها تحدى وتوعد وانتظرت انه يبعد علشان هى تدخل لكن هو متحركش من مكانه .

فرح .. بعد اذنك عاوزة الحق ادخل واشرب قبل ما الفجر هايأذن .
قصى حب يستفزها وقال .. ما تعدى حد مانعك .
فرح .. اوعى يا قصى بقى ووسع علشان الحق الفجر هاياذن وانا عطشانه .
فوسع لها قصى وفضل باصص عليها لحد ما يادوبك فتحت باب التلاجه ومدت اديها تجيب ازازة الا وسمعوا المؤذن بيقول الله اكبر .
فارزعت الازازة فى التلاجه وبكل غضب بصت لقصى وقالت .. عجبك كده اهو الفجر اذن من غير ما اشرب ده انت رخم اوى ومستفز على فكره .
وسابته وطلعت جرى على اوضتها .

قصى ابتسم وقال .. مجنونه اقسم بالله .. بس بمووووت فيكى .
وطلع على اوضته ونام على سريره وفضل يفكر ويفكر فيها لحد ما طلع النهار والشمس نورت الدنيا كلها بحرارتها وضوءها ودفئها .
الحاجه انعام كانت يا دوبك مخلصه الصلى وقعدت تسبح شويه وتذكر ربنا لحد ما دخل عليها سليم بوشه البشوش واتفاجأت بيه .

سليم ... السلام عليكم .. وقرب من جدته وباسها .
الحاجه انعام .. وعليكم السلام يا حبيب جدتك اللى وحشتها اوى اوى .. تعال اقعد يا حبيبى جنبى وطمنى عليك وعلى جدتك .
سليم .. كلنا بخير والله يا حبيبتى اطمنى .. اخباركم انتم ايه وفين البت هدى وباقى البنات مش شايفهم ليه اوعوا يكونوا لسه نايمين .

الحاجه انعام .. كلنا بخير يا قلب جدتك اطمن وزمان البنات صحيت انا لسه من شويه بعتالهم فاتن مرات خالك تصحيهم .
ويادوبك مكملتش كلامها غير وهدى نازله من فوق بسرعه فرحانه اول لما سمعت صوت سليم فانزلت على طول من فوق وسلمت عليه .
هدى .. ايه المفاجاه الحلوة دى .. انا اول لما سمعت صوتك نزلت على طول .

سليم بحنيه .. طيب قولى صباح الخير الاول
وبعدين اتكلمى .. انا قولت اجى علشان افرحك بمفاجاه حلوة انتى وباقى البنات والشباب .
هدى بفرحه .. ايه ده بجد عندك مفاجاه حلوة وعمال تتكلم قول بسرعه هى ايه يا سليم .
سليم .. لاااااا مش قبل ما البنات كلها تيجى واقولكم كلكم .

هدى قامت وقفت وقالت ثانيه وتلاقيهم اودام عنيك وجريت على فوق وبصوت عالى .
ياااااااا سلمى
ياااااا فرح
ياااا ملك
تعالوا بسرعه سليم جه وعنده مفاجاه حلوة لينا يالا بسرعه .
وعلى صوتها العالى ده خرج الحاج صفوان من اوضته وقال .. فى ايه يا هدى عامله هيصه كده ليه على الصبح .

هدى بتنهج من كتر الجرى وقالت ... ابدا يا جدى اصل سليم اخويا جه تحت وعنده مفاجاه حلوة ومش عاوز يقولى عليها غير لما البنات تنزل كلها .. هاروح انده عليهم بسرعه سلام .
الحاج صفوان .. طيب على مهلك ما تجريش لا تقعى وانا هانزل اسلم على سليم اصله وحشنى اوى .
ونزل الحاج صفوان وراح ناحيه الحاجه انعام وسليم اللى اول لما شاف جده قرب منه وحضنه وباسه .

الحاج صفوان .. اذيك يا سليم يا ولدى اخبارك ايه وازى جدتك وعمك جبل .
سليم .. الحمد لله يا جدى كلهم بخير والله .
انت .........
ولسه هايكمل كلامه الا هدى والبنات كانوا نزلوا كلهم من فوق وسلموا على سليم وقعدوا .
هدى بفضول وفرحه .. جبتهم اهم يا سليم قول بقى مفاجآت ايه ؟؟؟

سليم .. يا بنتى اصبرى اكلم جدك الاول واطمن على صحته .
هدى .. يا عم جدى كويس اهو وزى الفل .. قوله يا جدى انك كويس علشان يقولنا على المفاجاه.
الحاج صفوان .. انا بخير والله يا ولدى والحمد لله اطمن وريحها بقى وقولهم على اللى عندك علشان يبطلوا زن .
سليم بحب .. دايما بخير يا جدى .. وبص لفرح وكأنه شايف امه اودامه وقال وانتى يا فرح عامله ايه؟

هدى .. ياااااا لهوى عليك يا سليم يا ابنى قول هى كويسه اودامك اهى قول بقى.
سليم .. انا عارف انك مش هاتستريحى غير لما تعرفى ..
يا ستى المفاجاه هى ؟؟؟؟؟؟؟؟؟؟؟؟؟
رواية قصة عشق الجزء الأول للكاتبة سحر فرج الفصل الثاني والعشرون

سليم .. انا عارف انك مش هاتستريحى غير لما تعرفى ..
يا ستى المفاجاه هى ؟؟؟؟؟؟؟؟؟؟؟؟؟
ان عندى افتتاح للفندق بتاعى فى الغردقه كمان كام يوم وكان نفسى انى اخدكم كلكم وتحضروا معايا الافتتاح ده وبالمرة نغير جو كلنا وتقولوا رايكم فى الفندق وتصميمه .
ايه رايك يا جدى ؟

الحاج صفوان بأستغراب بص للحاجه انعام وقال .. الف مبروك عليك مقدما يا سليم يا ولدى .. بس ايه لزومه اننا نروح معاك مشوار زى كده انت عارف صحتى انا وجدتك عامله ازاى والسفر هايتعبنا .. وكمان ازاى نسيب المصنعين لوحدهم من غير ما حد من خلانك او قصى يكونوا موجودين .

هدى .. والنبى يا جدى والنبى يا جدى وافق علشان خاطرى .. قوليلوا يا جدتى يوافق والله نفسى اروح من زمان الغردقه دى واشوفها واشوف البحر زى ما البنات اللى معايا فى الكليه ما بيروحوها مع اهاليهم وحياتى يا جدتى .
ملك .. اه والنبى يا جدتى وافقوا علشان خاطرنا كلنا نفسى اروح واقف اودام البحر واغير جو .

فرح بتبص لجدها وقالت .. ياريت يا جدو وحياتى عندك انا من ساعه ما رجعت من السفر وانا مخنوقه وزهقانه ونفسى اسافر واغير جو شويه .
الحاجه انعام .. بس يا بت منك ليها سفر ايه بس وبتاع ايه .. معلش يا سليم .. سافر انت يا ولدى وشوف شغلك واللى وراك هناك لان محدش فاضى للسفر ده خالص وكلنا مشغولين دايما زى ما انت شايف .

الحاج صفوان كان ساكت خالص وعيونه على البنات اللى كانوا فرحانين من المفاجاه دى وصعبوا عليه اوى لما هو وجدتهم رفضوا وهو بيضعف اودامهم واودام حزنهم وكمان مش عاوز يرفض اول طلب سليم يطلبه منه فقال .. خلاص يا بت منك ليها استنوا شويه .
وبص للحاجه انعام وقال معلش يا حاجه انا هاخليهم يسافروا مع سليم علشان مش هاقدر ارفض ليه اول طلب يطلبه مننا بس بالشرط البنات مش هاتكون لوحدها هايروحوا مع الشباب كلها لان ولا انتى ولا الرجاله وحريمهم هانقدر نروح مشوار زى كده ونسيب شغلنا والسرايه لوحدهم .

البنات بصوت عااااالى ... هاااااااااااااا حبيبى يا جدو حبيبى ربنا يخليك لينا وجريوا عليه كلهم وفضلوا يبوسوا فيه وسليم كان فرحان لفرحتهم دى وبمنظرهم ده وكمان حضن ولمه العيله اللى اتحرم منها سنين طويله .وكمان علشان جدو مرفضش ليه طلبه ده ووافق ان البنات والشباب يسافروا معاه . مع انه كان يتمنى ان جده وجدته وخلانه يروحوا معاهم .
الحاجه انعام بتمثل الحزن وقالت .. ما شاء الله ما شاء الله كده برضه يا بت منك ليها دى اخرتها .. البوس والاحضان والحب بقى لجدكم وبس اه يا جذمه منك ليها .

سليم قام وقف وقرب من جدته وقعد على حرف الكرسى بتاعها ولف ايده على كتفها وقال .. لا ازاى طبعا هما يقدروا برضه يزعله القمر بتاعنا ده .
البنات انتبهوا لكلام جدتهم فراحوا كلهم عندها وفضلوا يبوسوا فيها وقالت هدى .. لا طبعا يا روح قلبى البركه فيكى يا جميل وربنا ما يحرمنا منك ابدا .
ملك .. نعومتى حبيبتى مااقدرش على زعلك يا باشا واوعدك هاجبلك وانا جايه شيكولاته كبييييييييرة اد كده .
سليم عيونه على فرح اللى كانت فرحانه جدا وعيونها وكأنها بترقص من الفرحه وشاف فيهم جمال غير طبيعى يجذب اى حد يبص فيهم .

سلمى ... عاش الحاج صفوان السيوفى.
عاشت الحاجه انعاااام .
عاش عاش عاش .
الحاج صفوان .. كل ده علشان هاتسافروا يا بت منك ليها اللى يشوفكم كده يقول انكم محبوسين فى سجن ومش بتخرجوا خالص .
فرح .. انت بتقول فيها يا جدو احنا فعلا مش بنخرج زى البنات ونلف ونشوف الدنيا انا واحده من الناس اهو عايشه فى مصر وسافرت بره لكن عمرى ما روحت الغردقه دى ولا اعرف عنها حاجه والناس والسياح بيجوا من اخر الدنيا علشان يزروها .

الحاجه انعام .. خلاص يا بنات بطلوا دوشه ورغى واطلعوا فوق وسيبونا شويه انا وجدكم وسليم نقعد مع بعض شويه .
وفعلا البنات خدوا بعضهم كلهم وهما فرحانين وطلعوا على فوق زى ما جدتهم طلبوا .

الحاج صفوان .. معلش يا سليم يا ولدى .. مش هاقدر اقعد معاك اكتر من كده عندى جلسه صلح بين عيلتين واتأخرت عليها ولازم اقوم واروح ليهم دلوقتى زمانهم فى انتظارى .
سليم .. براحتك يا جدى وانا كده كده مش هاقعد كتير انا بس جيت ابلغكم بموضوع السفر ده ورايح على القاهرة اشوف اخبار الشركه ايه .
الحاج صفوان بحب .. ربنا يعينك يا ولدى ويسترها معاك . وقام وقف واستأذن بعد ما سلم على سليم وخرج من باب السرايه.

الحاجه انعام بصت لسليم بكل حنيه وقالت .. قوم معايا يا سليم يا ولدى تعال عاوزة اوريك حاجه مهمه هاتفرح بيها اوى .
سليم باستغراب .. خير يا جدتى هاتورينى ايه .
الحاجه انعام .. اصبر متستعجلش عليا يا ولدى وتعال معايا يالا وانا هاوريك وتشوف بعينك .
وفعلا قامت الحاجه انعام وقام معاها سليم وخرجوا من الباب وراحوا للجنينه .

وفى المصنع عند قصى اللى كان قاعد فى اوضته بيخلص شويه اوراق مهمه وسمع صوت فتح الباب واتفاجاه بدخول فارس وهو داخل عليه .
فارس .. السلام عليكم.
قصى .. وعليكم السلام ورحمة الله وبركاته
اهلا يا فارس ايه المفاجاه الحلوة دى تعال اتفضل اقعد .
فارس .. اهلا بيك يا قصى .. انا كنت قاعد زهقان فى السرايه وقولت اجيب بعضى واجى اقعد معاك شويه فى المصنع ووو........

قصى باستغراب رد عليه وقال .. خير يا فارس فى حاجه ولا ايه ؟؟ اقعد الاول يا ابن عمى ولو فى اى حاجه او محتاح اى شىء انا تحت امرك .
فارس بخجل .. والله يا قصى فى موضوع كده بقالى فترة بفكر فيه وخايف اعمل فيه خطوة غير لما ارجع ليك انت الاول واعرفك بيه وتقولى رايك فيه ايه .
قصى بفضول رد وقال .. موضوع ايه ده يا فارس شوقتنى اعرفه ؟

فارس .. الصراحه يا قصى الموضوع ده يخص اختك سلمى .. ومن غير لف ودوران كتير .. انا معجب جدا بسلمى ومش اعجاب وبس . الصراحه بحبها ومش عاوز اعترف لها بالحب ده غير لما اقولك انت الاول لان الاوصول بتقول كده وانا مش عاوز اخون صقتك فيا واكلم سلمى واعترف لها بحبى ده من غير ما اكون بلغتك بكده انت الاول لانك اخوها الكبير ورايك يهمنى يا ابن عمى .

قصى خد نفس كبير وابتسم وقال .. انت متاكد من حبك ده يا فارس لسلمى وواثق منه .
فارس رد وقال .. انا طبعا متاكد وبتمنى ان سلمى كمان تكون معجبه بيا .. انا بحبها اوى يا قصى وبحب ادبها واحترامها وهدؤها ورقتها ودى المواصفات اللى بيتمناها اى شاب فى شريكه حياته .

قصى .. انا طبعا عمرى ما هلاقى حد يقدر يحافظ على اختى سلمى زيك يا فارس وانت عارف كويس اوى معزتك عندى وعارف انك الراجل اللى يتمناه اى اخ لاخته .. وبضحكه قال وبعدين يا عم انت انا قولت هاتقول حاجه كبيرة ولا مشكله تخص العيله او مصيبه عملها عدى وفهد .. وبعدين يا فارس انت اخويا فاهم يعنى ايه اخويا والف مبروك مقدما يا هندسه .

فارس .. بتتكلم جد يا قصى يعنى انت معندكش مانع انى اتكلم مع سلمى واعترف لها بحبى ولو هى وافقت اتقدم لها واخطبها على طول من عمى .
قصى .. موافق والله يا عم انت وربنا يسعدكم يارب .. وقوم بقى وتعال نرجع على السرايه لانى هلكان وتعبان جدا وعاوز استريح شويه قبل الفطار .
وفعلا قام فارس وقصى ونزلوا على تحت وركبوا العربيه ورجعوا على السرايه .

الحاجه انعام خدت سليم وفضلوا يتمشوا فى الجنينه لحد ما وصلوا للاسطبل ودخلوا جوه وسليم اعجب جدا بمجموعه الاحصنه النادرة والعربيه الاصيله اللى موجوده .. لحد ما قرب من الفرسه نعمة والمهرة الصغيرة وقال ... الله يا جدتى اد ايه الفرسه دى جميله اوى وسبحان الله المهرة بتاعتها جميله زيها وشكلها والوانها تحفه وشكلها لسه مولوده قريب .

الحاجه انعام بحزن و عيون مليانه دموع بصت لسليم اللى استغرب ليها وقالت .. عارف يا سليم يا ولدى الفرسه دى بتاعه مين واسمها ايه ؟؟؟
سليم باستغراب قال .. بتاعة مين يا جدتى اوعى تكون بتاعه !!!!!!!!!!!

الحاجه انعام بدموع حركت وشها بالموافقه على توقعه وقالت .. ايوا يا ولدى الفرسه دى بتاعه امك الله يرحمها وهى اللى سمتها بنفسها وسمتها (نعمة) ولسه جايبه لينا مهرة صغيرة وسمناها فرح على اسم بنت خالك فرح .
وكأن امك كانت حاسه ان عمرها قصير ومش هاتعيش لحد ما تجيب تخلف عيال والعيال دى تكبر وتوريهم الفرسه بنفسها .. وكأنها كانت عاوزة تسيب زكرى جميله ليها فى الدنيا دى .
وانا دايما اجى للفرسه واقعد معاها بالساعات واحكى معاها واشتكلها وكأنى بتكلم مع امك الله يرحمها .. ساعات كتير كنت بحس ان روحها موجوده هنا بالذات فى المكان ده لمجرد بس ان الفرسه على اسمها .. وانها سمعانى وحاسه بيا وبالوجع والالم اللى جوايا بقاله سنييين طويله .

سليم عيونه اتملت بالدموع على كلام جدته فقرب منها وضمها لصدره وقال .. اااااه يا جدتى اااه .
كنت محتاج لها اوى تبقى معايا وفى وسطنا انا واختى .
كنت محتاج احس بحنيتها وحبها لينا .
كنت محتاج اشوف فرحتها واحنا بنكبر اودام عوينها انا وهدى .
كنت بتمنى تكون معايا وقت نجاحى وتضمنى لحضنها وتفتخر بيا وتفرح ليا زى امهات صحابى .
كنت وكنت وكنت ياااااا جدتى .
ياريت الموت مخدهاش مننا كانت الدنيا هايبقى ليها طعم تانى اوى اوووى يا جدتى .

الحاجه انعام .. اااااه يا غالى يا ابن الغاليه .
امك ماتت يا سليم لكن انا موجوده يا ولدى وحضنى ده عمره ما هايبعد عنك انت او اختك .. ربنا يخليكم ليا يا حابيبى يا نور عنيا وريحه الغاليه .
يالا بينا يا ولدى زمانهم بيدوروا عليا وبيقولوا الست دى راحت فين .. وانت كمان يا ولدى بدام مسافر بلاش تتأخر على شغلك علشان تقدر تسافر قبل ما الدنيا تليل عليك فى الطريق .. ربنا يحفظك ويسترها معاك دنيا واخرة يا ضى عينى .

سليم مسح وشه من الدموع ومد ايده ومسك ايد جدته علشان تتعكز عليه وخدوا بعضهم ووصلها لحد باب السرايه وهو ركب عربيته وخرج من السرايه .
وهو خارج بعربيته اودام السرايه قابل قصى هو وفارس بعربيتهم فانزل قصى وفارس وسلموا عليه وسألوه رايح فين وبلغهم انه مسافر على القاهرة لان وراه شغل فى الشركه ضرورى وبلغهم بمفاجاه السفر للغردقه وكمان بموافقه جده وجدته بيه .
قصى استغرب للموافقه السريعه دى وبلغ سليم انه اكيد مش هايروح لان وراه شغل كتير فى المصنع .
سليم .. لااااا يا قصى مش هاقبل اى اعتذار ومنك انت بالذات حاول على اد ما تقدر تضبط شغلك فى المصنع علشان خاطرى .

قصى .. ربنا يسهل يا سليم بس مش هاقدر اوعدك وربنا يسهل .
سليم .. ماشى يا هندسه يالا عن اذنكم علشان اتاخرت اوى على الشركه سلاااام .
ومشى سليم ودخل فارس وقصى على جوا واول لما دخلوا شافوا الحاجه انعام كانت قاعده ومعاها حريم عيالها والبنات كمان وكانوا عمالين بيتكلموا على موضوع السفر للغردقه والبنات بتخطط هايعملوا ايه ويلبسوا ايه هناك وبيفكروا كمان ازاى هايروحوا وهما هايبقوا صايمين وكده مش هايقدروا ينزلوا البحر .. الا واتفاجؤا بدخول قصى وفارس .

قصى .. سلامو عليكم وقرب من جدته وباسها وباس ايديها وقعد جنبها .
فارس قرب هو كمان وسلم عليها وقال .. خير ان شاء الله متجمعين كده ليه وبتخططوا لايه؟ ولا تحبوا اقولكم انا .. لسه سليم مقابلنا برة اودام السرايه وقالنا على موضوع الغردقه ده .

الحاجه انعام .. طب كويس ووفرتم علينا الكلام .. ولفت وشها لقصى وقالت .. ايه رايك يا قصى يا ولدى قولت ايه انكم تسافروا مع سليم و البنات وتغيروا جو شويه وبالمرة تخلوا بالكم منهم .

قصى .. يا جدتى انا مش فاضى للعب العيال ده وورايا شغل كتير فى المصنع واعتذرت لسليم انة مش هاقدر اروح معاهم .
فرح اللى كانت قاعده مستمعه وعيونها على قصى اللى كان واحشها وهى مش عارفه ايه السبب لكده واول لما قصى قال انه مش هايروح معاهم حست بوجع فى قلبها .

لان بينها وبين نفسها كانت بتتمنى انه يروح معاهم جايز يقربوا من بعض ويحس باحساسها ناحيته . ورغم كل ده واحساسها ده بصت لقصى بكل تحدى ونطقت وقالت ... احسن برضه اهو الواحد مش ناقص نكد ولا مدايقه من حد .. الواحد رايح علشان يغير جو ونتفرج على مشروع الفندق بتاع سليم وبالمرة سليم يفرجنى قصدى يفرجنا على الغردقه وجمالها وحلاوتها .

وعندك حق يا قصى .. المصنع ما يقدرش يستغنى عنك ابدا خليك فى المصنع يا باشمهندس .
الحاجه انعام طبعا كعادتها فاهمه كلام فرح كويس اوى وحاولت تحرك قصى شويه فقالت
هو سليم يا فرح يا بتى هايبقى فاضى انه يلف بيكم فى اللى اسمها غردقه دى .. هو هايكون مشغول بالمشروع الجديد بتاعه وانا اتفقت ان الشباب تروح معاكم وتخلى بالها منكم ولو قصى مش هايروح ويخرجكم هناك اهو سليم بقى يبقى يلف معاكم ويخرجكم ويفسحكم هناك والبركه فيه بقى .

قصى بكل غيظ قام وقف واستأذن وطلع وهو عيونه بطلع شرار .. والجدع ساعتها كان يقف اودامه .
الا وعدى وفهد داخلين من برة وهما بيضحكوا وبيهزروا وكعاداتهم كانوا بيلفوا فى البلد بعد ما راحوا ولفوا على ناس معينه جدهم صفوان بعتهم ليهم بشنط رمضان .

قصى وهو طالع على فوق خبط فى عدى جامد ومسك نفسه بالعافيه وسابه وطلع على فوق .
وطبعا عدى لما شاف منظره كده مقدرش ينطق ولا كلمه معاه وبص لفهد ودخل على جوا وبضحك قعد جنب جدته و قال .. اذيك يا جدتى . يا لهووووى قصى عيونه بطلع دخان مين زعله فيكم يا بلوة منك ليها .. اكيد انتى يا بلوة ياللى اسمك ملك يا بوظ الغراب انتى .

ملك اتفاجأت بكلامه و قامت وقفت وحطت اديها فى وسطها وقالت .. يرضيكى كده يا جدتى .. عجبك لسانه الزفر ده .. طيب والله لا هاقول لجدى ومش هاخليك تيجى معانا الغردقه يا معفن انت .. وقربت منه وعاوزه تمسكه الا وقام وقفت وقال ... اييييه ده اييييييه ده .
الغردقه .... الغردددددقه .. اللى فيها البحر الازرق ده .
رواية قصة عشق الجزء الأول للكاتبة سحر فرج الفصل الثالث والعشرون

ملك برخامه وبتقلده فى الكلام وقالت .. اه يا ظريف الغردقه الغردقه اللى فيها البحر الازرق ده وهانروح كلنا يا عدى ونسيبك هنا لوحدك علشان العفاريت تاكلك .
فهد .. ايه ده معقول هانروح الغردقه كلنا وانتم معانا طيب امتى وازاى ومع مين ؟

فرح .. بص يا فهد يا روح قلبى .. امتى ده بالتحديد لسه هانعرفه .
وازاى دى اكيد يا فصيح بالعربيات أو بالطيارة .
ومع مين دى بقى مع سليم ابن عمتك علشان عنده افتتاح مشروعه بتاع الفندق الجديد هناك وعاوزنا كلنا نحضره معاه ونغير جو .
وبعدين احنا اللى رايحين وهانخدكم معانا مش انتم اللى هاتخدونا معاكم فيه فرق يا حلو .
عدى بفرحه ... مش مهم مين يروح مع مين يا فرح المهم اننا رايحين الغردقه يا بشر الغردقه يعنى البحر والسماء والرمله والوجه الحسن يا شويه غفر .

البنات سمعت كده وانقضوا عليه وفضلوا يضربوا فيه والحاجه انعام كانت بتضحك جامد هى وباقى الحريم على منظر عدى وهو قاعد منكمش فى الكرسى وبيحاول يدافع عن نفسه والبنات بتعمل معاه احلا واجب .

قصى كان طلع على اوضته وبقى عامل زى الطور الهايج رايح جاى فى الاوضه بتاعته وبيفكر فى اللى بيحصل ده واستفذاذ فرح المستمر ليه وبيقول ... بقى كدة يا ست فرح بقى بتقوليلى خليك وخلى بالك من شغلك ومن المصنع علشان تخدى راحتك يا هانم وتدورى على حل شعرك هناك انتى وسى سليم ده .. بس انا مش هاسمح بكده ابدا ولا هاديكى لفرصه انك تغظينى بيه .. وفضل يفكر ويفكر لحد ما وصل لقرار وقرر انه هاينفذه ؟؟؟؟؟

وبعد هزار عدى مع البنات ما خلص امرتهم الحاجه انعام انهم يطلعوا يجهزوا نفسهم للسفر ويشوفوا لو ناقصهم حاجه ينزلوا ويشتروها بعد الفطار .
فراحوا على اوضهم كلهم وبدؤا يجهزوا فى الشنط واللبس والحاجات اللى هايخدوها معاهم والحاجات اللى كانت ناقصه قرروا ينزلوا يجبوها من المدينه .

وعند سليم فى الشركه كان يادوبك مخلص كلام مع يارا واتفق معاها على انها تفضل هى فى الشركه بداله هو وحسام وهما اللى هايروحوا للافتتاح فى الغردقه .. ومع اعتراض يارا فى الاول على قرار سليم ده لانها كانت مرتبه نفسها على السفر .. اقنعها سليم فى الاخر انها تفضل .
خرجت يارا من اوضه سليم وراحت على مكتبها بعد ما قفلت الباب عليه .... وسليم اول لما هى خرجت مسك موبيله ورن على جدته اللى كانت قاعده فى الفيلا لوحدها بعد ما هو مشى وكانت منتظرة ضحى تروح لها بعد الشغل وتقعد معاها لحد ما هو يرجع .
بس للاسف مردتش عليه وبدا قلبه يتوغوش عليها .

سليم مسك موبيله ورن على جدته تانى اكتر من مرة بس للاسف مردتش عليه برضه فقلق عليها واتصل بضحى اللى المفروض تكون راحت لها بعد ما هو مشى علشان يطمن على جدته .
وبعد تلت رنات ردت ضحى عليه .

سليم .. مساء الخير يا ضحى اخبارك ايه طمنينى؟
ضحى بخجل ... مساء النور اهلا يا سليم .. انا الحمد لله انا بخير وخلصت شغل ولسه يا دوبك راجعه من المستشفى وقاعده مع جدتى فى الفيلا اهو.
سليم .. معلش يا ضحى تعبك معايا دايما وقولت ارن عليكى واشكرك وبالمرة اطمن عليكى وعلى جدتى لانى رنيت عليها اكتر من مرة ومردتش عليا .
ضحى ... هى بخير الحمد لله بس بتصلى واكيد معرفتش ترد عليك لا الموبيل شكله فوق فى اوضتها علشان انا مسمعتهوش وهو بيرن .

سليم خد نفس بعد ما اطمن على جدته انها بخير وفجاه جت فى دماغه فكرة وقال .. اعملى حسابك انى هاطلب من عمى جبل انك تيجى معايا على الغردقه انا وهدى اختى وولاد خلانى كلهم وهانروح افتتاح الفندق اللى كنت قولتلك عليه قبل كده والسفر خلال يومين .
واكيد عمى جبل مش هايرفض ولا هيخاف عليكى بدام انا معاكى.
ضحى اتفاجات بكلام سليم ده وفرحت اوى من جواها بس ماحاولتش انها تظهر الفرحه دى وقالت .. لما تقول لعمك جبل الاول واشوف رايه هايكون ايه هابقى اقولك رأيى .

سليم .. ماشى يا ستى بس اعملى حسابك واستعدى لانى متاكد انه مش هايرفض طلبى ده .. وبلغى جدتى انى هافطر فى القاهرة لان الوقت اتاخر وكلها شويه والمغرب هاياذن .
ضحى ... ماشى يا سليم ربنا معاك وخلى بالك من نفسك يا ابن عمى وسوق بشويش وانت راجع باليل .
سليم .. تسلمى يا ضحى .. يالا سلام .
واول لما قفل سليم حط الموبيل على المكتب وسرح فى اخر كلمتين قالتهم ضحى وقال .. معقوووول . معقول تكون ضحى بت...
لا مش معقول بطل هبل دى زى اختك ومتربين مع بعضكم من صغركم وبتعتبرك اخوها .

عدى يومين وجه ميعاد السفر والكل كان مستعد وجاهز للرحله اللى بيتمنوها من زمان
وكل واحد نزل من فوق ومعاه شنطه السفر الخاصه بيه وكانوا فى منتهى السهاده .
عدى وفهد وفارس .. وفرح وهدى وملك وسلمى كمان .. لكن قصى فضل رافض موضوع السفر ده خالص ومرديش نهائى انه يروح معاهم مع كل محاولات الشباب معاه انه يجى معاهم بس هو كان رافض نهائى .

وبدات الشباب تسلم على الكل وتودعهم كلهم وبالذات الحاج صفوان اللى وصى الشباب انهم يخدوا بالهم من البنات ويحافظوا عليهم.
وكان بيتمنى ان قصى يروح معاهم لانه اعقل واحد فيهم لكنه عرف انه رفض .
والحاجه انعام كمان وصت البنات انهم يخلوا بالهم من نفسهم كويس اوى ويسمعوا كلام سليم و الشباب ويلبسوا لبس محتشم .
ويفضلوا دايما متجمعين مع بعض .

سليم كان وصل علشان يسلم عليهم قبل السفر وكمان كان معاه بنت عمه ضحى بعد ما وافق جبل انها تروح مع سليم ووصاه عليها كمان .
فادخلها معاه علشان يعرفهم عليها وبالمرة تسلم عليهم والكل رحب بيها .
هدى قربت منها وقالت .. انتى بقى الدكتورة ضحى اللى سليم وجدتى قالولى عليها .. ده انتى جميله اوى يا ضحى .
ضحى بابتسامه رقيقه قالت .. واكيد انتى هدى بنت عمى صالح الله يرحمه .. اهلا بيكى يا حبيبتى وانا فرحت اوى انى اتعرفت عليكى وعليكم يا بنات وبعدين انتى اللى اجمل طبعا با حبيبتى .
ومدت ايديها وسلمت على باقى البنات وعلى الحاجه انعام .
الحاجه انعام بزكأها المعتاد حست من نظره عيون ضحى لسليم حفيدها انها بتحبه اوى اوى كمان فاطمنت من جواها .

ولسه يا دوبك كلهم هايخرجوا لبرة علشان يحطوا الشنط ويركبوا العربيات الا وشافوا قصى نازل من فوق وماسك شنطه سفر فى ايده وكمان طالع زى القمر لاول مرة .
الكل اتفاجاه بيه وبالذات فرح اللى قلبها بدا يدق اوى اووى اوووى .
واتفاجات بتسريحه شعره والاستايل بتاعه الجديد اللى كان عامله وكمان القميص والبنطلون الجينز التحفه وماتخيلتش ابدا ان ده هو قصى ابن عمها وفرحت من جواها للتغير المفاجأ ده .
الحاجه انعام بابتسامه قالت .. ما شاء الله عليك يا ولدى ايه الحلاوة دى يا باشمهندس كنت مخبيها عننا ليه .
قصى بحب .. تسلميلى يا جدتى .

الحاج صفوان باستغراب بصله وقال .. ايه ده ده جدتك قالتى انك مش عاوز تروح ومردتش انى اضغط عليك علشان تروح معاهم وسيبتك براحتك .. بس عفارم عليك يا قصى اهو انا كده مطن بدام انت هاتكون وياهم ومش هاوصيك على اختك وبنات عمك تخلى بالك منهم يا ولدى .
وكمان الواد المهفوف اللى اسمه عدى ده خلى بالك منه ولا زعلكم فى شىء ارميه فى البحر وريحنى منه .

عدى بهزار .. بقى كده يا صفوان دى اخره حبى ليك مكنش العشم .
الحاج صفوان مقدرش يمسك نفسه من كتر الضحك اول لما سمع عدى بيقول صفوان حاف كده فقام وقف ومد ايده بالعكاز بتاعه ولسه هايقرب من عدى علشان يضربه بيه بهزار الا وجرى عدى من اودامه .
وقال .. طب والله ما هاجبلك موزة من هناك زى ما انت طلبت منى من ورا جدتى انعام .

الحاج صفوان .. اه يا ابن ال ..... انا يا واد يا عفش طلبت منك حاجه زى كده جبر يلمك .
والكل فضل يضحك عليه .
كل ده وقصى ساكت مش بيتكلم وراح ناحيه جدته اللى بصتله بكل فخر وقالت .. انا يا حاج اللى رجعت وكلمته تانى وهو مرديش يرفضلى طلب زى عاويده ووافق انه يروح علشان يبقى مع الشباب . . وكمان يخلى باله من اخته وبنات عمه .

قصى ... مسك ايد جدته وباسها وقال .. اشوف وشك على خير يا جدتى .
وراح لجده وحضنه وباسه .
فقال سليم .. وانا كمان لما عرفت انه مش عاوز يجى كلمته امبارح علشان احاول مرة تانيه لحد ما بلغنى انه موافق .
وياريت بقى نستعد ونخرج لان فعلا كده هانتاخر على ميعاد الطيارة .
قصى طلب من البنات انهم يسيبوا الشنط ويخدوا الانسه ضحى ويخرجوا على بره وهما هايطلعوها عند العربيات .

وفعلا خرجوا واتجمعوا عند عربيه سليم وقصى وركبت معاه ضحى وهدى وفهد وفرح اللى قصدت وركبت معاه هو بالتحديد .
تحت انظار قصى اللى كان متوقع تصرفها ده وعداه بمزاجه .
وفى عربيه قصى ركب معاه ملك وسلمى وفارس وعدى .
قصى بينه وبين نفسه اول لما شاف فرح ركبت مع سليم قال .. براحتك يا فرح براحتك اوى .. وركب العربيه وساقها .
وخرجوا من بوابه السرايه فى اتجاه المطار .

وبعد فترة من الوقت وصلوا للمطار والشباب كانت مسئوله عن الشنط كلها ودخلوا وبعدها بشويه راحوا وركبوا الطيارة وبعد حوالى ساعه ونصف كانت الطيارة بتهبط فى مطار الغردقه الدولى .
وكان فى عربيات فى انتظارهم بره المطار بأمر من المهندس حسام .. وفعلا وزعوا نفسهم على العربيات كلها وطلعوا بيها على الشاليه الخاص بسليم .

واول لما وصلوا اعجبوا جدا بالمكان وموقعه وبالذات شكل الشاليه من بره وجنينته الواسعه وكمان حمام السباحه الكبييير و بدأت الشباب فى تحويل الشنط كلها لجوا الشاليه .
الكل كان فرحان وسعيد.
سليم وقف فى وسطهم كلهم وقال .. المكان بتاعكم يا جماعه واوض النوم كلها فوق فيها كل شىء تحتاجوه وهاسيب ليكم عربيتين بره اودام الشاليه لو اى حد فيكم احتاج لاى شىء يطلبها من السواق فورا .

انا هاستأذن منكم شويه واروح على الفندق اشوف الدنيا ماشيه ازاى هناك .
وانتم غيروا براحتكم واستريحوا واعملوا حسابكم هانروح نفطر كلنا فى مطعم اعرفه حلو اوى على البحر .. ساعه والنصف بالكتير واجى واخدكم تكونوا استعديتم للخروج .

قصى .. ماشى يا سليم روح انت وشوف شغلك وماتقلقش على اى حد فينا .
وفعلا خرج سليم من الشاليه وساب الكل بيحولوا الشنط على فوق .

(ومن هنا بدات المشاجرات على الاوض بين الشباب )
عدى كان اول واحد وصل لفوق ودخل الاوض كلها اللى كانت عبارة عن اربع اوض للنوم .
وكان منهم أوضتين بيطلوا على البحر والاتنين التانين بيطلوا على الجنينه وحمام السباحه.
عدى دخل اوضه من اللى على البحر وحط شنتطه وشنطه فهد وقال دى اوضتى انا وفهد .
البنات كانت طلعت واحده ورا التانيه وسمعوا عدى وهو بيحجز الاوضه دى .
هدى وفرح ما صدقوا سمعوا كلام عدى وجريوا على الاوضه اللى بتطل البحر التانيه وقالوا ودى كمان اوضتنا .

ملك .. يا سلام يا سلام يا اختى انتى وهو وهى اشمعنى تاخدوا الاوض اللى بتطل على البحر وسايبين لينا الاوض اللى على الجنينه .
يا قصى يااااقصى تعال شوف عدى اخوك من اولها بيعمل ايه؟ المفروض يسيب البنات هى اللى تختار الاول اللى هما عاوزينه وبعدين هو ياخد الباقى .
ودخلت وحطت شنطه هدومها هى وسلمى فى الاوضه اللى فيها عدى وقالت واهى قاعده لا انا لا انت يا عدى .

عدى بغضب بصلها وقال .. بعينك انى اسيب الاوضه دى يا بوظ الغراب انتى ومش هاخرج من هنا واللى تعمليه بقى يا ملك .
ملك بقت تدب رجلها فى الارض زى العيال الصغيرة وده اللى خلى ضحى تقرب منها وقالت .. يا بنتى مالوش لازمه الزعل ده كله واى حته وخلاص .
سلمى .. سيبك منهم يا ضحى هما كده على طول مع بعض زى الاطفال .
فارس .. عندك حق يا سلمى مفيش فايده فيهم العيال دى .

لحد ما طلع قصى على صوتهم العالى وقال .. فى ايه من اولها مالك يا ملك مين مزعلك ؟
ملك جريت على قصى ووقفت جنبه وشاورت على عدى وقالت .. عجبك كده يا قصى شوف اخوك بيعند معايا ازاى ومش عاوز يسيب لنا الاوضه انا وسلمى وضحى ..ونايم على السرير ازاى بكل رخامه .
قصى من غير ولا كلمه بص لعدى حته بصه كانت كفيله انه يقوم يقف من السرير ومسك شنتطه فى ايده وقال .. اشبعى بالاوضه يا ست ملك انتى وسلمى .. انا مش هاعمل عقلى بعقل واحده عفشه زيك

ملك بغيظ .. عجبك كده يا قصى .
قصى بصلها وقال .. خلاص بقى يا ملك الوقت بيعدى وهاتفضلوا تتخانقوا مع بعض كده وسليم شويه وزمانه هايجى وياخدنا اخلصوا بقى وبطلوا لعب العيال بتاعكم ده .

ملك ... ماشى يا كوتش .. نصف ساعه بالكتير وتلاقينا جاهزين كلنا .. صح ياااااا بنات
البنات فى صوت واحد وهما بيضحكوا معاهم ضحى اللى بدأت تتاقلم عليهم ردوا وقالوا صح يا كووووتش .
وفعلا بدأت البنات يفتحوا الشنط بتاعتهم ويخرجوا اللبس ويحطوه فى الدواليب والشباب كذلك .

وبعد حوالى ساعه كان الكل جاهز وفى انتظار وصول سليم وراحوا قعدوا فى الجنينه اللى مليانه بالأشجار والزهور الجميله لحد ما سليم يوصل .
عدى راح لقصى وقاله انه هاياخد فهد ويتمشوا على البحر شويه ويتفرجوا على المكان .
هدى وملك طلبوا انهم يروحوا معاهم ويخدوا ضحى .. عدى رفض فى الاول وفى الاخر وافق علشان خاطر ضحى انه ياخدهم .
وقال .. تيجى يا فرح تتمشى معانا ؟

فرح .. لا يا عدى شكرا انا هاقوم اتمشى فى الجنينه هنا الاول واتفرج على الزهور الجميله اللى فى كل مكان دى .

وخرج عدى وفهد ومعاهم التلت بنات وراحوا بتمشوا ناحيه البحر .
وقامت فرح تتمشى لوحدها فى الجنينه وفضل فارس وسلمى وقصى .
ومن نظرات فارس لسلمى .. اللى حس بيها قصى وشافها .. قام وقف واستأذن انه يروح يتمشى فى الجنينه هو كمان .

فارس .. ماشى يا قصى براحتك وهو بالمرة تخلى بالك من فرح .
واول لما مشى قصى فارس قام وقف وراح قعد على الكرسى اللى جنب سلمى وقال ... يا ترى المكان عجبك يا سلمى زى ما كنتى متخيلاه .
سلمى بخجل لما حست ان المكان فضى من حواليها ومفضلش غيرها هى وفارس وبكل كسوف ردت وقالت .. اه المكان حلو اوى يا فارس واحلى كمان من ما كنت متخيلاه .

فارس فكر ان ده انسب مكان وانسب لحظه انه يعترف لها بحبه ليها وبعد تردد بصلها وقال على طول .. سلمى انا بحبك من زمان اوى .. واترددت كذا مرة انى اعترفلك بحبى ده .. بس جه الوقت اللى اقولك فيه انى بحبك اوى اوى يا سلمى .. وارجوكى تقوليلى ايه هو شعورك ناحيتى .
سلمى وشها بقى زى الطماطم من كتر كسوفها وبصت فى الارض وسكتت .
فارس .. جاوبينى يا سلمى ارجوكى .. بتحبينى زى ما انا بحبك ولا لاااا .
سلمى فضلت ساكته لحد ما رفعت وشها فى وش فارس وعيونهم اتلاقت ببعض وبكل رومانسيه ورقه وقالت .. بحبك يا فااااارس .

وبعد ما قام قصى ومشى فى نفس الاتجاه اللى راحت فيه فرح وبعد دقيقه شافها على بعد واقفه جنب حوض ورد كبير مليان زهور كتيرة الوانها جميله .
قرب قصى منها ووقف جنب فرح وعيونه على الزهور وقال .. للدرجه دى بتحبى زهور يا فرح .
فرح اتفاجات بيه وراها وقالت .. ومن امتى انت بتعرف عنى اى حاجه يا قصى .. بحب ايه .. وبكره ايه .. مش فالح غير فى استفذاذى بس دايما .
قصى .. يا سلام ده على اساس انك مش انتى اللى بتصدينى دايما وبتستفذينى بعاميلك ومش بتدينى فرصه انى اقرب منك واعترفلك بى...

فرح لفت نفسها لقصى وعيونها جت فى عيونه وقالت .. بى ايه يا قصى بى ايه انطق .

قصى بنظره حزن فى عيونه ليها خد نفس كبير و قال .. انا افضل انى افضل كده ساكت عن انى اعترف باللى جوايا ليكى يا فرح واتصدم من رد فعلك ليا .
فرح بابتسامه صغيرة بصتله وقالت .. طيب ما تحاول يمكن تكون انت مش متوقع رد فعلى هايكون ايه ويمكن يكون عكس اللى انت متخيله تماما .
قصى حس من كلام فرح بشبه امل وعيونه فى عيونها وقرب منها اكتر ولسه هايعترف لها بحبه وعشقه ليها الا وجت ملك وهى بتجرى وبتقول .. الحق يا قصى بسرعه .. الحق يا قصى ارجووووووووك...
رواية قصة عشق الجزء الأول للكاتبة سحر فرج الفصل الرابع والعشرون

قصى اتفاجأه بملك وباستغراب بصلها وقال .. فى ايه يا ملك حد حصله حاجه فيكم ولا ايه .. وفين البنات .
ملك مش عارفه تاخد نفسها و عماله تتنفس بصعوبه فاردت على قصى وقالت .. الحق يا قصى الحق عدى وفهد بسرعه هما بيتخانقوا على البحر مع شويه شباب وسيبتهم بيضربوا فى بعض جامد وجريت علشان اقولك انت وفارس تلحقوهم .
وسيبت هدى وضحى كمان بيضربوا فى واحد منهم قليل الادب .

قصى اتصدم وقالها هما فين بالضبط .
وهدى وضحى حد جه جنبهم من الشباب دى ؟
ملك .. تعال بسرعه ورايا وانا هاوريك انت وفارس مكانهم بالضبط .. واطمن احنا بنتحول رجاله فى الحاجات اللى زى كده ومحدش يجرؤ يجى جنبنا .. بس يالا بسرعه قبل ما عدى يتهور ويموت حد منهم انت عارفه .

فرح خافت عليهم وبالذات على اخوها فهد وقالت .. يا لهوى انا خايفه عليهم اوى اياك ما يحصلهمش حاجه يالا بسرعه نروح لهم يا قصى ارجوك .
وجريوا بسرعه وخدوا معاهم فارس وسلمى كمان حتى السواقين اللى كان سليم سايبهم بالعربيات اودام الشاليه جريوا معاهم لما حسوا ان فى شىء حصل معاهم .. وفضلوا يجروا ويجروا فى اتجاه البحر لحد ما شافوا على بعد ناس كتير ملمومه وشاورت لهم ملك وقالت أهم اهم الحقوهم بسرعه .

فاجرى قصى وفارس والاتنين السواقين ودخلوا فى وسط الناس كلها وبدؤا يذقوهم لحد ما شافوا الشباب بيضربوا فى بعض وعدى بيضرب فى شابين وفهد كمان بيضرب فى كذا واحد فادخل قصى وفارس وبقت خناقه كبيرة .
حتى السواقين بقوا يضربوا فى الشباب اللى بيتخانقوا مع عدى وفهد .
وقصى بكل قوته هراهم ضرب اشى بوكسات ولكمات هو وفارس وعدى و فهد .

وفضلوا يضربوا فيهم لحد ما بعض الشباب اللى كانت معاهم بدؤا يجروا من كتر خوفهم من قصى واللى معاه .
وفرح وسلمى جريوا على هدى وضحى اللى كانوا عمالين يصرخوا جامد من كتر خوفهم على اخواتهم وولاد عمهم .
لحد ما بتوع الامن جم وفضوا الخناقه دى وخدوا بعض الشباب اللى كانوا بيتخانقوا معاهم واتأسفوا لقصى وعدى وفهد عن اللى حصل معاهم .
قصى جرى على البنات علشان يطمن عليهم ومسك هدى وضحى من اديهم و بكل حب وحنيه وخوف قالهم .. انتم كويسين !!!!! حد فيكم فيه حاجه .

هدى اللى كانت ميته من العياط من خوفها على عدى وفهد جريت عليه هى وملك واترموا فى حضنه وقالوا .. اطمن يا قصى احنا كويسين بس خوفنا على عدى وفهد لانهم كانوا كتير اوى او اى حد يأذيهم بأى حاجه .. وكنا عمالين نضرب فى العيال دى احنا كمان .

فى اللحظه دى عدى حس بحب هدى ليه اد ايه .. وعرف انه حب كبير اوى اوى ونظره خوفها عليه وقت الخناقه كانت كفيله انها تسبتله الحب ده فقرب منها وعيونه جت فى عيونها وشدها من قصى وضمها لصدره وقال .. اطمنى يا هدى انا كويس اهو والله يا بت احنا عيله السيوفى محدش يقدر علينا . متخافيش وفى لحظه ومن غير اى مقدمات ومن غير ما يحس هو هايقول ايه ؟ ونسى كل اللى كانوا واقفين قال متخافيش يا حب......
متخافيش يا هدى انا كويس .
هدى حست باللى كان هايقولوا وفرحت اوى .
واول لما ضمها لحضنه حست بشىء غريب واتمنت انها تفضل جوا الحضن ده على طول .

ملك بضحك فى وسط العياط مسحت وشها من الدموع و بصتله وقالت .. كويس ايه ده انت متخرشم يا عدى ووشك بيجيب دم من كل حته زى النافورة اهو يا شجيع السيما .
الكل فضل يضحك على منظرهم ده .
فاقصى بصلهم وقال .. انا عاوز اعرف بالضبط ايه اللى حصل من العيال دى .

فهد .. تعالوا نرجع على الشاليه ونقعد ونستريح ونقولك على كل حاجه هناك .
وفعلا خدوا بعضهم كلهم ورجعوا على الشاليه .
وبظروفها كان سليم لسه واصل وبيركن عربيته واتفاجأ بالكل وهما جايين على بعد من اتجاه البحر فانزل من عربيته بسرعه وجرى عليهم وخوف وقال ... خير يا جماعه فى اى ومال وشك يا عدى انت وفهد حد فيكم حصلوا حاجه انتم كويسين .

قصى قرب منه وقاله اطمن يا سليم الكل كويس ودى كانت خناقه بسيطه مع شويه عيال سيس وربيناهم متقلقش .

سليم جرى على هدى لما شاف منظرها ومسك اديها وبصلها وقال .. انتى كويسه يا حبيبتى فيكى شىء طمنينى .
هدى بصتله بحزن وقالت .. ان كويسه الحمد لله اطمن يا سليم الشباب عملوا اللازم .

سليم بص للكل وقالهم كلكم بخير طمنونى .. هو ايه اللى حصل بالضبط حد يفهمنى .
لحد ما وصلوا الشاليه ودخلوا وقعدوا وبدأ فهد يحكى ليهم على اللى حصل كله من ساعه ما خرجوا من الشاليه .
فهد .. انت بعد ما سيبتنا وروحت على الفندق .. خدنا بعضنا انا وعدى وملك وهدى وضحى وقولنا نتمشى على البحر شويه ونتعرف على المكان .
وفعلا فضلنا ماشين لحد ما وصلنا على البحر .. واحنا ماشين كان فيه شويه شباب ماشيه ورانا حوالى اربعه او خمسه مش فاكر
المهم بدات الشباب دى تلقح بالكلام رغم اننا ماشين معاهم وبدؤا يعاكسوا فى البنات اللى معانا بمنتهى السفاله والقذارة .

وفى ثانيه انا وعدى مستحملناش ودمنا غلى ومسكنا فيهم وضربناهم وعلمناهم الادب لحد ما الناس اتلمت علينا وكان جه قصى وفارس حتى الاتنين السواقين بتوعك وبقينا نضربهم لحد ما طلعنا عنيهم والامن جه وخد شويه منهم هههههههه
كانوا مفكرنا عيال سيس زيهم وهانعديهالهم بس على مين احنا الصعايده الرجاله اللى محدش يقدر يجى علينا نفرمه على طوووول .
حتى البنات لمحتهم بيضربوا فى واحد منهم وكانوا هارينه ضرب وعض وشد شعر مش كده يا هدى انتى وضحى .

البنات ضحكت وقالت .. ما احنا قولنا انكم بتضربوا فقولنا نضرب احنا كمان .
ملك ده انا مسكت واحد منهم وفضلت اعض فيه وضحى وهدى يضربوا فيه ويشدوا فى شعره وانا اجيب رمله من على الارض واحدفها فى عيونها لحد ما اتعموا هههههه .

سليم بأطمأنان بصلهم وقال .. الحمد لله حصل خير وياريتنى كنت معاكم .. بس انا مش هاعديها ليهم على خير انا هاكلم امن القريه واعرف مين شويه العيال دى وهاعرف شغلى معاهم .

قصى .. ملوش لازمه يا سليم احنا عملنا معاهم اللازم .
سليم .. لا يا قصى هما الظاهر ما يعرفوش احنا مين كويس وانا بقى هاعرفهم احنا مين بس بطريقتى .
المهم المغرب خلاص فاضله ربع ساعه هاتقدروا نخرج ونروح نفطر فى اى مطعم ولا اتصل بيهم فى المطعم ويبعتولنا الفطار هنا .

هدى بصت لعدى وفهد وقالت .. لا يا سليم مش هانعرف نخرج بمنظرهم ده شايف عدى وفهد متخرشمين ازاى .. اتصل انت بالمطعم وخليهم يبعتولنا الفطار.
وانا هاقوم ادور على قطن وشاش وميكركروم انا وملك ونصلح وشهم اللى بقى عامل زى الشوراع ده
سليم .. ماشى يا حبيبتى عندك حق انا هاقوم اغير لبسى ده وبالمرة اتصل بالمطعم .

وسلمى وفرح قاموا وقالوا واحنا كمان هانروح نحضر شويه عصاير وفاكهه لزوم الفطار ..فاضحى قامت وقالت .. استنونى يا بنات انا هاجى معاكم .
وفعلا قامت البنات ودخلوا على المطبخ وبدؤا يجهزوا العصاير والفاكهه والاطباق وحطوهم على السفره .
وهدى وملك راحوا يدورا على الشاش والقطن لحد ما لقوه وجابوه وراحوا عند فهد وعدى اللى كانوا طلعوا لأوضتهم فوق .

هدى قربت من عدى وقعدت جنبه وفتحت كيس القطن وبدات تنضف الاول مكان الدم كل حته فى وشه وفى ايده كمان .
كل ده وعدى ماشلش عينه من عليها وكان بيتأمل فى ملامحها الرقيقه الجميله وحس وكأنه لاول مرة بيشوف هدى .
فابصلها وابتسم وقال .. هدى انتى كنتى خايفه عليا بجد .
هدى اتكسفت من سؤاله ده وقالت .. اكيد طبعا كنت خايفه عليك يا عدى .. انت ابن خالى ومتربى معايا وبعتبرك زى اخويا بالضبط .

عدى .. لا لا اخويا ايه بس استهدى بالله .. ابن خالك ماشى .. لكن اخويا دى بلاش منها احنا لسه هانقول يا هادى .
هدى ضحت وقالت .. تقصد ايه يا عدى !!!!

عدى .. اقصد انى كنت زى الاعمى ومكنتش شايف خوفك ده عليا قبل كده واوعدك من هنا ورايح انى هاخد بالى منك اوى اووى اوووى يا هدى .
هدى وشها احمر وغصب عنها وهى ماسكه القطنه وبتمسحله اتكت اوى على الجرح فاعدى اتالم و قال .. ااااه خلى بالك يا بنتى .. ومسك ايديها وقال انتى ايدك بترجف كده ليه .
هدى بخجل . ابدا مفيش حاجه .

عدى بخبس .. مفيش حاجه برضه .. طيب عينى فى عينك كده .
ولسه هايحط عينه فى عيون هدى وقرب اوى اوى منها الا ولقى حته قفى نازل على قفاه طرقع .
عدى حط ايده على قفاه وقام وقف بسرعه ولف نفسه ولقى قصى اودامه وقال .. جرى ايه يا عم انت .. مش تحاسب .
هو قفايا ده ملطشه للرايح واللى جااااى ولا ايه منك ليه .
قصى عجبك ولا مش عجبك يا عم الصايم انت . انت ناسى انك صايم ياض انت ولا ايه وايه اللى كنت بتهببه ده .
يالا يا اخويا انزل اودامى على تحت وانتى يا هدى هاتى بعضك وانزلى ساعدى البنات تحت .
وانتى يا ملك خلصتى وش فهد ولا لسه ؟

ملك .. لا لسه كنت مستنيه هدى تخلص واهى خلصت اهى وهاخد منها القطن والشاش واعمل لفهد .
قصى ماشى خلصى على طول وانزلى ساعدى البنات تحت زمان الاكل على وصول .
ملك بضحك بصتله وقالت .. حاضر يا كوتش هاديله سكينه معجون وشويه الوان وانزلك على طول زى الفوريرة .
وفعلا نزل قصى وعدى وهدى على تحت وسابوا فهد هو وملك مع بعض علشان تطهرله جروحه .

ملك مسكت القطن وبدات تمسحله الدم وبعدها تحطله الميكركروم .
ومسكت ايده ولفتها بالشاش لان كان فيها جرح بسيط .
فهد .. شكرا ليكى يا ملك تعبتك معايا يا بنت عمى .
ملك باستغراب على رقه فهد اللى اول مرة تحسها منه قالت .. لا شكر على واجب يا ابن عمى .
فهد بصلها فى عيونها الزرق وحس بجمالهم وقال .. ابن عمك بس يا ملك ولا فيه حاجه تانيه انا معرفهاش .

ملك عرفت هو بيلمح لايه فابصتله وقالت .. الحدق يفهم يا ابن عمى وقامت وجريت بسرعه من كتر كسوفها وخرجت من الاوضه ونزلت على تحت .
فهد ابتسم وقال .. فعلا الحدق يفهم يا ملك وانا اخيرا فهمت انتى بتحبينى اد ايه ..
لما شوفت خوفك عليا بعيونى .
وخد بعضه وغير التيشيرت والشورت اللى كان لابسهم ونزل للشباب .

وتحت واول لما نزلت ملك كان الاكل لسه واصل وراحت وخدت الشنط من ايد سليم وفارس وراحت حتطهم على السفره واتجمع الكل وبدؤا يساعدوا بعض وقعدوا كلهم واتجمعوا على سفره واحده فى جو عائلى مليان بالفرحه الحقيقيه اللى طالعه من قلوبهم وكمان الهزار والشد والجذب وبعض المقالب اللى متعودين عليها من عدى دايما .

وفى السرايه وساعه الفطار بالذات الحاجه انعام ولاول مرة تحس ان فيه شىء كبير ناقصها وهدوء غريب مالى المكان .
وكانت حزينه وده اللى خلى صلاح ابنها ياخد باله منها فقال .. جرى ايه يا حاجه شايفك مكلتيش كويس واكلك زى ما هو اودامك اهو .. مالك يا امى ولا العيال هما اللى كانوا بيفتحوا نفسك على الاكل .

الحاجه انعام بحزن .. اه والله يا صلاح يا ولدى .. السرايه وحشه اوى من غير العيال .. مش متعوده على الهدوء ده .. مهما كان بيعملوا حس للمكان واتعودت على صوتهم وضحكهم مع بعض واول مرة يبعدوا عننا كلهم كده مرة واحده .
الحاج صفوان .. عندك حق والله يا حاجه .. العيال سبحان الله بتدى روح وحس للسرايه اومال اما يتجوزا والبنات بالذات تروح بيوت اجوازتهم ويبعدوا عننا هانعمل ايه.
الحاجه انعام .. فال الله ولا فالك يا حاج صفوان .. مين قالك انى هاجوز البنات من ناس غريبه كلكم قاعدين اودامى اهو .. اعملوا حسابكم ان البنات مش هاتتجوز غير من ولاد عمهم .
حسين باستغراب بص لاخواته وقال .. مش فاهم يا حاجه تقصدى ايه بالكلام ده .

الحاجه انعام .. اقصد ان .
قصى هايتجوز من فرح بنتك .
فارس هايتجوز من سلمى .
عدى هايتجوز من هدى .
فهد هايتجوز من ملك .

واظن كلامى واضح للكل اهو .. انا معنديش بنات بتخرج بره عيله السيوفى .
والكلام ده انا كنت لمحت عليه لابوكم وانا بقالى فترة بخطت لكده وبراقبهم كلهم لحد ما اتاكد من احساسى نحيتهم كلهم .
بس اللى مكنتش عامله حسابه هو ظهور سليم ابن بنتى نعمة الله يرحمها .. بس انا عرفت بظروفها هو هاياخد مين .
فاعملوا حسابكم اول لما يرجعوا من السفريه دى .. نعلن عن خطوبتهم كلهم حتى سليم وبعدها على طول نبدا نجهز لاكبر فرح فى الصعيد كله .. فرح عيله السيوفى .

الحاج صفوان باستغراب بصلها وابتسم وقال .. عفارم عليكى يا حاجه والله .. انا عن نفسى موافق واتمنى ان ده كان يحصل بالضبط وشكيت من كلامك قبل كده بس قولت انتظر واشوف انتى بتخططى لايه بالضبط .
عصام .. بس يا حاجه انتى متاكده من ان العيال عايزة بعضيها ولا هانغصب عليهم الجوازة دى بالعافيه .

الحاجه انعام ردت عليه وقالت .. ومن امتى يا عصام بغصب على اى حد فيكم سواء انت ولا حريمكم او العيال اى حاجه .. وبعدين الا الجواز يا ابنى .. ده حتى يبقى حرام عليا .

الكل بان عليه الموافقه و الفرحه للقرار ده وبدؤا يهنوا بعض وقاموا من على السفره وراحوا يقعدوا عقبال ما سماح تعلمهم الشاى .

جه الليل وسليم خد الكل بعد ما استعدوا ولبسوا وراحوا يلفوا فى البلد شويه .
واتفرجوا على المحلات واشتروا ايس كريم وافتكروا الحادثه اللى كانت السبب فى معرفتهم ببعض .
ساعه ما خبطهم سليم بالعربيه وكانت هى السبب انهم يعرفوا الحقيقه اللى بقالها سنين طويله مستخبيه ومحدش عارف عنها اى شىء.
وفضلوا يتمشوا لحد ما وقفوا على البحر شويه وفى منهم اللى قعد وفى منهم اللى كمل مشى .

فارس طلب من سلمى انهم يكملوا مشى على البحر وفضلوا يتكلموا عن حياتهم وحبهم بعد ما فتحوا قلوبهم لبعض .
هدى وملك وعدى وفهد استاذنوا انهم هايروحوا يتفرجوا على حفله صغيرة كانت معموله فى كافيه قريب من البحر .
وفعلا خدوا بعضهم وراحوا بعد ما قصى طلب من الشباب انهم يخلوا بالهم من البنات .

ضحى طلبت من سليم انها ترجع على الشاليه لان موبيلها فصل وكانت عاوزة تطمن على حاله من مرضاها كانت سيباها فى الرعايه .
ضحى .. ممكن لو سمحت يا سليم ترجعنى على الشاليه علشان موبيلى فصل وكنت عاوزة اتصل بزميلتى فى المستشفى .
سليم .. طيب ما تاخدى يا بنتى موبيلى اهو وترنى عليها من عندى .
ضحى بابتسامه ردت عليه وقالت .. يا ابنى بقولك موبيلى فصل وانا مش حافظه رقمها علشان اتصل من عندك .

سليم .. ااااه سورى مخدش بالى .. طيب تعال وانا هارجعك على الشاليه علشان تشحنيه .. تحبى تيجوا يا جماعه معانا .
قصى عيونه جت على فرح وانتظر ردها هايكون ايه لسليم وبدأت دقات قلبه تزيد لحد ما عيونه جت فى عيونها وكأنها بتترجاها انها تفضل معاه فانطقت فرح وقالت .. لا يا سليم انا هافضل هنا مع قصى شويه لان الجو جميل جدا وشويه كده وهانحصلكم .

قصى خد نفس كبييير واستريح لرد فرح ده اللى مكنش متوقعه وابتسم ورد وقال ... ماشى يا سليم روح انت مع ضحى وشويه كده هاجمع الكل ونيجى على الشاليه.
وفعلا فى اللحظه دى سليم حس ان فيه شىء غريب بيجمع فرح وقصى فاحب يسيبهم براحتهم وقام وقف وخد ضحى ورجعوا على الشاليه .
واول لما هما مشيوا وسابوا قصى وفرح مع بعضهم بصلها قصى بكل رومانسيه وابتسم وقال .. تحبى نتمشى شويه على البحر .
فرح ابتسمت برقه وقالت .. مفيش مشكله يالا بينا لان فعلا الجو حلو اوى .

وقام قصى وقامت فرح وخدوا بعضهم وقربوا من البحر اكتر وفضوا ساكتين من غير ولا اى كلمه يا دوبك سامعين صوت موج البحر وبس اللى كان كفيل انه يحرك مشاعرهم تجاه بعض .
وفجاه وقف قصى وبكل حب وعشق مد ايده لأيد فرح ومسكها وعيونه جت فى عيونها وقال ..
فرح فى حاجات كتير اوى نفسى تعرفيها واعترفلك بيها من زمان .. بس للاسف كنت دايما بتردد انى اعترفلك بيها .. لانى كنت بخاف لا انتى ترفضى الاحساس اللى جوايا ليكى .
وياريت تدينى فرصه انى اعبرلك فيها عن مدى حبى ليكى يا فرح .

فرح بكل خجل وبدقات قلب سريعه ورعشه اديها وهى فى ايد قصى وكان حاسس بيها جدا ردت وقالت .. وانا سمعاك يا قصى عاوز تقول ايه ؟؟؟
قصى بكل رومانسيه قرب منها وقال .. فرح انا بحبك اوووى .
بحبك من وانتى لسه طفله صغيرة وبتكبرى اودام عيونى يوم بعد يوم .
بحبك من كلامك من ضحكتك من حزنك من خجلك .
بحبك من برأتك ورقتك وعفويتك .

بحبك من همساتك ورعشه ايدك اللى حاسس بيها دلوقتى وهى فى ايدى .
بحب روحك وابتسامتك وغضبك برضه بحبه منك .
فرح انا بعشقك .
بعشقك يا فرح وبموت فيكى يا حبيبتى .
وقرب اوى اوى اووووى منها لدرجه ان اللى كان بيفرق شفايفهم عن بعض شويه سنتيمترات بسيطه لتنهار جسور قلاعهم ويقبلها بهدوء ورومانسيه بمنتهى الرقه و الهيام .. لتستسلم فرح وتبادله قبلته وهمساته وعشقه ويغرقوا فى بحر حبهم فى قبله طوييييله عبروا فيها عن مدى حبهم وعشقهم لبعض

وللاسف كل هذا كان امام اعين ؟؟
رواية قصة عشق الجزء الأول للكاتبة سحر فرج الفصل الخامس والعشرون

وللاسف امام عيوووون وسمع سليم !!!!!
اللى اتسمر مكانه من الصدمه من اول اعتراف قصى لفرح حتى اخر كلماته وقبلته ليها .
فاتصدم سليم من المشهد الرومانسى ده اللى بيجمع قصى وفرح .. وعمره ما كان يتخيل ابدا انه يشوف بينهم حاجه زى كده .
وكمان كان معاه ضحى اللى اتكسفت جدا لما شافت قصى وفرح فى وضع زى كده وعلشان تدارى الاحراج اللى هى حست بيه هى وسليم .
نطقت وقالت .. سليم هانعمل ايه دلوقتى والمفاتيح مع قصى .. ومش معقول نرجع تانى على الشاليه مش معقول هانفضل رايحين جايين كده ده احنا رجعنا مخصوص من هناك لما وصلنا وافتكرنا ان المفتاح مع قصى .

سليم فاق من شروده ببعض الحزن وقال .. بتقولى حاجه يا ضحى .
ضحى .. انت مسمعتنيش ولا ايه يا سليم سرحان فى ايه .. بقولك احنا جينا تانى علشان المفتاح مع قصى .. تعال نقرب منه هو وفرح وناخده منه مع انى محرجه جدا اننا نقتحم عليهم وقفتهم دى مع بعض . .

سليم .. ماشى اللى تشوفيه يا ضحى تعالى يالا .. ومفيش احراج ولا حاجه .
وقربوا من قصى وفرح اللى كانوا مش حاسين باى شىء حواليهم غير نسمات بارده و صوت امواج البحر ودقات قلوبهم .
ومش واخدين بالهم خالص من سليم وضحى وهما واقفين قريب منهم وكمان بيقربوا ليهم لحد ما وصل سليم ليهم هو وضحى وقال ..
احم احم .

فاتفاجأ قصى وفرح بيهم رغم الاحساس اللى كان مسيطر عليهم وكانوا حاسينه فى اللحظه دى .. فاتكسفت فرح جدا واتمنت ان الارض تتشق وتبلعها علشان الخجل اللى حسته لما شافت سليم وضحى .
قصى بتوتر انتبه لسليم وقال .. ايه ده انتم رجعتم تانى ولا ايه ؟؟ حصل حاجه ولا إيه يا سليم .

سليم بنبرة حزن بصله وقال .. انا اسف انى قطعت عليكم كلامكم بس فعلا نسينا ناخد مفتاح الشاليه منك يا قصى لانك انت اخر واحد خرجت منه وقفلت وكان لازم نرجع وناخده بدل ما نقف فى الشارع .
قصى باستغراب افتكر فعلا انه اخر واحد خرج من الشاليه وخد المفتاح فامد ايده فى جيبه وطلع المفتاح وفى اللحظه دى كان وصل فارس وسلمى بعد ما اتمشوا على البحر لوحدهم وعلى وشوشهم ابتسامه رقيقه وفرحه كبيرة لمجرد اعترافهم لبعض بحبهم .

فارس بابتسامه قرب من قصى وقال .. ايه ده اومال فين باقى الشباب رجعوا على الشاليه ولا ايه يا قصى .
قصى عيونه كانت على نظره الحزن اللى حس بيها فى نظرات سليم لما جه مع ضحى واتاكد انه سافه هو وفرح فحاول يلم الموضوع ورد على فارس وقال .. لا ابدا ده عدى وفهد خدوا ملك وهدى وراحوا الحفله اللى فى الكافيه اللى هناك دى .
تعالوا نروح ناخدهم ونرجع كلنا على الشاليه وكفايه اوى علينا النهارده كده لاننا فعلا تعبنا وما استريحناش من ساعه ما جينا من السفر .

سليم .. عندك حق يا قصى يالا بينا علشان منسبهمش يرجعوا لوحدهم فى وقت متاخر زى ده وكفايه الخناقه بتاعه الصبح .
ولانى هاصحى من بدرى وهاروح على الفندق علشان حفله الافتتاح بكرة باذن الله وهابقى مشغول جدا هناك .
قصى .. انا والشباب موجودين يا سليم لو احتجت اى شىء مننا احنا تحت امرك فى اى شىء .

سليم .. عارف والله يا قصى ما اتحرمش منكم ابدا .
ضحى كانت حاسه بنبرة الحزن اللى كانت فى صوت وعيون سليم من ساعه ما شاف قصى وفرح فى وضع زى كده وحست انه ممكن يكون كان معجب بفرح وزعل لما شافها مع قصى بالمنظر ده ... اسئله كتير دارت جواها وكانت عاوزة اجابه عليها فافضلت السكوت فى الوقت الحالى .
وفعلا مشى الكل فى اتجاه الكافيه وشافوا الشباب وخدوهم ورجعوا كلهم على الشاليه .
والكل طلع على اوضته علشان يغيروا لبسهم من تعب يوم طويل .

وفيهم اللى نام من التعب وفيهم اللى سهروا شويه .
وسليم بعد ما غير لبسه نزل ونام على كنبه الانتريه وفضل انه يسيب الاوض للشباب الاربعه والبنات فى باقى الاوض.
وبالنسبه لضحى كانت غيرت لبسها ونزلت قعدت فى جنينه الشاليه عند حمام السباحه
وكانت بتتكلم مع مامتها وبتطمنها على نفسها وهى كمان كانت عاوزة تتطمن عليهم .
وعلى جده سليم لانها كانت قاعده معاها لحد ما يرجع سليم من السفر .
وفضلت ترغى ضحى مع مامتها شويه وبعدها سلمت عليها وقفلت الموبيل .

وسرحت ضحى وبدات تفكر فى اللى حصل بين قصى وفرح وحزن سليم اللى حست بيه فى نبرته ونظراته ليهم .
وفى وسط سرحانها ده انتبهت على صوت سليم وهو بيقول .. انتى قاعده لوحدك ليه و لسه صاحيه لحد دلوقتى يا ضحى؟؟

ضحى فاقت من شرودها وانتبهت لسليم وقالت.. طيب انا وكنت بكلم ماما وبطمن عليها هى وجدتى وانت ايه بقى اللى مخليك صاحى لحد دلوقتى ومش جايلك نوم .
سليم بص للسماء وخد نفس وقال .. ابدا مفيش حاجه شكلى من ارهاق السفر مش جايلى نوم .. لانى عكس الناس المفروض لما اتعب انام لكن انا لما اكون تعبان ومرهق مش بيجيلى نوم .

ضحى ... متاكد ان مفيش حاجه مزعلاك يا سليم .
سليم .. لا ابدا مفيش هايكون فى ايه يعنى يزعلنى .. كبرى دماغك .
ضحى بتحدى عدلت نفسها على الكرسى وبصتله فى عيونه لاول مرة وقالت .. لا فيه يا سليم واوى اوى كمان .. تحب اقولك انا فيك ايه وليه نبره الحزن اللى فى صوتك دى وايه سببها .
سليم باستغراب لكلامها وقال .. قولى يا ضحى .

ضحى حاول تجمع شجاعتها وقالت .. انت شكلك اتغير من ساعه ما شوفت قصى وفرح مع بعض ... وظهر فى عيونك الحزن واكيد انت جواك حاجه ناحيه فرح يا سليم ولكده انت زعلت ؟؟؟
سليم اتفاجاه بكلام ضحى وده اخر شىء كان يتوقعه انها تحس باللى جواه وكمان تقرى اللى فى عيونه بالمنظر ده وتحلل حالته كده فارد باستغراب وقال .. الصراحه كلامك مضبوط يا ضحى .. بس مش زى ما انتى متخيله كده .. انا اول مرة شوفت فيها فرح فرحت اوى اوى واستغربت الشبه الرهيب اللى بينها وبين امى الله يرحمها.

واتهيالى ساعتها انى شوفت امى فى صورتها هى .. نفس العيون ونفس الابتسامه ونفس الشعر ونبرة الصوت حتى .. وحسيت باحساس غريب اوى مش اعجاب او حب لاااا .. ممكن اقول انى لقيت امى اللى اتحرمت منها لسنيييين طويله فتلكده فرحت ومتخيلتش ابدا ان يكون فى حاجه بينها وبين قصى .
ضحى بحزن بصتله وقالت .. افهم من كده انك بتحبها هى وكنت عاوز تعترف لها بحبك او اقول اعجابك ده..ولا بتحب صورة مامتك اللى شايفها فيها يا سليم .

سليم .. يبقى مقدرتيش تفهمى كلامى يا ضحى .. نظرتى واعجابى بفرح هو بس علشان الشبه الكبير اللى بينها وبين امى وعمرى ما فكرت انها تكون حبيبه او زوجه ليه .. بس فى نفس الوقت لما شوفتها مع قصى بالمنظر ده حسيت احساس غريب او غيرة عليها لمجرد بس انها زى اختى او بنت خالى .
مش الاخ دايما بيغير على اخته من خطيبها او حتى جوزها اهو انا حسيت بالاحساس ده بالضبط .
ضحى فرحت من جواها بكلام سليم ده وحست ان لسه فيه امل انه يحس بحبها ليه فى يوم من الايام .

سليم بابتسامه قام وقف ومد ايده ليها وقال .. اظن جاوبتك على اسئلتك مش يالا بينا بقى ندخل ننام علشان اليوم عندنا كلنا هايكون طويل ومرهق .
ضحى ابتسمت برقه وقامت وقفت ورجعوا على الشاليه وطلعت نامت مع البنات فى اوصتهم .
وسليم رجع ونام على الكنبه بس المرة دى ناااام على طول من غير اى تفكير او حيرة.

الشمس طلعت ونورت كل المكان والكل بدا يصحى ما عدا الشباب اللى كانوا لسه نايمين زى الفسيخه من كتر التعب .
قصى كان قام من بدرى زى ما هو متعود ودخل خد شور وبدا يصحى فارس اللى كان نايم معاه فى نفس الاوضه .
وفعلا على طول فارس كان صحى .
فارس .. صباح الفل يا قصى .. انت صاح من بدرى ولا ايه .
قصى .. لا ابدا ده لسه يا دوبك من نصف ساعه صحيت على صوت البنات وهيستهم فقمت وخت دوش وقولت اصحيك .

فارس .. فعلا انا صحيت من شويه على صوت الاغانى اللى كانوا مشغلنها ورجعت نمت تانى على طول .
قصى بص لفارس وقال .. طيب ادخل خد دوش واطلع علشان عاوز اقولك على حاجه مهمه .
فارس باستغراب بصله وقال .. قول يا عم ما احنا قاعدين اهو .
قصى بتوتر بصله وقال .. بص يا فارس من غير لف ودوران انا بحب فرح واعترفت ليها امبارح بكده وزى ما انت عارف مقدرش اخبى عنك حاجه وان شاء الله اول لما نرجع على السرايه هاقول لجدى واخطبها .. قولت ايه .

فارس عمل نفسه زعلان وبصله بعصبيه وقال .. وانا مش موافق .
قصى اتصدم من رد فعل فارس ده وبدا يتوتر اكتر وقال .. طب ليه يا فارس بتقول كده .. انا بحبها من زمان اوى واكيد انت عارف او حسيت بحبى ده .
فارس قام وقف وابتسم وبصله وقال .. يا ابنى انا قلبى عليك البت دى مخها فظيع وطول عمرك انت وهى ما بتريحوا مع بعض وعاملين زى القط والفار .. بس اقولك حلال عليك هههههه والف مليون مبروك يا ابن عمى .. وانا كمان غول لما ننزل هاكلم جدى على طول وبدل الفرحه بتاعتك انت وفرح يبقوا فرحتين انا وسلمى .
قصى اخيرا قدر يتنفس وضحك وقال .. الله يبارك فيك يا حبيبى والله خوفتنى .. وان شاء الله نرجع بالسلامه ونفرحهم كلهم .

فارس .. يالا اقوم بقى ادخل الحمام وننزل للعيال دى نشوفهم بيعملوا ايه ونفرحهم بالخبر الحلو ده .
قصى .. اشطا يا هندسه وانا هاسبقك على تحت ما تتاخرش .
ونزل قصى على تحت وشاف البنات كلهم قاعدين ومشغلين اغانى وفرحانين .
فاصبح عليهم كلهم وقرب من فرح اللى كانت الضحكه على وشها وقال .. صباح الخير يا فرح .

فرح بخجل .. صباح الخير يا قصى .
ملك وهدى وسلمى بصوا لبعض باستغراب لانهم اول مرة يشوفوا قصى وفرح كده من غير خناق فابصتله ملك اوى وقالت ..الله اما اجعله خير .. فى ايه وفين الشخط والضرب والخناق اللى متعودين عليه منكم يا اساتذه .
قصى .. من هنا ورايح مفيش ولا شخط ولا خناق ولا اى شىء من ده كله .. من هنا ورايح فيه ....... ولسه هاينطق الا وفرح قامت وقفت وحطت ايديها على شفايفه وقالت .. قصى .

البنات استغربت من تصرف فرح مع قصى وبصوا لبعض بابتسامه وقالوا !!!!!!
هو فيه بالضبط .
سلمى .. فى ايه يا قصى انطق وسيبك منها .
فرح من كتر كسوفها من البنات بصتله بترجى انه ما يقولش .
قصى طمنها بنظرة عنيه وقال .. مفيش اصبروا شويه وفارس هاينزل دلوقتى ونقولكم انا وهو على حاجه مهمه .
ضحى فهمت قصى بيرمى لايه فابتسمت بارتياح وقالت .. خير ان شاء الله يا بنات اصبروا شويه وزمان فارس نازل من فوق ويقوللكم هما الاتنين مع بعض .

قصى بابتسامه .. قوللهم والنبى يا ضحى .. اومال فين سليم مش شايفه يعنى .. هو راح للشركه زى ما كان بيقول امبارح ولا ايه .
ضحى ردت وقالت .. اه فعلا انا صحيت من بدرى ونزلت اشوفه لقيته مشى .
الا وفارس نازل من فوق وصبح عليهم كلهم وراح وقف جنب سلمى اللى الابتسامه كانت ملت وشها اول لما شافته وقالت صباح النور يا فارس .
قصى حب يقلدها فاضحك وقال .. صباح النور يا فارس .

البنات فضلت تضحك عليه وهو بيقلد سلمى فاهدى بفضول قالت ... قول بقى يا قصى فارس نزل اهو عاوزة اعرف مخبين علينا ايه بالضبط انت وهو وهى شكلكم مش مريحنى .
قصى بص لفرح بابتسامه رومانسيه وبعدها لفارس وقال ... انا وقصى اتفقنا اننا اول لما نرجع السرايه هانطلب ايد فرح وسلمى اختى ونخطبهم .. ايه رايكم فى المفاجاه دى .

البنات فرحت اوى اوى وجريوا على سلمى وفرح اللى كانوا مكسوفين اوى وفضلوا يحضنوهم ويبسوهم وباركوا لقصى وفارس كمان .
وسلمى اتفاجات ان قصى عارف بموضوعها هى وفارس واتفاقهم مع بعض كمان وكانت مكسوفه اوى .
فقرب منها فارس وبارك لها وقصى قرب من فرح الاول وبارك لها وبعدين راح لسلمى اخته وخدها فى حضنه وقالها الف مبروك يا حبيبتى .
وبعدها قصى قرر انه ياخد فارس ويروحوا لسليم الفندق يمكن يقدروا يساعدوه فى اى شىء وخرجوا لسواق من اللى واقفين بره وقاللهم انهم عاوزين يروحوا الفندق.

كل ده وعدى وفهد نايمين فوق زى الفسيخه ومش حاسيين بكل اللى بيحصل تحت .
فقررت ملك وهدى وباقى البنات انهم يطلعوا لفوق عندهم فى اوضتهم ويصحوهم باى طريقه .
وكانت الطريقه الوحيده اللى ممكن تصحيهم هى ازايز المايه الصاقعه من التلاجه .
بس قبل ما هايحطوها عليهم فضلوا يدوروا ويدورا فى الادراج اللى فى الشاليه كلها لحد ما لقوا اكياس الوان بودرة فافرحوا اوى اوى وراحوا كلهم على اوضه عدى وفهد .

واول لما دخلوا شافوا كل واحد على سرير ونايمين بشورت ومن فوق صدرهم مكشوف .. فاتكسفوا فى الاول لحد ما سلمى مسكت كيس من بتوع الألوان وقربت من عدى اخوها وغرقته بالوان مختلفه فى كل حته فى جسمه وشعره ورجله .
وفرح قربت من فهد وبهدلته بالاوان فى جسمه كله هى كمان وكانوا نسكين نفسهم من كتر الضحك ..وفجاه كل واحده مسكت ازازة مايه وفتحوها وقربوا منهم وهما نايمين وبدؤا يدلقوا عليهم ازايز المايه الصاقعه .

وده اللى خلى عدى وفهد يقوموا مسروعين من النوم من كتر الخضه وشكلهم كان زى العفاريت بالاوان والمايه اللى بهدلتهم وكانت فى كل حته عليهم وعلى السراير واول لما شافوا بعض بدؤا يصرخوا .
والبنات كانت واقفه ميته على نفسها من كتر الضحك فى ركن الاوضه .
عدى نزل من على السرير وفهد كمان ووقفوا قصاد بعض واستغربوا لاشكالهم هما الاتنين فاعدى بصله باستغراب و قال .. انت مين ياد !!!
فهد باستغراب هو كمان رد وقال .. انت اللى مين ياد !!!!

عدى .. ايه ده الصوت ده انا عارفه هو انت فهد !!

فهد .. اه انا فهد هو انت عدى ومين عمل فينا كده ولفوا نفسهم هما الاتنين وشافوا البنات واقفه وميته على منظرهم هما الاتنين من كتر الضحك .
وفى ثوانى كانوا واخديين بعضهم بسرعه وجروا من الاوضه ونزلوا على تحت .
والشباب نزلت وراهم جرى واستحلفوا ليهم هما الاتنين وقالوا .. ليليتكم سودا باذن الله .

وكل لما يحاولوا يجروا يقعوا ويتزحلقوا من المايه اللى كانت مغرقه الارض يقوموا ويقعوا يقوموا ويقعوا لحد ما مسكوا ايد بعضهم وخرجوا من الاوضه ونزلوا بسرعه يدوروا على البنات فى كل حته .
والبنات للاسف كل واحده فيهم استخبت فى حته شكل .
وفجاه سمع عدى وفهد صوت صريخ هدى اللى كانت جاى عليهم جرى من الجنينه وبتعيط وبتقول .......... الحقووو الحقووووا بسرعه
رواية قصة عشق الجزء الأول للكاتبة سحر فرج الفصل السادس والعشرون

عدى جرى عليها ومسكها وقال .. لا والله هاتستهبلى يا اختى وعامله نفسك بتعيطى بس على مين وحيات امى ما هاسيبكم النهارده .. انطقى بقيت العصابه بتاعتكم فين .
هدى بعياط وصريخ .. مش وقته يا عدى الحقوا ملك وقعت فى البسين بسرعه ومش بتعرف تعوم ارجوكم الحقوها قبل ما تغرق .
فهد بتقولى ايه ملك ... ومن غير اى رد من هدى كان جرى فهد بسرعه وحصله عدى وهدى وراحوا ناحيه البسين وشافوا ملك وهى عماله تطلع وتنزل وتطلع براسها فى المايه وبتشاور بايدها وفى ثانيه نط فهد فى قلب حمام السباحه وجرى عليها ومسكها ورفع راسها لفوق وعدى كمان نط وجرى عليهم وشدوها من ايديها وطلعوها على حرف البسين .

فى اللحظه دى كانت جت البنات ضحى وسلمى وفرح على صوت الصريخ وشافوا منظر ملك وهما شايلانها من حمام السباحه وبيطلعوها لفوق فاتصدموا لمنظرها وجريوا عليها وقالوا .. ملك ملك حصل ايه يا هدى ملك فوقى يا حبيبتى .
هدى بعياط كنا بنجرى زيكم علشان نستخبى من عدى وفهد وفضلنا نجرى انا وهى لحد ما جينا هنا وفجأه اختل توزانها واتفاجات بيها وهى بتقع فى المايه وفضلت اصرخ واصرخ وروحت ندهت عدى وفهد بسرعه وطلعوها .

ضحى جريت عليها بما انها دكتورة ونزلت على الارض جنبها وحاولت تفوقها .
سلمى بعياط هى وفرح بصوا لضحى و قالوا .. طمنينا يا ضحى ارجوك .. فوقى يا ملك
انا هاروح اتصل على قصى يجى بسرعه .
ضحى .. استنوا يا بنات هى بدأت تفوق اهى الحمد لله وملوش لازمه نقلقهم على الفاضى .
بس حد فيكم يجبلى اى بشكير من فوق بسرعه .

فاجرى عدى على فوق وجاب بشكير ونزل تانى جرى واداه لضحى وغطوا بيه ملك علشان جسمها كان بيرجف جامد .. وبدات بشويش تفتح فى عيونها .
واول لما فتحت عنيها وبصت لهم الكل فرح اوى وحمدوا ربنا انها كويسه وبخير وبالذات فهد اللى الكل كان مستغربه من كتر الخوف اللى كان خايفه على ملك .
واول لما فتحت عنيها قرب منها وابتسم لها وقال ... ملك انتى كويسه طمنينى عليكى ولا تحبى اوديكى المستشفى .
ملك بتعب .. ابتسمت لما شافت خوف فهد عليها وقالت .. لا انا كويسه متقلقوش وحاولت ترفع نفسها وتقعد والبنات سندوها .

وفعلا قعدت وشويه صغيرين وقامت ووقفت وهدى وضحى سندوها لحد ما دخلت لجوا .
واول لما قعدوا وسندوا ملك لحد الكرسى .
عدى بهزار بصلهم وقال .. احمدوا ربنا على اللى حصل لملك .. علشان اقسم بالله ما هاعدلكم اللى انتم هببتوه فينا ده واحنا نايمين بس اصبروا عليا
اما طلعته على جدتتكم انتى وهى وهى وهى .

ملك بضحك رجعت لطبيعتها الاصليه اللى كلنا عارفينها عنها وبصتله بقرف وقالت .. اجرى اجرى يا اللى كنت شبه ام اربعه واربعين وشكلك يفطس من الضحك انت وهو ولا اقولك شبه السلعوه بتاعه الحاجه انعام اللى كانت بتخوفنا بيها واحنا صغيرين علشان ننام فاكرين ولا افكركم
عدى قام وقف وحاول يمسكها من شعرها بهزار بس فهد زق ايده وقاله بس ياض انت وسيب ملك فى حالها وروح كده وانت فعلا شبه السلعوة
عدى ...

الكل فضلوا يضحكوا عليهم وعلى هزارهم مع بعض فاعدى بصله وقال .. بقى كده يا صاحبى انا زى السلعوة يا فهد دى اخرتها .
تقف فى صف الغجر دول على عدى حبيبك .. تشكر يا ابن عمى وبصله اووووى وقال...
انا شاكك فيك ياض هى العيال دى رشتك بكام علشان تبقى فى صفهم كده وبتدافع على ست ملك بالمنظر ده ؟؟
فهد ... رشتنى هههههه تصدق ضحكتنى .

طب قوم قوم خلينا نطلع على فوق ناخد شاور علشان منظرنا العار ده وانتم يا بنات ابدؤا جهزوا لبسكم علشان حفله بالليل بتاعه الافتتاح .
عدى .. ماشى يا صاحبى هاعديهالك المرة دى .. بس المرة الجايه لاااا يمكن ابددددا يالا بينا علشان انا فعلا قرفان من منظرك ومنظرى اللى بالالوان ده
وطلعوا على فوق وسابوا البنات قاعدين مع بعض شويه عقبال ما ملك تشد حيلها حبتين وتقدر تطلع على فوق .
وافتكروا اللى عملوه فى عدى وفهد وحمدوا ربنا ان قصى مش موجود كان طلع عينهم .

وفى الفندق كان المكان كله عبارة عن خليه نحل كل واحد بينفذ المطلوب منه على اكمل وجه زى ما امر البشمهندس سليم بالضبط .
قصى وفارس كانوا قاعدين مع سليم فى مكتبه اللى كان يدوبك لسه مخلص كل حاجه ويادوبك ياخدهم ويرجعوا على الشاليه علشان مفيش وقت على المغرب وبعد ما يفطروا على طول يجهزوا نفسهم وياخدهم ويجبهم على الفندق .

لان الحفله هاتبدا الساعه تسعه بالضبط وهو المفروض يكون هناك قبلها بحوالى ساعه على الاقل علشان يكون فى استقبال الضيوف هو وحسام زميله .
وفعلا الشباب التلاته خدوا بعضهم ونزلوا من الفندق وسليم ركب عربيته ومعاه قصى وفارس وراحوا على المطعم الاول يجيبوا الفطار وبعدها يروحوا بيه على الشاليه .

وبعد حوالى نصف ساعه كانوا وصلوا الشاليه وشافوا الكل متجمع فى الجنينه .
هدى اول لنا شافتهم قامت وجريت على سليم اخوها وسلمت عليه وقصى سلم على الكل وبعيونه غمز لفرح
وكذلك فارس اللى قرب من الكرسى اللى قاعده عليه سلمى ومد ايده ليها وسلم بكل رقه وقال .. عامله ايه يا سلمى .
سلمى بابتسامه رقيقه بصتله وقالت .. بخير الحمد لله .

وبعدها شدوا كراسى وقعدوا الشباب كلهم مع بعض بعد ما البنات دخلت تجهز السفره لزوم الفطار وبدأ عدى وفهد يحكوا ليهم على اللى حصل مع ملك ووقوعها فى البيسين .
وده اللى صدم سليم وقصى وكمان فارس وحمدوا ربنا انها خرجت بالسلامه .
قصى بغضب بص لعدى وقال .. انا مش عارف انتم الاتنين بالذات هاتعقلوا امتى .. كل واحد فيكم بيعمل كل نصيبه ونصيبه لحد ما فى يوم من الايام حد هايحصله حاجه بسببكم انتم الجوز .

احمدوا ربنا انها عدت على خير وخرجت من المايه بالسلامه .
عدى بصله وقال .. وانا مالى انا ما هما اللى جروا شكلنا واحنا نايمين فى امان الله ومعملناش ليهم حاجه.
يبقى كده مين اللى غلطان فينا يا عم قصى .
قول انت يا سليم بزمتك مين اللى غلط المرة دى .
سليم .. حصل خير يا عدى بس زى ما قصى بيقول حاولوا تخفوا الهزار الجامد ده ويكون فيه شويه عقل شويه ... افرض انتم مكنتوش لحقتوها كان حصل ايه لا قدر الله .

او وهى بتقع فى البسين دماغها اتخبطت واتفتحت او افرض ان هدى مكنتش معاها وشافتها وهى بتقع وندهت عليكم .
يالا حصل خير .. تعالوا قوموا يالا المغرب فاضل عليه دقيقتين اهو علشان نلحق نفطر ونجهز نفسنا لحفله الافتتاح ادعولى تعدى على خير .
وفعلا قاموا الشباب كلهم وراحوا على السفره واتجمعوا على تربيزة واحده فى لمه عائليه جميله كلها حب ودفء وصله رحم .

وفى السرايه وبالتحديد فى المطبخ بعد ما الكل فطر وشرب الشاى كمان والرجاله راحت لصلاه التروايح .
دخلت الحاجه انعام للمطبخ وكان معاها فاتن مرات صلاح وسماح مرات عصام .
الحاجه انعام بصت ليهم وقالت .. اعملوا حسابكم كلها يومين ونبدا نجهز كعك العيد كل سنه وانتم طيبين وان شاء الله العيد السنه الجايه يكونوا العيال كلهم اتجوزا وفرحنا بيهم .

فابقى شوفى كدة يا فاتن انت و احلام سلفتك ايه اللى هانحتاجه لزوم الكعك ومتنسيش توصى على العجوة لزوم القراقيش انتى عارفه ان العيال كلهم بيحبوها .. وعاوزين السنه دى نزود الكميه شويه علشان نفرق على كل حبايبنا فهمانى يا فاتن ؟
فاتن بحب بصت لها وقالت .. فهماكى يا حاجه وكل سنه وانتى طيبه اطمنى انا من بكرة الصبح ان شاء الله هابعت البت هنيه تجيب كل حاجه من السوق .
الحاجه انعام .. واعملوا حسابكم العيال هايرجعوا من السفر بكره بعد الفطار .. جهزوا اوضهم ونضفوها كويس .

واعملى حسابك بكره الضهر كده هاروح انا وانتى نزور جده سليم ونطمن عليها فاجهزى زيارة كبيرة كده ناخدها معانا ماشى يا فاتن با بنتى .
فاتن ردت وقالت .. اللى تؤمرى بيه يا حاجه .
ربنا يديكى الصحه وطوله العمر ويخليكى لينا يااارب.
الحاجه انعام .. اسيبكم انا بقى واروح اصلى التراويح ولو عزتى اى حاجه انتى ولا هى اطلعيلى على اوضتى .
فاتن .. ماشى وربنا يتقبل منك يا حاجه باذن الله .

وفى الغردقه وبالتحديد فى الشاليه البنات كانت فى اوضهم ولبسوا فساتين جميله جدا جدا وكانوا طالعين زى القمر هما الخمسه .. كانوا احلى من بعض كلهم .
والشباب كذلك كانوا خلصوا لبسهم وكانوا حلوين اوى اوى هما كمان ومش اقل حلاوة منهم .. ولما خلصوا نزلوا على تحت فى انتظار البنات .
سليم طلب من السواقين اللى بره انهم يستعدوا فى اى لحظه لخروجهم .

عدى وفهد كانوا قاعدين وبيهزورا مع بعض زى عاويدهم .. وقصى واقف هو وفارس وعيونهم على السلم فى انتظار نزول فرح وسلمى وباقى البنات .
وسليم ماسك موبيله وبيتكلم مع حسام على اخر التجهيزات الأخيرة للحفله.
وفجاه حسوا بخطوات كعب عالى نازله على السلم والكل التفت لمصدر الصوت واول واحده ظهرت ونزلت كانت ملك وبعدها هدى ومنظرهم كان روعه .. واتفاجأ الكل بحلاوتهم وجمالهم ومتخيلوش انهم يكونوا بكل الحلاوة دى وبالذات الواد عدى والواد فهد اللى اول لما شافوهم بالمنظر ده قاموا ووقفوا و تنحوا من كتر جمالهم .

هدى ابتسمت وجريت على سليم ولفت نفسها بفستنها الجميل وقالت .. ايه رايك يا سليم فى الفستان الجميل ده .
سليم ابتسم ليها وقفل الخط مع حسام وقال .. ايه يا حبيبتى الحلاوة دى طالعه زى القمر .
وانتى كمان يا ملك جميله اوى .
عدى قرب من هدى وقال .. تصدقى معرفتكوش خالص يا غفر .... فضربته هدى فى كتفه وقال قصدى يا بنات بس ايه الحلاوة دى ... ومد ايده ناحيه هدى وقال .. ممكن اتعرف عليك يا قمر انت
معاكى عدى السيوفى
هدى ابتسمت ليه بخجل وبصت لاخوها .

سليم وبعدييين معاك يا ابنى انت اعمل حسابى يا استاذ عدى .. انت ناسى انها اختى ولا ايه .
فاجرى عليه عدى بحركات طفوليه وقاله .. انا طالب القرب منك يا سليم فى اختك هدى قولت ايه .
ولسه سليم هايرد الا وكانت ضحى نازله من فوق بس كانت ايه صارووووخ قصدى زى القمر بفستان طويل لونه نبيتى وده اللى اتفاجأ بيه سليم وهخلاه ما يقدرش يرد على عدى واستكفى انه يفضل باصص ليها هى وبس .

عدى بصله وقال ... انت يا عم .. انت يا سيدى .. بقولك عاوز اخطب اختك .
هو متنح كده ليه يا جدعان .
سليم انتبه لصوت عدى وقال .. عاوز ايه يا عدى ؟
عدى ... لا اله الا الله حصلك ايه يا ابنى انت كل ده علشان ضحى طالعه زى القمر وموووزة وحلوة بالشكل ده .
سليم مد ايده ورزعه حته قفى وقاله .. لم نفسك شويه ولم لسانك بدل ما اقطعهولك يا بلوة .
قصى بضحك .. والله تستاهل وحلال فيك .

الكل فضل يضحك وعدى بيدعك فى قفاه اللى مهرى منهم كلهم كل شويه ضرب وقال .. يا دى النيله .. هو قفايا مغرى للدرجه دى كل اللى رايح واللى جاى يلطش فيه حرام عليكم حرااااام هاتروحوا من ربنا فين يا بشر .
وقبل ما يكمل كلامه تنح للى نازلين على السلم وقال .. ياااا حلاااااوة
وعيونه على سلمى وفرح اللى كانوا نازلين من فوق وكانوا حلويييييين اوى اوى.
فرح بفستان اسود رقيق جدا .

وسلمى بفستان بينك روعه .
قصى من كتر حلاوتها تنح هو كمان ومكنش متخيل انها هاتطلع بالجمال والمنظر ده .
وفارس كذلك مكنش متخيل سلمى وحلاوتها الزياده دى .
فهد بضحك بصلهم كلهم وقال .. فى ايه يا جدعان اخلصوا هانتاخر على الحفله يا سليم بيه انت نسيت ولا ايه وسيبوا نظرات الاعجاب والحب دى لبعدين .
خدوا بعضهم كلهم وخرجوا من الشاليه واقسموا نفسهم على تلت عربيات وبعد حوالى نصف ساعه وقفت العربيات اودام باب الفندق .

وسليم دخلهم كلهم وقعدهم فى التربيزه اللى اتحجزت ليهم مخصوص .
واستأذن منهم وراح يقف عند الباب لاستقبال الضيوف .
عيونه كانت بدور على حسام فى كل مكان لحد ما لمحه على بعد واقف مع بعض المهندسين فاشاورله و اول لما جاله خده علشان يعرفه عليهم كلهم عند التربيزة بتاعتهم .
سليم بابتسامه.. يا جماعه احب اعرفكم على البشمهندس حسام صديقى من سنين وهو اللى كان بيشرف على إنشاء الفندق ده بنفسه.

الكل رحب بيه ومد ايده وسلم عليهم كلهم وسليم عرفه بيهم واحد واحد بالاسم وجه لحد ملك ومد ايده ليها وعيونه مانزلتش من عليها و على جمالها ورقتها .
ملك اتكسفت اوى وسحبت ايديها بسرعه من ايده وسليم خد باله .
سليم .. عن اذنكم هاروح انا وحسام عند الباب الرئيسى علشان نبقى فى استقبال الضيوف وزق حسام فى كتفه علشان يفوق لكلامه لانه كان لسه سرحان فى رقه وحلاوة ملك .
فهد كان قاعد عيونه بتطلع شرار وحس بغيرة لمجرد نظرات حسام لملك .

حسام انتبه لكلام سليم وببتسامه بصلهم وقال ... عندك حق عن اذنكم يا جماعه لازم اروح انا وسليم دلوقتى .
سليم ما صدق انه يمشى هو حسام من عند التربيزة وبدا يبهدله على اللى هو عمله ده .
سليم بغضب بصله قال .. انت ايه اللى هببته ده يا زفت .. انت بتستهبل وكسفتها معاك .
حسام .. عملت ايه يعنى دى مجرد نظرة بس طويله شويه .. املى عينى من جمالها ورقتها وبرائتها .. ولا عيونها يا لهوى على حلاوتهم .

سليم اشتد غضبه ووقف اودامه وقال .. لااا انت اكيد مجنون . اللى بتتكلم عليها دى يا حيوان تبقى بنت خالى و ما اسمحلكش انك تتكلم عليها كده اودامى او من ورايا حتى انت فاهم ولا لااااا ولا تحب اطلع عليك الصعيدى اللى جوايا واخلص منك .
انا عامل حساب السنين الطويله اللى بينا .
حسام ... لااا يا سليم اوعى ورحمة ابوك ادينى سكت اهو .. حقك عليا .. ويالا بينا نروح نقف لان الناس بدات تيجى اهى .
سليم بغضب .. اودامى يا زفت .

لكن عند تربيزة الشباب .. هدى قربت براسها من ملك وبصوت واطى وقالت .. اشطى عليكى يا ست ملك اللى اسمه حسام ده تنح عليكى كده ليه من اول نظرة .. حتى فهد حسيت من نظرته ليه انه عاوز يقوم ويطبق فى زومارة رقبته وكان غيران عليكى الظاهر .
ملك بفرحه .. بتتكلمى بجد يا هدى .. فهد كان غيران عليا .. يعنى هو بيحبنى زى انا ما بموووت فيه .
هدى .. الظاهر كده يا بت يا ملك .

عدى كان واخد باله من كلامهم اللى بهدوء ده فابصلهم وقال .. بتنموا على مين انتى وهى ارحموا نفسكم شويه .
هدى .. وانت مالك ما تخليك فى حالك يا ابنى انت .
فهد بغيظ واضح عليه وجه كلامه لعدى وقال ... قوم يا عدى نتمشى شويه ونشوف الناس اللى هنا لانى هاطق .
هدى بصت لملك وابتسمت ليها علشان تاكد لها الكلام اللى قالته ليها وقالت .. خدونا معاكم يا فهد انت وهو واحنا كمان عاوزين نتمشى ونشوف الفندق وبالذات من بره عند البحر المنظر شكله روعه .

عدى بابتسامه بص ليهم وقال .. وماله مفيش مشكله قوموا وتعالوا معانا يالا .. حد فيكم يا بنات عاوز يجى معانا .
فرح بصت لسلمى وضحى وقالت .. ايه رايكم تيجى نروح معاهم ؟
سلمى .. لا روحوا انتى يا فرح لو حابه اصل الجذمه عاليه اوى وديقه ومش قادرة احرك رجلى .
فرح وانتى يا ضحى قومى يالا وتعالى نتمشى معاهم .
ضحى .. ماشى مفيش مشكله .
قصى ... استنوا انا جاى معاكم علشان البلاوى دى مش بتروح فى اى حته غير لما تعمل نصيبه .

عدى .. والله انتم ظالمنا دايما انا وفهد ده احنا زى النسمه وبص لهدى وملك وقال .. قومى يا اختى انتى وهى جبتولى الكلام من البووووس الكبييير .
وقام الكل فعلا وسابوا فارس هو وسلمى لوحدهم على التربيزة .
وخرجوا من الباب الرئيسى وبلغوا سليم انهم هايتمشوا شويه فى جنينه الفندق علشان يتفرجوا على المكان وبالذات منظر البحر.
عيون حسام منزلتش برضه من على ملك وده اللى غاظ فهد جدا ولسه هايتهور ويقرب من حسام الا وايد قصى كانت اسرع منه وبصوت هادى قاله .. اعقل يا فهد .. علشان خاطر سليم .. وانا بعدين هاعرف شغلى معاه الظاهر هو مش عارف احنا عيله مين بالضبط .. يالا اودامى انت وهما علشان ما يحصلش مشكله لابن عمتك فى يوم زى ده .

سليم خد باله منهم وحاول يكون هادى علشان الناس اللى جاياله .. فابتسم لضحى وطلب منها انها تفضل واقفه معاه ..فارحبت ضحى بطلبه وفضلت واقفه جنبه .
والشباب خدوا بعضهم فعلا و خرجوا من الباب وراحوا يتمشوا فى الجنينه الجميله بتاعه الفندق .
فهد كان الدم بيغلى فى عروقه وبصوت عالى بص لقصى وقال .. كنتى سيبنى على اللى اسمه حسام ده وانا كنت هاعرفه شغله كويس اوى .. ده مشلش عينه من على الهانم دى خالص.

قصى حب يستفذه اكتر علشان يطلع الاحساس اللى جواه وقال .. هو فعلا زودها حبتين بس انت ايه اللى مزعلك اوى كده يا فهد .. اوعى تكون ب...
وقبل ما قصى يكمل كلامه نطق فهد من غير تفكير وقال .. ااااه بحبها يا قصى وبغير عليها .
ولف وشه ووقف اودام ملك وقال .. اه بحبك يا ملك بحبك .. تقبلى تتجوزينى .
رواية قصة عشق الجزء الأول للكاتبة سحر فرج الفصل السابع والعشرون

ملك من كتر خجلها احمر وشها واتكسفت جدا واتفاجأت بكلام فهد اللى عمرها ما تخيلت انه هايقوله ليها ابدا وبالسهوله دى وكمان يعترف بحبه ده اودام الشباب كلها وكمان يطلب منها الجواز فاحبت تغيظه اكتر وردت عليه بعد ما
فكرت لثوانى وشغلت عقلها وقالت بينها وبين نفسها ان مش بالسهوله دى هاتوافق ولازم اطلع عينه شويه زى ما هو طلع عينى طول الفترة دى كلها .
فهد باستغراب لسكوتها بصلها وقال .. سكتى ياعنى يا ملك .. تقبلى تتجوزينى .

ملك ردت وقالت لا يا فهد انا مش موافقه .
الكل اتصدم من رد ملك السريع ده فابصتلها هدى باستفهام وكان بتقولها ازى تقولى كده .
ده انتى بتحبيه لوى .
ملك فهمت نظرة هدى ليها وغمزت لها بعيونها وقالت .. انا اسفه يا فهد بس انا عمرى ما فكرت فيك كازوج وياريت تنسى الحكايه دى .

قصى فهم نظرات هدى وملك لبعض وفرح من جواه جدا من اللى عملته ملك وقال .. خلاص يا فهد ملك قالتلك رايها وياريت ما تضغطش عليها وتنسى الموضوع ده وماتفتحوش تانى معاها .
عدى كان واقف وهاينفجر من كتر الضحك وبص لفهد وقال ... معلش يا ابن عمى تعيش وتاخد غيرها هههههههه .
سلمى بصت لاخوها وقالت .. ممكن اعرف انت بتضحك عليه دلوقتى .. مش وقتك يا

فهد من صدمته من رفض ملك ليه اودام الكل وتريقه وشماتة عدى كمان فيه رد وقال .. ماشى . ماشى يا ملك عن اذنكم وخد بعضه وراح ناحيه البحر .
عدى بصله و رد وقال .. استنى يا فهد .. استنى خدنى معاك .. استنى يا اهبل انا كنت بهزر والله .. وجرى وراح وراه فى اتجاه البحر .
وقصى خدهم واتمشوا شويه .. وبعد فترة وهما ماشين بص لملك وشاف الحزن فى عيونها وقال .. ملك .. هو انتى فعلا مش موافقه على فهد .

ملك بنبرة حزن ردت وقالت .. الصراحه يا قصى .. انا حبيت اديله درس واياك يتعلمه فعلا .. حبيت افهمه انى غير البنات اللى عرفها كلها وكانت بتترمى عليه وده اللى خلى منه انسان مغرور ومتكبر فحبيت اكسره شويه ويعرف ان من حقى انى ارفضه .

قصى .. عندك حق يا ملك عدى وفهد مشكلتهم انهم عايشين بالطول والعرض .. مفيش حاجه عندهم اسمها لااا او حد يرفضهم .. مفكرين ان البنات كلها زى بعضها وبيترموا تحت رجليهم .. ميعرفوش ان فى بنت محترمه وبنت عيله وهى دى اللى المفروض يفكر فيها اى شاب وقت ما يختار زوجه وام لاولاده .
وفهد بالذات هو اللى كان قالقنى من ساعه ما رجع لانه عاش سنين طويله بره واتعلم عادات غير عاداتنا وتقاليدنا عكس عدى .. لانى كنت متاكد انه وقت ما هايحب ويتجوز هايختار صح . وهايختار بنت تقدر تحافظ على اسمه وعلى عيلته .

فرح ... عندك حق فى كل كلمه قلتها يا قصى عن فهد وده كان سبب من الاسباب اللى خلت بابا يرجع بينا البلد تانى علشان نعيش فى وسطكم ونتعلم العادات والتقاليد اللى عاش هو واتربى عليها واحنا اتحرمنا منها .
فارس .. كويس انك عملتى كده يا ملك واكيد لو فهد فعلا بيحبك وعاوز يتجوزك هايرجع ويطلب منك الطلب ده وباذن الله انا عارف اخويا كويس اوى وحسيت بكلامه معاكى انه صادق وهايرجع ويطلب منك الجواز .

ملك .. مع انى اتوجعت اوى وانا برفض طلبه ده وحسيت ان قلبى هايطلع منى اول لما مشى وسابنا .. بس فى نفس الوقت كنت عاوزة أحسسه انى حاجه غاليه المنال واتاكد من حبه ده الاول .. ومش من اول مايقولى بحبك او اتجوزك اجرى عليه واقوله انا موافقه .
هدى حصل خير وربنا يفرح قلبك يا حبيبتى .. يالا بينا يا جماعه نرجع ونشوف سليم وضحى .. واكيد عدى وفهد هايلفوا شويه ويرجعوا لينا .

وفعلا مشى الشباب والبنات لحد ما وصلوا للباب والدنيا كانت بدأت تتزحم عن الاول ودخلوا وكان فى ناس كتير والكل مبهور بالفندق بالكامل.. وعيونهم كانت بتدور على سليم وضحى لحد ما شافوهم على بعد وراحوا قعدوا معاهم على التربيزة .
سليم ابتسم لهم وقال .. اخيرا جيتم كنتم فين ده كله قلقتونى عليكم وفين عدى وفهد يا قصى .
قصى بصله وقال وهو بيقعد .. ابدا اتمشينا فى جنينه الفندق شويه لحد ما وصلنا للبحر وعدى وفهد سيبناهم بيتمشوا لوحدهم شويه .

سليم .. ايه رايكم فى المكان وفى الفندق كمان وبالذات قربه من البحر .
فارس بابتسامه رد عليه وقال .. ما شاء الله عليه يا سليم الموقع والمكان كله اللى حواليه تحفه والتصميم الهندسى للفندق روعه .
سلمى ابتسمت برقه وقالت .. فعلا يا سليم الفندق حلو اوى واحلى حاجه انه على البحر وان شاء الله هايعجب الكل وهايبقى اجمل واحلى فندق على مستوى الغردقه كلها .

سليم بفرحه .. يارب يا سلمى وانا فرحان جدا انكم معايا وفى ضهرى وبرايكم ده كمان وانه عجبكم . وكان نفسى من زمان انى يكون ليا اهل و اخوات زيكم .. يارب ما اتحرمش منكم ابدا .
ضحى برقه .. انت تستاهل كل خير يا سليم لانك بتحب شغلك جدا وطموح وتستاهل كمان ان يكون ليك اهل زيهم .. وربنا عوضك كل السنين اللى انت اتحرمت فيها من ان يكون ليك اهل من والدتك .

هدى بعيون كلها دموع .. وانا كمان بحمد ربنا انك ظهرت فى حياتى لان كنت بتمنى طول عمرى ان يكون ليا اخ اتسند عليه لما اكبر وربنا استجاب لحلمى ده وجيت انت وبقيت اخويا وحبيبى وسندى وضهرى اللى افتخر بيه اودام الكل وكل شىء ليا يا سليم .
سليم قام وقف وقرب من هدى ومد ايده ومسح دموعها اللى نزلت دى وقال .. من هنا ورايح مش عاوز اشوف الدموع دى خالص فى عيونك واوعدك انى هافضل جنبك وجنبكم كلكم ماشى يا حبيبتى .

هدى مسحت دموعها و شاورت بوشها على الموافقه وردت وقالت .. ماشى يا اخويا .
الا وجه عدى وفهد وزى عاويده بصوته العالى وهزاره وضحكه واول لما شاف هدى وسليم فى الحاله دى بصلهم وقال .. ايه ده !!!!! مالك يا هدى .. انتى كويسه ؟ مالها يا سليم حصلها ايه وايه سبب الدموع دى ؟
ملك حبت تلطف الجو وتظهر انها قويه ومش متأثرة بالكلام الى قالته لفهد فاردت على عدى وقالت . .. ابدا يا عدى مفيش حاجه اخ واخته وبيتكلمه انت مالك .

سليم بابتسامه رد على عدى وقال .. ابدا يا عدى اطمن مفيش حاجه .. دى هدى كانت عاوزة تعرف غلاوتها عندى اد ايه وانا قولتلها وقبل ما يكمل كلامه ..
جه شخص من الموظفين اللى فى الفندق وبلغ سليم حاجه مهمه فاستأذن سليم منهم وسابهم وراح يشوف فيه ايه !!!
كل ده وفهد واقف وعيونه كلها غيظ من استفذاذ ملك ليه واللا مبلاه اللى هى فيها وحب يدايقها فاشد كرسى وقعد وعيونه بقت على الضيوف اللى موجودين وبالذات البنات .
لحد ما عيونه ركزت على بنتين قاعدين على تربيزه وحاول يلفت نظر ملك اكتر فانده على عدى وبص للبنتين وقال .. عدى تعال اقولك .
عدى فهم النظرة دى وراها ايه فراح وقرب منه وقاله ايه يا عم فيه ايه .

ملك استغربت نظراته اللى بجنب وشه دى وبصت على نفس الاتجاه اللى بيبص عليه وشافت البنتين دول
وقالت ... كلم يا استاذ عدى الظاهر عليه لقى صيده حلوة هنا كمان اصله مش بيعتق خالص البيه .
فهد حب يغظها اكتر واكتر وبكل برود بصلها وقال .. خليكى فى حالك انتى ايه اللى مزعلك يا هانم .

ملك بغيظ ... ومين قالك انى زعلانه انا بس بلفت نظرك انى فهماك وعارفه انت بترمى لايه بالضبط وبتفكر فى ايه .
قصى نفخ بصوت عالى وقال .. خلصنا بقى منك ليها من الشد والجذب اللى احنا بقينا فيه ده كلنا زهقتونى .. انا هاخرج اشم هوا بره شويه .
فرح ماصدقت وقالت .. وانا كمان خدنى معاك يا قصى لو سمحت اصلى زهقت اوى من القاعده دى .
وفعلا خرج قصى هو وفرح وسابوا الكل على التربيزة بيناقروا فى بعض زى الديوك .. والكل بيضحك عليهم.

الموسيقى اشتغلت والكل كان فرحان وبدات البنات والشباب يرقصوا الا التربيزة اللى كان عليها عيله السيوفى .
فارس عيونه مكنتش بتنزل من على سلمى
وده اللى خلاها تتكسف ووشها يحمر .

عدى قرب من الكرسى بتاع هدى وقعد جنبها وهمس ليها باسلوبه الكوميدى وقال .. مكنتش اعرف انك جميله اوى كده على فكرة .
هدى بجد انا بحبك .. وعلشان اكون صادق معاكى ومش كذاب .. انا بدأت احبك فعلا .. انا باين عليا كنت اعمى الظاهر .. ومخدش بالى انك موزة جامده كده .. ورقيقه وجميله ... وبهزار .. طيب كنتى ادينى اى اشارة علشان اخد بالى بدل ما انا كنت حمار كده .
هدى بضحك .. اديك قولت كنت حمااار يا حمار .
عدى ما اسمحلكيش تقولى عنى حمار يا حمارة انتى .. ده انا حتى لسه كنت بقول عليكى رقيقه وجميله وظريفه تقومى تقوليلى حمار حته واحده .
كل ده وضحى سامعه كلام عدى لهدى واتمنت اليوم اللى سليم يقولها نفس الكلام ويحس بحبها ليه وكمان يعترف لها بحبه .

فهد كانت لسه عيونه على البنات وشاف واحده منهم قامت ترقص مع شاب والبت التانيه فضلت لوحدها فاتجرأ وقام وقف وراح ناحيتها وقال .. مساء الخير .. انا فهد السيوفى .. تسمحيلى برقصه دى ؟؟ وكل ده وعيون ملك ما نزلتش من عليه .

البنت ابتسمت و رحبت بيه وقامت ووقفت وفهد مد ايده ليها وراحوا على المكان اللى الشباب بيرقصوا فيه.. وكانت لابسه فستان قصير اوى وشفاف ظاهر كل مفاتن جسمها .

ملك بكل غيظ وعصبيه بصت للكل وقالت .. مش قلتلكم .. اهو راح للبت المسهوكه دى اللى حاطه كيلو بويه على وشها وطلب منها انها ترقص معاه وراحوا يرقصوا اهو عجبكم كده .. قوم يا عدى وروح هاته احسن والله لا اشوف اى حد واروح ارقص انا كمان معاه .

فارس .. اهدى يا ملك ده راجل ويعمل اللى يعمله .. هو ده التقل اللى كنتى بتقولى عليه .. هو ده اللى انتى هاتعلميه ليه ... كبرى دماغك لانه عامل كده مخصوص علشان يغيظك ويستفذك فانتى اعملى عكس ما هو متوقع واضحكى وهزرى عادى خالص ولا كأنك شيفاه .
ملك .. مش قادرة يا فارس .. انا كنت مفكرة انى اقوى من كده .. بس والله لا اوريك يا فهد بس اصبر عليا .
وفجاه جه حسام وكأنه كان سامع الحوار بتاعهم وبأبتسامه قرب منهم وعيونه على ملك وقال .. شرفتونا والله وفرصه سعيده انى اتعرفت عليكم اومال فين سليم ده انا مفكر انه معاكم وبقالى فترة بدور عليه .

ملك بصتله بابتسامه وقالت .. سليم كان هنا من شويه وحد جه نده عليه اتفضل اقعد يا باشمهندس حسام .
فارس وسلمى بصوا لبعض وفهموا ملك بتفكر فى ايه وناويه على ايه .
حسام ابتسم اوى وبعدها مد ايده ليها وقال .. تسمحيلى بالرقصه دى يا انسه ملك .
ملك اتصدمت من الطلب اللى حسام طلبه منها ووشها احمر جدا وبصت لفارس ولسلمى ومعرفتش ترد عليه وقالت .. معلش انا اسفه مش بعرف ارقص .

حسام ابتسم وعيونه جت فى عيونها وقال يا ستى ما انا برضه مش بعرف ارقص ومد ايده تانى وقال .. تعالى نعمل زى ما الشباب بيعملوا وخلاص او حتى زى ما فهد والبنت اللى معاه هناك دى ما بيعملوا .
ملك بصت على فهد وشافته عمال بيضحك هو والبنت اللى معاه فتغاظت وحبت تغيظه هو كمان وقامت وقفت ومدت اديها لايد حسام رغم كل نظرات الرفض من فارس وسلمى حتى ضحى بس هى ما سمحتش لاى حد انه يأثر عليها وعلى قرارها ده وراحت مع حسام .
فارس قام وقف علشان يحاول يمنعها لانه عارف ان فهد مش هايعدى الموضوع ده على خير وهايحصل كارثه من وراه .
لكن هى صممت على قرارها ده وراحت ترقص مع حسام .
رواية قصة عشق الجزء الأول للكاتبة سحر فرج الفصل الثامن والعشرون

فارس وجه كلامه لسلمى وقال ... ايه اللى ملك بتعمله ده ومن امتى حد فيكم بيروح مع حد منعرفهوش وكمان ترقص معاه دى اكيد حبها وغيرتها على فهد جننتها.. وربنا يستر بقى لما فهد يشوفها مع المهندس حسام .
سلمى بكل توتر ردت وقالت .. هى فعلا اتجننت رسمى وربنا يعديها على خير روح يا فارس لو سمحت وشوف قصى بره هو وفرح وانده ليه بسرعه .
ضحى ... عندك حق يا سلمى واياك قصى يجى بسرعه قبل ما فهد يشوفها مع اللى اسمه حسام انا حاسه ان فيه كارثه هاتحصل .
فارس قام وقف وخد بعضه وخرج من باب الفندق وراح يدور على قصى وفرح .

وعلى البحر بالتحديد كان واقف قصى هو وفرح وبيتكلمه مع بعض بمنتهى الرومانسيه .
قصى عيونه فى عيون فرح وابتسم وقال ... انا مكنتش اعرف انك جميله اوى كده يا فرح .. وعيونك بالجمال ده كله .
لانك كنتى دايما بتهربى منى وعمرك ما حسيتى بمدى حبى ليكى .
كنتى دايما بتصدينى وتهجمينى وكأنك خايفه تعترفى لنفسك انك بتحبينى .

فرح بمنتهى الرقه ابتسمت وقالت .. عارف يا قصى احنا من صغرنا واحنا عاملين زى القط والفأر وساعات كتير كنت بحس بأهتمامك الزايد ده وخوفك عليا .. بس عمرى ما كنت اتوقع انك بتحبنى الحب ده كله .
قصى ابتسم وقال .. ويا ترى بتحبينى زى ما بحبك اوى كده يا فرح ؟
فرح .. انا مش هانكر انى طول السنين اللى عدت من عمرى دى كنت بعتبرك زى فارس وفهد بالنسبه ليا .. لحد ما وسكتت ولفت بوشها الناحيه التانيه .
قصى مد ايده ولف وشها ليه وابتسم وقال .. كملى يا فرح وقولى كل اللى جواكى وحاسه بيه .

فرح وشها احمر اوى وردت وقالت.. لحد ما انت بوستنى لما كنا بنتخانق مع بعض عند اوضنا.. حسيت ساعتها باحساس غريب اوى.. حسيت انى فى دنيا غير الدنيا وانى طايرة لفوووووق اوى لمجرد ان شفايفك لمست شفايفى حتى ولو كان ساعتها غصب عنى .. واتمنيت ساعتها انى افضل طايرة طايره لفوق وانت معايا .
قصى ابتسم ورد وقال .. عارفه يا فرح انى فى اليوم ده مقدرتش انام خالص من كتر التفكير فى اللى حصل بينا .. وفضلت أئنب نفسى انى اتصرفت معاكى بالاسلوب ده كده بس انا ساعتها مقدرتش اقاوم جمال وحلاوة شفايفك .. كنت بتمنى دايما طول عمرى انى احس الاحساس اللى حسيته ساعتها ده معاكى رغم رفضك ليا ساعتها .

بس زى ما انتى بتقولى كده .. حسيت انى فى الجنه اول لما لمستهم .. انا بحبك اوى اووى اوووى يا فرح .. وان شاء الله اول لما نرجع السرايه هاطلب ايدك من عمى حسين .
فرح ردت وقالت .. بالسرعه دى يا قصى ؟
قصى .. بالسرعه دى يا حبيبه قلب قصى .. انا بتمنى اليوم اللى هاتكونى فيه على زمتى ساعتها ويتقفل علينا باب واحد .

وقرب اوى اوى من وشها وهى حست بحرارة قرب وشه ليها بس مدت ايديها على صدره وقالت .. خلى اللحظات الحلوة دى لما يتقفل علينا باب لوحدنا واكون مراتك .. هايكون ليها طعم احلاااا بكتير يا حبيبى .
وفجاه سمعوا فارس على بعد بينده ويقول .. قصى .. قصى .. تعال بسرعه فى مصيبه .
قصى وفرح استغربوا لكلام فارس وباندهاش قصى بص لفارس وقال .. خير يا فارس حصل ايه .. انتم كويسين .
فارس .. فى مصيبه هاتحصل يا قصى ولو ملحقتش توقفها هايحصل بلاوى كتير .
قصى بصدمه رد وقال .. مصيبه !!!!! انطق
يا فارس فى ايه ؟؟؟
فارس .. تعال معايا بسرعه وشوف بنفسك .

وعند ملك وحسام اللى كانوا بدؤا يرقصوا مع بعض وكان لسه فهد مش واخد باله منهم فاحبت ملك انها تلفت نظره وضحكت بصوت عالى وهى مع حسام .
فهد اتفاجاه بصوت ملك وضحكها ده اول لما سمعه فالف نفسه لمصدر الصوت واتصدم اول لما شاف ملك بترقص مع حسام وعمالين يتضحكوا واتصدم اكتر لانه عمره ما تخيل انه يشوفها فى منظر زى ده .

وبعيون بطلع نار شال ايد البنت اللى كانت على صدره وهما بيرقصوا وقرب من ملك وحسام وبكل عصبيه بصلها وقال .. ممكن تفهمينى ايه اللى انتى بتهبيبه ده يا هانم .
ملك عملت نفسها مش واخده بقالها من كلامه وكملت ضحك ورقص مع حسام وده اللى استفذ فهد اكتر واكتر .. وفجاه .
مد ايده وشد اديها من على صدر حسام وقال بعصبيه .. لما اكلمك تردى انتى فاهمه .
ملك اتفاجأت باسلوبه ده معاها وبصتله بقرف وقالت .. نعم فى حاجه حضرتك ؟؟

فهد .. ما تستفذنيش يا ملك اكتر من كده .. انتى هنا بتهببى ايه مع البيه ده .
ملك بكل برود ردت وقالت .. برقص زى ما حضرتك بترقص يا استاذ مع المسهوكه اللى مش لابسه هدوم هناك دى .. ولا حلال ليك وحرام عليا .
فهد بعصبيه وصوت عالى شدها من اديها وقال تعالى معايا وكان عاوز يخرج بيها لبرة علشان الناس اللى بدأت تبص عليهم فاملك شدت اديها من ايده وقالت .. انا مش رايحه معاك فى حته وروح كمل رقص مع الهانم اللى معاك يا فهد وسيبنى اكمل رقص مع البشمهندس حسام .

كل ده وحسام بيتابع اللى بيحصل بكل هدوء فاحب يلطف الجو شويه وبكل برود بص لفهد وقال .. متخافش عليها يا فهد انا مش هاكلها يعنى .
فهد بعيون حمرا من كتر العصبيه لف نفسه لحسام وبعزم ما فيه كور ايده وايداله حته بوكس فى وشه جامد اوى لدرجه انه كان هايوقعه على الارض .
وفى اللحظه دى قصى كان جه على بعد وبصوت عالى قااال .. فهد .

فهد لسه هايقرب من حسام ويضربه تانى فاتفاجاه بايد سليم بتمنعه وقال .. حصل ايه يا فهد .
قصى كان جه ومسك ايد فهد وشده وقال تعال معايا لبرة وكفايه لحد كده فضايح وانت يا فارس هات الكل وحصلونى على بره .
سليم مكنش عارف بالضبط ايه اللى بيحصل حواليه وبص لحسام اللى كان حاطت ايده على وشه مكان البوكس اللى خده وبصله وقال .. فى ايه يا حسام ايه اللى بيحصل هنا ده .

حسام رد عليه وقال .. كل ده علشان شافنى وانا برقص مع الانسه ملك .
سليم الراجل الصعيدى اللى جواه خرج وفى لحظه كور ايده هو كمان واداله حته بوكس فى وشه وقال .. ما اشفش وشك هنا ابدا تانى ولا حتى فى الشركه انت مرفوض يا بيه .
الكل اتصدم برد فعل سليم ده ناحيه صديق عمره وفى لحظه قصى كان شد فهد لبرة وفارس كان جمع البنات كلها وخرج على بره .
الا عدى وهدى كانوا لسه بيتمشوا على البحر .

سليم راح وراهم وحاول انه يعتذر لقصى على اللى حصل من حسام ده وقال ... انا اسف يا قصى على اللى حصل من حسام ده .
قصى .. حصل خير يا سليم واحنا اللى اسفين على اللى حصل جوه فى الحفله ده بس ضالغلط مش على حسام .
الغلط على الهانم اللى سمحتله انه يرقص معاها بالشكل ده اودام الناس دى كلها .
ووجه كلامه لملك وبصلها بغيظ وقال .. انتى علشان تغيظى فهد تتهورى وتعملى حاجه زى كده يا بنت عيله السيوفى .

انتى غلطى يا ملك والمفروض مكنتيش توصلى الموضوع لكده ابدا .. عيب اوى اللى حصل ده .. وكويس ان الموضوع انتهى على كده .
وفجاه سمعوا عدى جاى من على بعد وصوته عالى اوى وعمال بيضحك هو وهدى وقرب منهم وببتسامه عريضه بص للكل وقال ..
ايه ده هى الحفله خلصت ولا ايه يا جودعان .
الكل بصله باستحقار وبالذات قصى اللى رد عليه وقال .. تصدق انت معندكش دم ابدا .. جاى وبتضحك وصوتك عالى ومش حاسس المصيبه اللى احنا فيها .
عدى باستغراب ايه ده هو فيه ايه ؟

والله العظيم ما عملت حاجه انتم دايما ظالمنى كده .
قصى تسمح تتكتم حسابك معايا بعدين يا زفت وبعد اذنك يا سليم انا هاخد الكل وارجع على الشاليه كفايه اوى لحد كده وانت تعال براحتك وقت ما تخلص الحفله .
عدى عيونه جت على فهد اللى كان فى قمه الغضب وكمان على ملك اللى كانت عماله تعيط فاستغرب جدا وقرب من سلمى اخته وبصوت هادى اوى قال .. ممكن تفهمينى فى ايه بالضبط لانى حاسس انى زى الاطرش فى الزفه
سلمى .. بعدين يا عدى بعدين هاتفهم كل حاجه مش نقصاك انت كمان .

عدى .. ايه العيله دى
قصى بصلهم وقال .. يالا بينا العربيات جت اهى .. قسموا نفسكم عليها وياريت نعقل شويه ونسيبنا من لعب العيال ده .. ومش عاوز اكرر كلام تانى انتم فاهمين كلكم .
خدوا بعضهم وركبوا العربيات وخلال نصف ساعه كانوا وصلوا اودام الشاليه ودخلوا على جوه .
ملك اول لما دخلت طلعت جرى على فوق.
فهد السيوفى اخيرا نطق و شافها بتجرى على فوق فابصوت عالى بصلها و قالها .. خدى هنا يا هانم .. انتى مفكرة انى هاعديهالك على خير .

انا هاربيكى يا ملك من اول وجديد علشان الظاهر محدش عرف يربيكى كويس .. وهاعرف شغلى معاكى .
ملك اتصدمت من كلام وطريقه فهد معاها فانهارت بالعياط اكتر وجريت على فوق والكل كمان اتصدم .
قصى بصوت اعلى منه بصله وقال .. فهد ايه الكلام اللى انت بتقوله ده .. كل بنات عيله السيوفى متربين كويس اوى .. ومش معنى ان ملك غلطت بسببك .. تبقى مش متربيه .
انت اللى وصلتها لكده بسبب غرورك وطيشك وصرمحتك مع البنات .

ملك بتحبك وعمرك ما حسيت ولا قدرت الحب ده وعلى طول بتقلل منها او بالاصح منهم كلهم .
عيب اوى يا فهد .. انت غلطت كده فى حق عيله السيوفى كلها وعلشان تصحح غلطك ده اقل حاجه تعملها تطلع تعتذر لملك .. وتحاول تدى لنفسك فرصه وتقرب منها .. لانك عمرك ما هتلاقى حد بيحبك زيها .

عدى رغم طيشه وصرمحته قال .. وقت ما هافكر اتجوز .. عمرى ما هاتجوز واحده من اللى مشيت معاهم لانها كده رخصت نفسها وبقت لبانه فى بوق اللى رايح واللى جاى .. وقت ما هافكر اتجوز اخد واحده انا عارفها كويس اوى وعارف انها متربيه وبنت ناس محترمه عارف ليه !!!! علشان هايبقى مأمن على نفسه وعلى بيته وعياله وهى معاه ومتاكد انه معاه واحده هاتقدر تحافظ على سمعته كويس اوى .

فهد انت ابن عمى ومش ابن عمى وبس انت اخويا ونفسى تعقل وتشوف الدنيا بنظرة تانيه وتفكر فى حياتك ومستقبلك.
فهد كل ده كان مستمع لقصى كويس اوى وحس ان فعلا كلام قصى مضبوط وعنده حق فيه وانه لازم يتغير للاحسن ويشوف الدنيا بنظرة جديده .
فابص لقصى وقال .. عندك حق يا قصى وانا فعلا بدات احب ملك وحاولت انى افهمها كده بس هى رفضتنى وكان اودامكم كلكم .
فارس بص لفهد وقال .. فهد ... اطلع لملك وابدؤا صفحه جديده مع بعضكم ملك فعلا بتحبك وعملت كل ده لمجرد انها تغيظك .. هى اه غلطت .. بس الحب يعمل اكتر من كده حبها ليك عماها .

فهد خد نفس كبييير وابتسم وقال .. انا هاطلع ليها واعتذر لها واوعدك يا قصى اودامهم كلهم اهو انى هاتغير وهاكون انسان جديد خالص وبكرة تشوف .
وخد بعضه وجرى على فوق وراح عند الاوضه اللى فيها ملك وخبط وهى ماردتش فارجع وخبط تانى وقال .. افتحى يا ملك ارجوكى .
افتحى يا حبيبتى .. انا اسف على الكلام اللى قولته ليكى من شويه .. انا بحبك والله يا ملك ومقدرتش اشوفك واقفه مع اللى اسمه حسام ده وبترقصوا وقريب منك بالشكل ده .. ومن هنا ورايح هاتشوفى فهد بصورة جديده خالص غير اللى انتى تعرفيها عنه .. واول لما نرجع على السرايه هاطلب ايدك من جدى الحاج صفوان ..

وهانتجوز .. وهاتعرفى ساعتها ان كلامى مضبوط وهاتحسى بحبى ليكى اد ايه .. انا كنت اعمى ومقدرتش النعمه اللى ربنا بعتهالى ارجوكى تسامحينى .
ورجع خبط تانى وقال .. ملك .. ملك .. افتحى ارجوكى .. ملك وبدأ يرزع على باب الاوضه جامد لدرجه ان اللى تحت سمعوه وطلعوا جرى علشان يعرفوا فى ايه بالضبط .
طلع الكل وجريوا على فهد وبخوف قصى قال .. فى ايه يا فهد وملك فين ؟؟؟
فهد .. ملك اكيد حصلها حاجه عمال اخبط عليها وهى مش بترد .. انا هاكسر الباب .

هدى وسلمى بدؤا يعيطوا من كتر خوفهم على ملك وفارس قرب منهم وحاول يهديهم .. وفى لحظه فهد زق الباب جامد وكسره واول لما دخلوا اتصدموا لما شافوا ملك مرميه على الارض ومغمى عليها .
جرى عليها فهد وقصى وحاولوا يفوقوها .. بس للاسف كانت فاقده الوعى خالص .
فهد بحزن .. ملك .. ملك .. ارجوكى فوقى ارجوكى يا ملك ماتسبنيش .. انا بحبك والله فوقى يا حبيبتى .
قصى زق فهد وقال .. مش وقته الكلام ده ابعد بعيد .. وقرب من ملك ورفعها بايده من على الارض وشالها وحطها على السرير وغطاها وبص لضحى وقال .. تعالى بسرعه يا ضحى فوقيها .

ضحى جريت عليها وبما انها دكتورة طلبت من قصى ازازة برفان بسرعه .. قصى عيونه جت على التسريحه وشاف اكتر من ازازة برفان فاجرى ومسك واحده منهم وقرب من ضحى وادهلها .
ضحى رشت رشه خفيفه على اديها وقربت من ملك وحاولت تفوقها لحد ما فعلا ملك بدات تفتح عيونها بشويش وبصت للكل لحد ما عيونها ركزت على فهد وبنظره عتاب دمعه نزلت من عيونها ولفت وشها للناحيه التانيه .
فهد قرب منها وقعد جنبها وبكل حب قال .. سامحينى يا ملك .. والله ما كنت اقصد اى كلمه من الكلام اللى قولته ليكى تحت .. انا بحبك اقسم بالله .
كل ده وملك دموعها مغرقه وشها ومش قادرة تبص ناحيته .

فهد بحزن عليها مسك اديها وقال .. والله بحبك يا بنتى .. واوعدك من هنا ورايح انى هاتغير ومش هاشوف اى بنت تانى .. سامحينى بقى يا بنت عمى .
ملك فى وسط دموعها دى كلها ابتسمت ولفت وشها لفهد وقالت .. وانا مش عارفه انا عملت كده ازاى انت السبب وانت اللى وصلتنى لكده .
قصى .. حصل خير يا جماعه .. وياريت ننسى كل اللى حصل ده ونفتح صفحه جديده .. وقبل ما يكمل قصى كلامه كان وصل سليم وعلى وشه القلق لما وصل ودخل الشاليه ومشفش حد منهم وطلع على فوق .

سليم عيونه على ملك اللى نايمه على السرير فاستغرب بخوف وقال .. فى ايه يا جماعه حصل ايه ومالها ملك ؟؟
هدى جريت على اخوها واترمت فى حضنه وبدموع قالت .. ملك اغمى عليها وخوفت اوى اوى اول لما شوفتها مريمه على الارض .
سليم بكل حنيه ضم اخته هدى لصدره وحاول يهديها ويطمنها وقال ... متخافيش يا حبيبتى .. هى فاقت اهى وهاتبقى كويسه .

هدى .. انا كنت مرعوبه عليها يا سليم .. دى اختى وحبيبتى وصاحبتى .. اللى طلعت بيها من الدنيا دى لحد ما انت جيت وعرفت ساعتها ان ليا اخت واخ .
سليم بحب .. ربنا ما يحرمنى منك ولا منكم كلكم يا حبيبتى .. ويالا كده روحى اقعدى جنب ملك وقوميها علشان ننزل نتسحر كلنا وننام علشان فعلا تعبنا كلنا النهارده وكان يوم طويل وبكره من بدرى هاروح واحجز تذاكر الطيارة.
وفعلا هدى سمعت كلام اخوها وراحت قعدت جنب ملك وحضنتها وباستها .. ومدت ايديها ليها وقالت .. قومى يا حبيبتى .. علشان نغير لبسنا وننزل نتسحر كلنا مع بعض .

وفعلا قامت ملك وقعدت على حرف السرير .
والشباب خدوا بعضهم وراحوا بغيروا لبسهم فى اوضهم .
وبعد شويه نزل الكل واتجمعوا على سفره واحده واتسحروا فى جو عائلى مليان سعاده وفرح .. وكمان هزار عدى اللى اتعودوا عليه منه دايما .
وبعد شويه طلع الكل لاوضهم وكل واحد راح لسريره ونام الا سليم اللى خد خداديه ونام على الكنبه اللى فى الريسبشن .
لكن ضحى مكنش جايلها نوم وفضلت تتقلب كتير فى السرير وقامت وقررت انها تاخد اى كابرته وتنزل لسليم وتغطيه لان اليوم ده كان برد شويه عن الايام اللى فاتت .

وفعلا خدت ضحى الغطا ونزلت لتحت وقربت من سليم اللى كان مغمض عيونه وهى افتكرته نايم وغطته وفضلت تتأمل في ملامحه شويه .
ولسه هاتلف نفسها وتطلع على فوق .. كان سليم اسرع منها وفتح عيونه ومسك اديها وقال بكل حب .. شكرا يا ضحى .
ضحى اتفاجات بسليم وبمسكه ايده واتكسف جدا وقالت .. العفو يا سليم .
سليم زق الغطاء وقام وقف اودامها وعيونه جت فى عيونها وقال .. ضحى انا عارف ان مش وقته خالص الكلام اللى هاقوله ده .. بس عاوز اقوله ليكى وتعرفيه علشان تخدى قرارك فيه وتردى عليا اول لما نرجع على البلد .

ضحى انا بحبك وعاوز اتجوزك .. وعمرى ما هاقدر الاقى واحده زيك ابدا فى ادبك وتربيتك وحلاوتك .
انتى بجد انسانه جميله اوى وقلبك ابيض ومهما اقولك مش هاقدر اديكى حقك .
وانا مش مستعجل على ردك .. بس اول لما نرجع احب اعرفه .
ضحى بكل خجل ابتسمت وقالت .. تصبح على خير يا سليم .
سليم ابتسم وقال .. وانتى من اهله يا ضحى .
وطلعت ضحى على فوق وراحت لسريها وابتسمت اول لما افتكرت كلام سليم ليها و رقته معاها واعترافه بحبه ليها .
وفضلت على كده لحد ما راحت فى النوم .

طلع النهار والشمس اشرقت بنورها وحرارتها وبالتحديد فى السرايه.. الكل كان صحى من بدرى كالعاده .
الحاج صفوان كان نازل من فوق بعكازه وقرب من مكان الحاجه انعام اللى متعوده تقعد فيه وصبح عليها وقال .. صباح الخير يا حاجه.
الحاجه انعام ردت بحب وقالت .. يسعد صباحك يا حاج صفوان .. صاحى بدرى يعنى النهارده مش عاويدك .
الحاج صفوان .. اه والله يا حاجه ورايا كام مشوار كده ناوى اعملهم وكمان فرحان ان العيال هايجوا النهارده ويرجعوا ويملوا السرايه تانى من جديد .. اد ايه المكان مالوش طعم من غيرهم ووحشونى كلهم اوى اووووى .. وحاسس بفراغ كبير من غيرهم .

الحاجه انعام ابتسمت وقالت .. اه والله يا حاج وانا كمان وحشونى اوى ونفسى اغمض عينى الاقيهم جم ونوروا السرايه .. والنبى يا حاج طلع موبيلك ورن عليهم علشان اسمع صوتهم وكمان بالمرة اشوفهم هايرجعوا على كام بالضبط فى المطار علشان اخلى صلاح وحسين يروحوا يجبوهم بالعربيات .
الحاج صفوان فعلا طلع موبيله من جيبه ورن على قصى .. اللى كان يادوبك لسه صاحى من النوم وسمع موبيله بيرن .
قصى ابتسم اول لما مسك الموبيل وشاف اسم جده عليه فارد على طول وقال .. اهلا بالحاج صفوان بذات نفسه .
الحاج صفوان بحب رد وقال ...اذيك يا قصى يا ولدى .. انا قولت اطمن عليكم كلكم يارب تكونوا بخير والبنات كويسه .

وكمان جدتك الحاجه انعام عاوزه تسمع صوتكم .. وتعرف ميعاد طيارتكم هاتوصل امتى .
قصى بحب رد وقال .. اطمن يا جدى كلنا بخير .. وراجعين فى طياره باليل بعد الفطار على طول .. ادينى جدتى اطمن عليها .
وفعلا الحاج صفوان ادى للحاجه انعام الموبيل وسمعت صوت قصى واطمنت عليه وكمان بلغها بميعاد وصول الطيارة بتاعتهم وقفل الخط معاها بعد ما قالته يسلم على كل اللى عنده .

وشويه الوقت كان عدى والكل صحى من النوم وبدؤا يجهزوا شنطهم ويستعدوا للسفر .
عدى كذا ساعه وميعاد الفطار كان جه وفطروا على طول بسرعه علشان يلحقوا ميعاد الطيارة وما يتاخروش عليه .
وفعلا الكل كان جاهز للسفر والشباب طلعوا الشنط فى العربيات بعد تأخير البنات فى اللبس كالمعتاد وركبوا العربيات وطلعوا بيها على المطار .
وفى السرايه الكل كان خلص الفطار وبعدها راح حسين وصلاح بعربياتهم على المطار علشان يجيبوا الشباب كلهم .
والحاج صفوان وعصام رتحوا الجامع لصلاه التراويح .

وبعد حوالى ساعتين كان وصلوا من الجامع وراحوا قعدوا مع الحاجه انعام والحريم كلهم علشان كانوا بيتفرجوا على مسلسل من مسلسلات رمضان.
وفجاه اتقطع المسلسل وجه خبر عاااااجل.
الحاج صفوان .. استرها ياربيا ترة حصل ايه .
والمذيع بدا يتكلم بنبره حزن وقال ..
جائنا خبر عاجل منذ قليل وناسف اننا نبلغكم ان طيارة مصر للطيران القادمه من مدينه الغردقه؟
رواية قصة عشق الجزء الأول للكاتبة سحر فرج الفصل التاسع والعشرون

جائنا خبر عاجل منذ قليل وناسف اننا نبلغكم ان طيارة مصر للطيران القادمه من مدينه الغردقه؟
تعرضت لعمل ارهابى مما ادى اللى تفجيراها فوق مياه البحر الاحمر وتوفى كل ركابها .
وتعمل الحكومه على معرفه سبب هذا العمل الغاشم .. وتقوم سلطات المطار بالبحث عن هيكل الطيارة المنفجرة فى قاع البحر والبحث عن الصندوق الاسود لها مكان سقوطها بسبب الانفجار .

الكل اتصدم من الخبر الفظييييع ده وبالذات الحاجه انعام اللى بكل حزن وصدمه قالت .. لااااااااا لااااا متقولش كده . وبصرييييييخ ووجع بيقطع فى قلبها قالت...
يا حابيبى يا ضىء عيونى من جوه ليه يارب كده لييييه يارب كده .. كنت خدنى انا وسيبهم هما .. دول لسه فى اول حياتهم ومفرحناش بحد فيهم وكنا بنجهز لفرحهم .. اااااااااه يا ولادى .. اااااااه يا حابيبى .. ياااا لهووووى .. يا لهووووى .
والحريم كلها بدات تصرخ جامد من شده الصدمه اللى عرفوها دى ومحدش منهم كان متخيل اللى حصل ده وانهم يفقدوا عيالهم كلهم فى لمح البصر كده .. وفى موته بشعه زى كده .

الحاج صفوان بصوت عالى شخط فى الكل وقال .. اهدى يا حاجه اهدى يا مرة منك ليها .. قلبى بيقولى انهم بخير ومحدش فيهم حصله حاجه .. وبدموع الحزن و بقلب اتكسر قال .. وانا قلبى عمره ما خيب ظنى ابدا ابدا .. انا حاسس انهم بخير صدقونى .
الا وموبيل الحاج صفوان بيرن ومسكه بسرعه اول لما شاف اسم صلاح عليه وبكل حزن رد وقال .. ايوا يا صلاح يا ولدى .. قول ان الخبر اللى انا سمعته ده غلط .. وان الطيارة ماوقعتش بالعيال كلهم ..انطق يا صلاح انطق يا ولدى وريح قلب ابوك .

صلاح بكل حزن وبصوت مهزوز من كتر العياط رد على الحاج صفوان وقال .. الخبر صح يا ابوى .. انا فى المطار دلوقتى والدنيا مقلوبه وبيأكدوا ان الطيارة انفجرت بالعيال كلها يااااا بوووى .
اااااه يا حبايبى .. اااااه يا حرقه قلبى عليهم .
الحاج صفوان من شده صدمته الموبيل وقع من ايده وعكازه كمان وقع ورمى نفسه على الكرسى وقال ... لا حول ولا قوة إلا بالله العلى العظيم .. ياااارب يااااارب . اللهم اما لا اسالك رد القضاء ولكنى اسالك اللطف فيه .

وده اللى خلى الحريم تزيد من صريخها جامد لما شافوا انهيار الحاج صفوان بالمنظر ده . لدرجه ان اهل البلد كلهم اتلموا عليهم فى السرايه علشان يعرفوا سبب الصريخ ده ايه بالضبط .
وفجاه موبيل الحاج صفوان رن تانى وهو من كتر الحزن اللى كان حاسس بيه وحالته اللى توجع القلب مقدرش يمد ايده ويجيبه من على الارض .. وفجاه لمح اسم قصى على شاشه الموبيل وقال .. يارب ياااارب .
ومسك الموبيل بسرعه وجابه من على الارض وقال .. قصى حبيبى انتم بخير يا ولدى طمنى عليكم .

قصى .. اهدى يا جدى علشان خاطرى .. كلنا بخير وكويسين .. احنا سمعنا بموضوع الطيارة ده دلوقتى .. وقلقنا عليكم من الصدمه .. متخافش يا جدى .. احنا بخير وراجعين فى الطريق اهو بالعربيات .. لان الطياره اتأخرنا عليها وملحقنهاش . طمن كل اللى عندك يا جدى وقولهم اننا بخير وبالذات جدتى انعام الله يرضى عليك .
الحاج صفوان من شده فرحته قام وقف وقال الف حمد وشكر ليك يارب .. الف حمد وشكر ليك يارب .
العيال كلهم بخير يا حاجه .. العيال محصلهمش حاجه وراجعين فى الطريق .
زغرطى يا فاتن زغرطى يا احلام .. احفادى كلهم بخير .

الحاجه انعام من شده فرحتها عيطت بدموع الفرح وقالت .. الحمد لله الحمد لله اد ايه انت حنين وكبير يارب وهاترجعلى احفادى كلهم بخير.
الحريم كلها فرحت جدا وفضلوا يزغرطوا لحد ما ملوا السرايه كلها زغاريط الفرح .
الحاج صفوان مسك الموبيل واتصل على ابنه صلاح واول لما صلاح رد بفرحه قال .. اطمن يا صلاح يا ولدى العيال بخير قصى لسه مكلمنى وقالى انهم كلهم كويسين وراجعين فى الطريق .. الطيارة فاتتهم واتأخروا عليها ورجعوا بالعربيات .. اطمن يا ولدى وطمن حسين اخوك .
صلاح بفرحه .. بتتكلم بجد يا ابوى العيال كلهم بخير .. الف حمد وشكر ليك يارب .. الحمد لله على فضلك وكرمك لينا .

الحاج صفوان رد وقال .. يالا يا صلاح يا ولدى هات اخوك وارجع على السرايه علشان تبقوا فى استقبال العيال.
صلاح بفرحه رد وقال .. اللى تؤمر بيه يا ابوى .. مسافه السكه ونكون عندك .
وقفل الحاج صفوان مع صلاح وحط الموبيل فى جيبه وبصوت عالى نده وقال .. يا رفاعى .. يا وااد يا رفااااااعى .
رفاعى جه بسرعه للحاج صفوان وقال .. نعم يا حاج اؤمرنى .
الحاج صفوان بفرحه رد وقال .. من بدرى خلى الجزار يجى ويجيب عجلين كبار ويدبحهم ويفرقهم على اهل البلد كلهم .
ماشى يا رفاعى .

رفاعى .. ماشى يا حاج .
الحاجه انعام .. يااااااه على الخضه .. ده انا كنت هاموت فيها والحمد لله ربنا اكرمنى وفرحنى بسلامتهم .
فاتن بفرحه ردت وقالت .. اه والله يا حاجه .. الواحد كان حاسس ان قلبه هايطلع من جوه من الخضه دى .. ربنا ما يورينا فيهم حاجه عفشه ابدا ونفرح بيهم كلهم .
الحاجه انعام .. يارب يا بتى يارب .. المهم دلوقتى تخدوا بعضكم وتروحوا على المطبخ وجهزوا الاكل واعملوا كمان حلويات كتير من اللى العيال بيحبوها .
فاتن بحب .. عيونى يا حاجه ده انا هعمل احلى اكل وحلويات فى الدنيا للغالين كلهم .
سماح ردت وقالت .. خدونى معاكم يا فاتن وقوموا يالا علشان نلحق نعمل الحلويات كلها .
وفعلا دخلت الحريم كلها للمطبخ وبدؤا فى تجهيز الاكل وعمل الحلويات بكل حب و فرحه طالعه من القلب .

وبعد كام ساعه عربيات الشباب كانت وصلت للبلد وقربوا من السرايه واتفاجؤا بكميه الناس اللى كانت واقفه اودامها .
لحد ما وصلوا للسرايه و بدؤا يركنوا العربيات ونزلوا منها واول لما نزلوا سمعوا المزمار البلدى الصعيدى اشتغل والكل جرى عليهم بكل فرحه .
الحاج صفوان بفرحه قرب منهم ومد ايده لقصى وضمه فى حضنه بكل حب وقال .. حمد الله على سلامتكم يا ولدى حمد الله على السلامه .
وبعدها خد فارس وسليم وباقى الشباب كلهم وكمان البنات .

صلاح جرى على هدى وملك وفتح ايده ليهم هما الاتنين وقال .. بناتى حبايبى حمد الله على سلامتكم يا روح قلب ابوكم من جوه .
هدى وملك اترموا فى حضنه وبدؤا يعيطوا لما شافوا كميه الحزن والفرح اللى فى عيون صلاح وخوفه عليهم .
حسين ضم فى صدره فارس وفهد وفرح وفضل يبوس فيهم .
وعصام كذلك خد قصى وعدى وسلمى فى حضنه .

الا سليم الوحيد اللى كان واقف بيتفرج على كميه المشاعر دى من خلانه لعيالهم واتمنى فى اللحظه دى ان ابوه يكون موجود ويضمه لصدره زيهم بالضبط .
صلاح فى وسط فرحته بسلامه هدى وملك خد باله من نظرات سليم الحزينه وقرب منه ومد ايده ليه وشده لحضنه اوى اوى وكانه بيقوله انا اهو موجود يا سليم وبدل ابوك الله يرحمه .. يا غالى يا ابن الغاليه .
سليم حس بحنيه خاله صلاح تجاهه وضمه اكتر وقال .. ربنا يخليك ليا يا خالى وما اتحرمش منكم ابدا ولا من لمتكم دى .
صلاح بكل حنيه طبطب على كتفه وقال .. ولا منك يا ولدى وحمد الله على سلامتكم كلكم .. يالا بينا ندخل علشان جدتكم زمانها هاتموت وتشوفكم وتضمكم فى صدرها .

وفعلا دخل الكل لجوا والحريم والحاجه انعام كانوا فى انتظارهم على نار .
وسلموا عليهم كلهم واحده واحده .
وكانت الحاجه انعام اول واحده تفتح دراعتها لسليم ابن نعمه بنتها لتحضنه بكل حب وحنيه وعطف وكأن ربنا بيعوضه حنيه وعطف امه بجدته انعام.
وهو ما صدق الحضن الدافىء ده واترمى جواه علشان يمسح بيه كل الالم والحزن والحرمان اللى هو اتحرم منه من ساعه موت امه وابوه .
فاتن جريت على هدى وملك وخدتهم فى حضنها.. واحلام كذلك خدت قصى وسلمى فى حضنها اول ما عنيها جت عليهم وسماح خدت فرح وفارس فى حضنها وبدات تعيط جامد بس مش عياط حزن ووجع لفقد الضنى.. عياط فرح .. عياط كرم ربنا عليها انه حفظ ليها اولادها .

طبعا فى موقف زى ده عدى استحاله يعديه كده .. هو ما صدق كل واحده منهم واخده حد فى حضنها الا هو وفهد محدش عبرهم خالص ولا جه جنبهم من الحريم.
وبصوت عالى اوى اوى خلى الكل ينتبه ليه وقال .. ايه الناس دى .. على فكرة انا وفهد كنا معاهم يا بشر .. احنا للدرجه دى مش فارفين معاكم .. يرضيك كده يا فهد باشا .

يرضيك كده يا حاج صفوان يا كبير عيله السيوفى
لا انا زعلان .. بجد زعلان اوى للدرجه دى انا هونت عليكم انا والواد فهد ومحدش عبرنا وحضنا وباسنا زى البلاوى دول .
الكل فضل يضحك على عدى وكلامه وبالذات جدته انعام فاقربت منه وفتحت دراعتها ليه وقالت .. تعال تعال يا ابو لسان طويل انت والله وحشتنى ووحشنى هزارك والسرايه كانت مضلمه من غيرك .. وبعدين مش تصبر يا واد انت لما دورك يجى فى الاحضان والترحيب .. دايما كده مستعجل .
عدى ابتسم ابتسامه كبيرة وجرى فى حضن جدته انعام وفضل يبوس فيها وحس اد ايه فعلا جدته حنينه اوى عليهم كلهم من صغرهم .

كملوا سلامات وترحيب بيهم وبدات الحريم تجهز لهم الاكل على السفره والشباب استاذنوا انهم يطلعوا الشنط ويغيروا لبسهم .
اما سليم مقدرش يقعد معاهم اكتر من كده وفضل انه يروح لجدته لانها وحشته جدا وبالمرة يوصل ضحى لبيتها .
الحاج صفوان طلب منه انه يبلغ جدته سلامه وسلام الحاجه انعام وطلب من سليم انه يجيب جدته بكرة من بدرى ويفطروا كلهم مع بعض وهو بنفسه هايتصل بعمه جبل ويبلغه بالفطار ده هو واسرته لانها ليله القدر وكمان يتلم الكل مع بعضهم ويحتفلوا برجوع الشباب للسرايه بالسلامه . وكمان فى حاجه مهمه هايخبروا بيها الكل ولازم الكل يكون موجود.

سليم .. باذن الله يا جدى وهاحاول على اد ما اقدر انى اقنع جدتى بكده لانك عارف صحتها مش اد الخروج وبتتعب منه .
الحاجه انعام رضت وقالت .. باذن الله هاتوافق يا ولدى وبعدين ده يا دوبك مسافه الطريق بالعربيه ومفهوش تعب ولا حاجه .
سليم رد على جدته وقال .. حاضر يا جدتى اللى تؤمرى بيه يا ست الكل وربنا ما يحرمنى منك ولا منها ابدا وكمان جدى الحاج صفوان اللى ربنا عوضنى بيه مكان جدى على الجبلاوى نفس الطيبه والحنيه اللى فى قلبه بالضبط .
الحاج صفوان بفخر .. تعيش يا ولدى وربنا يخليكم ليا كلكم .

وقام سليم وسلم على كل الموجودين وخد بعضه هو وضحى وخرجوا من السرايه وركبوا عربيته فى طريقهم على الفيلا.
سليم برومانسيه قال لضحى .. مش ناويه تقوليلى رايك فى الموضوع اللى انا قولته ليكى يا ضحى.
ضحى بخجل ابتسمت ليه ومقدرتشتتكلم .
سليم .. افهم من كده انك موافقه .
ضحى .. اه موافقه يا سليم .

وبعد حوالى نصف ساعه الشباب كانت غيرت كلها لبسها وبدؤا ينزلوا على تحت ورا بعضهم .
الا قصى اللى كان لسه فى اوضته ويا دوبك كان خارج من الحمام بعد ما فارس خلص الدوش اللى كان بيخده ونزل على تحت ودخل بعديه قصى وخرج .
ويادوبك لبس لبسه وبيفتح فى الباب الا وفرح كمان كانت يادوبك خارجه من اوضتها وكأن القدر كان جامعهم فى نفس اللحظه دى علشان يشوفوا بعض .
قصى بابتسامه كلها عشق وحب بص لفرح وقرب منها وقال .. حمد على السلامه يا حبيبتى.

فرح بابتسامه رقيقه تجذب اللى اودمها ليها ابتسمت وقالت .. الله يسلمك يا قصى .
قصى بصلها وكأنه معترض على كلامها وقال قصى كده حاف وقرب اكتر واكتر لحد ما وشه بقى فى وشها اوى اووى ومفيش غير بضع سنتيمترات ما بينهم وقال .. سمعينى كده بتقولى الله يسلمك يا ايه؟

فرح بدات تتوتر من قرب قصى ليها اوى كده بالمنظر ده وبدات تحس ان في رعشه صغيرة بدات تسرى فى جسمها وبكل رقه قالت .. الله يسلمك يا ق...
وقبل ما تكمل اسمه قصى فى لحظه كان اسرع منها ومد ايده على شفايفها وقال .. قولى حمد الله على السلامه ياااا حبيبى
فرح اتوترت اكتر وعيونهم جت فى عيون بعض وبمنتهى الرومانسيه قالت .. حمد الله على السلامه يا حبيبى .

وقبل ما يرد او حتى يبتسم ليها قصى كان جه مفرق الجماعات وفاسد اللذات عدى اللى كان خارج من اوضته هو كمان وتنح ليهم اول ما شافهم بالمنظر ده وضحك وقال:
بتعملوا ايه يا اشقيه قفشتكم وبعدين ارحموا نفسكم شويه واعملوا حساب الناس اللى معاكم علشان بتكسف اوى اووى اوووى من الحاجات دى .
فرح زقت قصى بسرعه واتكسفت جدا وحطت ايديها على وشها.
قصى بكل غيظ بصله وقال .. لم نفسك يا رخم انت ومش عاوز طوله لسان .
عدى غمزله بعينه ورد عليه وقال ... ولو ما اتلمتش يا هندسه هاتعملى ايه .

قصى بغيظ رد و قال .. هاوريك هاعمل فيك ايه يا عدى و فى ثانيه جرى عليه وكان عاوز يمسكه بس عدى شاف كده وخد بعضه ونزل جرى على السلم قبل ما قصى يلحقه ويمسكه ويطلعه على جتته وقصى جرى وراه علشان يحاول يمسكه باى طريقه بس عدى كان اسرع منه وفضل يجرى ويجرى لحد ما اتفاجأ بوجود الكل فى انتظار نزولهم .

فاعدى جرى وراح ناحيه الحاج صفوان وقعد جنبه على حرف الكرسى اللى هو قاعد عليه وفضل ينهج اوى اوى وده اللى الكل استغربله .. وثوانى وشافوا قصى هو كمان بينهج جامد وكانهم بيجروا ورا بعض وعينه ركزت على عدى بالكل غيظ وبصله بصت توعد وقال ... ماشى يا عدى ماشى هاتروح منى فين يعنى .. مسيرى امسكك واطلع عينك اصبر عليا بس اما وريتك العين الحمرا علشان تطول لسانك تانى معايا .
الحاج صفوان سمع كلام قصى لعدى ورد وقال .. الواد ده عملك ايه يا قصى يا ولدى وبص لعدى وقال مش هاتبطل هبل يا واد انت يا ابوا لسان طويل عملت لاخوك ايه انطق ؟؟؟

عدى استغل كلام جده ده وبكل رخامه بص لقصى وابتسم وقال .. تحب اقول للحاج صفوان انا طولت لسانى معاك فى ايه يا هندسه .. ولا اكتم خالص واكفى على الخبر ماجور بقى واسكت ومالكش دعوة بيا
قصى مقدرش يرد عليه واكتفى انه ينفخ جامد وبعدها بصله وقال .. ماشى يا عدى ماشى مسيرك تيجى تحت ايدى
الكل فضل يضحك على الشد والجذب اللى بين الاخوات ده وكمان لمه العيله الجميله الى كانت وحشاهم لانها دايما جامعه الكل الصغير والكبير .
(او بالبلدى كده طبليه واحده وبتلمهم كلهم فى الحزن وفى الفرح وهى دى لمه العيله بحلوها ومرها اللى بيتمناها اى شخص فى الدنيا لانهم عزوته وسنده وضهره)

شويه وفرح نزلت من فوق وهى مكسوفه وبالتحديد من قصى وعدى اللى طبعا مسبهاش فى حالها طول القاعده وكل شويه يضحك لها ويغمزلها بعينه وكأنه بيقول لها ماشيه معاك يا باشا .
حتى على السفره مكنش عاتقها وعمال يجر شكله مع قصى وما صدق يمسك عليه حاجه ونوى انه يطلعه على جتته ويخلص منه القديم والجديد زى ما هو بيعمل معاه .

وفضلوا على الحال ده طول ما هما قاعدين لحد ما بدؤا ينسحبوا واحد ورا التانى علشان خلاص عاوزين يناموا وتعبوا من المشوار الكبير اللى عملوا بين الغرقه والصعيد .
وكل واحد راح على اوضته ونام فى سريره وراحوا فى سابع نومه.

طلع النهار والشمس ملت الدنيا كلها بنورها وحرارتها ودفئها لتعلن عن بدايه احلى واجمل ايام السنه وهى ليله القدر .
الجزار كان جه من بدرى ودبح العجلين فى وجود الشباب كلهم اللى كانوا صحيوا من بدرى علشان يقفوا مع جدهم وعمامهم .
وبعد الدبح راحوا وفرقوا اللحمه بنفسهم على كل اهل البلد كبير وصغير .
وبعد كام ساعه كان سليم وصل بعربيته علشان يحضر اليوم من اوله فى وسط اهله ومعاه كمان جدته وكمان عمه جبل ومراته وبنته ضحى بعد ما كلمهم الحاج صفوان بنفسه وعزمهم على الفطار .

سليم خد الكل لجوا السرايه والحاج صفوان كان فى استقبالهم هو والحاجه انعام ورحبوا بيهم كلهم ودخولهم على الصالون .
اما البنات بعد ما سلموا عليهم خدوا ضحى وطلعوا على فوق .
والشباب كانت لسه بتفرق فى اللحمه وبعدها بحوالى ساعه كانوا خلصوا التفريق ودخلوا وسلموا على جبل وسليم وكمان جدته .
عدى الوقت على طول وجه ميعاد الفطار وبدأت الحريم والبنات ومعاهم ضحى فى تجهيز السفره من اطباق وعصاير وبلح .. والكل اتجمع على السفره والآذان اذن وفطروا احلى واجمل اكل فى الدنيا مع هزار عدى المستمر ومناغشاته اللى بتدى للقاعده روح حلوة .

وبعد شويه خلصوا الفطار وكمان شربوا الشاى . وطلب الحاج صفوان من الكل انه يفضل قاعد علشان فى موضوع مهم عاوز يتكلم فيه اودام الكل .
جبل .. خير يا حاج صفوان فى ايه .
الحاج صفوان .. خير ان شاء الله يا جبل يا ولدى .. مع ان الموضوع ده كان المفروض يكون فى بيتك زى ما الاصول بتقول بس انا قلت اخد رايك الاول فيه ولو كده هانيجى لحد بيتك ونتفق وبعدين احنا عيله واحده والموضوع وما فيه انى طالب القرب منك فى بنتك ضحى لسليم ابن بنتى قولت ايه يا جبل .
ضحى كانت قاعده فى وسط البنات واتكسفت اوى اوى والبنات اتفاجات بكلام جدهم ده وفى نفس الوقت فرحوا بيه .

جبل فكر لثوانى ورد وقال .. سليم ابنكم وضحى بنتكم وانت كبيرنا يا حاج صفوان واللى تقول عليه انا موافق بيه .
الحاج صفوان ابتسم وقال .. اعتبر ان كلامك ده انك موافق يا ولدى .
جبل .. طبعا موافق يا حاج صفوان وعمرى ما هلاقى عريس لبنتى احسن من سليم اللى مربيه على ايدى .
الحاج صفوان .. على خيرة الله . ومش هايكون سليم لوحده .. وبما ان الكل موجود اهو احب اقولكم اننا قررنا ان
قصى هايتجوز فرح بنت عمه .

وفارس هاياخد سلمى بنت عمه .
وفهد هاياخد ملك بنت عمه .
عدى قاعد منشكح ومستنى اسمه يتقال هو كمان بس محصلش وجده سكت على كده .
عدى باستغراب قال .. وانا ابن البطه السودا يعنى فين اسمى يا جدى مسمعتوش يعنى
فى وسط اللى هايتجوزا دول كلهم .
ردت الحاجه انعام وقالت .. انت بالذات لا يا عدى علشان انت...
رواية قصة عشق الجزء الأول للكاتبة سحر فرج الفصل الثلاثون والأخير

ردت الحاجه انعام وقالت .. انت بالذات لا يا عدى علشان انت...
وقبل ما الحاجه انعام ما تكمل كلامها وزى عاويده دايما رد عدى وقال .. نعم نعم نعم .. انا بالذات لاااا ليه ان شاء الله واقع من قعر القفه .. ولا مش اد المقام ولا مش راجل يا جدتى .. والله ده ظلم والله ده حراااام والله ما هاسكت .

الا والحاج صفوان قام وقف من مكانه ورفع عكازه على عدى وضربه بيه وقااال .. وانا والله ماهجوزك يا عدى غير لما تعقل وتبطل الهطل اللى انت فيه ده ولعب العيال .. مش تسمع جدتك الاول هاتقولك ايه يا بأف انت .. ولا كرارة واتفتحت فى الكلام .. يا اهبل يا عبيط انت كك خابط .

عدى عمل نفسه زعلان والكل فطسان على نفسه من كتر الضحك عليه وعلى تهزيق جده صفوان ليه فارد وقال .. يا جدى ما انا كمان عاوز اتجوز زيهم وبحب هدى اوى وزعلت لما انت ما قلتش اسمى معاهم فى ( جدول الجواز ) قصدى فى خبر الجواز ومن الصدمه قولت اى كلام وخلاص .. بس اوعدك انى من الدقيقه دى هابطل هطل وهبل ولعب العيال ده خالص بس جوزونى هدى والنبى يا جدى وحيات الحاجه انعام عندك لتجوزوهالى .

الحاج صفوان من كلام عدى مقدرش يمسك نفسه من الضحك هو كمام وضحك وقال .. اه يا هبل انت والله ما هاتعقل ابدا .. جدتك الحاجه انعام كانت هاتقولك ان الاصول والتقاليد بتقول انك بدام عاوز تتجوز هدى بنت عمتك نعمه .. تبقى تطلب ايديها من عمها جبل واخوها سليم .. هما دول كبراتها والراى رأيهم هما وبرضه هما اللى يقرروا انت راجل يعتمد عليه وتستاهل انك تاخد بنتهم وهاتقدر تحافظ عليها ولا لا .. فاهم يا حمار انت ولا لااا .

عدى من كتر فرحته بكلام جده قام وقف وجرى على الحاج صفوان وفضل يحضن فيه و يبوس فيه ومكنش مصدق نفسه وقال ... ربنا يخليك يا جدى ربنا يخليك يا جدى هاتجوز هدى هههههههههههه هاتجوز هدى .
الحاج صفوان زهق من كتر احضانه وبوسه وزقه وقال.. الله اما صبرك يا روح .. يا اهبل انت اصبر مش لما تبقى تطلبها الاول من عمها واخوها تبقى تقول هاتجوزها .. دقنى اهى لو عقلت يا عدى .

الحاجه انعام وهى بتضحك .. كفايه عليه كده يا حاج صفوان احنا كده ربيناه من الاول وجديد وطلعنا كل اللى عملوا فينا طول السنين دى كلها على جتته .. الواد زمانه قلبه هايقف من كتر الخوف يا حاج صفوان .. وشاورت لعدى وقالت ... تعال يا عدى تعال يا حبيبى اقعد جنبى كده الله يهديك واركز كده وجمع كلمتين على بعض علشان تقولهم .. وعمك جبل قاعد اهو هو وسليم وشوف رايهم ايه فى طلبك ده .
هدى اخيرا ضحكت والكل فرح ليها وفى لحظه هدووووء من الكل !!!!!!

عدى قعد جنب جدته انعام زى ما هى طلبت وحاول يجمع اعصابه وبكل رجوله بص لجبل وسليم وقال .. عم جبل .. وانت كمان يا سليم .. انا يسعدنى ويشرفنى .. انى اطلب منكم ايد هدى بنت عمتى نعمه وقبل ما اسمع رايكم احب اقولكم .. انى هاحطها جوا عيونى .. وهاكون سندها وضهرها من بعدكم اطمنوا عليها وهى معايا ومتخفوش عليها .

جبل بص لسليم وقال .. رايك ايه يا سليم يا ولدى .. هدى اختك والراى يرجع ليك انت .
سليم بكل حب بص للحاج صفوان وقال .. بعد اذنك يا عم جبل .. جدى صفوان هو كبيرنا وعزوتنا كلنا والكلمه كلمته هو والراى رايه هو وانا مقدرش اقول اى حاجه فى وجوده ووجود جدتى ام ابويا وجدتى الحاجه انعام .
جبل فرح من كلام سليم جدا ورد وقال .. اصيل من يومك يا سليم وتعرف فى الاصول كويس اوى وعندك حق يا ولدى .. ربنا يخللنا الحاج صفوان ويديله الصحه والعافيه وطوله العمر ويفرح باحفاده كلهم .

الحاج صفوان بفرحه رد وقال .. تعيش يا جبل يا ولدى تعيش يا سليم ... وبما انى كبير الكل وعاوزين تعرفوا رأيى احب اقولكم انا موافق وعلى خير الله لانى متأكد ان عدى راجل من ضهر راجل وانا عارف ومتاكد كمان انه هايقدر يحافظ على هدى بنت بنتى ويشيلها جوا عنيه .
مبروك عليكم كلكم يا حبايبى ويالا نقرا الفاتحه
وفعلا قروا الفاتحه كلهم وعيون كل حبيب فى عيون حبيبته .

والحاج صفوان قام وقف وقال .. زغرطى يا مرة منك ليها واملوا السرايه كلها بزعاريط الفرح خلى حياتنا كلها فرح فى فرح وربنا يتملهم كلهم على خير وباذن الله الفرح هايكون بعد اسبوع من دلوقتى جهزوا نفسكم كلكم و ربنا يسعدكم .
الكل فرح جدا جدا وقاموا وقفوا وبدؤا يهنوا بعضهم كلهم بكل حب وسعاده .. والحريم ملت السرايه كلها بالزغاريط.
الرجاله خدت بعضها كلها وراحت تقعد فى المندرة بتاعه السرايه .

والحريم كلهم راحوا وقعدوا فى مكان تانى علشان يفضوا المكان شويه للعرسان
وبعد ما الكل مشى والمكان فضى على الشباب والبنات بس .
قصى قام وقف و قرب من فرح بكل هدوء ومد ايده ليها وقال .. الف مبروك يا حبيبتى
فرح بابتسامه رقيقه مدت ايديها ليه وقالت .. الله يبارك فيك يا قصى
قصى رد بكل عشق وقال قلب وعقل وروح وعيون قصى يا فرح .

فرح وشها احمر جدا واتكسفت وعيونها بصت فى الارض وقالت .. وبعدين معاك الكل قاعد هايقولوا عننا ايه بس .
قصى بحب رد وقال .. بصى على كل واحد فيهم هتلاقيه فى دنيا غير الدنيا هو وحبيبته
حتى شوفى فارس .
فارس هو كمان راح قعد جنب سلمى و مد ايده ليها وقال .. الف مبروك عليكى يا روح قلبى .
سلمى بكسوف ردت وقالت الله يبارك فيك يا ابن عمى .
فارس بتقولى مبروك يا ايه!

سلمى بكسوف ردت وقالت .. مبروك يا فارس .
فارس قرب اكتر منها وبصوت هادى قال ..
تؤ تؤ ولا دى كمان .. قولى مبرووووك يا حبيبى .
سلمى بكسوووف .. فارس وبعدين معاك اخواتى قاعدين جنبنا وممكن يسمعونا وبعدين يقولوا ايه بس .
فارس .. يقولوا انى بقيت خطيبك مش لسه قارين الفاتحه .. بس مقبوله منك دلوقتى و سماح المرة دى .

وعند فهد اللى كان متوتر و مكنش عارف يقول ايه فى موقف زى كده وقرر فى الاخر انه يروح ويقعد جنبها زى ما الشباب التانين عملوا .. وفعلا قام وراح قعد جنب ملك وابتسم لها وقال .. مبروك يا حبيبتى .
ملك بالرومانسيه جميله ابتسمت و ردت وقالت: الله يبارك فيك انا حاسه انى بحلم حلم جميييل اوى يا فهد .. مش متخيله انى اتخطبت ليك بالسرعه دي.. وكمان بتقولى يا حبيبتى .

فهد بنظرة كلها حب بصلها فى عيونها وقال .. ملك انتى صاحيه مش بتحلمى .. وكلها كام يوم وهاتبقى مراتى يا حبيبتى
ملك بفرحه اول لما قالها حبيبتى تانى ردت وقالت .. بجد يا فهد بتحبنى .
فهد بحب رد وقال .. بجد يا قلب فهد بحبك.
وعدى فين وفين لما خد باله انه المفروض يقوم ويبارك لهدى هى كمان اللى كانت قاعده منتظراه يقوم ويبارك ليها زى الكل .
فبص حاوليه يمين وشمال وشاف كل واحد من الشباب قاعد جنب خطيبته الا هدى اللى كانت قاعده لوحدها وباين على وشها الحزن .
فقرب منها وقال .. هدى ايه ده هى العيال دى بتعمل ايه مع بعض .

هدى بغيظ ردت وقالت .. بيحكوا حواديت لبعض يا ظريف
عدى فهم هى مديقه ليه وحب يستفذها اكتر فاقعد جنبها وقال.. ايه ده بجد وانا كمان عاوز حد يحكيلى حدوته .
هدى بغيظ اكتر قامت وقفت وقالت .. تصدق فعلا انى هاقوم دلوقتى وهاروح لجدى واقوله انا مش عاوزة الجوازة دى يا عدى .
عدى شدها من ايدها وقال ... اقعدى يا مجنونه انتى انا بهزر معاكى وقولت اغيظك شويه واتنحنح وقال احم احم .. مبروك عليكى عدى يا روح قلبى .
هدى بابتسامه جميله ردت وقالت .. يا بارد انت زعلتنى .. وقولت عليك مش رومانسى زى العيال دى .

عدى قرب اوى اوى منها وبشويش رد وقال .. فشر ده انا رومانسى اوى واعجبك وبكرة تقولى عدى قال وبحب احكى حواديت كتير هابقى احكيهالك بعدين مش دلوقتى لما نتجوز الاول علشان الحواديت الى عندى متنفعش دلوقتى خالص .
هدى بكسوف فهمت هو يقصد ايه وبدات تضربه بايديها على صدره وقالت انت تقصد ايه يا قليل الادب انت .
عدى .. اهدى يا مجنونه انتى هاكون بقصد ايه يعنى انتى اللى تفكيرك وحش كل وما فيها هاقولك حواديت زى الشاطر حسن .. او شهريار .. او الاقذام السبعه .

شوفى انتى اللى دماغك راحت لفين يا قليله الادب ياللى بتجرجرينى للرزيله
ده ناقص تشربينى حاجه اصفره يوم الدخله يا قليله الادب انتى .
هدى زودت ضرب فيه وقالت .. انا برضه انااااا قليله الادب يا عدى وهو ميت على نفسه من كتر الضحك .
كل اللى كانوا قاعدين من الشباب والبنات خدوا بالهم من اللى بيحصل مع هدى وعدى وفضلوا يضحكوا واتاكدوا ان عمر ما عدى هايبطل لعب العيال اللى بيعمله وهزاره ومقالبه دى خالص وربنا يستر فى الايام الجايه قبل الجواز .

العيد
الله أكبر، الله أكبر، الله أكبر، لا إله إلا الله، الله أكبر، الله أكبر، ولله الحمد، الله أكبر كبيرًا، والحمد لله كثيرًا، وسبحان الله بكرة وأصيلا، لا إله إلا الله وحده، صدق وعده، ونصر عبده، وأعز جنده، وهزم الأحزاب وحده، لا إله إلا الله، ولا نعبد إلا إيَّاهُ، مُخْلِصِين له الدين ولو كره الكافرون، اللهم صل على سيدنا محمد، وعلى آل سيدنا محمد، وعلى أصحاب سيدنا محمد، وعلى أنصار سيدنا محمد، وعلى أزواج سيدنا محمد، وعلى ذرية سيدنا محمد وسلم تسليمًا كثيرًا"

عدى كام يوم على قرايه الفاتحه وجه يوم العيد والكل كان صحى من بدرى علشان يحضروا صلاه العيد فى الساحات الكبيرة اللى فى البلد .
الحاج صفوان خرج من اوضته وهو لابس جلابيته الجديده والعبايه والعكاز والابتسامه على وشه هو الحاجه انعام ونزلوا على تحت .
صلاح وحسين وعصام وكمان كان معاهم الشباب كلها قاعدين ومنتظرين نزول الحاج صفوان علشان يروحوا كلهم مع بعض لحضور صلاه العيد .
الحريم والبنات كلها كانت فى المطبخ بتجهز للفطار وخرجوا اول لما سمعوا صوت الحاج صفوان والحاجه انعام بره .
ويا دوبك كان سليم لسه واصل علشان يحضر معاهم صلاه العيد لاول مرة فى حياته هو وجدته .
والكل رحب بيهم وسلموا عليهم .

الحاج صفوان بكل حب وحنيه بصلهم كلهم وقال .. كل سنه وانتم طيبين جميعا .. وعيد فطر سعيد عليكم .. وربنا يديم لمتنا دى على طول وما يفرقنا ابدا عن بعضينا وتفضلوا ايد واحده كده على طول ويخليكم لبعضكم .
الكل بدأ يسلم عليه ويبوس ايده هو والحاجه انعام وكمان الشباب باسوا اباهتهم وامهاتهم وعيدوا عليهم .. فى روح عائليه جميله من الجدود لحد الاحفاد .
وفى الاخر كل واحد راح جنب خطيبته وعيد عليها بكل حنيه ورقه وبعدها خرجت الرجاله مع الحاج صفوان وكمان الشباب كلهم لصلاه العيد .
اما البنات طلعت غيرت لبسها بعد تجهيز الفطار ولبسوا لبس جديد وحطوا مكياج خفيف وبقوا كلهم زى القمر .

وبعد حوالى ساعه كان الكل جه من صلاه العيد والسفره كانت فى انتظارهم والفطار كان شاى باللبن وكعك وبسكويت وقرص طريه وكمان القراقيش اللى بالعجوة اللى الكل بيحبها والفايش كمان .
اتجمع الكل فى مكان واحد وعلى سفره واحده يرأسها الحاج صفوان والحاجه انعام بكل فرح وحب وطيبه وحنيه وفرحه عيد الفطر .
وبعد الفطار قام الحاج صفوان كبير الكل وبدا يوزع العيديه على جمييييع احفاده وكمان عياله وحريم عياله .. وفى وسط دول كلهم ميقدرش ينسى ابدا شريكه عمره الحاجه انعام .

كل واحد قرب منه وخد عديته وهو فرحان وسعيد ومش مهم العديه صغيرة كانت او كبيرة .. ده رمز لفرحه العيد وخصوصا عند الاطفال والكل بيفرح بيها وبالذات لما تكون من الجد او الجده بيكون ليها طعم تانى خالص ومختلف .
الكل خد عديته وفرح بيها الا المنيل على عينه عدى اللى ميقدرش يعدى اى موقف غير لما نشوف منه اى حاجه تضحكنا .
عدى مسك عديته وبص فيها وقال .. ايه يا جدى دى نفس عديه السنه اللى فاتت ما تشخلل جيبك شويه كمان انت ناسى انى خاطب هدى وورايا حاجات كتير لزوم الفرح ولا ايه يا حاج .
الكل ضحك عليه وكعادته اللى مش هايبطلها ابدا هزاره وضحكه وخفه دمه .

الحاج صفوان بصله اوى وضحك وقال .. اول مرة فى حياتك يا واد انت تقول كلمه صح .. تعال خد بزياده اهو علشان تدى خطيبتك عديتها وتشوف الحاجات اللى انت عاوزها .
وقام مطلع فلوس كتير وقال .. وانت يا قصى خد وادى خطيبتك وانت يا فهد وانت يا فارس خدوا وادوهم وفرحوهم .
واعملوا حسابكم الفرح فاضل عليه اربع ايام وانا دعيت الناس كلها اللى فى البلد والبلاد اللى جنبنا .. الفرح هايبقى كبيييير اوى .. وباذن الله هايكون اكبر فرح فى الصعيد كله علشان فرح احفاد عيله السيوفى كلهم وكمان عيله على الجبلاوى .
ربنا يفرحكم ويسعدكم ويتمها على خير .

عدى الاربع ايام بسرعه وجه يوم الفرح والسرايه كانت زى خليه النحل بالضبط.
كل واحد مسؤول عن حاجه بيعملها من الكبير للصغير .
الرجاله فى استقبال الضيوف اللى بدؤا يجوا من بدرى وكان فى استقبالهم الحاج صفوان وجبل وصلاح .
وعصام وحسين بيشرفوا على الجزارين والطباخين اللى بيجهزوا الاكل من قبلها بيوم .
والشباب كلها كانوا مسؤلين عن الساحه الكبيرة اللى اودام السرايه وهايتعمل فيها الفرح .

وكانوا بيشرفوا عن كل شىء فيها من كهرباء وزينه وانوار وفراشه وكراسى ومسرح كبييير وميكرفونات وتربيزات ودى جى .
عدى الوقت بسرعه والبنات كان معاهم كذا ميكب ارتس علشان يقدروا يجهزوا الخمس بنات من غير تاخير .
الحاجه انعام كانت فى استقبال الضيوف اللى كانت بتيجى تبارك وتهنى هى والحريم وجده سليم .
الشباب كانوا خلصوا كل شىء واطمنوا على كل حاجه انها مضبوطه وزى ما هما عاوزين .
وبعدها طلعوا على اوضهم علشان يستعدوا للفرح ويخدوا شور ويلبسوا بدلهم .

وفى لمح البصر الوقت كان ازف والكل خلص لبسه منهم وكل واحد كان مختلف عن التانى فى تسريحته واستايله وبدلته ولونها بس فى الاخر كلهم كانوا زى القمر .
وفى اوضه البنات كان الوضع مختلف خالص
ملك وهدى فى اوضه مع بعضهم وكانوا خلصوا مكياجهم ولبسوا فساتنهم البيضه وكانوا زى القمر وحلوين جدا جدا .
وفى الاوضه الكبيرة كانت ضحى وسلمى وفرح خلصوا هما كمان كل حاجه وكانوا زى الاميرات بالضبط من كتر حلاوتهم .
الباب خبط ودخلت الحاجه انعام علشان تشوفهم واول ما دخلت وشافتهم زغرطت بفرحه وقالت .. الله اكبر ما شاء الله زى القمر يا حابيبى .. وحضنتهم وباستهم وقالت ادخل يا عريس منك ليه كل واحد يجى ياخد ايد عروسته .

وفعلا دخل قصى وسليم وفارس بابتسامه جميله و اتفاجؤا بجمال وحلاوة البنات وكل واحد مد ايده لعروسته وباسها وخرج من الاوضه .
الحاجه انعام .. استنونى هنا يا عرسان لما اشوف هدى وملك خلصوا ولا لسه .
ودخلت اوضه البنات وفرحت بيهم هما كمان وبحلاوتهم وقالت ما شاء الله عليكم وباستهم وحضنتهم وقالت ادخلوا يا عرسان .
ودخل فهد وعدى اللى كانوا حلوين اوى هما كمان وفرحوا جدا لما شافوا ملك وهدى بحلاوتهم وجمالهم ده ومدوا اديهم وباسوها وخرجوا من الاوضه ونزلوا على تحت كلهم فى منظر روعه وجميل جدا وكان الكل فى انتظارهم تحت .

الحاج صفوان فرح جدا اول لما شافهم وباسهم وحضنهم كلهم وقال .. الف مبروووك ليكم وربنا يسعدكم ويهنيكم يا حبايب قلب جدكم من جوه .
وبعدها راحوا كلهم على مكان الفرح والاغانى اشتغلت والكل كان فرحان وسعيد بفرح احفاد عيله السيوفى كلهم .
وكانت اول اغنيه تشتغل زى ما الشباب طلبت كانت احنا الصاعيده .

في الصعيد علمونا
ان الرجولة مش كلام
فهمونا معنى كلمة إحترام
فسرولنا يعني ايه راجل تمام
إحنا الصعايدة وصيتنا سابق قبلنا
إحنا الأصول وإحنا الكرم والجدعنة
اللي يشترينا بروحنا نشتريه
واللي بيعادينا مابنغلبش فيه
ده اللَيّ يَشْتَرِينا بِرَوْحنا نَشْتَرِيهُ
وَاللَيّ بيعادينا مابنغلبش فِيهِ
لينا كلمة ولينا هيبة وفي بلدنا الكدب خيبة
لينا كلمة ولينا هيبة وفي بلدنا الكدب خيبة
ع الرجولة شب عودنا عمرنا ما نبدأ بعيبة
سلو بلدنا الرجولة والغدر منعرفوش
ده اللَيّ يَشْتَرِينا بِرَوْحنا نَشْتَرِيهُ
وَاللَيّ بيعادينا مابنغلبش فِيهِ
حدانا بالصعيد بنكبر الكبير
وبنسند الضعيف وبنكرم الفقير
حَدانا بِالصَعِيد بنكبر الكَبِير
وبنسند الضَعِيف وبنكرم الفَقِير
دمنا حر وعرقنا حامي
ع الحق ندافع ونحامي
مانخافش إلا من اللي خالقنا
وماتفرقش معانا أسامي
دِمَناً حَرَّ وَعَرَقنا حامُيَ
ع الحَقّ نُدافِع وَنُحامِي
مانخافش إِلّا مَن اللَيّ خالِقنا
وماتفرقش مِعانا أُسامِي
لَيّنا كَلَمَّة وَلَيَّنا هَيْبَة وَفِي بَلَدنا الكدب خَيْبَة
ع الرُجُولَة شَبّ عَوَّدَنا عُمْرنا ما نَبْدَأ بِعَيْبَة.

كل الشباب كانت بترقص وهى فرحانه والكل فرحان ليهم وبيهم .. وكمان الحاج صفوان رغم سنه الكبير وصحته الا انه قام ووقف فى وسطهم بعكازه ورقص معاهم من فرحته بيهم .
حتى كل الموجودين كانوا بيرقصوا على أنغام اغنيه احنا الصاعيده وفضلوا يرقصوا ويرقصوا بكل فرحه وحب لاحفاد كبيرهم وعدى الوقت على طول وخلص الفرح والعرسان كل واحده خد عروسته على اوضته .

حتى سليم جهزوا ليه اوضه علشان يحضر اول اسبوع ليه فى جوازه معاهم زى ما الحاجه انعام طلبت منه وهو مقدرش يرفض لها طلبها ووافق على طول .
الكل دخل اوضته وقفل بابه عليه وبدأت البنات كلها تحس بالخجل والخوف لمجرد ان الباب اتقفل عليها هى وعريسها .
عدى دخل هو و هدى وقفل الباب وحس بخجل هدى جدا وشافها وقفت فى وسط الاوضه وعماله تفرك بايديها جامد .
فقلع جاكيت البدله بتاعته ورماه على السرير وقرب منها ومسك اديها وقالها .. مش هانحكى الحواديت بقى هدى وشها احمر اوى .. عدى بصوت عالى ضحك وقال ليلتك يا عدى يا سيوفى .

هدى بخجل .. وطى صوتك يا عدى مش كده ممكن حد يسمعنا .
عدى قرب منها اوى ومن وشها وفجاه قال .. دقيقه واحده نسيت حاجه تحت وهارجعلك على طول يا عروسه خليكى زى ما انتى وفتح الباب وخرج .
هدى باستغراب .. المجنون ده خرج وراح فين فى وقت زى ده .
فهد كان فى اوضته وكان واقف وعيونه على ملك وكان شايفها جميله اوى اوى .
فقرب منها ومد ايده ليها ومسك اديها وقال ..
وقبل ما يقول اى حاجه ....

الباب خبط فراح يشوف مين وفتح الباب وشاف عدى اودامه وقال .. عاوز ايه يا ابنى انت دلوقتى وايه اللى خرجك من اوضتك .
عدى بص يمين وشمال وبصوت واطى اوى قرب من وش فهد وقاله حاجه فى ودنه .. وده اللى خلى فهد يدخل لملك ويستاذن انه هايروح يجيب حاجه نسيها تحت هو وعدى .
وقالها خليكى زى ما انتى اوعى تتحركى من مكانك وخرج من الاوضه وقفل الباب وراه .
نزل فهد وعدى على تحت وخرجوا من السرايه للجنينه وراحوا لحد اوضه رفاعى .
وخبطوا عليه بشويش لحد ما فتح لهم .

وفى اوضه فارس وسلمى .. الوضع كان مختلف جدا واول حاجه عملوها لبدايه حياتهم مع بعض انهم اتوضوا وصلوا ركعتين ودعوا ربنا انه يسعدهم ويتملهم على خير .
وبعد ما خلصوا .. فارس قرب منها وقال .. مبروك يا حبيبتى انا اسعد واحد النهارده فى الكون كله .
سلمى بمنتهى الرقه ابتسمت وقالت .. وانا كمان سعيده وفرحانه يا فارس .
فارس .. بتقولى ايه .. فارس بس !!
وقرب منها جدا جدا وعيونه بقت فى عيونها وقال .. احلى واجمل واطعم فارس سمعتها فى حياتى وفى لحظه قرب من شفايفها و...

اما بقى فى الاوضه اللى جنبهم واللى كان فيها سليم وضحى كان فيه اختلاف شاسع عن باقى الاوض .
ضحى كانت استاذنت من سليم و دخلت الحمام وغيرت فستانها الابيض ولبست حاجه رقيقه اوى وخرجت وهى مكسوفه .
سليم كان قلع بدلته ولبس شورت وفانله واول لما شاف ضحى خرجت من الحمام راح ليها ومسك اديها وقال .. مكنتش اعرف انى بحبك اوى كده يا ضحى .. انا كأنى اول مرة اشوفك واعرف انك جميله اوى اوى كده .

ضحى وشها احمر اوى اوى و بخجل ردت وقالت .. ربنا يقدرنى انى اسعدك و... بوسه سليم ليها كانت كفيله انها تروح فى دنيا تانيه اسمها العشق
وفى اوضه قصى وفرح الجو كان رومانسى وهادى وجميل زى ما استعد ليه قصى بالضبط فاولع كذا شامعه مع الاضاءة الخفيفه والموسيقى الرومانسيه وانتظر خروج فرح من الحمام .

فرح من كتر توترها وخوفها استأذنت ودخلت الحمام وقفلت على نفسها وفضلت جوه لاكتر من نصف ساعه وده اللى خلى قصى يقلق عليها فقرب من الباب وخبط عليها وقال .. فرح انتى كويسه .. كل ده بتغيرى الفستان يا حبيبتى .
فرح بخوف وتوتر ردت وقالت..... انا لسه مقلعتهوش اصلا مش عارفه افتح السوسته وده اللى مخرجنيش لحد دلوقتى .
قصى بضحك رد وقال .. طيب افتحى يا حبيبتى وانا افتحالك متخافيش .. مش معقول هاتفضلى قاعده جوه كده .

فرح بتوتر راحت فتحت الباب وبصت لقصى وشافته غير لبسه فامشيت بسرعه من جنبه وقلبها بدا يدق جامد جدا ووقفت فى اخر الاوضه .
قصى بخباسه ابتسم وراح جنبها وقال .. تسمحى افتحها انا يا حبيبتى .
فرح ردت بالعافيه وقالت .. ماشى .
قصى ما صدق وراح ناحيه السوسته ومد ايده عليها وبدا يفتحها بشويش اوى اوى .. وده اللى خلى فرح دقات قلبها تزيد جدا وبدأ جسمها يرجف من مجرد انها حست بايده على ضهرها لحد ما فتحها كلها .

وحست بحراره أنفاسه على جسمها وبقبلات رقيقه بدا يوزعها قصى حست بانهيار كامل لاعصابها و..
عيب بقى سيبوهم فى حالهم بطلوا رخامه وتعالوا نشوف عدى وفهد بيهببوا ايه مع بعض من ساعه ما راحوا لرفاعى .
رفاعى بعد ما خبطوا عليه فتح لهم الباب واداهم شنطه سودا وقال .. اوعى الحاج صفوان يعرف ان انا اللى جبتهم يا عدى بيه .. بدل ما يقتلنى وحيات ابوك .
عدى خد الشنطه بسرعه من ايده وقال .. متخافش يا رفاعى هو انا اهبل ادخل واقفل الباب بسرعه بدل ما حد يشوفنا .

وبسرعه قفل رفاعى عليه الباب ومشى عدى وفهد ودخلوا السرايه وراحوا على المطبخ وجابوا كوبيتين وراحوا قعدوا بره بشويش علشان محدش يحس بيهم
فهد بص لعد وقال .. انا هاشرب يا دوبك كاسين اتنين مش اكتر علشان الحق اطلع للعروسه زمانها منتظرانى .
عدى بصله ورد وقال .. ده على اساس انى مش سايب عروستى انا كمان .. انا هاشرب برضه كاسين ونطلع سوا على طول مع بعض
علشان ورايا حواديت عاوز احكيها لهدى
فهد ضحك واداله كوبايه وقال .. طيب صب يا اخويا صب.

النور شقشق وطلع النهار على العرسان بعد ما قضوا ليله جميله والحاج صفوان والحاجه انعام زى عاويدهم كانوا صحيوا من بدرى وخدوا بعضهم وخرجوا من اوضتهم ونزلوا على تحت واول لما نزلوا اتصدموا لما شافوا عدى وفهد كل واحد فيهم نايم على كنبه والأنيل انهم لسه بالبدل بتاعه فرحهم .
الحاج صفوان بص للحاجه انعام وقال .. البلاوى دى بتعمل ايه هنا فى وقت زى ده وايه القرف اللى حواليهم فى كل حته ده وكمان باللبس الفرح .
الحاجه انعام بصدمه ردت وقالت .. العلم علمك يا حاج .. وقربت من الشباب وبدات تصحيهم بس ما قدرتش تصحيهم من كتر التعب اللى كانوا فيه من الشرب .
الحاج صفوان قرب هو منهم وبعكازه بدا ينغز فيهم لحد لما صحيوا وفتحوا عيونهم بالعافيه وبصوا لبعض .

عدى باستغراب هرش فى راسه و بص لفهد وقال
انت مين ياض.
فهد بصله هو كمان باستغراب اكتر وقال انت اللى مين يااااض .
وكل ده والحاجه انعام واقفه بتتفرج عليهم هما الاتنين .
والحاج صفوان بكل غضب رفع عكازة عليهم وقال .. انتم كمان لسه هاتتعرفوا على بعض اودااااامى ليله صباحيتكم يا بهايم والله لا اموتكم .
ولسه هايقرب منهم الا جرى عدى ووراه فهد على طول زى الصاروووووووخ .
الحاج صفوان .. خد ياض خد ياااااض منك لييييييييييه .
وضع القراءة